الجمعي فــــــــاميلي !!!!

[sara4ever]

صح فطوركم انا بالنسبة ليا للاسف استخفاف بعقل المواطن الجزائري

 

[mira.21]

وعليكم السلام ختي
بلاك هدا جمعي فاميلي 3والله جامي شفت لابغة حلقة
انا اصلا منتفرش فاليتيمة
قريت موضوع فاللمة قالك الحلقة 13 د وقالك متفهم والو
ليشان خيرك يا ربي خلينا متمسخير تاعهم
مرسي على الموضوع وصح صحورك ​

 

[marouane19]

على ما اظن المسلسل كامل في الطريق والهروب من الشرطة
صح المستوى هبط بزاف مقارنة بالسلسلة 1 و 2

 

[عبير الربيع]

ايه صح المستوى راهو هابط بزااااااااااااف
الحلقة كامل وهما هاربين من لابوليس وسامي يحوس على هاذيك الجيهة
مافهمنا وااااااااالو
مارسي على الموضوع
صح فطورك
​

 

[AdNan31]

هههههههههههوالله غير سماطة نتاع بصاح هدا لجمعي فاميلي وقاع اللي راه فالتيلي
ضياعة الدراهم وخلاص
الشعب يتمرمد وهوما يضيعو الدراهم

ما يضحكوما يبكو
انا نتفرج للمغاربة يضحكو خيررررررررررر

سماطة في رمضان مع اليتيمة
​

 

[قَطٌر❀ الٌنَـدَى]

merci tout le monde

saha ftourkom khawty​

 

[دنيا البسمة]

صحا فطوركم تووووووووووووووووووووولموند
اليوم شفت الجمعي وحبيت نحكي عليه شوية
عجبتني اليوم الرومنسية اللي فيه
ياخو حبسها باراج على جال يحبها ويشوفها للمرة التالية
هاذا حب ولا خليني
ونسيت حاجة ساميي مازال حاب يروح لذيك الجيهة حاشاكم
اسمحولي
با ي باي ​

 

[قَطٌر❀ الٌنَـدَى]

hhhhhh sah lyom gaditni ki zawjoha darhom 3la jal drahom w mazawjohach m3a li thibo mziya harabha jim3i hhhh

mrc khti 3la rad​

 

[βŁąčĶ & ẄħîŤę]

عندك الحق خيتو والله لا راكي فور انا نقول ديفو هو في عدم الاهتمام برك بالفن هدا مكان

وهادو المسلسلات غي هاك يعمرو في فيد نتاع بورgرام هدا مكان ونزيد مواهب كاينة في دزاير الحمد لله

كاين الله يبارك مي تجسيد ربي يجيب لي سونسيال ان شاء الله مع الوقت يكون خير ان شاء الله


تقبلي راي مارسي على الموضوع ​

 

[angel_fly]

ياو انا اللي حيرني دار ام هاني كاشما فهمتو ماكاش حتى قصة مليحة دار ساكنين فيها سبعين و ام هاني تعيط عليهم شبعونا تمهبيل ههههههههههههه

 

[*عزة الاسلام*]

جمعي فاميلي ..............
الي شافو
مازال ماشفت حتى حلقة منو
وزيد السكاتشات الي يديروهم لخرين
كامل سامطين صح
والله ماني عارفة السبة وين
توالم يتمهبلو علينا برك ولا يحسبو عقلية الجزايريين كامل
000000000000000000000000000000
​

 

[D aucun]

هاكم قاع رانا غايا وملاح وكلش مي غير صارة ماتخربوليش فيها ​

 

[kazawa]

سلآمو ..
اليتيمة راح و قتها ختي
راهي كاينة قناة جديدة تاع الدزايير ف النايل سات هي المخيرة
اسمها bur TV قناة هايلة صح
فيها ليسكاتش شبعة

عندك الحق bur TV نيفو عالي على اليتيمة و بالنسبة للجمعي فاميلي سماط كي خرجو للشارع ولو غير يدورو

 

[قَطٌر❀ الٌنَـدَى]

شكر لكل من شاركني فى وضوعي بشكر او نقد اوتعليق

صحــــــــــــــــــا فطوركمـ​

 

[Adel Sereir]

معاك صح اختي والله راهم غير يبزطو

ههههههه

 

[دنيا البسمة]

هاكم قاع رانا غايا وملاح وكلش مي غير صارة ماتخربوليش فيها ​

هههههههههههههههههههههههههههههه
راك داير كيما خويا
ساااااااااااااااااااااااااااااااااااااااااارة​

 

[دنيا البسمة]

بصح اسمعو كاينة حاجة
الجمعي هاذو النهارات راه يعجبني
سيرتو قصر الاشباح نتاع اليوم
لوكان يخدمولنا فيلم هكذاك ماشي خير​

 

[Houda Chaouienne DZ]

بصح اسمعو كاينة حاجة
الجمعي هاذو النهارات راه يعجبني
سيرتو قصر الاشباح نتاع اليوم
لوكان يخدمولنا فيلم هكذاك ماشي خير​

هههههههههههه
يا خاه اليوم فيلم رعب
يخلع تاع الصح .. هههههه
عجبتني وسام فوور
​

 

[قَطٌر❀ الٌنَـدَى]

hhh wé bsah khaltona mafhamnah

action wela ro3b wela romantisue wela comidie hhhh​

 

[hannsg]

الجمعي فاميلي راه ولا مليح الحلقات لولين برك كان شوي سامط سيرتو لي موالفناهش مسلسل مي ضرك بدا يرجع مليح هههههه