يوميات بنات اللمة للنظافة

[oumniati]

يعطيكم الصحة بنات استفت من حاجات منكم


.........................وموضوع في غايت الروعة

اهلا بيك هند
ان شاء الله تستفادي اكثر واكثر ونكونو عند حسن ظنك

 

[oumniati]

الله يبارك يا لبنات ويا السيدات

المهم انا خاطيني الخدمات هذو الكل
حدي نسيق ولا نغسل ماعن لفطور ولا نعبي لفراش
واليوم دالة نسيق ومازال ما سيقتش جيت نجري نضرب
طلة هنايا وسع نروح نسيق + ناوية ندخل للكوزينة لعشية
نجرب وحد الحاجة شفتها في منتدى الطبخ كان صلحتلي راني
نصورها ونحطها لعيه وشوفوها ... هيا ربي يقدركم على الخدمة
سلامو​

اهلا بيك باغبي
يجي نهار يعود كلشي ليك غير اتدربي من ضرك
جربي وقولينا نجيو نذوقو هههه
وزيد كي تزربي تسيقي تتهناي خير ويبقالك الوقت غدوة ابداي بالتسياق ولا ماشي دالتك هههههi-o:

 

[oumniati]

ههههههههههه لا مانظنش 61 سنة اواه نعود هرمت مانلحقش ندير حاجة
ههههههههه يسلمك ياطاطا ويعطيك الصحة الموضوع عجبني بزاااف واكيد نضرب طلات اواه
الgصرة معاكم حلوة بزاااف وهاذا موضوعي المناسب نحب نخدم بزااااف ربي يخليلك ولادك ان شالله

ربي يخليك نهاد
جازت مليح العرضة?
شوفي صفا ومروة اعديهم شوي بمرضك هههه

 

[oumniati]

انا نستعمل اختي للكوزينة وحتى جدران المطبخ جيف متوفر ب290دج على حسب علمي رائع ومنضف فعال
ربي يعينك سيرتوا الكوزينة التعب فيها بزاف لانها تلزمك التنظيف نهار بعد نهار :showoff::showoff:

يعطيك الصحة ام ابتسام ما شفتش بللي جاوبتيها

 

[oumniati]

السلام عليكم اخواتي
عجبني الموضوع بزاف قلت نشارككم لاني نحب النظافة والترتيب
طبعا انا عازبة وبحكم عمل امي يعني لاااااازم نعاونها,
بما اني ندرس نحاول فالوقت لي نكون متواجدة فيه فالبيت نخدم شوية شغل ,اولا نقص التعب على ماما وثانيا مايعطينيش قلبي نشوف الخدمة ونخليها,
هاد الايام بما اني نقرا غير العشية ,نستغل الصباح كامل فالشغل,كي تدخل ماما نص النهار اول جملة نقولهالها -راني ملي نضت الصباح ماقعدتش ,هههههههه كل يوم نعاودهالها وهي تقولي صحيتي بنتي ههههههه.
طبعا اول حاجة نبدا بيها الماعن,كي فسدت آلة غسيل الماعن عدنا نغسلوهم وحدنا ,ادا ماغسلناش ماعن العشاء فالليل لازم نغسلهم الصباح,وصراحة اكره شي عندي نغسل ماعن العشاء الصباح
نكملهم نولي لماعن الفطور,ومن بعد نكنس,ومن بعد نولي للغدا,بيني وبينكم نحب ندير حاجة ماتديش الوقت ,
وفي نفس الوقت نروح نفرز الصالون ,لازم كل حاجة تكون في بلاصتها ,ومن بعد نسيق ,ومن بعد القش,لازم نمشي المشينة وننشر المغسول ولي نشف نطبقو. من بعد نرجع للغرف نسقم الفراش ومانسيقهمش كل يوم ,والوقت المتبقي يااما نغسل فريجيدار ولا نفرز بلاكار .ماتجي توصل ال 12.30 نولي مانيش قادرة نزيد ندير حتى حاجة,وهكدا كل يوم .....
ربي يكون في عون الجميع
شغل الدار ماشي ساهل ,خاصة كل يوم كل يوم بزاااااف
سلامي لكن

ماشاء الله ندى ربي يخليلك صحتك ويحفظك لميمتك
ماكاش حاجة تفرح الام قد انها تشوف بنتها حاسة بيها وواقفة معاها معليش راكي تعياي بصح راكي تدي دعوات الأم
وشغلك لاغبار عليه منظم عالكيف ربي يكملك

 

[الورد الأحمر]

