( أصحاب فور أفر )►╚╝◄( الحــرقــة )►╚|★|

[barca.moha]

واشراكم ليجان وليجان في
ليوم كاين موضوع
أصحاب فور أفر

نقدم لكم اليوم
موضوع هام وظاهرة مافهمنا منها والو سبيسيال بناس dz الزوالية

+++
+++
++
++
++
+
أيا منطولوش الموضوع على


))))))))))))))))))) الحـرقـــــــــــــة (((((((((((((((((((



هدي شي صورة شلو بيها عينيكم
بيلا ماندخلو للموضوع

هي فكرة تدور في اذهان الاغلبية من الشباب

معانات يعاني منها الشباب الجزائري
غدوة نحرق مكاش اللي يشدني
============================== ======
الهجرة غير الشرعية او بلغتنا " الحرقة " انا نشوفو في بلادنا منتشرة كثير
أنا نشوفو كثير من شباب اليوم حتى الشابات راهم يقومو ويحرقو ويخليو بلادهم ويروحو لإيطاليا يونان اسبانيا وين ما يحسو روحهم فالحين
++++++++++++++++
الشباب تاع هاد الوقت يحوس على كلش واجد ويحب يعيش مليح ولي يكره يقولك نحرق حسبتلو معيشة الغربة ساهلة هو بين ناسو وماقدرش يعيش كيفاش يقدر يعيش مع ناس ميعرفهمش
يلقوا برواحهم للتهلكة همهم الوحيد مغادرة البلاد ولوكان واش يصرى
لكن كل هدا الشي له اسباب


بقلم مجموعة أصحاب فور أفر
نكتب لكم ونقول :

أيها الشاب الجزائري أو بالأحرى أيها الجيل جيل المستقبل
سمعنا كثيرا ليزاكسيدون هدو ماتو هدوا ضاعو في وسط البحر يوجد الكثير مما يبكي القلب عليها
نقول لكم ارتبو في بلايصكم خير لكم مع عايلتكم وناسكم
تقولو لينا حابين نحرقو ليوم غدوة حابين نهربو من البلاد مقدبناش د العيشة
احنى نقولو لكم
عشنا وشفنا
حاب تحرق علاه ......................:sadwalk :
لقمة العيش
الحلم بجنة الأرض والبحث عن الثراء في بلاد الغرب
الخوف
الحقرة الإحتكار الذل




للنقاش
واش هو الحل قوليلي
جزائر مدير والو للشباب
ولا احنى مخدمنالهاش

ننتظر أراءكم

مع تحيات•●۩(¯ҳҲأصحاب فور أفر Ҳҳ¯)۩●•

​

 

[نسيم الربيع]

الخدمه كاينه الشباب تاعنا اللي راح يطير
يحوس يخدم بلا نيفو
ويحوس غير على البيرو
تقولو اخدم قهواجي يتكبر عليها
وكي يحرق يروح يكنس الخماج تاع الخنازير حاشاكم
صح لهيه العدل وبزاف حوايج خير من هنا
بصح حتى ليجون حايطيرو
ولكل رأيه
شكرا على الموضوع
​

 

[مايا الجزائرية]

واش هو الحل؟؟؟؟؟ سؤال يبقا دائما مطروح ..جابلي ربي قاع فوتيف كي جزاير كي ناسها وعقليتهم

 

[aneshabib]

الخدمه كاينه الشباب تاعنا اللي راح يطير

يحوس يخدم بلا نيفو
ويحوس غير على البيرو
تقولو اخدم قهواجي يتكبر عليها
وكي يحرق يروح يكنس الخماج تاع الخنازير حاشاكم
صح لهيه العدل وبزاف حوايج خير من هنا
بصح حتى ليجون حايطيرو
ولكل رأيه
شكرا على الموضوع​

