( أصحاب فور أفر )►╚╝◄( الحــرقــة )►╚|★|

[barca.moha]

بلادي وإن جارت عليا عزيزة
وأهلي وإن ظنوا عليا كرام
​

10/10 أختي بلاد ناس ضحات على جالها ومنبعد تلقاي جيل المستقبل يروح ليزوروب حاسب عيشتو لهيه
​

 

[barca.moha]

أخي الكريم يقال الذي لا يجد ما يحب يجب أن يحب ما وجد ، صحيح أننا لم لم نبلغ الكمال في وطننا و أن فرص العمل غير متاحة للجميع لكن الذي لا يجد ما يحب يجب ان يحب ما وجد و المقصود هو ان العمل شرف مهما كانت نوعيته و على شبابنا ان لا يفقدوا الامل و ان تساءلنا عن الأسباب التي تدفع الشباب الى الهلاك و المغامرة لوجدنا السبب الوحيد يكمل في عدم توفير مناصب الشغل و بمفهوم اخر يعانون البطالة برغم من و جود أزمة يد عاملة إذن حتى نواجه هذي الظاهرة يجب على الدولة أن تضع حواجز في البحر لمنع الهجرة أو الالصغاء لمطالب الشباب حتى يعود لهم الأمل و يستقرون في وطنهم الذي ضحى من أجله مليون و نصف مليون شهيد و ذلك من أجل أن يعيش أبنائه في طمأنينة و راحة النفس كما على الدولة كذلك على الشباب أن يتحلو بالروح الوطنية و أن يصبروا على شقاء الحياة و أن يحبوا ما وجدوا في هذه الارض الغالية على كل جزائري و الله ليس هناك أجمل من العيش في أوطاننا معززين مكرمين بين عائلاتنا و دوينا و أهالينا عوض العيش في الذل و الكراهية فلا ننسى أنه بنا تتطور البلاد و تزدهر و يرفع من شأنها في المحافل الدولية و العربية. و في الاخير تقبل أخي مروري

إن شاء الله سيكون هناك قادم من مجموعة أصحاب فور أفر
ونعم ماقلتي على الشاب ان يحمد الله على ما أوجده له وحتى ولوكان يعدمل عند الأخرين
بوركت أختاه
​

 

[barca.moha]

السلام عليكم
موضوع الحرقة هذا اشكالية ماعلباليش ويقتاش يلقو الحل تاعها
بالصح ياخويا الشباب اللي يخمم هاك عاذراتو
اولا ماشي واحد بالديبلوم تاعو يروح يخدم الشونطيات ولا الطرقات هذا ماهوش عدل
اموان كي يخدمها برا لخاطر الديبلوم تاعو ماهوش معترف بيه لتم
وهنا الخدمة بالمعريفة وباش تجوز كونكور يليقلك دراهم باش تربحو باش تخدم يليقلك خبرة والخبرة منوين تجيبها
المقاجية وعادو يدوهم بالعرف
مانيش نشجع على الحرقة بالصح الدولة عوجة هي اللي خلات ولادها يخممو فالحل البديل والوحيد
ربي يكون فالعون ويصلح امورها
يعطيك الصحة على الموضوع​

وعليكم السلام ورحمة الله تعالى وبركاته
كاين وين ميصدقلش ديبلوم نتاعها خاطركش راح حراق تسمى وقتاش وين تقلحلو الخدمة
ودولتنا صح مادارت والو
ويبقى الحل غامض
​

 

[barca.moha]

الله غالب لبلاد فسدوها كبارها​

هديك هي الكبار هو اللي يسيرو
حكومة فاسدة
​

 

[barca.moha]

