يوميّات ~ رابح و رابحة ~ = الانترنت =

حروف تائهة

:: عضو متألق ::
إنضم
13 جويلية 2014
المشاركات
3,763
النقاط
901
العمر
25
محل الإقامة
حوشنا
الجنس
أنثى


السلام عليكم و رحمة الله بركاته
اهلا و سهلا و مرحبا بكم



سلسلة فكاهية بأداء ارتجالي ... تلقائي ...
تعالج مواضيع شائعة و مشاكل يومية لعائلة جزائرية متكونة من زوج وزوجة " رابح و رابحة "

نترككم مع العدد الأول ...




رابح ينادي .. رابحة !! رابحة !!‎
رابحة حاكمتها ق فيس بوك . .. ايواااه دارت لحليمة جام و انا لالا؟؟؟ ... و الله مانزيد نبارطاجي لي بوست تاوعك يا وحد المصفارة .... هنا رابحة تسمع رابح ينادي ... ااانعم هااا رابح جيتك جيتك .. واش ق الخير ماخليتنيش حتى نكمل نكتب الكومونتار ..‎
و رابح مسكين مازال يبرح ... يا رابحة !! يااتلا وراكي ؟ لاهية بالفيكس بوك ؟؟ ...

رابحة ... هاااني جاية ااا رابح ماعنكش الصبر قاع ... اانعم واش تسحق و خف روحك راني خليت المنشور معلق

رابح ... وين راه الدوسي لي عطيتولك ذاك النهار ؟؟؟
. .. راني نحتاجو فيسع !!! ... حوسي عليه !!!‎

رابحة ... وااشمن دوسي ثاني ربي يسمعنا الخير ‎
رابح ... يااتلا الدوسي تاع السكنة ياك شهرين و انا نجمل فيه !! يا و الله ... و الله نلقاك ودرتيه
... و الله ق الليلة تباتي في داركم !

رابحة ... ااااحوووجي ياااماااا .. ذرك نحوسلك عليه ... ق اصبر شويا نعرفك تستنا فيها وقتاش نرجع لدارنا‎

و بعد بحث طوييل طوييل
رابح .. رابحة !! ... اطلقي روحك ااووو !! ... السيد راه يكلم فيا !! ... رابح يهدر بينو و بين روحه ...
( اواااه ... ذي المصيبة ق جياح و راقدة عليها طول انترنت ... انا نبدلها و نريح راسي )


رابحة تكلم نفسها ... ( ياربي زعما وين حطيتو انا هذا الدوسي؟ ... استناي نتفكر هذاك النهار واش صرا فيه ... الحادة دارت المنشور هذاك تاع احب زوجي
و انا درتلها احببته .. و مبعد انا نكتبلها في الكومونتار و كنت فاتحة لفريجيدار .... ااااي تفكرت ... هاااهو الحمد لله لقيته حطيتو معا الطماطيش !!! ..
. ااااحووجي مزية لي ماتبقعش ...) ....
ااااربووحي شوف راني شاطرة هاني لقيتو .. وانت ق دار اهلك دار اهلك


رابح ... لقيتيه ؟؟؟ .... هاتيه !! ... بصح وش بيه ملطبخ بالبقع الحمرا ... ؟؟ .. كنتي ادوزني بيه ولا وش ؟؟
... اواا نتي صبرت عليك فوق اللازم ... راكي تلعبي فواحد الللعب ... ما عندو و ين يديك !! ...‎

ايا راني رايح ... والعشية نتفاهمو ع اللعب تاعك !!

رابحة ... ااارااابح بالعقل نفهمك ياراجل ااا اااا ياااربي شحال مايصبرش هذا‎

رابح ... رابحة !! راني رايح ... و راهم العشية جايين ضياف ... مش يتعاشو ... يقسرو شوية و يروحو ... امالا وجديلهم شوية بقلاوة كيما لي موالفة توجديها الزينة هذيك

... ايا بالعافية ...‎

رابحة تكلم في روحها ... ( هييييه مالا واش ..
.. كي ولاو فيها ضياف ولات بقلاوتي زينة ) .. ايه ايه سي رابح اليوم ضيافك يخرجو بلا صباع‎


تدخل رابحة للكوزينة و تبدا يد توجد في العشا و يد تفيسبوكي .‎
ايا و هاو وجد العشاء المحنون هذا ... اييييه عليا البقلاوة ذرك ... ( بلوووق .. صوت البرتابل) .. واش كاين ذرك .. اااه قامت حورية الجنة بتحديث حالة!! .. ههههه قاتلو زوجي لا يستغني عني؟؟ .. اااو فاااقو ديجا سمعت بلي ناوي يتزوج
... ايا نديرلها جام و خلاص مانظلش انا نكومونتي و هي جامي ويلا تكومونتيلي ... ايا نشوف البقلاوة .. ممم وقيلا نخليها تزيد تحمار شويا ..‎


رابحة تهز البرتابل و تروح للصالون و تكونكتي تحط الرجل على الرجل و هي ق تضحك معا هذاك البرتابل‎
و من " بلوووق" ل " بلوووق" رابحة تشم في واحد الريحة .... وااش هذي الريحة ؟؟ .. وقيلا هذيك جارتي لي مسمية فيسبوكها طباخة المستقبل تحرقلها العشا ههههه
ياخي مسكينة وقيلا اليوم تبات في دار اهلها هههه على قولت رابح هههه ... ممم ماعرف علاه حاسة روحي ناسية حاجة!!! ... زعما نسيت مابارطاجيتش المنشور تاع مشاعر مبعثرة؟؟ .... ياااااحوووجييي نسيت البقلاوة !!!!


و يرجع رابح معا الضياف تاوعه ... تفضلوا جماعة !! تفضلو !!
... و يروح للرابحة في الكوزينة ... ايا رابحة .. اطلقي روحك .. شوية اتاي و شوية بقلاوة من الزينة تاعك ... الجماعة راهم في الصالون

رابحة ... ايه ممم ايه حقا ااا البقلاوة اااا ياااك البقلاااوة راااهي اااا‎


رابح ... ايه البقلاوة ... هاتيها راهم جاو الضياف

رابحة ... اا سي رااابح خطاك من البقلاوة ااا
ياك قبيل نسمع في الراديو ووو قالو بلي اطلع السكر


رابح ... شني سكر !! ياااتلا البقلاوة الي وصيتك عليها و رهم الجماعة يستناو !! جيبيها نشوفها راني نشم في ريحتها جيبيها ماعليش السكر و المرض .... قوتلك جيبيها ما تبقايش تشوفي فيا !!‎

رابحة .. اااااه ياك راني شريتلكم القوفريط خيرلكم وووو البقلاوة يااااك رااهي اااا ياك راهي حمارت ياااسر‎

رابح ... وكفاه شريتي الغوفريط؟ خرجتي نتي شريتيه اا ؟؟ !! ‎

رابحة ... لالا ياك تعرفني مانخرج ق بمشورتك .. ياك حكيت مع جارتنا حفصة و هي مسمية روحها في الفيس بوك اميرة الحي .. قلتلها تبعثلي وليدها‎
رابح .... يامالا ادوري ادوري و ترجعي ق للفيس بوك
... شوفي ... جيبي لاتاي ... و الغوفرييييييط
... و نسقدو الجماعة ... و نتي ابداي خملي في قشك ... كي يروحو الجماعة ... راكي تروحي وراهم لداركم‎
رابحة ... اااااحووووجييييي يااااناااااا‎


.
.

