ممكن طريقة عمل صوص بيشاميل

[ندى الأيام]

مرحبا حباباتي ان شاء الله رمضانكم مبروك و تصوما بالصحة و الهنا
ايه مطلوبي باين من العنوان راني حابة طريقة صوص بيشامي حبيت ندير لازانيا سيربريز لماما
ان شاء الله تعاونوني

 

[shahrazad]

اهلا حنونة
فرينة زبدة وحليب
المقادير تكون حسب الرغبة والحاجة
انا موالفة ندير مغرفة فرينة مع مغرفة زبدة
تحطيهم فالكسرونة على نار هادية وتقلبيهم مليح حتى يتدمجو وتسييح الزبدة ممبعد تبداي تضيفي لحليب بشوية حتى تعقد
ممبعد ديري الملح والفلفل اسود والفروماج ادا حبيتي

وموفقة سلام
​

 

[الظل الطويل]

اسمحولنا على التدخل
لك\ـــــــــــــــــن حبيت نشوف
هذي الطبخة كيفاه دايرة
باش نقولوهم يطيبونا منها
ممكـــــ ن صور ؟؟؟
^^!
​

 

[اسماء16]

هدي ماشي طبخة يا ضل الطويل
هدي بيشامل تضاف للاطباق من اجل اعطاء دوق للاكلة
​

 

[الظل الطويل]

هدي ماشي طبخة يا ضل الطويل
هدي بيشامل تضاف للاطباق من اجل اعطاء دوق للاكلة
​

:blush: الله غالب خارج
مجال التغطية
و منكم نستفيد
​

 

[hiba14]

السلام عليكم
شوفي انا نحضرها بزوج طرق الاولى
ديري عبر زبدة بعبر فرينة(يعني مغرف زيدة بمغرف فرينة متلا) وديريهم على نا ر هادية حتى تدوب الزبدة و من بعد بداب تزيدي في الحليب حتى تتحصلي عليها في الاخير ملحيها و زيد الحرور و ادا بغيتي زيدي الفرماج
اما الطريقة التانية مهادي بنينة على الاولى و زيد تاني ماديرلكش هادوك الحبيبات على الاطلاق و انا شخصيا نديرها غي هي
حطي 4 مغرف مايزينة مع نصف ليتر تاع حليب و بداي تحركي على نار متوسطة كي تعقد طفي النار و بسرعو افقسي فيها حبة بيض و خلطي بسعة بشكل دائري و من بعد زيدي مغرفة زبدة و الملح و الحرور و الفرماج ادا بغيتي تاني
ادا كاش ما فهمتيش سقسيني
و صحا فطورك و في لامان

 

[alisare]

saha remdankoum