ضيفتنا الثانية في كوزينة جزائرية

[روعة2005]

السلام عليكم و رحمة الله و بركاته


صدقيني أختي فوفة

منذ زمان و انا حبيت نهدر و نحكي معاك


دخلتي قلبي بدون أن أراكي



و أنتهز الفرصة لأقول لكي


يعطيك الصحة


و ربي يحفظك و يعطيك ما تتمناي
والله غير كلامك اثر فيا حبيبتي ام سامي ربي يخليك
:shay:

الأسئلة راهم الأخوات كفاو ووفاو


ما خلاوليش أسئلة


هههههههههههه




عند طفلة عندها 9سنوات راني حباتها تولي تعشق الطبخ و المطبخ


فماذا تنصحينني ؟؟؟؟؟
ربي يصون ان شاء الله ام سامي ماماها هذي الفحلة بكل ومتحبش المطبخ انا متاكدة انها راح تولي تموت عليه مع الوقت

ممكن تحاولي تبداي با الحوايج لي تبغيهم هي كيما الكيكات و... البيتزا وخليلها حرية التزين مع الوقت راح تعود وحدها حابة تجرب راهي مزالهي صغيرة



لوكان نعرضك عندي في داري واش تفضلي تاكلي عندي ؟؟؟؟؟
الرقاقة تاعك يا ام سامي امممممممم راني ساخفة عليها




في الأعياد ما هي الحلوى المفضلة عندك؟؟؟؟؟؟؟
التشاراك المسكر



أكتفي بهاذ القدر من الأسئلة


رمضان كريم أختي

ورمضان كريم ليك ولعايلتك

 

[روعة2005]

اهلين وسهلين بعفوفتنا الغالية الفحلة
اهلا بيك حبيبتي روز
راني نشوف في ام ندى مارحمتكش ههه ايه يا ام ندى وتسقسيني علاه؟ ههههه
ايا عفوفة نسقسيك
تفضلي

لو نفرضو وحدة تحبك بزاف وعرضاتك وحطتلك ماكلة تكرهيها...تكرهييييها وش تعملي وهي من الصباح توجد وتعاود
انا تقريبا منكرهش ناكل كلش ماعدا اللحم الاحمر الطابي في البرمة وغالبية ناسي تعرف وديرلي الجاج ههههه

وش هو اكبر احلامك بعد الزواج
اني نشوف عايلتي سعيدة واولادي ناجحين

لحد الآن اي سنة كانت من اجمل سنين حياتك قبل الزواج وبعدو
قبل الزواج كان عامي لول تاع الجامعة مع صحباتي في الاقامة روعة روعة
وبعد الزواج لما زادت عندي بنتي لميس وهزيتها اول مرة

وش الحاجة لي تقلقك وتخليك ماتثقيش من الشخص لي مقابلك كملي هادوم حتى نرجعلك
كي نحكم عليه كذبة وهو يدور هنا خلاص صعيبة بزاف اني نرجع نثيق فيه

 

[نبع اليقين]

سلام فوفة واش راكي ربي يكون معاك ما الأسئلة البن ات كفاوو واوفو
انا جيت نسلم عليك برك ونروح صحا رمضانك

 

[naGam]

السلام عليكم يابنات
وفكرة كانت رائعة من الاخت ام ندى وشكرا لكي اختي فوفة على اجوبتك الصريحة وللأسف ماعنديش أسئلة تقريبا البنات كلها سالوهالك
مي عندي سؤال واحد برك اذا ماكنش شخصي ودرتلك ازعاج
كم عندك اولاد (ذكور-بنات) وواش مسميتهم وربي يخليهملك ويحفضهملك ويكبرهم على طاعة ربي ومن بعد طاعتك انتي وباباهم وان شاء الله تلقايهم كي يكبروا كيما تتمناي وتبغي
وصحا رمضانك انتي والاخت ام ندى وكل العضوات​

 

[merieme hassi]

السلام عليكم
اهلااااا حبيتي فوفة حبيتك في الله بلا مانشوفك
الفحلات قامو بالواجب معاك :sheer:
راكي كيفي تاثرت بوفاة المشرف ايوب حتي اني لم اعرفه و البارح في التراويح خممت نهديلو بعض ايات الله تنورلو قبرو ربي يصبر اهلو
سؤالي بسيط ليك حنونة
ما هي الاكلة المفضلة ليك في المشرق العربي و هل تعلمتها
كل عام و انت و العائلة الكريمة بخير​

 

[روعة2005]

سلام فوفة واش راكي ربي يكون معاك ما الأسئلة البن ات كفاوو واوفو
انا جيت نسلم عليك برك ونروح صحا رمضانك [/QUOTE

اهلا اهلا نبوعة عودة موفقة نتمنالك رمضان كريم انت وعايلتك شكرا ليك:shay:

 

[روعة2005]

السلام عليكم يابنات

وفكرة كانت رائعة من الاخت ام ندى وشكرا لكي اختي فوفة على اجوبتك الصريحة وللأسف ماعنديش أسئلة تقريبا البنات كلها سالوهالك
مي عندي سؤال واحد برك اذا ماكنش شخصي ودرتلك ازعاج

كم عندك اولاد (ذكور-بنات) وواش مسميتهم وربي يخليهملك ويحفضهملك ويكبرهم على طاعة ربي ومن بعد طاعتك انتي وباباهم وان شاء الله تلقايهم كي يكبروا كيما تتمناي وتبغي

وصحا رمضانك انتي والاخت ام ندى وكل العضوات​

اهلا بيك اختي ايمان مكان حتى احراج حنونة
عندي لميس عمرها5 سنين
ومحمد اسلام عام و4 اشهر
وشكرا لدعوة الطيبة وصح رمضانك وفطوركم حنونة

 

[أم فاروق]

السلام عليكم
انا بصراحة ليوم باش فهمت هاذ الموضوع صرالي كي جحا
اختي فوفة ماشاء الله عليكي بصراحة خلق واخلاق
سؤالي اذا مافي احراج

ماذا سيكون رد فعلك مع الايام لو اكتشفتي ان انسان خان ثقتك به
س2 كيما يصرا سوء تفاهم مع زوجك شكون يبادر بالمصالحة
س3 هل صحيح ان انجاب اول ولد يقوي العلاقة بين الزوجين
س4 ماذا كانت ردة فعلك لما عرفتي انك حامل
س5 ماهي النصائح والدروس المهمة التي ستحرصين دئما على تذكير ابنتك بها
نتمنى مانكونش كثرت عليك والاخت الي قبلك بالموضوع تعذرني لاني مكنتش فاهمة ليوم باش ستوعبت الموضوع

 

[روعة2005]

السلام عليكم

اهلااااا حبيتي فوفة حبيتك في الله بلا مانشوفك
احبكي الله وحبب فيكي خلقه
والله نفس شعوري تجاهك مريومة
الفحلات قامو بالواجب معاك :sheer:
راكي كيفي تاثرت بوفاة المشرف ايوب حتي اني لم اعرفه و البارح في التراويح خممت نهديلو بعض ايات الله تنورلو قبرو ربي يصبر اهلو
اللهم امين وربي يرحمه برحمته الواسعة
سؤالي بسيط ليك حنونة
ما هي الاكلة المفضلة ليك في المشرق العربي و هل تعلمتها

متضحكيش عليا حابة نذوق الشاكرية تاع مسلسل باب الحارة ههها i-o:

كل عام و انت و العائلة الكريمة بخير​

وكل عام وانتي بخير وصحة جيدة رمضان كريم ليك ولعايلتك

 

[naGam]

اهلا بيك اختي ايمان مكان حتى احراج حنونة
عندي لميس عمرها5 سنين
ومحمد اسلام عام و4 اشهر
وشكرا لدعوة الطيبة وصح رمضانك وفطوركم حنونة

شكرا على تواصلك اختي فوفة وبارك الله فيك
وانا حابة الضيفة الثالثة تكون ام ندى

 

[هيبة الجزائرية]

السلام فوفة انشاء الله تكوني لاباس وعجبتني عقليتك بزااف من خلال الاسئلة الي جاوبتي عليها وانا راح نبدا نسئل:

البارح واش وجدتــــــــي فطور
شحــــــــال من مرة ختمتي القران في رمضــــــان
الاكلة الي تحبي تاكليـــــها في السحور​

 

[روعة2005]

السلام عليكم
انا بصراحة ليوم باش فهمت هاذ الموضوع صرالي كي جحا
ههههها
اختي فوفة ماشاء الله عليكي بصراحة خلق واخلاق
سؤالي اذا مافي احراج
يبارك فيك حبيبتي ام فاروق تفضلي