.
و هذي نهاية رابحة لي تظل غير معا الفيس بوك

قام بأداء دور رابح @habchisalaheddin
و في دور رابحة @حروف تائهة


ان شاء الله تكون الحلقة عجبتكم
و الى اللقاء مع تحيات كادر العمل
 
آخر تعديل بواسطة المشرف:

❤️كلي أمل❤️

:: عضو متألق ::
إنضم
17 أوت 2016
المشاركات
4,591
النقاط
741
محل الإقامة
عالمي الخاص
الجنس
أنثى
هههههههههههههه
صلاح خرج عليك دور راااابح فوووور ولله ههههه
ولله نقرأ ونتخيل فيكم صح هههههه
يعطيكم الصحة رابح ورابحة ههه قصدي زكية وصلاح هههههههه
في المتاااااابعة
 

حلم كبير

:: نجم اللمة ::
إنضم
24 ديسمبر 2016
المشاركات
5,068
النقاط
2,751
العمر
34
محل الإقامة
فرنسا الجزائر وطني
can-stock-photo_csp10169064.jpg

هههههههههه هههههههههه

téléchargement (5).jpeg
رائعة رائعة رائعة وااااااو هايلة هايلة هايلة
واش نڤولكم يا مصايب من اروع ما قرأت عندي ڤداه ما ضحكتش هكذا
تستاهلو تصفيقات ،وانحناءات
جبتوها رائعة

مسكينةفالاخر راحت لدار بويها يعني لازم هاذ البقلاوة شرط ههههههه
والله بارك الله فيكم الاخت @حروف تائهة والاخ @habchisalaheddin
يعطيكم الصحة
respect.jpg



 

Skor m@k

:: مشرف ::
منتدى واش راك تهدر
طاقم المشرفين
إنضم
12 جويلية 2010
المشاركات
5,273
النقاط
2,901
هههههههههه آه يارابح آه ههههههههه
واقيلات خير من الصالح يا عزيزي هههههههه
هذي هي لي دارو عليها فيلم بكري هههههه
عايلة كي الناس ههههه خرجت فور بصح
تانيت عجبتني وحد الكلمة ههههههه
بصح وش بيه ملطبخ بالبقع الحمرا ... ؟؟ .. كنتي ادوزني بيه ولا وش ؟؟
تستاهلو الختم ههههه
ان شاء الله مع حلقات أخرى
 

يلوو شيش

:: مشرفة ::
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
12,294
النقاط
1,656
الجنس
أنثى
السلام عليكم
ههههههههههههههههههههههههههههههههههه
باباتي يسموه رابح هههههههههههههههههههههههههه
فور هدي رابح ورابحة
ههههههههههههههههههه
والله دخلت بنيتي برك ماوصلتنيش الاشارة
اضحك الله سنكم غاليتي وربي يحفظك للاشارة
تحياتي القلبية
في المتابعة باذن الله
 

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
11,293
النقاط
2,061
محل الإقامة
الجزائر الحبيبة

Princesse Diyor

:: عضو متألق ::
إنضم
7 ديسمبر 2015
المشاركات
3,052
النقاط
191
محل الإقامة
بسكرة
الجنس
أنثى
هههههههههههههههههه الله يبارك
شاطرين والله زهيتونا ربي يزهي ايامكم
و صلاااح عجبتني والله طاح عليك اسم رابح خير هههههههههه
و شكرا على الاشارة مع انها موصلتش هههههه مي معليش المهم قريتها ما فاتتنيش
في انتظار جديدكم
سلام​
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,624
النقاط
2,251
العمر
26
محل الإقامة
قسنطينة
الجنس
أنثى
السلام عليكم
ههههههه يعطيكم الصحة والله غير فكرة هايلة
عجبتني بزاف خاصة أنو تشاركو فيها زوج أعضاء يعني كل شخص حط شخصيتو
على عكس لما عضو واحد يكتب موضوع وحدو
فكرة مميزة وتستاهل صح ختم التميز
نستناو الأعداد القادمة بحول الله
بالتوفيق لكما صلاح وزكية
تحياتي
 

