يوميات بنات اللمة للنظافة

[oumniati]

يعطيك الصحة امينة ومشكورة ختي
كل وحدة تتفكر حاجة تقولنا هكذا يبقى الموضوع ماشي

 

[*amina*]

ان شاء الله اختي امنيتي
والله درتولي القلب باش نخمل ونظف مالغري جامي نخلي حاجة مغبرة ولا ماشي نقية
عجبتني فكرة البيكربونات والليمونكي تنطفو بيها تعرفي حتى البيكاربونات والليمون ملاح للأسنان باش تبيضيهم هكا شفت في وحد المنتدى مجربينها

 

[ام سيرا]

انا جديدة فالمنتدى
ولاني عندي عقدة فتنظيف البيت ما صدقت لقيت هدا الموضوع
نفرغ قلبي فيه
انا عندي 3 اولاد الكبيرة تقرى و2 الاخرين مزالهم صغار
كيما قالو لي قبلي مانصيب نخدم الشغل مانصيب نرفد وليدي الصغير لراهو ديما يبكي راهو ينوض في سنيه وضارينو
والتاني عاسني الحاجة لنخدمها ونقول تهنيت يفسدها
لفرزت سرير لازم يهبط الغطاء فالارض
ولا مسحت الارض لازم ياكل القاطو ويخلي وراه غير الفتفوت و......
راح نهبل
لي عودة انشاء الله

 

[دروب الرحمة]

السلام عليكم
صباح الخير لبنات
انا عندي طريقة موالف نخدم بيها كي نحب نظف الpراس تاع القهوة ممكن تكونو تعرفوها
كي نحب نظفها من السواد تاع القهوة نحط فيها الرغوة يعني الما والاومو ونغلقها كيما موالف نطيب القهوة ونحطها فوق النار تغلي كي تغلي مليح نحطها في بسينة ونطفها ترجع نقية من الاخل كأنك شريتيها
كذالك الليومن يساعد بزاف في تنظيف ادوات المطبغ انا موالف نحط نصف حابة دائما في اللتسليلة تاع الماعن باش تبقى ريحتهم شابة
الطريقة لي ذكرتها تقدري تخدمي بيها مام الطاجين
الا كاش ما تفكرت نصائح اخرى راني نكتبهم

مارسي ختي​

 

[ام سيرا]

عجبتني فكرة لبراس ان شاء الله نجربها

 

[*amina*]

عجبتني فكرة لبراس ان شاء الله نجربها

ان شاء الله اخت ام سيرا مي منتخليهاش تطول بزاف كي تشوفي الاومو يدير الرغودة ويتدفق بويسك كي يتفق الومو وتكون البراس تغلي رايحة تنحرق يعني متخليها حتى تنشف
بالتوفيق

 

[ام سيرا]

جربتها اليوم حنونتي والنتيجة كانت رائعة شكرا لك

 

[*amina*]

جربتها اليوم حنونتي والنتيجة كانت رائعة شكرا لك

مزية اول مشاركة ليا خرجت بنتيجة
بالنسبة لشيء اخر في رمضان كن أبي ربي يحفظو يجيبلنا التين بزاف(الحرة) مي تاني الله يحفظها كانت تفورها وتطها في صاشي وتحطها في الكونجيلاتور باش متفسدش وضرك راهي تخرجها وتصنعها مربى
تخرج هايلة اجمل كونفيتور عندي هو تاع التين روعة

 

[narjes81]

السلام عليكم كي راكم لاباس

تفكرت حاجة قلت نجي نقولكم عليها
حنا عندنا فالمدينة نتاعنا عند العطارين وحد الصابون يسموه الصابون البلدي لونه يجي بني تدهني بيه الجسم كي تكوني فالحمام روعة وكاين كيفه بصح لونه اخضر هذا خصيصا للاواني والله يا خواتاتي ماكان لا جيف ولا اكسيون 50د ج تبقى لك شهر روعة روعة الماعين يشعلو خصوصا القدور والكوكوط جربوه وردولي الخبر بصح كاين حاجة لازم ديرو لي غونات لانو يسبب تقشر اليدين ................يلا تفكرت حاجة اخرى راني نجي

 

[juliette]

لزم المراة تكون واقف علي شغله بزاف

 

[ام سيرا]

