مطبخك في رمضــــــآن سيدتي

[rima29]

فطورك يشهي ابتسام بصحتكم
قوليلي كيفاش درتي هاذي

​

 

[كوثر الوهرانية]

مساء الخير عليكم
رز الله يعطيك الصحة على البسبوسة جاتك روعة سخفتيني فيها بصحتكم
ام دودو وينه طبق لدرة الي راكي تهدري عليه ام باين يجي بنين الانه وصفة ندوشة بصح وينه الراب با انا تاني ننقل
بسومة على سلاتكم اختي كل شيء و الضو كي ينقطع
راني نستن في فطورك تع البارح باش نفطر يه
اليوم درت شربة و عجنت الخبز تاع الفرينة في الفور و حميص و عجنت ارخسيسكيما نقولوا حنا الفطيرة باش نشرب بيها الشربة جات في خاطري و درت كلمار فارسي بصلصة الطماطم و معقودة و سلاطة و متبل و محلبي و للسهرة راجلي جاب الشامية و انا راني رايحة عند خويا نرقب عليه

 

[كوثر الوهرانية]

بسومتي فطورك يشهي الله يعطيك الصحة اختي

 

[ibtesem]

ريمة تفضلي الوصفة

قالب الدجاج
المقادير :
نصف كيلو صدور دجاج او دجاج مفروم
بصلة مفرومة
فص ثوم
2 بيضة
نص كوب كريمة
(جزرة - كوسة) مقطعين صغير جدآ - ذرة
ممكن استعمال بسلة بدل الذرة
انا هنا استغنيت على هدي المرحلة
عملت فرماج مقطع والزيتوناخضر مقطع
ملح - فلفل
نفرم الدجاج مع البصل والثوم والملح والفلفل
​

ثم نضع البيض والكريمة ونخلط
حتى يصبح خليط كريمي ناعم .
نخلط الخضار مع الخليط بالملعقة
او زيتون والفرماج مثل ماعملت انا

ندهن قالب زيت ونضع به الخليط على ان يكون قدقد
نضعه في حمام مائي
وندخله الفرن حتى ينضج
ننتظر حتى يبرد ثم نخرجه من القالب ونقطعه
تقدري تحطيها فوق الارز او السلطة

​

 

[روز]

الله يسلمك ام ندى

ابتسام ارواحي نعطيك شوية كوراج
الكوراج الزايد باش يوصلني للمحال ههه

هاذي مائدتي المتواضعة بصحتكم وش باش اطيبو
ومرسي لكل لي عجبتهم البسبوسة
طعمها جا يهبل أحسن من لي كنت نخدم فيها كليت زوج حبات اممممم

 

[ibtesem]

تعرفي روز كل يوم الاكل راح كيما راح غير نرمي فيه ربي يغفرلي وانا نتبع في البنات مايكلو ما والو
اليوم مانطيبش
يمكن حاجة حلوى برك للسهرة مع الشاي

 

[nada242008]

ماكنتش علبالي بلي في المريكان ثاني وعندهم انقطاعات الكهربا :scared: حسبت غير عندنا..بصحتك ابتسام فطور يشهي خاصة قالب الروز
روز كالعادة طابلة سامبل وتشهي هههه عجبني هذاك الكاس الطوييييييييييل ماصابها قرعة كوكا مسامياتو :luve_2::luve_2:
--
كوثر بصحتك مسبقا طاجين الضرة هو نفسو الكفتة اللي حطيتها من قبل ابعثيلي شوية خبز
انا نضت نعجن زعما جاتني واحد الدوخة قريب فطرت والله
راني بعثتو يشري في البريوش الله غالب

 

[روعة2005]

بسومة فطوركم يشهي رانا كيف كيف حتى انا البارح رقدنا هكاكا صون ضو

 

[روز]

لالا رام ترمي يا ابتسام حاولي تنقصي
ولا كي يبقالك سييي زيدي عليه فريت ولا لحم وماترميهش
راكي كما انا كي يبقالك ماكاش فقراء تمديلهم

 

[روز]

روز كالعادة طابلة سامبل وتشهي هههه عجبني هذاك الكاس الطوييييييييييل ماصابها قرعة كوكا مسامياتو :luve_2::luve_2:

وش واش واش تحرضي فيا باش نشري قرعة نتاع كوكا حرام عليك خافي ربي فيا هههههه
يكفي البسبوسة راهي مقابلتني كل ماندخل للكوزينة :sad:

 

[imane27]

بسومة وروز طوابلكم يشهو بصحتكم

 

[أم فاروق]

مساء الخير جميعا ماشاء الله عليكم صحا فطورك روز انا عندي لفطور كيما راه وراني حلفت حتا كون يبقى ليوم مفطرتو بيه غدوا والله حرام رانا نرميو فيه كيما راه والله ناس مش لاقية وش تاكل ولا وش تقولوا لبنات

 

[روعة2005]

مشاء الله روز مايدتك جد راقية والله سخفت نكون مسامياتك وبصحتكم الفطور حبيبتي

 

[روز]

عندك الحق ام فاروووق
يابنات كي يكون بيبقالكم الاكل ما اطيبوش حراااااام تترمى الماكلة
والله حرام بالعكس تتهناو باش تلقا ووقت كاش ماتقراو قرآن تلقاوه في ميزان حسناتكم
انا البارح بقالي طاجين الزيتون زدت عليه حبات قرنونة باللحم برك وسلاطة حتى السلاطة مع السخانة ماقدرناش ناكلوها ...

 

[روز]

مشاء الله روز مايدتك جد راقية والله سخفت نكون مسامياتك وبصحتكم الفطور حبيبتي

الله يسلمك ايمان مرسي

الله يسلمك ياغالية يا عفوفة ربي يحفظك

يارييييييييت كنتي حذايا كنت نسيك حاجة اسمها منتدى اللمة i-o:هههه

 

[rima29]

شكرااااااااااااااا على الوصفة ابتسام
وصح فطوركم روز​

 

[ام ايناس]

بصحتكم بسوم الطابلة تشهي كون عيطتي لاختك جي تونسك اكبر خوافة كي تشوفيني خايفة يجيك الكوراج هههههه
روز طابلة وعليها الكلام يعطيك الصحة كيما قالت ندوش خصاتك القازوز
انا رايحة نعمل البوراك درك
ام ندوش ربي يعينك والله راني حاسة بيك ما تكثريش مالوقاف

 

[ايمان التلمسانية]

ابتسام وروز طوابلكم يشهيو يعطيكم الصحة
انا راني غير فالكوزينة عاد دروك خرجت منها
فطورنا اليوم
حريرة
جلبان مع الدجاج
السلايط (روز و خس)
بيتزا
وليفريت والفلفل كيما العادة والفواكه العنب والخوخ والفلان بالبيمو
​

 

[أم دودو]

أنا تاني ما نكثرش المواكل لخاطر ما ناكلوش و زيد ماناش عايلة
المهم راني جايبة ليكم البريوش تاع الدار كي غير خرج من الفور

قولولي واش رايكم فيه
​

 

[ام ايناس]

بصحتكم ايمان التلمسانية الفطور
ام دودو حسبتو مشري يعطيك الصحة انا كملت كلشي بقالي البوراك نقليه