سلام اختي
وين راها الخدمة لي مدوا للشباب و تكبرو عليها تقصدي الادماج ؟15000في الشهر لواحد نص عمرو قراية هدي تسميها خدمة يرحم باباك؟الشينوي لي يجيبوه للجزائر قبل ما يجي ديجا المنصب تاعو يكون كاين و علابالك شكون هوما الشناوة لي يجو عندنا ؟راهم المساجين في الصين
راكي غالطة في خدمة البيرو و الحطة الجزائري مستعد يخدم اي خدمة بشرط تكون بكرامة و تكون خدمة شريفة و الدليل انو الجزائر من الاستقلال حتى لبداية الازمة و هي واقفة برجالها مش بالشناوة ولا غيرهم نهار ظهرت البيروقراطية و المعريفة و حوايج اخرى خلاص الجزايري كره
لا اوافقك الراي اختي انو اللي قراو برك عندهم الحق يتذمرو علاش و اللي ما قراش ماهوش جزايري ؟الجزائر لكل الجزائريين و هدي هي الدنيا لازم ناس قارية و ناس لا .انا راني قاري وممكن هدي هي الحاجة لي ندمت عليها بزاف في الجزائر
