مطبخك في رمضــــــآآآن سيدتي * الجـــ 3 ـــزء* ‏

[tasnim55]

تسنيم بصحتكم والله انا تانى تعجبينى ما تنساي حتى واحد انا كى نكون نكتب ساعة نتفكر واش شفت
اسومة واش من قاتو بديه نعرفك شاطرة خموس عليك

الله يسلمك ايمانو خطراش كامل راكم في قلبي منقدرش ننساكم
عندي سؤال ايمان اختي من فضلك لعسيلة تاع المقروض تاعك زدتيلها الماء الزهر ومن الاحسن لعسل تخدميه ولا عادي تقدري تستعملي تاع برا

 

[tasnim55]

راكي تتوحمي على شخشوخة الظفر واش نقوللختي راكي حابتها انا نعرفها بصح ماجاياش نصنعها
نقولك الصح تعلمتها على وحدة وقبل رمضان بنهار درتها وجات هايلة
تجي مصنوعة بالمسمن ناشف والهرماس (هذا مانيش عارفة كيفاش تسموه هو مشمش مجفف ) اذا حابة نعطيلك اطريقة مكاش مشكل
​

انا وحدة منهم حابة نعرف طريقتك والف شكر حبيبتي وصح سحورك:re_gards:

 

[كوثر الوهرانية]

مساء الخير عليكم كيراكم يا احلى و اغلى خوتات
سامحوني اليوم مقدرتش ندخل نهار كامل مع الشغل و من بعد الفطور خرجت نشري ساك و اكسيسورات لكوثر
الف شكر على كل من سالت عليا نقولكم نحبكم بزاف
الله يعطيكم الصحة طوابلكم مشاء الله و تبارك الرحمن الله يدومها نعمة عل الجميع
روز يا روز يا روز راكي رايحة و مخليتنا راه تنوحشك بزاف و الله غير ندخل نحوس نقرى الردود نتاعك و الاطباق الرائعة و طريقتك فالتصوير تعجبني بزاف
المهم تروحي و ترجعي بالف خير اختي طريق السلامة و عطلة ممتعة ان شاء الله تستمتعي بوقتك و تشبعي من الوالدين و الاخوة و كي يكون عندك الوقت طلي علينا و طمنينا عليك راكي في القلب
سلام ليكم كامل كل وحدة باسمها
اختي ام داود كون غير درتي الحلويات الي حطيتيها في مواضيع منفردة الله يعطيك الصحة اختي جاوك هايلين و عمرة مقبولة للزوج الكريم و يوصل بخير و على خير ان شاء الله
نقولكم صح صحوركم

 

[imane27]

الله يسلمك ايمانو خطراش كامل راكم في قلبي منقدرش ننساكم
عندي سؤال ايمان اختي من فضلك لعسيلة تاع المقروض تاعك زدتيلها الماء الزهر ومن الاحسن لعسل تخدميه ولا عادي تقدري تستعملي تاع برا

سلام روز انا لعسيل نخدموا فالدار على خاطر ليتباع عندنا قاطع بزاف يشبه للحر بصح ولا نتى كاين عسل نورمال تقدري تستعمليه ولا طيبيه وهي كيلة سكر مع كيلة ماء وشوية شب وخلي يغلى كى طفي عليه درلو ماء الزهر

 

[faloussa]

صباح الخير البنات واش راكم ان شاء الله تكونو بخير

 

[ibtesem]

صباح الخيرات فلوسة
كي صبحتي قوليلي قداش الساعة راها عندكم او نفس التوقيت تاع الجزائر

 

[faloussa]

صباح الخيرات فلوسة
كي صبحتي قوليلي قداش الساعة راها عندكم او نفس التوقيت تاع الجزائر

الحمد لله اختى ابتسام وانت واش احوالك
احنا فايتين البلاد بساعة

 

[ام سيف]

سلام روز انا لعسيل نخدموا فالدار على خاطر ليتباع عندنا قاطع بزاف يشبه للحر بصح ولا نتى كاين عسل نورمال تقدري تستعمليه ولا طيبيه وهي كيلة سكر مع كيلة ماء وشوية شب وخلي يغلى كى طفي عليه درلو ماء الزهر

sabah alnor habite nsaksik lah diry achab_o:

 

[ام فاروق و ايناس]

صباح الخير على الجميع ان شاء الله تكونوا كامل بخير
موائدكم كلها رائعة يعطيكم الصحة
اريد من فضلكم الوصفة تاع المقروض راهي تسخف هل هى 3كيلات سميد ب1سمن....انا نصنعه بهدا القيس.....سميد متوسط او.......

 

[merieme hassi]

السلام عليكم
واش راكم توحشتكم بزاااااااااف كل واحدة باسمها
سمحولي راني تعطلت عليكم و شكرااااااا لكل من سال عليا
جاتني سفرة علي فجاة دون سابق اندار قالولي جدك راهو مريض بزااااف و راهو حاب يشوفكم كامل بناتو و هبطت بلا منخمم والان راني رجعت ليكم بصح خليتو مريض بزااف الله يستر
قولولي كاش جديد
روز تروحي و تولي بالف خير و سلملي علي العايلة و علي الاغواط الغالية
ام دودو ان شاء الله يرجعلك راجلك بالف خير و قوليلو مينساناش من الدعاء
و سلامي لكل الاخوات كل واحدة باسمها حتي مننسي حتي حبيبة
ليا عودة بادن الله

 

[bignouri777]

الي ام ندي ربي يعيشك راح نتعبك شوفي شفت موضوعك هدا نتاع ميني بيتزا

https://www.4algeria.com/forum/t/298982

ودايرا عجينه 10 د انا منعرفهاش كيفاش تتخدم
وهدى ياتري كيفاش خدمتيها

وهذو الي مع زيتون معقوده ولا وشنو

اسمحيلي بصح اعذريني نموت على اطباقك

 

[nada242008]

الي ام ندي ربي يعيشك راح نتعبك شوفي شفت موضوعك هدا نتاع ميني بيتزا

https://www.4algeria.com/forum/t/298982

ودايرا عجينه 10 د انا منعرفهاش كيفاش تتخدم
وهدى ياتري كيفاش خدمتيها

وهذو الي مع زيتون معقوده ولا وشنو

اسمحيلي بصح اعذريني نموت على اطباقك

موضوع الميني بيتزا بعجينة ال10 دقائق
هذا رابط تحضير العجينة
عجينة تستعمل لجميع المعجنات من مطبخي ‏

---
والطبق ثاني اسمو les vols au vent
وهذي طريقة تحضيرو
les vols au vent من مطبخي ‏
--
والطبق الاخير هي كفتة الدجاج
وهذا رابط تحضيرها
كفتة الدجاج من كوزينتي
------
العفو اختي اي سؤال راني في الخدمة
-----------
صباح الفل على الجميع
ماتقولوليش روز راحت وخلاص :sad:

 

[bignouri777]

ربي يحفظك اختي ام ندى راني حشمانه منك باسئلتي الكثيرة

زيدي اقراي هدا موضوع وادا تعرفي جاوبيلي عليه لازم نتعلم على يديك هههههههه
الي شاطرة تدخل

 

[ام ايناس]

صباح الانوار عليكم انشا الله صبحتو ملاح

 

[روز]

راني هنا ام ندى مازال مارحتش:sheer:

صباح الخيرات والنور

 

[عفاف الجزائرية]

روز يعني اليوم رح يكون اخر تواجد ليك الى اجل مسمى
التلفون راه لعندك بلا ما نوصي
اول ما توصلي وتحطي رجليك وترتاحي وتشوفي الاهل وتشبعي طمنيني قولي انو وصلت
​

 

[nada242008]

راني هنا ام ندى مازال مارحتش:sheer:

صباح الخيرات والنور

هيا مليح
فوفة ماتخلعيناش باجل غير مسمى شهر برك وترجع :sheer:
واش عولتوا تطيبوا يالفحلات

 

[روز]

ههههههه ان شااءلله 2أكتوبر نرجع يالعفوفات
ربي يخليكم
غدوة اذا قدرت نصبح عليكم من المطار فيه النت باطل
ندي معايا الميكرو
الطيارة على 7نتاع الصباح
يعني 5 تاع الصباح عندكم
نوصلو باذن الله 1 ظهرا بوقتكم

عفاف بلاماتوصي نوصل نعيطلك
مانسناش حتى نشبع من الدار
بسكو اذا درت هكذا مانعيطلكش خلاص هههه

درت جلبانة بالقرنونة واللحم ونقلي شوي بطاطة
تشيشة من البارح بقاتلي ونزيد سلاطة

 

[رآج ـية العفو]

السلآم عليكم ورحمة الله وبركآته
كي صبحتو صح فطوركم تآع البآرح هههههه
مآ قدرتش ندخل البآرح لظروف مفآجئة حصلت
يع ـطيكم الصحة وآش رآكي ختي فلوسة
أنآ رآني مع القـآطو i-o:
ويع ـطيك الصحة أمووونة الغرآتآن جآني هآآيل مرسي حبيبة
تح ـية لكل لبنآت

رطل قطايف نوعية الرقيقة
نص رطل زبدة ذايبة
فانيليا
نص رطل جوز مقلي و مرحي خشين
باطة نستلي طايبة في طنجرة الضغط
شوي بيستاش للتزيين
العسل
الطريقة
تفتفتي القطايف مليح و ترشي عليها شوي فانيليا و تسقيها بالزبدة الذايبة واتركيها على جهة
و من جهة أخرى خلطي كمية الجوز بالنستلي ( باطة تاع رطل )
تجيبي فنجان صغير الحجم و تعملي طبقة تاع قطايف و تكون على شكل حفرة و ضعي فيها مغرفة صغيرة من مزيج النستلي و الجوز و غطي بطبقة أخرى تاع قطايف و تضغطي عليها مليح و تقلبيها في صينية الفرن و هكذا حتى تكملي كل الكمية و تدخليها الفرن و عند خروجها مباشرة إسقيها بالعسل و زيني بالبيستاش
إن شاء الله نكون وفيتك في الشرح

صحيتي حبيبة ربي يخليك
ان شآء الله بعد العيد نجربهم وحتى يكمل القآطو
هههههههه يع ـطيك الصحة ختي

--
اسومة غير جربي المقروظ ..ديري حبات باش ماتغامريش
راهو ساهل و ناجح الله يبارك

ايه يالغآلية رآني عآرفة نآجح ربي يحفظ أمون
بصح الشمكل فيآ أنآ مين أول نجربو قلت حتى بعد
العيد مآ نغآمرش بآسكو المقروظ بالذآت نخآف منو هههههه

تسنيم بصحتكم والله انا تانى تعجبينى ما تنساي حتى واحد انا كى نكون نكتب ساعة نتفكر واش شفت
اسومة واش من قاتو بديه نعرفك شاطرة خموس عليك

ربي يخليك حبيبتي والله يسلمك
القآطو بديت بوآحد يتعمر بالكبريس فقط الحشوة أخذتهآ
من بنت من منتدى آخر ولكن العجينة والديكور مش نفسهم
واليوم رآني مع وآحد يتعمر بالنيسلي وبديكور مختلف
ورآيحة نزيد آخر بالقلآصآج وفي الليل ان شآء الله نرمدهم
وغدوآ ثآني نزيد نكمل حتى نهآر الجمعة بإذن الله

هدا فطوري
هدي حسوة اكلة شعبية في مدينة بسكرة
نعملوها بالكسرة انما في رمضان نعملوها سعات في مكان شربة

طاجين الزيتون بالكفتة

روز بالكروفات

بوراك

هذي الفاكهة

هدي الطاولة

هدي تحلية براونيز

ان شاء الله يعجبكم الاكل

صح فطوركم

يع ـطيك الصحة بسووومة البرآونيز هآيلين
الوصفة مآ تنسآيهآش في موضوع مستقل :shiny:

صحا فطوركم يا حلوات

--

--

فطور يشهي يالغآآلية يع ـطيك الصحة
عجبتني كفتة الدجآج ان شآء الله نديرهآ كي نعرض
صديقتي

السلام عليكم
واش راكم توحشتكم بزاااااااااف كل واحدة باسمها
سمحولي راني تعطلت عليكم و شكرااااااا لكل من سال عليا
جاتني سفرة علي فجاة دون سابق اندار قالولي جدك راهو مريض بزااااف و راهو حاب يشوفكم كامل بناتو و هبطت بلا منخمم والان راني رجعت ليكم بصح خليتو مريض بزااف الله يستر
قولولي كاش جديد
روز تروحي و تولي بالف خير و سلملي علي العايلة و علي الاغواط الغالية
ام دودو ان شاء الله يرجعلك راجلك بالف خير و قوليلو مينساناش من الدعاء
و سلامي لكل الاخوات كل واحدة باسمها حتي مننسي حتي حبيبة
ليا عودة بادن الله

وعليكم السلآم
مرحبآ مريومة وآش رآكي ختي
ربي يشآفيه ان شآء الله ويقومه بالسلآمة ​

 

[ourida17]

صباااح الخير كل وحدة باسمها
توحشتكم بزااااف كل وحدة باسمها
روز تروحي وترجعي بالسلامة ان شاء الله سالي على العائلة كااامل
وطمنينا عليك يا غالية وعيطلنا متنساااااااااايش
فوفة 2011 وشبيها؟؟
صحة فطوركم موائدكم تشهييييي
ابتساااااااااااااااااااااام وصفة تاع براونيز الله يسجيك متنسايش
انا كنت نجرب درك في لكرام تاع واحد الاخت لقيت الوصفة هنا وان شاء الله يخرجلي شباب
https://www.4algeria.com/forum/t/290748&page=2
زيييييييدو كاش جديد؟؟كاش قاطو؟؟
حنا مزال مبدينااااش كامل
سلامي لكامل الاخوات لي راهم غايبات نقلهم هادي غيبة

​