الحق مش غير على الدولة راه على الشباب ثاني ليل مع نهار يشكيو من الخدمة مكانش و هوما كون يعطيولهم خدمة يتكبرو عليها
و زيد علاها ما فقتوش لوحدة الظاهرة انو الشنوي الي يجي هنا للجزائر يلقى خدمة و بكل سهولة
علاه في بالكم
لانو يقبل بواش يمدولو خطوة خطوة لان رانا نشوفو فيه هو الي يبني في الجزائر مش ولادها
و ثاني الجزايري يا بيرو و حطة يا متسماش خدمة و من بعد الدولة عليها حق
و صح كاين نقاط الشباب الجزائري عندو الحق فيها و هو انو تلقاه طول عمرو و هو يقرا و في الآخر ميلقاش خدمة هادو العباد برك الي عندهم الحق باه يتذمرو و يحرقو اما الباقي خضرا فوق عشاء مهما شكاو للدولة ماشي رايبحة تسمع ليهم لانهم من اللول مقراوش

ومع رأي آخر صح مش دايمن من دولة تاني من الشاب لازم يقادر واش مدولو
ومشكورة على فكرة الشنوي
مرسي بوكو
​

 

[barca.moha]

هههههههههههههه ياجدك تقول محاضرة هههه
اما بالنسبة للشباب اللي يحرقو هم حرين يحرقوا ولا والو سي كيف كيف وكي رانا قاعدين هنا وش رانا دايرين
​

في ميزك في الغربة 0 وفي البلاد 0
واش كاين ناس قاوية في الخدمة مي حاقرتهم البلاد لوكان توفرلهم
مش يكونو أحسن ويطلعو البلاد شوي
​

 

[barca.moha]

خلاصة الحديث عندي

انا لوكان لقيت الحرقة نحرق ونخدم كواغطي وننتعب في اوروبا وما نتعبش هناااااااااااا ديجا قبل ما نكمل قرايتي
راني نحوس نعطيها وما نقعدش هنا

بزاااااااااااااااااف كرهنا من الحكام والمسؤولين غير الرشوة والمعرفة والمحسوبية

واللي بغا بغا واللي ما بغاش يقعد يتسنا
صح فطوووركم
​

بالراحة عليك خويا تاني متشوفش عند نيفك الحالة صعيبة ولازم تكون عندكم ولوكان شعرة في ليزوروب يعاونوك في وراقيك
مش ساهلة خيي واللي فيها خير تصرا أن شاء الله
​

 

[barca.moha]

=============================
سيتم التعقيب على الردود الباقية
=============================
​

 

[aneshabib]

المزيرية ولا الغربة

دزاير دارت لونساج للشاب
وواحد لازملو يقرا على روحو والبقية تجي بمكتوبو
واسباب اللي يقدمها مش يقعد ويبدا يشكي انا مابغاوليش راهم يدخلو المعارف راهي الخدمة بالرشوة ​

شوف اخي المشرف انا مارانيش نشكي انا راضي والحمد لله صح حنايا قرينا والبقية بالمكتوب وربي ما يكتبلكش حاجة ما فيهاش الخير دير في بالك في بلادنا كاين عوائق وهاد العوائق هوما صحاب المعريفة هوما ما خلاوش رزقنا يوصل لينا وبالنسبة للكلام هادا ويبدا يشكي انا مابغاوليش راهم يدخلو المعارف راهي الخدمة بالرشوة هادي اخي بالتجربة ما نيش نزيد من عندي هادي تجربة 7 سنوات من الميزيرية كي تجي دير كونكور تديه عليك وحدة تخرجت غي في هاداك العام وما تديهش زعما كفاءة عليك تديه بالرشوة ولا بالمعريفة مي اذا ما صدقتنيش روح دير انترفيو مع الشباب المتخرج وشوف بعينيك وسمع بوذنيك انا مارانيش نشكيلك صاحبي اللي يشكي يشكي لربي سبحانو فهمت خويا انا راني نعبر على الحقرة اللي راني نشوف فيها بعينيا ونزيدك هادي خدمت البريكولاج انا مارانيش ضدها تاني انا في حد ذاتي راني نخدمها بصح ما تاكولش في بلادنا تهرم صحتك باطل خاطرش تخدم اكثر من اللي تتقاضاه هاذا اذا تقاضيت وديت حقك خاطرش ارباب العمل ياكلك عرق جبينك واذا خلصك يشدلك النص