حروف تائهة

:: عضو متألق ::
إنضم
13 جويلية 2014
المشاركات
3,763
النقاط
901
العمر
25
محل الإقامة
حوشنا
الجنس
أنثى
السلام عليكم
بارك الله فيكم خاوتي و خياتي ربي يحفظكم
فرحتونا بدودكم المشجعة
و ربي يديم الضحكة ان شاء الله
و شكرا على الختم
@صمت المشاعر
الله يسلمك عبورة .. مشكورة حبيبة على تشجيعك
متابعة ممتعة ان شاء الله
@حلم كبير
خويا بارك الله فيك
و يعطيك الصحة على كلامك المفرح و تشجيعك
هههه و رابحة مسكينة مادارت فيها البقلاوة ههه
مشكوور خيي
@Skor m@k
خويا بارك الله فيك على الختم
و يعطيك الصحة على تشجيعك
متابعة ممتعة ان شاء الله
@missing heart
ربي يسعدك حنونة
و ربي يحفظ الوالد
هههه مزية لي دخلتي هههه
متابعة ممتعة ان شاء الله
@الامين محمد
مرورك الاروع خيي
ربي يسعدك ان شاء الله
نورتنا
@Princesse Diyor
بارك الله فيك حبيبة على التشجيع
هههه مليح لي دخلتي و مافاتكش العرض
ربي يسعدك .. متابعة طيبة
@زهرة البليدة
يعطيك الصحة اختي على المرور الجميل
و مشكورة على التشجيع
ربي يسعدك ان شاء الله
@لؤلؤة قسنطينة
بارك الله فيك حبيبتي مريومة على تشجيعك
ربي يسعدك ان شاء الله
نورتينا ربي يحفظك
 

Salah eddin

:: عضو شرفي ::
إنضم
27 جانفي 2016
المشاركات
10,190
النقاط
1,886
محل الإقامة
الجلفة
الجنس
ذكر

جميلة أنا

:: عضو مُشارك ::
إنضم
1 جانفي 2018
المشاركات
441
النقاط
41
محل الإقامة
باتنة
الجنس
أنثى
ههههههههههههههههههاااااااااا حوجي ناياااااا رابح قتلتني بالضحك
هههههههههههههههههه و اااااه منك با ربوحة وش ردتي فينا مع فايسبوك ههههههههههههههههههههه
والله فكرة هاااايلة أبدعتم واصلوا على مثل هذه الأفكار ممتعة جداااا
 

البحر الهادي

:: مشرف ::
منتدى المرحلة المتوسطة
طاقم المشرفين
إنضم
27 ماي 2016
المشاركات
5,739
النقاط
2,211
محل الإقامة
أرض الوطن
الجنس
ذكر

بشرى ملاك

:: عضو شرفي ::
إنضم
18 أفريل 2016
المشاركات
1,977
النقاط
341
محل الإقامة
سعيدة
الجنس
أنثى


السلام عليكم و رحمة الله بركاته
اهلا و سهلا و مرحبا بكم



سلسلة فكاهية بأداء ارتجالي ... تلقائي ...
تعالج مواضيع شائعة و مشاكل يومية لعائلة جزائرية متكونة من زوج وزوجة " رابح و رابحة "

نترككم مع العدد الأول ...




رابح ينادي .. رابحة !! رابحة !!‎
رابحة حاكمتها ق فيس بوك . .. ايواااه دارت لحليمة جام و انا لالا؟؟؟ ... و الله مانزيد نبارطاجي لي بوست تاوعك يا وحد المصفارة .... هنا رابحة تسمع رابح ينادي ... ااانعم هااا رابح جيتك جيتك .. واش ق الخير ماخليتنيش حتى نكمل نكتب الكومونتار ..‎
و رابح مسكين مازال يبرح ... يا رابحة !! يااتلا وراكي ؟ لاهية بالفيكس بوك ؟؟ ...