اهلا بيك باغبي
يجي نهار يعود كلشي ليك غير اتدربي من ضرك
جربي وقولينا نجيو نذوقو هههه
وزيد كي تزربي تسيقي تتهناي خير ويبقالك الوقت غدوة ابداي بالتسياق ولا ماشي دالتك هههههi-o:

تعيشي طاطا :shiny:
ايه علابالي يجي نهار ويرجع ليا كلشي على بيها راني نستغل في الفرصة
مادامني براسي نكلح شوية راحة قبل ما تروحلي هههه
أما التسياق اليوم بعدا انا لي سيقت راني كملتو ليه ليه وزربت باش
نتهنى ونجي نكوناكتي وما بقاوش يعيطولي للخدمة :sheer::sheer::sheer:
حتى غدوة ان شاء الله :showoff:
هيا سلامو :re_gards:
​

 

[ISMA.dz]

ربي يخليك اسماء
شوفي انا كويزينيار نستعمل غير الفيم vim
جربي ديكابو تاع الفورdecapant وحكي غير بالشوي باه ماتجرحيهاش وشوفي
بصح الالمنيوم ماتخليهش يطول بزاف والاحسن ماتديريهش كي تسيح حاجة امسحيها في ساعتها وخلاص واذا كثرتي وكثرتي تحكيها بالفيم
ونزيد نقولك اخدمي بالعقل مادام كلشي ليك نظمي روحك برك

ربي يحفظك اختي

لكن ماعرفتش هذا الفيم اذا قدرتي ديريلنا صورتو انا نظل نحوس على هاذو المواد مانتلاقاهمش_o:​

 

[روز]

شريت فوطات مخصوصين لمسح الزجاج والمرايا روعة من مسحة وحدة ترجع المرآة او الزجاج يلمع
ماتحتاجيش للجرنان والما وهاديك المحاليل
لانهم شغل دي لانجات رطبين ومعقمين وريحتهم هايلة
اذا لهيت نصورهملكم غدوة ونحطهم تشوفو شكلهم وخدمتهم

 

[ISMA.dz]

شريت فوطات مخصوصين لمسح الزجاج والمرايا روعة من مسحة وحدة ترجع المرآة او الزجاج يلمع
ماتحتاجيش للجرنان والما وهاديك المحاليل
لانهم شغل دي لانجات رطبين ومعقمين وريحتهم هايلة
اذا لهيت نصورهملكم غدوة ونحطهم تشوفو شكلهم وخدمتهم

هاذو اكيد ماكانش فدزاير

اكره حاجة عندي لما نمسح الزجاج الجرنان يرجع اليدين كحل :shay:والفوطات العاديين يخلولي الفتات تاعهم فالزجاج نظطر نمسحهم بالدوا تع الزجاج والجرنان والتعب عليـــــــنا:sadwalk:​

 

[nounanouna23]

aaa 7awji 7assit ro7i fay7a 9odamkom,,rabi ybarek,5lass rakom dartouli algalb

 

[جزائرية واعشق بلدي]

ربي يخليك نهاد
جازت مليح العرضة?
شوفي صفا ومروة اعديهم شوي بمرضك هههه

ايه ياطاطا الحمد لله جازت روووووووووووعة الناس كامل عجبتهم وجاوني بزاااف خطابة :shay:ههههههه
ان شالله ناتخافيش الشغل كي الحمة يحكم gاع الناس هههههههههه

 

[oumniati]

تعيشي طاطا :shiny:

ايه علابالي يجي نهار ويرجع ليا كلشي على بيها راني نستغل في الفرصة
مادامني براسي نكلح شوية راحة قبل ما تروحلي هههه
أما التسياق اليوم بعدا انا لي سيقت راني كملتو ليه ليه وزربت باش
نتهنى ونجي نكوناكتي وما بقاوش يعيطولي للخدمة :sheer::sheer::sheer:
حتى غدوة ان شاء الله :showoff:
هيا سلامو :re_gards:​

برافو باغبي عرفتيلها باش تسكتيهم زربتي هههههههه
ربي يعيشك

 

[oumniati]

ربي يحفظك اختي​

لكن ماعرفتش هذا الفيم اذا قدرتي ديريلنا صورتو انا نظل نحوس على هاذو المواد مانتلاقاهمش_o:​

اسما واشراكي زينة
اواه كاين بالاك الاسم برك راهو يجي غبرة مصورة حبة قارس في لباطة
انا عندي كيما هذا ليكيد

اذا انت اللي تروحي تشري خذي وقتك اقراي les produitsضرك تلقاي

كملتي الكوزينة انا مازال وليت نفرز في القش

 

[oumniati]

شريت فوطات مخصوصين لمسح الزجاج والمرايا روعة من مسحة وحدة ترجع المرآة او الزجاج يلمع
ماتحتاجيش للجرنان والما وهاديك المحاليل
لانهم شغل دي لانجات رطبين ومعقمين وريحتهم هايلة
اذا لهيت نصورهملكم غدوة ونحطهم تشوفو شكلهم وخدمتهم

هييييييه بصحتك روز غير نعتيهملنا نتهناو من تشوالق:sheer::sheer::sheer:
انا كي نمسح بالخل يجيني يفوح:cra_zy: قريت قالك زيدي شوية قارس بصح مزال مجربتهاش:schmoll:

 

[oumniati]

ايه ياطاطا الحمد لله جازت روووووووووووعة الناس كامل عجبتهم وجاوني بزاااف خطابة :shay:ههههههه
ان شالله ناتخافيش الشغل كي الحمة يحكم gاع الناس هههههههههه

اكيييييييييييد امالا يخليوك الخطابة:sheer::sheer::sheer::sheer:
بالاكي قرايتك عيني حمرة هههههههههه
ربي يبعثلك ولد حلال يستاهلك

 

[جزائرية واعشق بلدي]

اكيييييييييييد امالا يخليوك الخطابة:sheer::sheer::sheer::sheer:
بالاكي قرايتك عيني حمرة هههههههههه
ربي يبعثلك ولد حلال يستاهلك

ههههههههه اكيد قرايتي قبل كلشي ومازالت بيبي نلعب فالدار هههههههههههه

 

[ISMA.dz]

اسما واشراكي زينة
اواه كاين بالاك الاسم برك راهو يجي غبرة مصورة حبة قارس في لباطة
انا عندي كيما هذا ليكيد

اذا انت اللي تروحي تشري خذي وقتك اقراي les produitsضرك تلقاي

كملتي الكوزينة انا مازال وليت نفرز في القش

والله انا بخير حبوبتي ربي يخليك

الكوزينة كملتها لكن تعرفي فيها التعب ولازم كل يوم تتنقا خاصة الكوزينة الكبيرة واللي فيها الطياب لزاف

عندي هاكاك كيما قلتي لكن وسمو اكسيون مرسومة فيه حبة قارص

لكن مايفيدش:sadwalk::sadwalk:​

 

[oumniati]

:showoff:

aaa 7awji 7assit ro7i fay7a 9odamkom,,rabi ybarek,5lass rakom dartouli algalb

اهلا بيك نونة نونة نورتينا
عندك الحق لازم الوحدة تدير القلب خطراش الخدمة تتعاود بزاف صافي نكرهو بصح كي نتعاندو تسهل علينا شوية والفايدة لينا طبعا:shiny:
مرحبا بيك معانا ديري برنامجك لكل يوم وابداي واحكيلنا:sheer:

 

[oumniati]

والله انا بخير حبوبتي ربي يخليك​

الكوزينة كملتها لكن تعرفي فيها التعب ولازم كل يوم تتنقا خاصة الكوزينة الكبيرة واللي فيها الطياب لزاف​

عندي هاكاك كيما قلتي لكن وسمو اكسيون مرسومة فيه حبة قارص ​

لكن مايفيدش:sadwalk::sadwalk:​

صح الخدمة كامل في الكوزينة
اسما لكوشة تاعك قديمة ولا جديدة?
اذا كانت قديمة ومحروقة بزاف انا كنت نحكها بلاجاكس تعرفيه هذاك اللي عامل شغل كبة رمادي ماشي السلك تاع لحديد لخشين
هذا رقيييييق عرفتيه
كانت الكوشة الاولى تاعي قديمة وكي تتحرق فيها حاجة ماتتنحاش نشمخ لاجاكس ونحكو في صابون الطرف ونبدا نحك غير بلعقل وكي نكمل نمسحها ونحك بvim
بصح اذا كانت جديدة ماتستعمليهش لانه يجرحها شوية جربي جف كيما قالت ام ابتسام


ملاحظة طريقة لاجاكس بصابون الطرف نستخدمها باه ننظف الكوكوطة والقدرة تاع الالمنيوم يخرجو يبرقو

 

[oumniati]

لبنات هنا لبلاكار كي فرزتو
وهاذي شغل سلة نخمل فيها الساشيات
او طريقة اخت هنا في المنتدى يعطيها الصحة ام دودو


https://www.4algeria.com/forum/t/286593