ضيفتنا الاولى في كوزينة جزائرية

[الاختان سوسو ونونا]

السلام عليكم
واشراكي؟
يعطيك الصحة على الاطباق اللي تقديماها ورانا نستفادو منها
قبل مانكونو عضوتين كنا زائرتين وكنا من الفانز التاعك fans
هل ممكن نعرفو من اي ولاية انتي؟
هل انتي ست محجبة؟
هل ناضتلك الحمة كاش نهار في نص الليل وطيبي حاجة والغاشي راقد؟

صحا فطورك وصحا رمضانك we love u

 

[روز]

مالقيت حتى سؤال نسقسيهلك..!! كملتو كل شي اوكي نخترعلك اسئلة

شكون الشخص ولا الشخصة ههه لي في المنتدى عاجباتك وحبيتي تتتعرفي بيها

اهم صفة تحبيها تتوفر في شريك حياتك (ماتجاوبيش الاجابة العادية يكون مدين وعاقل رانا نعرفوهم هادوك هه)

وش الخطأ لي مش ممكن تسامحي فيه أي شخص وممكن تفترقي مع الشخص لي عملولك على جالو

لو كتبتي مذكراتك في كتاب..وش رايح يكونعنوان الكتاب
هيا عفوفة جاوبيني ترى ..!

 

[nada242008]

ماقصرتو يا بنات ههههه زيدوها :sheer::sheer::sheer:

 

[ibtesem]

بلاكو تحشو يالبنات غير سقسو
قلبها واسع وكبير

 

[عفاف الجزائرية]

يا سلالالالالالالالالالالام
رحت نقلي في البوراك جيت لقيتكم قليتوني
مالا دونو دونو اسئلتكم على العين والراس
الادان عندنا مزاللو نصف ساعة
جهدي نوجد الطابلة
بعد الفطور نتلاقاكم وعلى عيني اسئلتكم كلكم
صحا فطوركم واني نجي نطل ساعة ساعة كشما تزيد الميزانية نتاع الاسئلة


-----------
اما روز ياو تجي ولا ما تجيش كون ما نشنقكش مانيش عفاف

----------
ابتسام وندوش بطلت ما نحبكمش
​

 

[عفاف الجزائرية]

سلام عفاف
صح رمضانك بالصحة و الهنا ان شاء الله
اهلا اختي تسنيم
وانا درك نقوللك صحا لفطورك
أسئلتي هي:
** واش تحبي تطيبي اكثر الاكلات ولا الحلويات؟
يا اختي والله نقولك الصح
ساعات تجيني فترة نحب نطيب القواكو اكتر وساعات الاكلات اكتر وساعات نكرههم في زوج :showoff:

** تقلقي كي ما تصلحلكش شي حاجة تعبتي عليها بزاف؟
اكييييييد ونحلف ما نزيدش نعاودها

** انا عندي ميزة الحاجة كي نقوم بيها بزاف تجي مارقة و كي نسقدها تسقاد تجي بنينة و تهبل ، هل عندك نفس الشيء؟
لالا عادي يعني الحاجة منين تمشي على يدي ونولي نعرف نخدمها ماشي مشكل منين يطلبوها نعملها
** كي تقلقي من الدار و تحبي تخرجي تبدلي جو وين تروحي للديار''مثلا دار صاحبتك، خوك، اختك، عمتك،....فامي'' و لا تروحي للسوق و لا جاردان تقعدي فيه؟
عندي خالتي بناتها في السن نتاعي ومتفاهمات بزاف نتلاقاو ولا عندي زوج صحاباتي سمية وحنان تاني منين نقلق ولا تقلق وحدة فينا نتلاقاو ولا نخرجو ولا اي حاجة المهم ننحيو على الخاطر
** سقسيتيني هذيك المرة على الرخساس لي كنت حاطاتو قلتيلي هذا مغصوبة، ما فهمتش واش هي مغصوبة هذي؟ مع العلم انو كان رخساس عادي مبسسس بالزيت و فيه مغرف صغيرة خميرة
المغصوبة هيا تاني رخساس احنانديرو فيه بيضة وشويا خميرة ومغرف صغيرة سكر وملح وزيت يجي مبسس ونفس الوقت هشيش ويجي وردي هذي هيا المغصوبة عندنا
هذا لي يحضرني الحين ربي يقبل صيامكم و قيامكم و سلامي موصول للوالدة الكريمة
والله هيا راها درك قاعدة معايا وتسلم عليك تاني
صحا لفطوركم اختي تسنيم
صحة مورا لفطور
​

منورة اختي لعزيزة صحا لفطورك وربي يهنيك
​

 

[sokito]

صح فطوركم يأهل اللمة
​

 

[عفاف الجزائرية]

سلام اخت عفاف وصح رمضانك وكل عام وانتي والاهل با الاف خير
اهلا اختي اسماء الله يسلمك وبدوري نقوللك صحا لفطورك
ابدا با بعض الاسئلة منطولش عليك

لو طلبو منك ان تنمي هده الهواية (طبخ) يعني تدرسيها هل تقبلي؟
اكيد غير الطبخ ما نقولش عليه لالا
ديجا درك في سبتمبر نرفد ديبلوم نتاع حلويات
نفرض انك متزوجة واتمنى لك زواج من كل قلبي وطلب منك زوجك ان تطبخي له
اكلة يحبها ولكن انتي لا تحبيها ولن تنجح معك ؟ماهو موقفك
هات ما يطلبش مني نطيبلو العدس برك لاني اكيد كون يطلب مني رح يديني لدارنا باسكو ما نحبوش وما نعرفش نطيبو الصراحة
واش رح يكون موقفي نطيبهالو وامري لله
هل تهتمي با اناقة المائدة وشكلها كما تهتمي با المضمون؟
اكيد العين تاكل اولا
هل كل رمضان تطبخين وحدك ام مع الوالدة؟
لالا اعوام كيما كنت انا وماما كنا نطيبو مع بعض
ودرك جات مرت خويا الحمد لله نتعاونو

هل تزعجك بعض الانتقادات من الاخ او الاب او الام بخصوص الطبخ؟
تحكمني الفشلة نتاع ماروكو

عندما تكوني وحدك تقولين انا طباخة بمعني الكلمة؟
ما نحبش نتعجب بروحي بزاف
ديما نقوللكم ما تضحكوش عليا في مواضيعي نتاع الطبخ
لانه الواحد قد ما يعرف قد ما يقول ما نعرفش
ارجو اني لم اكن تقلية عليك اخت عفوفة الحبوبة
ماشي كيما اناااااااا والو يا مكحاينك

سؤالين اخيرين


وخاااااص



هل لديك الطولة البال من اجل تعليم الطبخ؟

ايه اني قلتلك على المطبخ نموت
عندي صبر وقلب كبير وطولت البال لوكان حبة قاطو نحكم معاها 4 سوايع

لو خيروك بين الزواااااااااااج والطبخ مادا تختاري؟

نخمم ونجاوبك :cra_zy:

صح فطوووووووووووووووووووووورك
​

الله يسلمك منورة اختي اسماء وروحي ترقدي راكي تعبانة بزاف:showoff:
​

 

[عفاف الجزائرية]

السلام عليكم
واشراكي؟

اهلا خواتاتي سوسو ونونو
يعطيك الصحة على الاطباق اللي تقديماها ورانا نستفادو منها
الله يسلمك الحمد لله انها تنال اعجابكما
قبل مانكونو عضوتين كنا زائرتين وكنا من الفانز التاعك fans
هل ممكن نعرفو من اي ولاية انتي؟
من ولاية المسيلة
هل انتي ست محجبة؟
ايه محجبة والحمد لله
هل ناضتلك الحمة كاش نهار في نص الليل وطيبي حاجة والغاشي راقد؟
هاذي انا اكبر فنيانة فيها
يعني نخيب في روحي ما ننوضش نطيب
صحا فطورك وصحا رمضانك we love u

الله يسلمكم وربي يخليكم يا طيبات منورين
صحا لفطوركم
​

 

[عفاف الجزائرية]

