مطبخك في رمضــــــآآآن سيدتي * الجـــ 3 ـــزء* ‏

[روز]

صباح الخيرات على البنات وعلى كل الموجودات

ندوشة وام ايناس ووردة صباح الفل
راني من الضباح نخمم وش ندير فطور ماعرفتش
عندي الدجاج وش نعملو.!

 

[nada242008]

مساء الفل روز وام ايناس والجميع
والله غير حرنا في الفطور هههه بعد20 يوم فضوا الافكار:schmoll:
انا قلت ندير شخشوخة الظفر ونزاود لغدوة ان شاء الله عييت وكرهت من التخمام
روز ديريه روطي وتهناي منو هههه بقالك غير يومين ولا ثلاثة وتتهناي
الاميرة التائهة ههههه اسكتي برك عادت مرا راهي قريب تدير 3 سنين
مرحبا بيك مرة اخرى وان شاء الله ماتزيديش تغيبي:sheer:
وردة الروح على سلامتك وعجبتني فكرة التوريث ههههه
فوفة البوراك جا مليح شوية برك يابس عجنتو مليح ..ممكن مارخفتوش ياسر برك بصح كي ترخفيه كيفاه تتعاملي معاه ترشي فرينة ولا زيت على الطاولة؟
للاخوات اللي طلبوا طريقة القاطو
https://www.4algeria.com/forum/t/226703

 

[ام فاروق و ايناس]

:sheer:السلام عليكم انا عضوة جديدة اتمنى نكون صديقتكن احبكم جميعا ونتابعكم من زمان اظن من 2008 كنت عضوة معاكم باسم ام ايناس وراحتلي العضوية ثم باسم ام فاروق وثاني راحتلي على هداك دخلت باسم جديد نسلم على ام ندوش و كوثر الوهرانية روز ايمان ام ايناس ابتسام .......تسنيم.55................................

 

[nada242008]

:sheer:السلام عليكم انا عضوة جديدة اتمنى نكون صديقتكن احبكم جميعا ونتابعكم من زمان اظن من 2008 كنت عضوة معاكم باسم ام ايناس وراحتلي العضوية ثم باسم ام فاروق وثاني راحتلي على هداك دخلت باسم جديد نسلم على ام ندوش و كوثر الوهرانية روز ايمان ام ايناس ابتسام .......تسنيم.55................................

مرحبا بيك معانا :sheer::sheer: وربي يحفظلك فاروق ونسنوسة

 

[روز]

الا بيكي ام ايناس وفارووق مرحبا بيك بين اخواتاتك
ام ندى كفاش بطاطة روطي اعطيني كفاش نخدمها راه قريب يروح عليا الحال

درت مقروض المعسل اممممم رطب كي كنت عسل فيه وهايل
والمفاجأة هي أني اكتشفت السر لي تعمليه باش كي تكوني تقلي فيه ما يتفتتش في الزيت
الزيت لي قليت فيه المقروض والله صاااااافي ونقي كأني كنت نقلي في البطاطة
موالفة كي نكون نخدم فيه كأني ندير في حرب نتميزر والله
يولي يتفتتلي ويفسد والزيت يروح فيها قع والحمدلله هذ المرة
هاهي الصورة

 

[عفاف الجزائرية]

سلامو بنات
ان شالله تكونو بخير
انا راني مع الجهاد نتاع القاطووووووو

 

[ام فاروق و ايناس]

سلامو بنات
ان شالله تكونو بخير
انا راني مع الجهاد نتاع القاطووووووو

خبرينا واش درتي من فضلك انا منالمعجبات باطباقك

 

[روعة2005]

مساء الخيرات لبنات
والله عندك الحق روز وددوشة والله كرهت من الكوزينة انا ثاني لازم نزاود لفطور اليوم غدوة عندي طريق ومنروحش بكري نجي نسخن برك
وبا النسبة للعجين مرخفتهاش لدرجة وين تعبتني بصح عاونت روحي با الزيت
مرحبا بيك ام فاروق وايناس دوختيني على خاطر عدنا عضوتين ام ايناس وام فاروق على بيها كي شفتك ضحكت ربي يخليلك ماعندك ومرحبا بيك في لمة

 

[روز]

طريقة عمل الروطي بالدجاج يابنات

 

[روعة2005]

اممممممممممممممممم المقروض يشهي روز بصحتكم حتى انا راني نخدم فيه عجب زوجي وعجبني خير من المشري ونقي خدمة يديك امممممممم اكيد خير
انا درتو بطريقة ياسمين ومتفتتليش ثاني واش من سر اكتشفتيه انت:shiny:
وعفوفة بديتي في القاطو ماتخلعينيش انا مزلت مشريتش كامل حوايج القاطو:scared:

 

[nada242008]