السلام عليكم كي راكم لاباس

تفكرت حاجة قلت نجي نقولكم عليها
حنا عندنا فالمدينة نتاعنا عند العطارين وحد الصابون يسموه الصابون البلدي لونه يجي بني تدهني بيه الجسم كي تكوني فالحمام روعة وكاين كيفه بصح لونه اخضر هذا خصيصا للاواني والله يا خواتاتي ماكان لا جيف ولا اكسيون 50د ج تبقى لك شهر روعة روعة الماعين يشعلو خصوصا القدور والكوكوط جربوه وردولي الخبر بصح كاين حاجة لازم ديرو لي غونات لانو يسبب تقشر اليدين ................يلا تفكرت حاجة اخرى راني نجي

مشكورة حنونة بصح كون تقولينا اسمو ولا بلدي هو الاسم تاععو مفهمتش

 

[narjes81]

ايه ياختي ام سيرا اسمو الصابون البلدي ينباع عند لي يبيعو العطور

 

[ام سيرا]

شكرا على المعلومة نرجس ان شاء اله نجربو

 

[hiba14]

السلام عليكم
هادا وين شت الموضوع دخلت باش نعطيكم التجربة تاعي
بالنسبة ليا نوض على 7 نيشان ندير البراس تاع القهوة نخليها تطلع و نروح ندير الاغت في الدار نشعل الاداعة و نحل التواقي و نبدا نخمل في الفراش تطلع القهوة نروح نوجد الطابلة تاعها هوما يشربو في القهوة و انا نكمل التخمال تاع الفراش و ننشر التابيات تاع الكولوار و التابيات تاع لي شوبر نهار بنهار اما الصالون مرة في السمانة و نصلح ايا يكوننو هوما كملو القهوة يخرجو من الكوزينة تكون مع 8 و شي حاجة ندير نيشان الفطور باش يطيب لاخاطر ما نبغيش الفطور روطار و زيد نبغي نطيب على نار هادية جي الماكلة بنينة على الغصب المهم الفطور يطيب نشرب قهوتي و نبدا في الكوزينة ما نخرج منها حتى نخليها تشعل غي الطاجين اللي يطيب مع 9 و نص ولا نبدا في الدوش و التولات حاشاكم كل يوم نديرلو تشليلة تاع اومو ببراف و زيد جا جيف كتر خيرو و من تم نقيس الما و نبدا نسيق نكمل مع 11 و نص نمسح الغبرة و نفرش الديار و نحط الفطور و نغسل الماعين و نخملهم و نغسل عمري دروك و نصلي الظهر و ندير كاش عشوية ادا كنت طايقة و لا نريح شوي نوض لعشية ندير القهوة تاني طيب و مابيد هي طيب نقي الخضرة تاع العشا و نرميه بكري و على نار هادية و كاش حوايج و تخمال و حديد نديرو دايمن مع العشية و من بعد نحط العشا و نغسل الماعين و نخملهم و ناكل نتفرج شوي مع 11 تاع الليل نرقد
هاكا كل يوم يفوت عليا

 

[السلطانة]

​

 

[وآحشني زمآنك]

واللهْ بيتنأ كبيير حححيلْ
وماقدر انظفهْ ولاماماْ تنظفه ، وعندنا شغالتينْ وحده للتنظيفْ والثانيهْ للملابسْ !

 

[روز]

يعطيك الصحة لبنات شاطرات وفحلات

تثبتون كل مرة أن المراة الجزائرية مرأة بكل معنى الكلمة
تتقن كل شي وتحب أن تصنع كل شيء بيدها
وكما نعلم أن الأعمال المنزلية تعتبر رياضة
تساعد المرأة على التخلص من الشحوم وتجنبها الوزن الزائد

كما أن الرجل يستطعم الأكل من يد زوجته أكثر لأنها تطبخه له بكل حب
فيزيد حبه لها ويراها ترعى أطفاله بنفسها وتهتم به بنفسها...فيزيد تقديره لها وتعلقه بها أكثر
وهذا هو السر في حرمة المرأة الجزائرية فهي إدمان لأي رجل يعرفها
لأنها تعتمد على نفسها في كل شي وتفعله بكل حب ورضا وشغف واتقان
فتجعله يستشعر الحب أينما يحول بصره في أرجاء المنزل

