يوميات بنات اللمة للنظافة

[l'algeroise]

ألف ألف شكر على الموضوع الرائع
نشالله يلقى تجاوب
انا شخصيا نموت على الديكور و شغل البيت أكثر من الطبخ
أنا النصيحة لي حابة نقدمها للأخوات و عن تجربة هي عند غسل الملابس ( فالتشليلة) الأخيرة ديري فالماء بوشون minidou ريحتو هايلة وتبقى فالملابس مدة طويلة ​

 

[oumniati]

مشكوورة ام نياتي على الافكار كيما انا اليوم ندت درت ميناج للبيت تاعي ومسحت الزجاج والغبرة ومسحت الارضية راهي :thumb_up2::thumb_up2::thumb_up2:

صباح النظافة والنقا لكل انيقات اللمة
صحا صحا بنت قالمة شهيتيني بصح قوليلي كيفاه يكفيك الوقت للفطور وباش تمسحي الزجاج تاعك

 

[oumniati]

يعطيك الصحة لالجيرواز على النصيحة

قوليلي انت تكملي شغلك الصباح واش هي الخطة تاعك:showoff:

 

[oumniati]

بسم الله توكلت على الله

هذاوين راحت بنتي تقرا, ضرك نوجد ندود وزكزوك ,,نغسل ماعن القهوة,,ندي ندود la garderie ونعاود نولي تكون ديجا 10 :cra_zy:هذا هو اللي يعطلني نزيد كي ندخل لازم نوكل زكزوك وبالاك يحب يرقد صافي يزيد يرضع ههههههه راني منهم ماخرجتش

علابيها ما نمسحش كل يوم:shay:
راهي 8 ننوض نشوف واش نلحق نديرi-o:
لبنات اتهلاو اذا ما قدرتش ندخل ماشي خلاص يحبس الموضوع كل واحدة تمد شوي حتى يستمر
داكور:re_gards:

 

[oumsif]

صباح الخير امنيتي انا اليوم نهضت علي 6و نصف طيبت قهوة و احليب لابني علي 7 راح يقراء و من بعد انا وخيتك وليت للفراش حتى لثامنة ونصف نهضت هزيت لفراش درت سبراطار ومسحت لبوسيار وليت للكوزينة غسلت فناجل لفطور ومسحت الكوزينة حطيت لغداء يطيب ووليت رحت لدوش غسلت الفيونس ولفيي وحشاكم الطوالث ومسحتالدوش ومن بعد ادوشت ودرت السشوار ومن بعد جاء بني وتغدينا و الان نسنا في زوجي جاي من البلاد:sheer::sheer::sheer::sheer::sheer:

 

[oumniati]

samora allah ybarek ki chftek farhana b rajlek goult njawbek dhourk kbal ma nekhrouj, ya lala el youm youmek hhhhhhhhhhhhhh
in cha allah youssel beslama

 

[oumniati]

صباح الخير امنيتي انا اليوم نهضت علي 6و نصف طيبت قهوة و احليب لابني علي 7 راح يقراء و من بعد انا وخيتك وليت للفراش حتى لثامنة ونصف نهضت هزيت لفراش درت سبراطار ومسحت لبوسيار وليت للكوزينة غسلت فناجل لفطور ومسحت الكوزينة حطيت لغداء يطيب ووليت رحت لدوش غسلت الفيونس ولفيي وحشاكم الطوالث ومسحتالدوش ومن بعد ادوشت ودرت السشوار ومن بعد جاء بني وتغدينا و الان نسنا في زوجي جاي من البلاد:sheer::sheer::sheer::sheer::sheer:

ما شاء الله سمورة شغل منظم على حساب واش فهمت عندك طفل الله يبارك

انا لحد الان فرزت شمبرتي وشمبرة لبنات والصالون :music_whistling:
ماالت شمبرة صغيرة مدايرتهالهم للعب راهي مقلبة :no_1:
والكوزينة نخبي لماعن ونخمم في الطياب
راني قاعدة نرقد في زكزوك ومبعد ننطلق ههههه :yaw:شهاتني ام ايناس وسمورة نخف روحي بالاك نلحق نمسحi-o:

 

[oumsif]

شكرا امنيتي الحمدلله زوجي وصل علي خير واش انقلك حنونة راني ساكنة في ستوديوا انشاء الله ربي يرزقنا بسكنة

 

[cherine]

ماشاءالله موضوع هايل

يعطيكم الصحة​

 

[oumniati]

الحمد لله على سلامتو سمورة وربي يرزقكم ان شاء الله بدويرة حتى انا راني كارية ربي يفرج

عند بالك مسحت سمورة والله والو زكريا ما رقدش باقت في قلبي رحت درت شوية رخسيس درت بزيادة وخبيت في كونجيلاتور لوقت الشدة هههههه
درت ثاني سلاطة عدس وخبيت لماعن وغسلت السلة تاع لماعن غير نغفل عليها شوي نلقاها موسخة
هذا ماكان لعشية نشوف واش ندير

واقيلا الموضوع ما عجبكمش حبيت تفاعل اكثر:sadwalk:
​

 

[oumniati]

ماشاءالله موضوع هايل​

يعطيكم الصحة​

انت الاروع شيرين
مذابينا تعاودي تشاركينا ممكن حاجة تبانلك بسيطة بصح تكون مفيدة لينا