رابحة ... هاااني جاية ااا رابح ماعنكش الصبر قاع ... اانعم واش تسحق و خف روحك راني خليت المنشور معلق

رابح ... وين راه الدوسي لي عطيتولك ذاك النهار ؟؟؟
. .. راني نحتاجو فيسع !!! ... حوسي عليه !!!‎

رابحة ... وااشمن دوسي ثاني ربي يسمعنا الخير ‎
رابح ... يااتلا الدوسي تاع السكنة ياك شهرين و انا نجمل فيه !! يا و الله ... و الله نلقاك ودرتيه
... و الله ق الليلة تباتي في داركم !

رابحة ... ااااحوووجي ياااماااا .. ذرك نحوسلك عليه ... ق اصبر شويا نعرفك تستنا فيها وقتاش نرجع لدارنا‎

و بعد بحث طوييل طوييل
رابح .. رابحة !! ... اطلقي روحك ااووو !! ... السيد راه يكلم فيا !! ... رابح يهدر بينو و بين روحه ...
( اواااه ... ذي المصيبة ق جياح و راقدة عليها طول انترنت ... انا نبدلها و نريح راسي )


رابحة تكلم نفسها ... ( ياربي زعما وين حطيتو انا هذا الدوسي؟ ... استناي نتفكر هذاك النهار واش صرا فيه ... الحادة دارت المنشور هذاك تاع احب زوجي
و انا درتلها احببته .. و مبعد انا نكتبلها في الكومونتار و كنت فاتحة لفريجيدار .... ااااي تفكرت ... هاااهو الحمد لله لقيته حطيتو معا الطماطيش !!! ..
. ااااحووجي مزية لي ماتبقعش ...) ....
ااااربووحي شوف راني شاطرة هاني لقيتو .. وانت ق دار اهلك دار اهلك


رابح ... لقيتيه ؟؟؟ .... هاتيه !! ... بصح وش بيه ملطبخ بالبقع الحمرا ... ؟؟ .. كنتي ادوزني بيه ولا وش ؟؟
... اواا نتي صبرت عليك فوق اللازم ... راكي تلعبي فواحد الللعب ... ما عندو و ين يديك !! ...‎

ايا راني رايح ... والعشية نتفاهمو ع اللعب تاعك !!

رابحة ... ااارااابح بالعقل نفهمك ياراجل ااا اااا ياااربي شحال مايصبرش هذا‎

رابح ... رابحة !! راني رايح ... و راهم العشية جايين ضياف ... مش يتعاشو ... يقسرو شوية و يروحو ... امالا وجديلهم شوية بقلاوة كيما لي موالفة توجديها الزينة هذيك

... ايا بالعافية ...‎

رابحة تكلم في روحها ... ( هييييه مالا واش ..
.. كي ولاو فيها ضياف ولات بقلاوتي زينة ) .. ايه ايه سي رابح اليوم ضيافك يخرجو بلا صباع‎


تدخل رابحة للكوزينة و تبدا يد توجد في العشا و يد تفيسبوكي .‎
ايا و هاو وجد العشاء المحنون هذا ... اييييه عليا البقلاوة ذرك ... ( بلوووق .. صوت البرتابل) .. واش كاين ذرك .. اااه قامت حورية الجنة بتحديث حالة!! .. ههههه قاتلو زوجي لا يستغني عني؟؟ .. اااو فاااقو ديجا سمعت بلي ناوي يتزوج
... ايا نديرلها جام و خلاص مانظلش انا نكومونتي و هي جامي ويلا تكومونتيلي ... ايا نشوف البقلاوة .. ممم وقيلا نخليها تزيد تحمار شويا ..‎


رابحة تهز البرتابل و تروح للصالون و تكونكتي تحط الرجل على الرجل و هي ق تضحك معا هذاك البرتابل‎
و من " بلوووق" ل " بلوووق" رابحة تشم في واحد الريحة .... وااش هذي الريحة ؟؟ .. وقيلا هذيك جارتي لي مسمية فيسبوكها طباخة المستقبل تحرقلها العشا ههههه
ياخي مسكينة وقيلا اليوم تبات في دار اهلها هههه على قولت رابح هههه ... ممم ماعرف علاه حاسة روحي ناسية حاجة!!! ... زعما نسيت مابارطاجيتش المنشور تاع مشاعر مبعثرة؟؟ .... ياااااحوووجييي نسيت البقلاوة !!!!


و يرجع رابح معا الضياف تاوعه ... تفضلوا جماعة !! تفضلو !!
... و يروح للرابحة في الكوزينة ... ايا رابحة .. اطلقي روحك .. شوية اتاي و شوية بقلاوة من الزينة تاعك ... الجماعة راهم في الصالون

رابحة ... ايه ممم ايه حقا ااا البقلاوة اااا ياااك البقلاااوة راااهي اااا‎


رابح ... ايه البقلاوة ... هاتيها راهم جاو الضياف

رابحة ... اا سي رااابح خطاك من البقلاوة ااا
ياك قبيل نسمع في الراديو ووو قالو بلي اطلع السكر


رابح ... شني سكر !! ياااتلا البقلاوة الي وصيتك عليها و رهم الجماعة يستناو !! جيبيها نشوفها راني نشم في ريحتها جيبيها ماعليش السكر و المرض .... قوتلك جيبيها ما تبقايش تشوفي فيا !!‎

رابحة .. اااااه ياك راني شريتلكم القوفريط خيرلكم وووو البقلاوة يااااك رااهي اااا ياك راهي حمارت ياااسر‎

رابح ... وكفاه شريتي الغوفريط؟ خرجتي نتي شريتيه اا ؟؟ !! ‎

رابحة ... لالا ياك تعرفني مانخرج ق بمشورتك .. ياك حكيت مع جارتنا حفصة و هي مسمية روحها في الفيس بوك اميرة الحي .. قلتلها تبعثلي وليدها‎
رابح .... يامالا ادوري ادوري و ترجعي ق للفيس بوك
... شوفي ... جيبي لاتاي ... و الغوفرييييييط
... و نسقدو الجماعة ... و نتي ابداي خملي في قشك ... كي يروحو الجماعة ... راكي تروحي وراهم لداركم‎
رابحة ... اااااحووووجييييي يااااناااااا‎


.
.

.
و هذي نهاية رابحة لي تظل غير معا الفيس بوك

قام بأداء دور رابح @habchisalaheddin
و في دور رابحة @حروف تائهة


ان شاء الله تكون الحلقة عجبتكم
و الى اللقاء مع تحيات كادر العمل
هههههههههههههه صلوح مسكين من المير لرابح كشفتوه ههههههههههه والله قصة هايلة قتلتيتي بالضحك روح يا لفيسبوك لي خللها دارها
 

Salah eddin

:: عضو شرفي ::
إنضم
27 جانفي 2016
المشاركات
10,190
النقاط
1,886
محل الإقامة
الجلفة
الجنس
ذكر
هههههههههههههه صلوح مسكين من المير لرابح كشفتوه ههههههههههه والله قصة هايلة قتلتيتي بالضحك روح يا لفيسبوك لي خللها دارها
راكي تشوفي اااختي بشرى ههه
شكرا على مرورك الجميل
 

حروف تائهة

:: عضو متألق ::
إنضم
13 جويلية 2014
المشاركات
3,763
النقاط
901
العمر
25
محل الإقامة
حوشنا
الجنس
أنثى
@جميلة أنا
يعطيك الصحة حنونة على المرور الطيب
ربي يديم الضحكة ان شاء الله
@السحاب العابر
مرورك الاروع خيي
بارك الله فيك
ربي يحفظك
@بشرى ملاك
مشكورة على مرورك الرائع اختي بشرى
هههه صلاح مسكين كل مرة بحاجة ههه
نورتي غاليتي
 
Top