نتي راهي حاكملك في هاد لالجيري علا بيها تقولي هاك ونزيدك نتي تقولي يحوس يخدم بلا ديبلوم فل بيرو ولي عندو الديبلوم وقاعد يتميزر ويستشفاو فيه رانا محقوريين ما تبقاوش تزيدو علينا ما قدرناش انا كرهت لالجيري ...... وكرهت هاد الردود لي كيما هاك سمحيلي اذا قتلك هاك مي دايما الحقيقة مورة

 

[مابقاش بزاف.Dz]

سلام خويــا بهاد الموضوع راكم تحلوا بزاف انشغالات و اراء و اقتراحات ههه
و الله الاغلبية الساحقة تاع ليجان فالدي زاد رافدين مستوى لا باس به من التعليم و اغلبهم حاصلين على شهادات ربي يبارك
مي الله غالب واش راح يديروا في بلاد لا خدمة لا والو
c vrai اوروربا ماشي جنــة مي يقولك ميزيرية القاوري و لا معيشة بلادي
انا في رايي يحرقوا خير ما يقعدوا يبريكوليوا هنا و يرفدوا الهموم
مالقري الحقرة لهيه و لاسوفرونس مي يحملوا خير هه
هدا راي و ان شاء الله لي عوده

 

[هدى42]

هذه هي بلادنا

 

[AdNan31]

وش من بلادنا شابة كتلتونا من هاد الهدرة العاية بركو ما تكدبو على رواحكم وين راها هاد الخدمة اللي راكي تقولي عليها
الناس راها بديبلوماتها وراها عاطلة
بركو ما تغطو الشمس بالغربال
تحي الحرقة
​

 

[aneshabib]

وش من بلادنا شابة كتلتونا من هاد الهدرة العاية بركو ما تكدبو على رواحكم وين راها هاد الخدمة اللي راكي تقولي عليها

الناس راها بديبلوماتها وراها عاطلة
بركو ما تغطو الشمس بالغربال
تحي الحرقة​

شوفت خويا كيفاش هافييين رواحهم ويزيدو يحلو فامهم ويقولو ولاد بلادنا ما بغيينش يخدمو تقول نتا الخدمة راهي كاينة وحنايا ما بغيناش تخدمو تعرف انا عندي زودج تاع الديبلومات خطرات نقول روح نقطعهم ونتهنا ونديير روحي ما قريتش ونا منكدبش عليك كي نشوف هادووك الردود نجهل الواحد مهموم وهما يزيدوه عند بالهم قهواجي تعيش ما علابالهاش بلي قهواجي يخلص 500الف الغي الميزيرية و الذل تاع القاوري ولا تاع الكلاب تاوعنا سمخلي علا التدخل باسكو عجبني الرد تاعك صاحبي
صح فطورك

 

[AdNan31]

شوفت خويا كيفاش هافييين رواحهم ويزيدو يحلو فامهم ويقولو ولاد بلادنا ما بغيينش يخدمو تقول نتا الخدمة راهي كاينة وحنايا ما بغيناش تخدمو تعرف انا عندي زودج تاع الديبلومات خطرات نقول روح نقطعهم ونتهنا ونديير روحي ما قريتش ونا منكدبش عليك كي نشوف هادووك الردود نجهل الواحد مهموم وهما يزيدوه عند بالهم قهواجي تعيش ما علابالهاش بلي قهواجي يخلص 500الف الغي الميزيرية و الذل تاع القاوري ولا تاع الكلاب تاوعنا سمخلي علا التدخل باسكو عجبني الرد تاعك صاحبي
صح فطورك

تعرف شا غادي نقولك
صاحبي مزيا الواحد راه شايف وعايف ما هادو راهم غير يسمعو في النشرة ويفرحووووو
مي الواقع الحقيقي هو الواقع المر
راني حاس بيك والله يا خويا
شا غادي دير
500 الف شا غادي دير لي انا
وزيد كيما قلت خدمة الدل
اللي ما عندوش العرف في هاد البلاد راح فيها
باش تخدم يليقلك خبرة وباش تدي خبرة يليق تخدم
وين صرات هادي

ربي يرزقنا بهربة لهادك البلاد اللي مورا البحووور


ربي يحفظ ويستر هدا ماكان

​

 

[AdNan31]

سلام خويــا بهاد الموضوع راكم تحلوا بزاف انشغالات و اراء و اقتراحات ههه
و الله الاغلبية الساحقة تاع ليجان فالدي زاد رافدين مستوى لا باس به من التعليم و اغلبهم حاصلين على شهادات ربي يبارك
مي الله غالب واش راح يديروا في بلاد لا خدمة لا والو
c vrai اوروربا ماشي جنــة مي يقولك ميزيرية القاوري و لا معيشة بلادي
انا في رايي يحرقوا خير ما يقعدوا يبريكوليوا هنا و يرفدوا الهموم
مالقري الحقرة لهيه و لاسوفرونس مي يحملوا خير هه
هدا راي و ان شاء الله لي عوده

باينة عليك ختي
شايفة وعايفة
وراها مرت عليك حالات من هاد النوع
يسلم هاداك الفم
ماشي على خاطرش راكي مع ليجان
علا خطرش راكي تقولي عين الحق

​

 

[AdNan31]

سيم الربيع
----------------
ختي هدا رايك ونتي حرة
مي نظن تزيدي تستخبري على حالة الشباب اللي ب ديبلوماتهم
وما يخدموش
اوكي
ختي
++++
سبانيا تخدم كواغطك تولي تخلص 500 اورو نتاع الشوماج
اوكي
نلقاها في بلادي انا
الادماج 7000
يعطوهالك في عام
من دراهم ليزانتيري
رابييين
واش ندير بيها
انا
واسف على التدخل


​

 

[AdNan31]

انا اكتفي بالقدر من هده الردود
علابالي كرهتكم وسمطت عليكم
مي الله غالب ما نبغيش نسمع حاجة خالطة ونسكت عليها
​

 

[نسيم الربيع]

نتي راهي حاكملك في هاد لالجيري علا بيها تقولي هاك ونزيدك نتي تقولي يحوس يخدم بلا ديبلوم فل بيرو ولي عندو الديبلوم وقاعد يتميزر ويستشفاو فيه رانا محقوريين ما تبقاوش تزيدو علينا ما قدرناش انا كرهت لالجيري ...... وكرهت هاد الردود لي كيما هاك سمحيلي اذا قتلك هاك مي دايما الحقيقة مورة

نورمال خويا رايك نقبلو عادي
واحد ماراه حاكمتلو فلالجيري وواحد مالقاها كيما بغاها
بصح اللي تقلق
راهم يحرقو بديبلوماتهم
ويروحو يخدمو خدمه ماتليقش وكي يكونو فبلادهم مايخدموهاش
كون شفناهم كي يحرقو يخدمو بديلوماتهم راني اول وحده نحرق​

 

[نسيم الربيع]

شوفت خويا كيفاش هافييين رواحهم ويزيدو يحلو فامهم ويقولو ولاد بلادنا ما بغيينش يخدمو تقول نتا الخدمة راهي كاينة وحنايا ما بغيناش تخدمو تعرف انا عندي زودج تاع الديبلومات خطرات نقول روح نقطعهم ونتهنا ونديير روحي ما قريتش ونا منكدبش عليك كي نشوف هادووك الردود نجهل الواحد مهموم وهما يزيدوه عند بالهم قهواجي تعيش ما علابالهاش بلي قهواجي يخلص 500الف الغي الميزيرية و الذل تاع القاوري ولا تاع الكلاب تاوعنا سمخلي علا التدخل باسكو عجبني الرد تاعك صاحبي
صح فطورك

نورمالمون رانا نتناقشو مش نتقابضو خويا
صح رمضانك
ربي يهدينا ويهديك​

 

[نسيم الربيع]

سيم الربيع
----------------
ختي هدا رايك ونتي حرة
مي نظن تزيدي تستخبري على حالة الشباب اللي ب ديبلوماتهم
وما يخدموش
اوكي
ختي
++++
سبانيا تخدم كواغطك تولي تخلص 500 اورو نتاع الشوماج
اوكي
نلقاها في بلادي انا
الادماج 7000
يعطوهالك في عام
من دراهم ليزانتيري
رابييين
واش ندير بيها
انا
واسف على التدخل


​

صح بالديبلوم واحد ماراه لهنا
بصح الحرقه مهيش حل
الحاجه اللولا حرام تخاطر بنفسك ماعلابالك لاتلحق لاتموت
ورانا شفناهعم وحكاولنا كي حرقو واش صرا فيهم
الغاشي راه تبالو كي تلحق لهيه ليسه ليه تخدم كواغطك ويخدموك بديبلومك
الكواغط هذوك يحبلك باه تخدمهم
والخدمه يروحو غير يخدمو الخدامي اللي مايليقوش
انا تبالي اللي يخدم قهواجي خير من اللي يضرب الشيته للكفار
ولكل رأيه
المهم ربي يجيبلكم اللي فيها الخير​

 

[هدى]

بلادي وإن جارت عليا عزيزة
وأهلي وإن ظنوا عليا كرام
​

 

[هدى]

إن الدولة أو الحكومة مرفوع عنها القلم وصار مطلوبا من الشعب أن يحل الكثير من مشاكله الاجتماعية والأخلاقية.
إذا كان هناك إعوجاج في بلدك فلا تنتظر من الحكومة بأن تحله ولكن على الشباب أن يشمر عن ساعده يوحل هذه الأزمة لأن الحرقة حل مؤقت
أنا مع الشباب الذي يفكر في الحرقة وأتفهم جيدا موقفه ولكنها ليست حل
والى متى سنبى نحرق الى اوروبا ومتى تننعم بالإكتفاء الذاتي في وطننا
شباب المستقبل هم أمل الوطن ولن ننتظر من حشرات تحكمنا بان تصلح لنا جزائرنا نحن قادرين على اصلاحها بأنفسنا
وعلى قدر أهل العزم تأتي العزائم
​

 

[DARINE05]

هذي الجزائر كل ما نزيد نكبر نكرها كثر وكثر

 

[آمِيْرَتُه]

أخي الكريم يقال الذي لا يجد ما يحب يجب أن يحب ما وجد ، صحيح أننا لم لم نبلغ الكمال في وطننا و أن فرص العمل غير متاحة للجميع لكن الذي لا يجد ما يحب يجب ان يحب ما وجد و المقصود هو ان العمل شرف مهما كانت نوعيته و على شبابنا ان لا يفقدوا الامل و ان تساءلنا عن الأسباب التي تدفع الشباب الى الهلاك و المغامرة لوجدنا السبب الوحيد يكمل في عدم توفير مناصب الشغل و بمفهوم اخر يعانون البطالة برغم من و جود أزمة يد عاملة إذن حتى نواجه هذي الظاهرة يجب على الدولة أن تضع حواجز في البحر لمنع الهجرة أو الالصغاء لمطالب الشباب حتى يعود لهم الأمل و يستقرون في وطنهم الذي ضحى من أجله مليون و نصف مليون شهيد و ذلك من أجل أن يعيش أبنائه في طمأنينة و راحة النفس كما على الدولة كذلك على الشباب أن يتحلو بالروح الوطنية و أن يصبروا على شقاء الحياة و أن يحبوا ما وجدوا في هذه الارض الغالية على كل جزائري و الله ليس هناك أجمل من العيش في أوطاننا معززين مكرمين بين عائلاتنا و دوينا و أهالينا عوض العيش في الذل و الكراهية فلا ننسى أنه بنا تتطور البلاد و تزدهر و يرفع من شأنها في المحافل الدولية و العربية. و في الاخير تقبل أخي مروري

 

[آمِيْرَتُه]

هذي الجزائر كل ما نزيد نكبر نكرها كثر وكثر

لا أوافقك الرأي و مادخل الجزائر في حياتك؟ كل الدول تعاني مانعانون تابعي أخبار العالم شوفي واش راه صاري في الدول لي تقول انهم عايشين بخير مثل بريطانيا