 

[ام ايناس]

ام نياتي لازملك تنودي بكري انا خطرات نكمل على 10 تاع الصباح الشغل ما نلقى ما ندير نروح كاش ما نخرب كيما البارح نفظت البلاكار تاع الكوزينة ورتبتو صح لولاد يعيو سيرتو كي يولو يقراو لازم تديهم وجيبيهم كاااارثة

 

[السلطانة]

تم نقل الموضوع الى هنا
لأنو هاد الركن أليق بيه

.......
أنا اليوم نضت على ال09
سيقت الدار كاملة ومسحت الزجاج ونحيت الغبرة
بصح لقيت ماما فرزت الكوزينة ماخلاتلهاش كلش حاجة في بلاصتها
وطيبت لغدا


جمعتكم مباركة
​

 

[oumniati]

صباح الخير
عزيزتي ام نوسة كيف صبحتي
تعرفي كي نرقد ونرقد يعني غراس ماتيني حتى 7,30 باش انوض قبل 7 والله مانقدر قريب نبات قاعدة كل ساعة نوضني زكزوك وساعات يفطن مليح نولي نديه لصالون ونقعد على 2ولا3تاع الليل ساعة باش يرقد خلي برك كسرتلك راسك صباح ربي ههههههه
اختي ساندريلا الله يبارك ريحة النقا واصلة عندي:showoff: وكثر خير ميمتك هناتك من الكوزينة:sheer:
شكرا اختي على النقل بصح تقول واحدة ماراهي دير شغل قلت كل واحدة تقول واش دارت وهدرة تجيب هدرة ونتعلمو بصح معليش
انا لحد الان راهي 8 ونص هزيت لفراش وبدلت الدراوات تاعي وتاع لبنات ضرك نمدهم للحرة تغسلهم machine a laverههههههه دايما نبدا بالغسيل باه ننشر بكري ماتجي توصل لعشية ينشفو
وضرك طبعا راني نرضع فيزكزوك علابيها راني نكتب ههههه

 

[ام ايناس]

ام نياتي ربي يكون معاك التربية شحال صعيبة انا اليوم راني روبو هههه طيبت القهوة وغسلت الماعن تاوعها خملت فراشي وتاع نوسة والفطور بعثتلي جارتي ربي يخليها راجلي صايم العشية نوض للكوزينة
شوشو اليوم راكي فحلة ههههههه

 

[l'algeroise]

يعطيك الصحة لالجيرواز على النصيحة

قوليلي انت تكملي شغلك الصباح واش هي الخطة تاعك:showoff:

أنا و الله غير نحب نخدم الشغل فالليل حتى لمسيح ديفوا نمسح فالليل باش الصباح يبقالي غير غسيل لحوايج و لغدا

 

[أم نيفين]

السلام عليكم و رحمة الله و بركاته
وشراكم يا لحراير نشاالله لاباس.. بارك الله فيك oumniati على الموضوع القيم .... سامحيني انا هذاوين باش شاركت
puisque انا نسكن مع العايلة مانكونش libre يسمى عندي اوقات محددة برك ندخل فيها للمة
بالنسبة ليا انا نوض ساعات على 8:30 و ساعات على 9:00
على حساب لولاد فالليل...
نشرب تيزانتي و من بعد نغسل لوماعن لفطور اومبعد نطلع نهز فراشي و فراش ولادي و نبدللهم حوايجهم من بعد نحط الكبير فالكرسي نتاعو **تفتاف كبير** و الصغير نحطو فالترونزات نتاعو هكذا باش مايهبلونيش
و نهبط نعدل فراش سلفي و نسيق الدار نبداها من 10 و نكملها على 12 الله يبارك الدار كبيرة بزاف ما جي تخلاص غير بالسيف
و النهار لي نسيق فيه عجوزي طيب لغدا و النهار لي مانسيقش فيه انا نطيب لغدا
الغبرة دايما نمسحها مع لعشية ولا فالليل
و الحديد دايما مع لعشيا و الفريز داخل البلاكار و لخزاين ثاني نديرهم لعشية هاذو لحوايج نحب دايما نديرهم le soir

سلام​

 

[oumsif]

امنيتي وين رحتي انشاء الله تكون بخير

 

[oumniati]

ام نياتي ربي يكون معاك التربية شحال صعيبة انا اليوم راني روبو هههه طيبت القهوة وغسلت الماعن تاوعها خملت فراشي وتاع نوسة والفطور بعثتلي جارتي ربي يخليها راجلي صايم العشية نوض للكوزينة
شوشو اليوم راكي فحلة ههههههه

اهلا ام نوسة ربي دوم لمحبة بينك ويين جارتك
راني سمعت بللي راكي حامل الف مبروك:sheer: وربي يسهلك ان شاء الله شحال راكي

 

[oumniati]

أنا و الله غير نحب نخدم الشغل فالليل حتى لمسيح ديفوا نمسح فالليل باش الصباح يبقالي غير غسيل لحوايج و لغدا

يعطيك الصحة هذا واش يليق
انا كنت نديرها وقت فات بصح ضرك:shay: نستنى غير واكتا يرقدو باش ننطاش معاهم هههههه