فعلا جزائرية وأفتخر
بورك نشاطكم وربي يحفظ هادوك اليدين
​

 

[الزوجة الصالحة]

يعطيك الصحة لبنات شاطرات وفحلات

تثبتون كل مرة أن المراة الجزائرية مرأة بكل معنى الكلمة
تتقن كل شي وتحب أن تصنع كل شيء بيدها
وكما نعلم أن الأعمال المنزلية تعتبر رياضة
تساعد المرأة على التخلص من الشحوم وتجنبها الوزن الزائد

كما أن الرجل يستطعم الأكل من يد زوجته أكثر لأنها تطبخه له بكل حب
فيزيد حبه لها ويراها ترعى أطفاله بنفسها وتهتم به بنفسها...فيزيد تقديره لها وتعلقه بها أكثر
وهذا هو السر في حرمة المرأة الجزائرية فهي إدمان لأي رجل يعرفها
لأنها تعتمد على نفسها في كل شي وتفعله بكل حب ورضا وشغف واتقان
فتجعله يستشعر الحب أينما يحول بصره في أرجاء المنزل

فعلا جزائرية وأفتخر
بورك نشاطكم وربي يحفظ هادوك اليدين
​

الله الله كلام موزون يعطيك الصحة
بارك الله فيك

 

[وميض]

سلام عليكم
انا احب الترتيب والنضافة وانا احب كثيرا المنزل المرتب والنضيف ذا رائحة عطرة انا عندي خمسة اولاد ات الله يخلي همليي وتعبهم زيادتا علي هاذا كبرالمنزل احب اوريلكم صور بس ما نعرف كفاش ندرجهم

 

[ام سيرين]

السلام عليكم حراير اللمة انا تاني عجبني الموضوع بزاف حمستوني للخدمة تاع الدار وحابة نشارككم بتجريبتي الخاصة.
في الايام العادية تاعي كيما نوض نصلي الفجر مانوليش نرقد نروح طول للمطبخ ندير دايما غدا وعشا ونخبز ولكان عندي ماعن نغسلهم ونمسح الثلاجة وخزانة الاواني وقجورة تاع النيلو يعني ندور على الكوزينة كامل باه نهار ننفضها ماجنيش صعيبة.
كيما يكون الغدء يطيب نروح لبت القعاد نحل الطاقة ونمسح الغبرة ونفرزها مليح (التسياق مرة في الاسبوع)معنديش العفص بزاف والحمد لله سياسة السباط مكانش في الدار راجلي ناض عليها من صغرو امو منضمتهم(ربي يرحمها) منبعد نروح لغرفة النوم نوض بناتي (كون نخليهم حتى ا11 باه ينوضو ويزيدو يقيلو ويبيتوني حية)المهم عندي 2بنات وحدة قريب تكمل3سنوات والثانية تخدم في6اشهر نغسل للكبيرة ونفطرها ونزيدنغسل للصغيرة ومنبعد نلم لفراشات ونمسح الغبرة ونروح للتواليت والدوش حشاكم هما كل يوم نسيقهم مع الهول والكوزينة.الصالون دايما مفروز ومقفول نهويه برك ونمسحلو الغبرة خفافي يجيني ساهل ومرة على مرة نطل على الغداءوكل مايتوسخ ماعون نغسلو باه منورا لغدا يبقاولي غير لماعن لي كلينا فيهم.
القش نغسلو مرة في الاسبوع بالماشينة ماعدا تاع لبنات نغسلو بيديا بصابون الحجرة ماعنديش وقت معين كل مايصدار نغسل.الدراوات تاني نبدلهم كل اسبوع.
كيما تكون عندي نفيضة لدار نعيط لوحدة من خواتاتي تعاوني مع بناتي صعيبة الخدمة بزاف.
بصح نهار مانرقدش مليح مع بناتي خصوصا الصغيرة (كاينين ليالي مترقدش خلاص حتى الصباح)يتقلب كل شيء نعود المهم ندير الغداء ونرقد.
حبيت نقولكم تاني بلي انا مهنيا من السينية تاع الفطور انا وراجلي منشربوش الحليب والقهوة .لاصباحا ولامساء غير بنتي حابة نولفهولها باه متخرجش كيفنا........منبعد نكمل.:re_gards: