جماعات عرسنا

[TeNtOuNa]

السلام عليكم ناس اللمة
واش راكم مع الايامات ؟راهو قرب الدخول الاجتماعي اللي رايح يقرى يوجد روحو
واللي رايح يخدم يدبر امورو واللي قاعد فالدار ربي يعاونو

المهم اليوم رايحة نخرجهالكم طاي طاي
وما تتقلقوش مني خاطر راني نهدر برك في منتدى واش راك تهدر
في الصيف عقبنا وحد العرس تاع عمي
وكي كملنا بدينا التمشير فالناس (ياخي علابالكم)
الي جاء الي ماجاش الي جاب كادو الي مد دراهم
وهادوك العفسات
مالا عمي قاللنا واحد يخدم معايا كي كمل العشاء جاء يسلم ويعاود وحطلي في جيبي حاجة
كي راح جبتها لقيتها 20 الف (200دج)
تخيلو ياخي نورمالمو كل واحد يمط على قدرو وهو خدام ولباس بيه بصح كي مد 20 الف ولا يسوى 20 الف وطاح من عين عمي
والله ماهي خدمة هادي عيب
وما حبسناش غير هنا كاين حتى الي كلاو وعمرو كروشهم وناضو :ربي يصلح وخرجو
بصح كاين الي يعرفو قدرهم وجابو كادوات يشرفو ويليقو بمقامهم
املا حنا تعرفونا كي نتلمو نخرجو غير الخطط الشيطانية
وبعد المداولات قررنا نديرو كالتالي:
فالاعراس الجايين
جماعة الكادوات نحطوهم في طابلة فيها العشاء كامل بكسكسيه بشربته بدولمته بديساره
جماعة 20 الف نحطوهم في طابلة فريت اومليت
جماعة ربي يصلح نحطوهم في طابلة زوج فرماجات وخبز يابس
وهكا كل قدير وقدرو

ههه ما ديروش علينا رانا غير نتمسخرو الضيف ضيف كن يقعد شتا وصيف
ايا علابالي حتى انتوما عنكم حكايات تشبه لهادي ما تبخلوناش

​

 

[Miss_Rose]

صح عيدك حنونة...والله فاتت علينا كامل​

 

[adel-mz]

صح عيدك
في الحقيقة مابين الواحد يمد 20 الف، مايمدش خير و احسن ،وتاني خدام والعرس نتاع صاحبو من المفروض يعاونو اكثر من هدا المبلغ
وانا تبانلي هذا شحيح بزاف.و20الف لوكان تمديها للطلاب يغيضو الحال وما بالكي الصديق ههههه ربي يصلح الاحوال اختي.
​

 

[miss meryy]

هادك هوا كلام صحيح كل واحد و قدرو شكرا ليك حنونة

 

[♥بنت عنابة♥]

صحا عيدك كل عام وانتي حية
انا نشفى على طهور وليد عمي وش نقلك واحد التباهدايل احمدي ربي كي عاد 20 الف برك ياو بالفين فرنك هنا ههههههههههههههههههههههههههه
ومرة في عرس عمي نشفا على يما (جداتي) كلاها قلبها حبت دير حل لهاد الظاهرة العجيبة هههههههه دارت طابلة عند لباب تاع لافيلا و قعدت باه لي يخرج يمد العون ههههههههههه بالصح جدي الله يرحمو ماخلاهاش قالها هادي روستوران ماشي عرس قلبها هاديك الطابلة ههههههههههههههههههههههههههههههههههههه
صح الانسان على قد حالو بالصح ماحكيناش على الزوالية رانا نحكيو على الزواخين والفواخين
ربي يحفظك ختي موضوع باهي​

​

 

[missa_1]

صح عيدك زينة
وبصحتكم العرس
مي هذي راني نشوف فيها نورمال يحط 20 ولا 100 الكل فيهم براكة
وجهو هو الصح كي نعرضوه وميجيش هذيك هي الي تغيض مي الدراهم رايحين جاين
ومرسي على الموضوع
​

 

[TeNtOuNa]

صح عيدك حنونة...والله فاتت علينا كامل​

وعيدك اختي مرسي على المرور

 

[TeNtOuNa]

صح عيدك
في الحقيقة مابين الواحد يمد 20 الف، مايمدش خير و احسن ،وتاني خدام والعرس نتاع صاحبو من المفروض يعاونو اكثر من هدا المبلغ
وانا تبانلي هذا شحيح بزاف.و20الف لوكان تمديها للطلاب يغيضو الحال وما بالكي الصديق ههههه ربي يصلح الاحوال اختي.
​

صحا عيدك خويا
كيما قلت كون قال ربي يصلح وخلاص وما يبهدلش روحو ب20 الف وزيد ماشي خير صاحب عمي راهو مدايرلو واسطة عند المدير
فوق هادا الخير كامل وما حشمش

 

[TeNtOuNa]

صحا عيدك كل عام وانتي حية
انا نشفى على طهور وليد عمي وش نقلك واحد التباهدايل احمدي ربي كي عاد 20 الف برك ياو بالفين فرنك هنا ههههههههههههههههههههههههههه
ومرة في عرس عمي نشفا على يما (جداتي) كلاها قلبها حبت دير حل لهاد الظاهرة العجيبة هههههههه دارت طابلة عند لباب تاع لافيلا و قعدت باه لي يخرج يمد العون ههههههههههه بالصح جدي الله يرحمو ماخلاهاش قالها هادي روستوران ماشي عرس قلبها هاديك الطابلة ههههههههههههههههههههههههههههههههههههه
صح الانسان على قد حالو بالصح ماحكيناش على الزوالية رانا نحكيو على الزواخين والفواخين
ربي يحفظك ختي موضوع باهي​

​

صحا عيدك اختي
والله ضحكتني تاع الفين فرنك مزية حنا عندنا يمدو 20 الف
على العموم مرسي حتي على مرورك

 

[TeNtOuNa]

صح عيدك زينة
وبصحتكم العرس
مي هذي راني نشوف فيها نورمال يحط 20 ولا 100 الكل فيهم براكة
وجهو هو الصح كي نعرضوه وميجيش هذيك هي الي تغيض مي الدراهم رايحين جاين
ومرسي على الموضوع
​

صحا عيدك حبوبة
لا لا ختي البراكة هاديك كانت عند ناس بكري
درك تمد الف تسوى الف تمد مليون تسوى مليون ما تمدش ماتسوى والو الله غالب هذي عقلية العصر

 

[makour]

الا كان عندوا و مامدش و عاون بيه صاحبوا_o:
هادا حتى ربي او مايحبوش
الماء او ما يستاهلوش من عندك:cra_zy:

 

[ramdan]

ربي يهديكم كيما راكم تصلح فيكم "عرف الخير اهله فتنحنح عكسوا كثر النبش تحته فتزحزح" الناس صح ولات تع مظاهر وسبحان ربي عالعصر هدا زعما خيرمن عصر الرسول عليه الصلاة والسلام ولا صعيب عليه اي ماكاه منها ......حبيبتي لي يعلى ام يعلاو عليه الناس و لي يوطى يوطاو عليه اون ثو لي كا عمبالي باللي ماتقصديش العشرينلف في حد داتها بصح الناس والخبث تاعهم بصح ما تكونيش مالناس اللي تدعي للبدع .......تهلاو في رواحكم و صحا عيدكم

 

[TeNtOuNa]

الا كان عندوا و مامدش و عاون بيه صاحبوا_o:
هادا حتى ربي او مايحبوش
الماء او ما يستاهلوش من عندك:cra_zy:

شفتي اختي هادا زعما عمي عاونو باش يدخل يخدم وما قرش فيه الخير

 

[TeNtOuNa]

ربي يهديكم كيما راكم تصلح فيكم "عرف الخير اهله فتنحنح عكسوا كثر النبش تحته فتزحزح" الناس صح ولات تع مظاهر وسبحان ربي عالعصر هدا زعما خيرمن عصر الرسول عليه الصلاة والسلام ولا صعيب عليه اي ماكاه منها ......حبيبتي لي يعلى ام يعلاو عليه الناس و لي يوطى يوطاو عليه اون ثو لي كا عمبالي باللي ماتقصديش العشرينلف في حد داتها بصح الناس والخبث تاعهم بصح ما تكونيش مالناس اللي تدعي للبدع .......تهلاو في رواحكم و صحا عيدكم

مرسي خويا على الرد
انا في موضوعي راني نوري للناس بلي لازمهم يحترمو رواحهم ومقاماتهم
20الف لوكان مدها العساس معليش بصح رئيس قسم تبهديلة

 

[Sẻl Mā]

صحا عيدك تعيد وتزيدي
وي تصرا عدنا بزاف
يجيو غير يعمرو كروشهم ويخرجو
مغسي

 

[hiba14]

ههههه صحبتي خالتي في العقيقة تاع ولدها جابتلها ليكوش حاشاك

 

[bougherra ma vie]

ih ya hanouna hna hatouna hata l 100da

 

[TeNtOuNa]

صحا عيدك تعيد وتزيدي
وي تصرا عدنا بزاف
يجيو غير يعمرو كروشهم ويخرجو
مغسي

مرسي اختي هاديك هي يجوعو رواحهم باليومين
باش كي يجيو ياكلو حتى يتفلقو

 

[TeNtOuNa]

ههههه صحبتي خالتي في العقيقة تاع ولدها جابتلها ليكوش حاشاك

هههههه وحدها هادي قالتهم ارقدو كامل
شكرا هبة على المرور

 

[13matmour]

اختي راكي غالطة بزااف في هدرتك روحي اقراي الشريعة الاسلامية قبل لا تلومي الناس لكادو هذه و الدراهم ماهيش شرط علاه لازم يجي لعرس ياكل و يخلص مالا يروح مطعم ياكل و يروح خير من العرس ماشي شرط بالمقابل الهدية حتى ولو كانت كلمة تكفي و لا تهم حالة الشخص المادية
ودي و احترامي لاراء الجميع
​