مالقيت حتى سؤال نسقسيهلك..!! كملتو كل شي اوكي نخترعلك اسئلة

يعني ما تقدريش ما تخترعيش
او يخلعوني اختراعاتك اختي روز
​

شكون الشخص ولا الشخصة ههه لي في المنتدى عاجباتك وحبيتي تتتعرفي بيها
ندى الورود

الاخت ندى برغم عدم معرفتي بها لكن نعزها بزاف مانعرف علاه
​

اهم صفة تحبيها تتوفر في شريك حياتك (ماتجاوبيش الاجابة العادية يكون مدين وعاقل رانا نعرفوهم هادوك هه)
مالا واش تحبي نجاوب

شوفي تكون الثقة والتفاهم والقلب الكبير والصراحة هاذو نضنهم جدد واش رايك ولا اذا حبيتي نبدلوهم
​

وش الخطأ لي مش ممكن تسامحي فيه أي شخص وممكن تفترقي مع الشخص لي عملولك على جالو

انه يخدعني وانا نمشي بنيتي
ولا يتعالى عليا
كل شي ممكن نتحملو ونفوتو الا انني نتقاس في كرامتي هاذي مستحيل نسمح فيها
​

لو كتبتي مذكراتك في كتاب..وش رايح يكونعنوان الكتاب
هيا عفوفة جاوبيني ترى ..!

عنوانو يكون:

خلي اني نخمم مباعد نرد عليه:shiny::shiny:

روز نوصيك مازالو كاينين ضيفات اخريات
اذا ما لقيتيش اسئلة ما تخترعيش مري عليهم اولسلام
اختراعاتك راهم يخلعو

صحا فطورك حنونة واتهلايلي في روحك نحتاجك بعد رمضان:showoff::showoff:
​

 

[la_safa]

تيــــــــــــــــت تيــــــــــــــــــت راني جيـــــــــــــــت

عفوفة راهم عصروك وحد العصرة غدوا تنوضي مدقدقة هههه

ايا مالا انا نخليك ترتاحي نجيبلك سؤال واحد برك باه ماتقوليش طاطا جيتي تحامي عليها خخخخ

واش هو احساسك كي تدخلي للمطبخ
و سيرتو كي تلقاي كلشي كاين و تطيبي و تخربشي و تنوعي كيما تحبي ؟؟

هيا سلامو و مرسي طاطا ندى عالموضوع الهايل .. /
​

 

[عفاف الجزائرية]

تيــــــــــــــــت تيــــــــــــــــــت راني جيـــــــــــــــت

عفوفة راهم عصروك وحد العصرة غدوا تنوضي مدقدقة هههه

ايا مالا انا نخليك ترتاحي نجيبلك سؤال واحد برك باه ماتقوليش طاطا جيتي تحامي عليها خخخخ

واش هو احساسك كي تدخلي للمطبخ
و سيرتو كي تلقاي كلشي كاين و تطيبي و تخربشي و تنوعي كيما تحبي ؟؟

هيا سلامو و مرسي طاطا ندى عالموضوع الهايل .. /
​

شوفو شوفو الفراشة كي جات وحطت
اهلا صفصف
المهم احساسي كي ندخل للمطبخ وركزيلي كي نغلق الباب ونلقى كل شي
نحس روحي رانا في هوليود مع الكوكوطة والمقلة ههههههه
والله نحس بالراحة ونلقى يدي في الطياب سيرتو كيما قلتي كي نلقى كل شي

ايا مرسي ليك كي جيتي طلة خفيفة واتهليتي فيا
اتهلاي في روحك عزيزتي
​

 

[ISMA.dz]

مساء الخير وصح فطورك أختي عفاف انتي وكل اللي هنا


حبيت برك نسألك انا الله يبارك تعجبني اطباقك والله ديما متميزة فيهم وانا نحب نسرق وصفاتك ونجربهم :music_whistling:والله ماشاء الله

سؤال واحد باش مانقلقكش انا الله يبارك خويا يغلبو رمضان ويحب يتشرط عليا فالماكلة وكل واحد وش يقولي ديريلي لكن نتقلق ونديرها بالزعاف حتى تحصلو مسكين :schmoll:هههههه

يعني انتي كي تكوني تنوعي ويبقاو يتشرطو عليك فالماكلة هل تتقلقي وترفضي ام ديريها بالتشناف ام بصدر رحب

انشاء الله مانكونش قلقتك

سلامو:sheer::sheer:​

 

[عفاف الجزائرية]