اخي المشرف بغيت نقولك حاجة وما تزعفش مادابيك اتقو الله في شباب الجزائر انت ومن يردون مثل هذه الردود رحمك الله وتقبل مروري وستكون اخر رد بأذن الله تحياتي

 

[دنيا البسمة]

السلام عليكم ورحمة الله تعالى وبركاته
كيما قلتلكم ومبعد نرجع وراني رجعت
ايييييييييييييييه راكم تحكو على الحرقة
كيما تقولو نتوما ليجان كرطون في رومة ولا ماعلابليش واش فالحومة
هاذي في بالي ماكانش منها
تقعد في بلادك معزز مكرم خير من تروح تتلاوح في الشوارع
نهار تاكل ونهار لالا
مرة لابوليس موراك
مرة ماكانش واش تخدم
اللي يقولك الخدمة فالبلاد ماكانش
نظن راه غالط وماكانش منها
المشكل اللي يخدمو ماكانش والقلب ماكانش
ابغض الحلال كيما يقولو يدير طابلة ويبيع يخدم لاباس عليه
مي حنا ليجان نتاعنا يقولك نخدم فالشركة ولا ماكانش
نخدم في هاذيك ولا لالا
هاذي العقلية لازم تتنحى
وحبة حبة من طابلة دخان يوصل لكثر من هاذاك
كمثال انا شخصيا نعرف واحد
كان عندو طابلة نتاع دخان صغيييييييييييرة خدم شوية ومبعد زاد كبرها كبرت وادت السلعة
ومن هاذيك ضوك راه عندو حانوت تدخلو تفتحو فامكم اللي تحوس عليها تلقاها
وماشاء الله عليه شرا طونوبيل وراه يبني
لكن احنا غير تهدر يقولك واش من بلاد يرحم باباك نروح نحرق خير لي
ما تحصيهش يموت فالطريق ولا كاش ما يصرالو
المهم احنا نتمناو من الشباب يديرو اليد فاليد وهكذا ترجع البلاد لاباس بيها
واسمحولي اذا طولت
ويعطيكم الصحة على الموضوع
تحياتي

​

 

[بيكهام]

شكرا لكم ونحن نتحرم كل ارااء الاعضاء
تحياتي لكم
والف تحية من مجموعة أصحاب فور أفر
شكرا لكم
​

 

[barca.moha]

هناك الكثير من الامثلة اعرفهم شخصيا لاناس راحوا للاوربا خدموا تعبوا و رجعوا بعد مدة ليست بالطويلة 4سنين 5 بالتاويل وساعدهم في ذلك الاستفادة من الفارق الكبير في العملة
لا يحق لاي شخص انتقاد واو استهجان او الانتقاص من هذه الفئة هوما اصلا كرهوا من وجوه الشر عايشين في بلاد واحد ماراهو حاس بيهم وفي الاخير يقلك علاش يحرق ويبدى ينتقد ويقول يحبوا الدل
اخوتي ما نكذبوش على رواحنا رب العمل الجزايري حقار من لكبار وهنا اي عمل هذتاا مافيهش مستقبل تلقى روحك تخدم من اجل والوا من اجبل مصروف الجيب فقط بدون مستقبل الدنيا غالية والشهرية ماتكفيش وزيد وزيد
يعني تقول لشاب عندو طموح ارواح اخدم هنا عند لحقار وليد بلادك ويعطيك مليون ولا مليون ونص يناس كونوا واقعيين وماتقولوش التراب هنا خير من معيشة الذل الذل ياو عندكم هنا
واكبر دليل قطاع الصحة تروح بدون معرفة يعاملوك بطريقة راهي باينة تبقى انت الاخير السكانيير مكانش الخيط ياعاجابة يار بي يقلك اشريه انت واذا كانت معريفة الله يبارك تتعامل احسن معاملة هنا عنصرية تاع الصح ليست عنصرية عرقية او عنصرية اجناس ولكن عنصرية على اساس التيكي والكتاف والمعريفة
​

