واش هي الطبخات والحلويات المعروفة بولايتك

[ام ايناس]

يعطيك الصحة حاملة المسك اسم على مسمى اطباق كلها تشهي يعطيك الصحة كاين بزاف ما نعرفش الوصفات تاوعهم المشخشخ والمروقي عيش الحليب ومحاجب الفطير ياااااريت الوصفات حبيبتي

 

[حاملـة المسك]

الله يسلمك ام إيناس توجديهم في ملفي الشخصي​

 

[imane27]

شطيطحة جاج
نقلي جاج في زيت ونضيف ثوم ملح فلفل لكحل كمون راس الحنوت ونخليه يتقلي حوالي 10 دقائق
ثم نمرق ونظيف لحميصة ونخليه يطيب شوية ونظيف طماطم علب ونخليه حتي يخثر وزينو بمعدنوس​

 

[ام ايناس]

يعطيك الصحة ايمان فكرتيني فيها مشكوووورة

 

[houdaty]

السلام عليكم انا تاني بغيت نشاركم

حنا في وهران عدنا من الاطباق المشهورة لحريرة بانواعها و بركوكس (بلحم و دجاج و لكفة) و معقودة و

كارانتيكا و رقاق بدجاج ولا بلحم نديروه في ليلة 27 و المولد و عدنا الفلفلة فرية و طعام مرقة او سفة بلعسل و حلوة اللوبيا و البيض مسلوق و للحلويات عدنا تقنة و كعك سمين و لامونة و حلوة الطابع و مقروط التمرو الكتير الكتير

نتمني نكون عرفتكم شوية باطباقنا و مزال نتفكر

 

[ام ايناس]

اهلا بيك هدى وبناس وهران اكلات تشهي يعطيك الصحة
اخي بارصا مشكوور على الافادة

 

[ibtesem]

تسنيم ورغود راهم قامو بالواجب
انا من بسكرة راني مع الاخوات

 

[ام ايناس]

ابتسام انتي غنية عن التعريف وانشا الله تزيدي تفيدينا بطبخاتكم ومشكووورة

 

[═♥.ЈŪšť_ màn.♥═]

...
بريسونـــ ... بروكــ ..
هادا ماكن
اما في الايام العادي
ناكلــوا الفريتــ بزااااااااااااااف
​

 

[ام ايناس]

مشكور اخي ═♥.ЈŪšť_ màn.♥═

 

[أم انس عبد الله]

السلام عليكم ورحمة الله وبركاته
ممكن اتقولولى واش الاكلات المشهورة في العاصمة ؟؟
وطريقة تحضيرها
وبارك الله فيكم​

 

[ام ايناس]

اهلا بيك محبة الجزائر بالنسبة للعاصمة معروفين بالطعام مرقة بيضاء والرشتة وشربة فريك ومقطفة والمثوم وطاجين الزيتون ..... الخ

 

[أم انس عبد الله]

بارك الله فيك ام ايناس
ماعليش كيفية عمل المقطفة ؟؟​

 

[ام ايناس]

سامحيني هاجر البارح كانت النت عندي عيانة انشا الله اليوم نطلب الوصفة من عند ايمان بصفتها عاصمية

 

[imane27]

حادر ايناس من عيوني
هاجر شربة مقطفة هي فرمسال
فى طنجر دري لحم خروف وخضر مقطعة مكعبات صغيرة وهي جزر قرعة بطاطا لفت كرافس بصل وحشيش كصبر وخليهم يتقلو مع ملح فلفل لكحل قرفة زيت ومرقي ودري لحميصة وخليهم يطيبو ومن جهة فوري طماطم حب ورحيها وضفلها طماططم علب وضفيهم وكي يطيب كلش ضفي فرمسال وخليها تغلي 10 دقائق وقدميها سخونة مع قصبر

 

[ام ايناس]

يعطيك الصحة ايمان انشا الله نجربها شهيتيني فيها

 

[كوثر الوهرانية]

السلام عليكم
انا من وهران و راهي افدتكم الاخت الي قبلي على اكلاتنا و نضيف طجين الزيتون و طجين الحلو برقوق و مشماش زبيب و البرانية بالدنجال و لروز بالدجاج و الجلبان الشوربة اللحم محمر باللوز نديروه بزاف في اعراس المعقودة الحوت بانواعة سيرتوا السردينة مشهورة هنا بزاف الضولمة تاع الحوت حارة و بنينة و الطواجين كيان تاع الجلبان و تاع الشوفلار و البسباس اكلات كثيرة نطيبوها في وهران و على راسهم و ديما حاضر في كل المنسبات الطعام بالمرقة حمرة و مخضر بالخضرة و سيدهم البركوكس بالتعمير و الدجاج او اللحم و كفتة و كاين العصبان
الحلوى كاين الطورنوا عنده بزاف طرق تاع التزيت و كاين الصابلي و الكعك و المقرود المقلي تاع التمر القريوش و تشاراك والخ.........................................................

 

[ام ايناس]

عطيك الصحة كوثر بلا ما نشوفهم يبان طياب يشهي ايلا عندك صور منهم حطيهملنا والف شكر نورتينا

 

[كوثر الوهرانية]

ما يكون غير خاطرك ام ايناس
هدا طجين الشوفلار

و هدي اللوبيا خضرة صوتي ومع دجاجة محمرة

و هدا الروز بالدجاج و الجلبان

و هدا العصبان

 

[ام ايناس]

اممم يا فريدة اطباق تشهي يعطيك الصحة حبيبتي