مساء الخير وصح فطورك أختي عفاف انتي وكل اللي هنا

الله يسلمك اهلا بيك اختي ايسما ولا اسماء
حبيت برك نسألك انا الله يبارك تعجبني اطباقك والله ديما متميزة فيهم وانا نحب نسرق وصفاتك ونجربهم :music_whistling:والله ماشاء الله
والله اختي هاذا شرف ليا ربي يخليك
سؤال واحد باش مانقلقكش انا الله يبارك خويا يغلبو رمضان ويحب يتشرط عليا فالماكلة وكل واحد وش يقولي ديريلي لكن نتقلق ونديرها بالزعاف حتى تحصلو مسكين :schmoll:هههههه
_o:_o:
يعني انتي كي تكوني تنوعي ويبقاو يتشرطو عليك فالماكلة هل تتقلقي وترفضي ام ديريها بالتشناف ام بصدر رحب
شوفي انانقوللهم جيبولي المستلزمات واطلبو واش تحبو
يعني ماشي كاينة حبة بطاطا وحبة بصل وتقولولي دبري راسك

اما على خوك ولا في اي جهة اخرى
وصية من عندي كبري قلبك قد ما تقدري باسكو كي يكون قلبك كبير تقدري تعيشي في هذ الزمان ااما اذا كان قلبك صغيروبالخف تقلقي ما تقدريش تعيشي
على هذا ديري كيما انا كبيري قلبك واصبري وكل شي فاني يعنيحاجة ما راح تلصق في اليد
انشاء الله مانكونش قلقتك
سلامو:sheer::sheer:​

لالا اختي العكس والله نورتيني بسوالك
ربي يخليك وصحا لفطورك وصحا لرمضانك تاني
سلامي لداركم
​

 

[ISMA.dz]

لالا اختي العكس والله نورتيني بسوالك
ربي يخليك وصحا لفطورك وصحا لرمضانك تاني
سلامي لداركم
​

شكرا ليك أختي عفوفة على الاجابة وشكرا على النصيحة الغالية :shay:واكيد ناخذ بنصيحتك الله غالب ختك مقلقة بزاف وتحصل وحدها فالكوزينة ويزيد عليها خوها يتشرط بالسيف تتقلق لكن انشاء الله نوسع خاطري معاه

ربي يخليك حنونة :sheer:

 

[محاربة صحراء]

واش هو اجمل طابق طبختيه

 

[عفاف الجزائرية]

واش هو اجمل طابق طبختيه

شوفي
عندي اختي اكثر متزوجة مني قريبة ليا بزاف بزاف بزاف
هي صديقتي واختي وحبيبتي وكون تطلبني في عينيا نمدهملها
ايا هي تحب الباذنجان تعشق فيه
سيرتو لي غراتان
مالا كل ما تجيني نحب نتفننلها في الباذنجان
النتيجة
احسن طبق هو الباذنجان بكل حالاتو في الطبخ

مشكورة اختي محاربةا لصحراء
وراها خصتنا شويا طماطم وزيت كشما تمديلي:sadwalk:
​

 

[POLIYANA]

ديييييييييييييييما نجلا روطار
بالصح ماعليش كاين ربي ههههههه
مادخلتش باه نسقسي ضرك بالصح
خلت باه نحط برك بصمة فالصفحة تاع عفاف حبيبتي الي تبيبيلي ساعات نص ليل ساعات تبكر وتنوضني هههههه رافاي
اني نرجعلك :showoff:​

 

[عفاف الجزائرية]

ديييييييييييييييما نجلا روطار
بالصح ماعليش كاين ربي ههههههه
مادخلتش باه نسقسي ضرك بالصح
خلت باه نحط برك بصمة فالصفحة تاع عفاف حبيبتي الي تبيبيلي ساعات نص ليل ساعات تبكر وتنوضني هههههه رافاي
اني نرجعلك :showoff:​

وين كنتي مدفونة اطفلة
انتي اللي تهملي ما ترجعي
ايا الحمد لله لوكان غير جاو كامل يدخلو يخلو بصمة برك هههههه
اما لافار نتاع نبيبيلك واش تحبي اختك تبات تحسب في النجوم وتصبح تستنى في الشمس تطل هههههههه
قلتيها رافاي:sheer:
​

 

[زهرة الجنوب9]

صح فطوركم وين رحت في صيف