شكرا أخي واقع منجموش نتهربو منه صح
لكن الحلول كثيرة بزاااااااااااف كاين ناس نعرفهم بداو يخدمو خدمة نتاع ألف ألفين وزوفر ودرك راهم لاباس عليهم
أنت قلت رأيك خويا
شــــــــــكـــــــــــرا

​

 

[barca.moha]

شوف اخي المشرف انا مارانيش نشكي انا راضي والحمد لله صح حنايا قرينا والبقية بالمكتوب وربي ما يكتبلكش حاجة ما فيهاش الخير دير في بالك في بلادنا كاين عوائق وهاد العوائق هوما صحاب المعريفة هوما ما خلاوش رزقنا يوصل لينا وبالنسبة للكلام هادا ويبدا يشكي انا مابغاوليش راهم يدخلو المعارف راهي الخدمة بالرشوة هادي اخي بالتجربة ما نيش نزيد من عندي هادي تجربة 7 سنوات من الميزيرية كي تجي دير كونكور تديه عليك وحدة تخرجت غي في هاداك العام وما تديهش زعما كفاءة عليك تديه بالرشوة ولا بالمعريفة مي اذا ما صدقتنيش روح دير انترفيو مع الشباب المتخرج وشوف بعينيك وسمع بوذنيك انا مارانيش نشكيلك صاحبي اللي يشكي يشكي لربي سبحانو فهمت خويا انا راني نعبر على الحقرة اللي راني نشوف فيها بعينيا ونزيدك هادي خدمت البريكولاج انا مارانيش ضدها تاني انا في حد ذاتي راني نخدمها بصح ما تاكولش في بلادنا تهرم صحتك باطل خاطرش تخدم اكثر من اللي تتقاضاه هاذا اذا تقاضيت وديت حقك خاطرش ارباب العمل ياكلك عرق جبينك واذا خلصك يشدلك النص

اخي المشرف بغيت نقولك حاجة وما تزعفش مادابيك اتقو الله في شباب الجزائر انت ومن يردون مثل هذه الردود رحمك الله وتقبل مروري وستكون اخر رد بأذن الله تحياتي

سلام أخي شكرا انا مع فكرة الحرقة أخي ديرها في بالك هدا موضوع للنقاش درتو انا وجماعة باه نعرفو ناس ورأيهم في موضوعنا
خويا واش نقولو الله يفرج على شباب الجزائر اني عارف بلي في بلادنا نورمالمو يكون الإهتمام الأول وايلا ناض هو وهدر على حقو بلاد كامل تتهز مي كاين ناس كرهت وحبست وكرهت من الورق ومع البلديات وفي الأخير كيما قلتلي تجي طفلة في التالي تسبقك ليها ولا يجي واحد معريفة
هدا شي يمرض الواحد
شكرا أخي على ردك
​

 

[barca.moha]

السلام عليكم ورحمة الله تعالى وبركاته
كيما قلتلكم ومبعد نرجع وراني رجعت
ايييييييييييييييه راكم تحكو على الحرقة
كيما تقولو نتوما ليجان كرطون في رومة ولا ماعلابليش واش فالحومة
هاذي في بالي ماكانش منها
تقعد في بلادك معزز مكرم خير من تروح تتلاوح في الشوارع
نهار تاكل ونهار لالا
مرة لابوليس موراك
مرة ماكانش واش تخدم
اللي يقولك الخدمة فالبلاد ماكانش
نظن راه غالط وماكانش منها
المشكل اللي يخدمو ماكانش والقلب ماكانش
ابغض الحلال كيما يقولو يدير طابلة ويبيع يخدم لاباس عليه
مي حنا ليجان نتاعنا يقولك نخدم فالشركة ولا ماكانش
نخدم في هاذيك ولا لالا
هاذي العقلية لازم تتنحى
وحبة حبة من طابلة دخان يوصل لكثر من هاذاك
كمثال انا شخصيا نعرف واحد
كان عندو طابلة نتاع دخان صغيييييييييييرة خدم شوية ومبعد زاد كبرها كبرت وادت السلعة
ومن هاذيك ضوك راه عندو حانوت تدخلو تفتحو فامكم اللي تحوس عليها تلقاها
وماشاء الله عليه شرا طونوبيل وراه يبني
لكن احنا غير تهدر يقولك واش من بلاد يرحم باباك نروح نحرق خير لي
ما تحصيهش يموت فالطريق ولا كاش ما يصرالو
المهم احنا نتمناو من الشباب يديرو اليد فاليد وهكذا ترجع البلاد لاباس بيها
واسمحولي اذا طولت
ويعطيكم الصحة على الموضوع
تحياتي