ماذا سيكون رد فعلك مع الايام لو اكتشفتي ان انسان خان ثقتك به
للاسف صراتلي مع انسانة كنت حاسبتها اختي وصحبتي ومن يومها الى الان مبقات حتى حاجة تربطنا رغم انها حاولت تصلح واش كسرت
س2 كيما يصرا سوء تفاهم مع زوجك شكون يبادر بالمصالحة
صراحة دايما زوجي .....نحب نتقلش عليه وهو خلاص فهمني ضرك لازم هو يصالحني:schmoll:
س3 هل صحيح ان انجاب اول ولد يقوي العلاقة بين الزوجين
والله من تجربتي انا عمري ماشفت زوجي حسسني بهذاك الكم تاع الحب قد مانهار زيدت اول بيبي ليا وماتلي على الطابلة با العكس حسسني انو انا كل حياتو والاولاد مايهموش
س4 ماذا كانت ردة فعلك لما عرفتي انك حامل
طبعا فرحت كثير .........ربي يرزقك بهذه الفرحة
س5 ماهي النصائح والدروس المهمة التي ستحرصين دئما على تذكير ابنتك بها
اول حاجة هي الشرف وتعاليم الدين الاسلامي لي تربينا عليه واكيد النصائح راح تجي حسب الظروف والمشاكل لي يعيشها الانسان
نتمنى مانكونش كثرت عليك والاخت الي قبلك بالموضوع تعذرني لاني مكنتش فاهمة ليوم باش ستوعبت الموضوع

شكرا لمرورك ام فاروق ورمضان كريم

 

[زهرة الجنوب9]

السلام عليكم سؤال نجي نكتبو نلقاه مكتوب المهم صح فطورك ومرحبا بك واتمنى لك سعادة

 

[روعة2005]

السلام فوفة انشاء الله تكوني لاباس وعجبتني عقليتك بزااف من خلال الاسئلة الي جاوبتي عليها وانا راح نبدا نسئل:​

البارح واش وجدتــــــــي فطور
درت جاري فريك+طاجين حلو+حميص+سلاطة+بوراك
شحــــــــال من مرة ختمتي القران في رمضــــــان
مرة واحيانا مرتين

الاكلة الي تحبي تاكليـــــها في السحور
حليب بنسكافي+قطعة بريوش+فنجان قهوة​

رمضان كريم اختي

 

[merieme hassi]

فوفة حنونة راني رجعتلك
قوليلي ماهي ردة فعلك كي تعرضي ضياف و يردولك المائدة كيما حطيتي هخصوصا ادا كانت الضيفة حماتك
ا ​

 

[ibtesem]

مرحبا فوفة معانا الله الله ندى راها مامخليا والو
بصح نحاول نمخمخ نرجعلك انت تاني ريحي صباعك من الكتيبة

 

[sweetprincess]

السلاآآمــ عليكمــ

أهلا ببنت البلاد :sheer: رانا كيف كيف بريكة في زوج :shiny: ،،
صح رمضانك و كل العآآئلة و ربي يحفظلك لميس و محمد اسلاآآمـ و زوجك يا رب
و يديمكم عائلة وحدة و متماسكة ،’

أيا يا الزينة واش نبدا نسأل ماخلاو والو ذي الساعة :cra_zy: كشما نفكر برك ههه

1- واش من أكلة جاتك صعيبة باش تعلمتيها ؟؟
2- واش ماتحبيش تاكلي ؟؟
3- راه قالبك رمضان و لا قالبتيه ؟؟
4- أوصفي روحك في جملة ..
5- أوصفي حياتك في كلمة ..
6- أوصفي اللمة في كلمتين ..
7- أوصفي في كلمة كل من : أم ندى ،، عفاف الجزائرية ،، روز ،، ابتسام ،، مريم حاسي ،، أم فاروق ،، نبع اليقين ،، كوثر الوهرانية ،، ايمان 27
8- عندك وردة لمن تهديها :shay:
9- عندك تارت شكون ترميه بيها i-o:
10- تحبي تاكلي ياسر ؟؟
11- واش من فاكية تحبيها ؟؟
12- موقف طريف في الكوزينة بخلاف تاع البن ههه

****************
أيا ربي يتقبل صيامكم عفاف و شكرا على حسن الاصغاء و المتابعة و الاجابة مسبقااا :re_gards:
​

 

[روعة2005]

السلام عليكم سؤال نجي نكتبو نلقاه مكتوب المهم صح فطورك ومرحبا بك واتمنى لك سعادة

الله يسلمك حبيبتي ولكي با المثل:shay:

 

[روعة2005]

فوفة حنونة راني رجعتلك

قوليلي ماهي ردة فعلك كي تعرضي ضياف و يردولك المائدة كيما حطيتي هخصوصا ادا كانت الضيفة حماتك

ا ​

الحمد لله والله ماني نشكر في روحي بصح طيابي بنين بزاف احم احم/كيما يقولو يدي بنينة/
على ذيك دايما الصحونة يرجعو يبرقو من النظافة
وحماتي ثاني يعجبها طيابي والحمد لله

 

[روعة2005]

مرحبا فوفة معانا الله الله ندى راها مامخليا والو
بصح نحاول نمخمخ نرجعلك انت تاني ريحي صباعك من الكتيبة

مخمخي مليح وارواحي ههههههه/مانشفكمش