tarte au citron .... بالصور من مطبخي

[maya31]

صحا فطوركم يا بنات ياك راكم غاية
المهم البارح درت طرطة باليمون و بغيت نحطلكم الموضوع
طبعا كاين طرق مختلفة و كل وحدة و كي ديرها

المهم

المقادير ... العجنة
la pate brisee

300 غ فرينة
150 غ زبدة
رشة ملح
و ماء باش نلمو العجنة


ملاحظة . اي مقدار تحبي ديريه نتع فرينة ديري نصفو نتع الزبدة



كريمة نتع الليمون

4 صفار بيض
150 غ سكر
1/2 ليترة حليب
2 عصير ليمون
3 مغارف كبار فرينة



meringue

4 بياض بيض
200 غ سكر




طريق التحضير العجنة

اول شيء نخلطو الفرينة و زبدة مليح حتى تتبسس كيما نقولو



من بعد نزيدو الماء شوية بشوية حتى نتحصلو على عجنة طرية
نخلوها ترتاح 5 دقائق


ندهنو le plat لي راح ديري فيه و تسقدو العجنة نتاعنا
نتقبوها بالفورشات و ندخلوها للفرن نصف طياب





طريقة تحظير الكريمة باليمون
نديرو نصف ليترة نتع لحليب تغلي
من جهة اخرى نضربو صفار البيض
الفرينة عصير الليمون و سكر
كي تغلى الحليب نظيفو الخليط مع الحليب على النار و نقعدو نحركو حتى يقساح




نخرجو العجينة نتع نصف طياب
و نصبو فوقها الكريمة نتع اليمون
و نردوها فالفرن لمدة 10 دقائق





بعدما طيب نكونو ضربنا 4 بياض بيض غاية و تدريجيا نزيدو السكر حتى نتحصلو على لا موغانق

نحطوها مالفوق و نقصو شوية للفرن و نخلوها حتى تحمار شوية







​

 

[بيكهام]

الله يبارك راكي شاطرة وانا كنت نظن العكس
ههههههههههههههه
الف شكر ليك
وصحا عيدك كحلوووشة

​

 

[maya31]

هههههههههههههههههههههههههه
هاد الموضوع نسيتو و الله
الحمد الله كاين واحد رد ماشي وحدة

يبارك فيك حسامووو و حقك راهو عندي
​

 

[rima29]

الله يبارك حنونة
صح عيدكم​

 

[maya31]

lah yesslmek hbibti saha aidek nti tani

 

[imane27]

يعطيك الصحة هايلة

 

[fleur flower]

يعطيك الصحة أختي
جاتك هايلة​

 

[assia11]

رائعة التارت أختي يعطيك الصحة

 

[cherine]

يعطيك الصحة اختي
تبان بنينة يم يم​

 

[OM DORA]

Bghit la

 

[tasnim55]

امممممم تشهيييي يعطيك الصحة

 

[اسال الله الفردوس]

يعطيك الصحة هايلة

 

[OMSAMI]

ya3tik saha

 

[maya31]

merci 3likom les filles

 

[ميديآ]

أممممممممم يعطيك الصحة حنونة
​

 

[saida07]

شكرا اختي