​

وعليكم السلام أختاه مرحبا بك ثانية
بالنسبة لمثال هداك نتاع مول الطابلة صح رانا عايشين وعلابالنا واش يدور
كاين انسان تعب على قريتو وبديبلوم نتاعو متجيش يخدم في طابلة نتاع دخان
واللي قلبو قوي كيما قلتي يخدم على ديبلوم نتاعو في جهة وفي جهة أخرى يحمد ربي على خدمة بسيطة وحبة حبة يبني بها مستقبل نتاعو ويكون شيخ في عقلو ويعرف يتصرف بدراهمو

مشكورة أختاه
​

 

[loca]

ههههههه والله يا موح هههه
vive الحرgــــة هههه ومدريد ههههه
تعرف بروبلام وين راه مناش فاهمين رواحنا برك
جزائر وكان تجي تشوف راها خير من لي كانت والله كملنا مع استعمار جاتنا تلمسان وجارتنا مروك
بعد ازمة سياسية و عشرية سوداء لي عاشوه
ا لتم ناس كانت طير حنا عاد نتعلمونقراو
تشك يا قلبي ونهار استحقت ولادها لقاتهم قاع باغيين يهجرو معليش يروحوللخارج بصح سياحةماشي حرقة كيما راهم يحكو كيما قالك كي ستحقيتكيا وجهي خبشوك قطوطا ههه i-o:
ايييييييييييييييييييييييييييه اتفه حلم هو الحرقة
ومنعرف كشما رانا نعرفووا نندب عليه زمان
مرسي عليك جارنا
:re_gards:​

 

[barca.moha]

ههههههه والله يا موح هههه
vive الحرgــــة هههه ومدريد ههههه
تعرف بروبلام وين راه مناش فاهمين رواحنا برك
جزائر وكان تجي تشوف راها خير من لي كانت والله كملنا مع استعمار جاتنا تلمسان وجارتنا مروك
بعد ازمة سياسية و عشرية سوداء لي عاشوه
ا لتم ناس كانت طير حنا عاد نتعلمونقراو
تشك يا قلبي ونهار استحقت ولادها لقاتهم قاع باغيين يهجرو معليش يروحوللخارج بصح سياحةماشي حرقة كيما راهم يحكو كيما قالك كي ستحقيتكيا وجهي خبشوك قطوطا ههه i-o:
ايييييييييييييييييييييييييييه اتفه حلم هو الحرقة
ومنعرف كشما رانا نعرفووا نندب عليه زمان
مرسي عليك جارنا
:re_gards:​

والله صح واش قلتي البلاد سمحنا فيها بعدما ناس ورجال وقفت على بقاءها
مشكورة جارتي
​

 

[ما فهمت والو]

الخدمه كاينه الشباب تاعنا اللي راح يطير

يحوس يخدم بلا نيفو
ويحوس غير على البيرو
تقولو اخدم قهواجي يتكبر عليها
وكي يحرق يروح يكنس الخماج تاع الخنازير حاشاكم
صح لهيه العدل وبزاف حوايج خير من هنا
بصح حتى ليجون حايطيرو
ولكل رأيه
شكرا على الموضوع​