روز المقروظ جاك يهبل اطلعينا على السر ههههه
روطي الدجاج انا نطيبو في طنجرة الضغط نص طياب ونكمل نحمرو في الكوشة باش مايطيب في ساع
نقطه حبة بصل كبيرة الى جوانح و2 فصوص ثوم م ك زيت + 2 م ك زبدة ملح وفلفل اكحل موطارد م ص هريسة ورشة زعتر اذا كنتي تشتيه تقلي مليح وتمرقي بكاس ماء في نص طياب تنحيه من الطنجرة وتحطيه في المول
تقطعي البطاطا الى شرائح خشينة وتطيبيها في الصوص اللي بقات من الدجاج تطرى برك وخرجيها وحطيها مع الدجاج ودخليهم للكوشة يكملة طيابهم ويتحمرو

 

[عفاف الجزائرية]

خبرينا واش درتي من فضلك انا منالمعجبات باطباقك

درت الغريبية اني حاطتها كموضوع منفصل في مواضيعي
وعملت المشقوق بجوز الهند جاء صح روعة سواءا ذوق ولا شكل ولا خفة ولا اقتصادي
وراني مع الجوزة ورح نعمل قمقوم الزاوش يجي بالعجينة المورقة والكنافة من فوق
ومزاللي الصابلي غدوا ان شالله نعملو بطريقة شميشة
ونزيد حاجة نتاع فطور كل يوم

اممممممممممممممممم المقروض يشهي روز بصحتكم حتى انا راني نخدم فيه عجب زوجي وعجبني خير من المشري ونقي خدمة يديك امممممممم اكيد خير
انا درتو بطريقة ياسمين ومتفتتليش ثاني واش من سر اكتشفتيه انت:shiny:
وعفوفة بديتي في القاطو ماتخلعينيش انا مزلت مشريتش كامل حوايج القاطو:scared:

ههههه ضحكتيني عفوفة
هاذو يومين بين اليوم وغدوا نكملو
يا اختي كل شي لاحق الميناج نتاع العيد والقاطو
وانا رح نبعث لخويا تاني شوي قاطو
-------
العاما لجاي قررت نخدمو قبل رمضان ونديرو في لكونجيلاتور
باسكو اختي رح تجي تصوم عندنا والهرج نتاع الاولاد
مالا لازم نعزم قبل رمضان نكملو
ان كنا من الاحياء طبعا

 

[nada242008]

فوفة وعفاف واش عولتوا تطيبوا للفطور؟

 

[عفاف الجزائرية]

والله يا فوفة ماني عارفة
راني مع القاطو
اذا اقتضى الامر نطلعلهم زوج طباسى منكل نوع ونقوللهم افطرو

 

[نبع اليقين]

صباح الورد واش راكم اليوم
راكم صبحتو معا القاطو ربي يكون معاكم

راكي شاطرة عفاف قريب تكملو القاطو احنا مزالنا مشريناش حوايج القاطو اصلالربي يعينك
يعطيك الصحة اختي روز على المقروض جاك يهبل تسلم ايدك ​

 

[روعة2005]

الله يبارك عفوفة2 تهنيتي ممكن تمديلي وصفة المشقوق راه عندي غير جوزلهند كيلو :sheer:
عفوفة1 والله راجلي راح يقضي ومزال مجاش على حسب القفة نقلك واش نطيب هههها وراني وصيتو على السردين ومنعرف :cra_zy:
هذا لمقروض لي راني ندير فيه بطريقة ياسمين يجي روعة مبسس من برا ومن داخل
منكذبش عليكم اول مرة درتو خشين كيما شكل روز بقالي ني /عجين /لداخل انت طابلك من فوق وداخل كيف كيف
هذه سينية سهرة لبارح

 

[nada242008]

امممم محمر يبان هايل بصحتك فوفة
انا الحلويات تقريبا ماناكلهمش خلاص وراجلي ثاني يقولي ماطيبيش مش حاب يسمان// خسارة نشتي نطيب بلا ماعندي شكون ياكل
في العيد ندير نوع ولا زوج نديه لدارنا وفيلمان

 

[نبع اليقين]

جاك هايل المقروض عفوفة باين بنين وطايب على حقو أحمر يشهي
تسلم ايدك

 

[روعة2005]

الله يسلمك عفوفة
والله عندك الحق لواش لفساد انا ثاني الناس في 10 الاواخر تقوم الليل تعبد ربي وانا نبات مع القاطو وتمرميدو بصح السنة قررت منقتلش روحي ماوالو مانيش راح نكثر لا النواع لا الكمية تعرفي اولا راح نرجع ريجيم من وراء العيد ان شاء الله/وماذا بيا نتجنب المغريات ههها/
وثانيا كل عام قتلك نقتل روحي عليه وياكلوه غير الرايحين وكان غير جاو يشكروك ولا يسمعوك كلمة كثر خيرك :sad:انا وزوجي وبنتي نموتو عاى صابلي والتشاراك المسكر هذو اكيد نديرهم:sheer:

 

[روعة2005]

جاك هايل المقروض عفوفة باين بنين وطايب على حقو أحمر يشهي
تسلم ايدك

الله يخليك نبوعه على كلامك الطيب ولا توحشنا تواجدك معانا:shay: