مطبخك في رمضــــــآآآن سيدتي * الجـــ 3 ـــزء* ‏

[رآج ـية العفو]

الله بسوومة وربي يخليك حبيبتي
وبخصوص جديد القآطو حتى نكتبلكم الوصفآت
ونظن تعرفوهم والله أعلم​

 

[ibtesem]

بوراك

gناوية

جاري

حوت فيلي شريتو

فريت

هدي الطاولة في الاخير

صح فطوركم​

 

[رآج ـية العفو]

ممممممم بسومة يع ـطيك الصحة طآبلة تشهي بصحتكم​

 

[fififazi]

بارك الله فيكم ندى و ابتسام
و صح فطوركم

 

[imane27]

مساء الخير عليكم واش راكم
فطوري تاع لبارح

لوبيا ماشتو سوتي

هادى طابلة باين فيها كلش عيت من تصوار​

 

[ibtesem]

بصحتكم ايمان

 

[imane27]

طابلة تشهى ابتسام بصحتكم

 

[رآج ـية العفو]

بصحتكم أمونة ​

 

[labed93]

زيتون

اعطيني وصفة هادو ربي يخليك او كوثر الوهرانية

 

[رآج ـية العفو]

زيتون

أنآ ثآني عجبني هذآ الوصفة يالغآلية
وقوليلي من وين؟؟ رآكي فآهمة i-o:​

 

[روز]

حاضر يا ابتسام ..ادعيلي برك يجي مليح هههه سي نو نضرب النح لا تصاور لا والو:schmoll:
روز تكون تفطر ضرك وابتسام هذا وين ناضت ههههه
صحا فطورك روز

الله يسلمك أم ندوش مرسي ياغالية تتفكري كل الناس ربي يفرح قلبك
راني قلتلهم
اسحرو عند بسومة وافطرو عندي مجموع ساعات الصيام =ساعة واحدة ههه

بسومة ماشاءالله عليك كل شي يهبل يعطي الصحة

ايمان تاني الله يبارك مائدة تشهي وهاذيك لي في توقيعك هي لي حابة ناكلها i-o:هههه
الله يبارك عليها تقول وردة ماشاءلله

 

[رآج ـية العفو]

روز تفطرو درك؟؟؟ والله معلآبآلي ههههههه
بصحتك الفطور نتومآ قبل السعودية ؟؟
ظنيتكم كيف كيف ​

 

[روز]

فطرت دالي ساعتين أسوم
مانيش عارفة السعودية على قداش تفطر
يمكن في الافطار حنا فايتينهم بساعة رغم انو التوقيت تاعنا ونتاعهم كيف كيف..!

 

[rima29]

صح فطورك رووووووووووووووز
قريب تروحي وتخلي بلاصتك فارغة​

 

[كوثر الوهرانية]

بصحت فطورك اختي روز راكي ساجية اختي كملتي و غسلتي الماعن و تهنيتي الله يبارك
بسومتي هبلتني القناوية تعرفي وصيت عليها و مجابوهاليش سخفتيني فيها بصحتكم
ايمان اللوبيا راهي رايحة تنطق جاتك روعة بصحتكم
بنات بلادي فحلات مينخافش عليهم
الي اسماء و الاخت لابد هداك زيتون روندال غليته مليح في الماء و القارس تلاث مراة و درت صوص طماطم عادية تطيب و صفيت الزيتون و درته يطيب في صوص تاع الطماطم نخليه يطيب حتى تنشف الصلصة مليح منبعد ندير عليه المعدنوس مقطع رقيق و من جهة اخرى نقطع كبد الدجاج او الخروف الي حاضر فالدار و نتبله بالملح و الفلفل اسود و الثوم مرابي و المعدنوس و نديره في قليل من الزبدة و الزيت نغلق عليه و نخليه يتقلى حتى يطيب ناخد صحن نضع الزيتون و نزين بكبد الدجاج و نرش المعدنوس اسومة هدي الوصفتة نتاعي اختي هنا في وهران يديروها في الاعراس تجي بنينة بزاف
و التحلية هديك محلبي تشري الروز مطحون راه يتباع في بايط و ديري نصف لتر من الحليب و تفرغي محتوى الصاشي تاع الروز مطحون و ديري خمسة ملاعق تاع اكل تاع سكر و خمسة ملاعق اكل ماء زهر على نار قليلة مع الخلط المستمر حتى يبدى يغلي خليه مدة تلاث دقائق و نتي غير تحركي طفي عليه حطيه في اكواب تاع الفلا و زيني بالقرفة
ان شاء الله تكونوا فهمتوني

 

[imane27]

صح فطورك روز محطتيش نشفو اليوم واش طيبتي

 

[روز]

يعطيك الصحة ريمو ربي يحفظك حتى نتم بلاصتكم كبيرة ربي يعيني:sad:

الله يسلمك ايمان فطوري ماكسرتش راسي بقالي دولمة من البارح زدت درت البيتزا نتاع ام ندى المقرمشة وسلاطة وشوربة
ماكاش جديد على ذيك ماصورتش ههه
غدوة نشوف وش نعمل ونصورلك ياغالية

 

[nada242008]

صح فطوركم يا بنات
هذا فطوري
بوراك العجين على طريقة فوفة جا مورق وبنين شوية يابس برك يعطيها الصحة:sheer:

ستاك وفريت

وهذي المائدة

وهذا القاطو

زووووم

 

[روز]

يعطيك الصحة ام ندوش هاايل خصوصا القاطو اممممممم بصحتك

 

[عفاف الجزائرية]

صحا فطوركم بنات
ان شالله تكونو فطرتو بالحصة والعافية
ندوش خلعتيني كي عيطتي ما جيت نلحق ليه تقطع
وكي عاودتلك من عند ماما ما رفدتيش
قلت ممكن نسات روحها كي كنتي تbـــيـــpـــي هههه
خدمت ليوم خبز الدار بالفرينة
والله جاء خفيف تقول قطن وبالخف يطيب نص ساعة يكون واجد ما يتعبش وما يتدلكش طول
خلطي حكيه يخمر وطيبي طول
نقعد ونحطلكم الوصفة والطريقة والله يهني على خبز الدار القديم اللي يطيح الكتاف وانتي تدلكي فيه
المهم احنا فطورنا درتلهم جاجة في الفور
مع بطاطا وموشتو وزردوية
فليفلة
سلاطة
بوراك
شربة
وهذا الخبز الروعة
نقعد ونحطلكما لتصاور
​