مازالت الدنيا قدامك و تشوفي و تعرفي خلي ليام هوما لي يجاوبوك
اما قضية الخدمة فهميني وين راها الخدمة لي تحكي عليها ؟
انت قلتي قهواجي علاش قهواجي تقدر تضمن بيها المستقبل و تعيشك مستور ؟
تخدم عند الخواص كون تكون مدير و ما تضمنش المستقبل اليوم راك خدام غدوة الله اعلم و تقولي قهواجي
معليش لواحد قاعد بلا مستوى ممكن واللي قرا و تعب يخدم هو تاني قهواجي؟
علاش تعب باش يزيد يشقى علاش حرام يحكم منصب عند الدولة كيما الناس لخرين ؟
انا كون نلقا الحرقة ما نخليش الفرصة تفوتني رغم اني الحمد لله لان هناك قوما لا يظلم عندهم احد
كل صاحب حق راح يدي حقو ناس تقدر العلم تقدر الانسان الميزيرية فيها فيها مالا خلي في بلاد الناس خير من في بلادي

 

[ما فهمت والو]

نتي راهي حاكملك في هاد لالجيري علا بيها تقولي هاك ونزيدك نتي تقولي يحوس يخدم بلا ديبلوم فل بيرو ولي عندو الديبلوم وقاعد يتميزر ويستشفاو فيه رانا محقوريين ما تبقاوش تزيدو علينا ما قدرناش انا كرهت لالجيري ...... وكرهت هاد الردود لي كيما هاك سمحيلي اذا قتلك هاك مي دايما الحقيقة مورة

يعطيك الصحة هاهم الردود لي يشرفو و يستاهلو تقراهم الجماعة عايشين في القطن كل شي كاين و يجو يتمسخرو بالشباب الضائع علاش الحرقة و الخدمة كاينة

 

[آمِيْرَتُه]

يعطيك الصحة هاهم الردود لي يشرفو و يستاهلو تقراهم الجماعة عايشين في القطن كل شي كاين و يجو يتمسخرو بالشباب الضائع علاش الحرقة و الخدمة كاينة

راك غالط خويا غير قولي وين راها البلاد لي يقروا ولادها باطل؟ انتما عنذكم مفهوم اخر راكم تقولو اوروبا عايشين غير قولي كي عايشين رحت و شفت بلي عايشين و الله مزيرية تلقى غير ولد فلان و فلان عايشين
صحوا مفاهيمكم

 

[آمِيْرَتُه]

مازالت الدنيا قدامك و تشوفي و تعرفي خلي ليام هوما لي يجاوبوك

واش نشوفوا واش شافو جدودنا راحت الروح الوطنية

اما قضية الخدمة فهميني وين راها الخدمة لي تحكي عليها ؟

كاين الخدمة متنساش رانا عايشين في ازمة بطالة

انت قلتي قهواجي علاش قهواجي تقدر تضمن بيها المستقبل و تعيشك مستور ؟

البركة فالقليل و كي تروح لاروبا شاغذي تخدم حداك البطاطا متقراعش يعطوك تحكم شركة كونك هاني

تخدم عند الخواص كون تكون مدير و ما تضمنش المستقبل اليوم راك خدام غدوة الله اعلم و تقولي قهواجي

قول الحمد الله على كل الاحوال

معليش لواحد قاعد بلا مستوى ممكن واللي قرا و تعب يخدم هو تاني قهواجي؟

هذاك ماكتبله الرب

علاش تعب باش يزيد يشقى علاش حرام يحكم منصب عند الدولة كيما الناس لخرين ؟

كاين لي يقروا و راهم خدامين

انا كون نلقا الحرقة ما نخليش الفرصة تفوتني رغم اني الحمد لله لان هناك قوما لا يظلم عندهم احد
كل صاحب حق راح يدي حقو ناس تقدر العلم تقدر الانسان الميزيرية فيها فيها مالا خلي في بلاد الناس خير من في بلادي

استغفر مولاك انت مسلم و حاب دير حاجة محرمة اي تقتل نفسك و شكون ضمنلك توصل زعمة مثقفين شفت الغلطة وين