يوميات بنات اللمة للنظافة

[oumniati]

ام نيفين مرحبا بيك وبطلتك علينا وشكرا كي فخرتيني وشاركتيني ربي يدومها راني تخيلتك كي النحلة الله يبارك من جهة لجهة ربي يخليلك صحتك:showoff:

 

[oumniati]

امنيتي وين رحتي انشاء الله تكون بخير

اهلا اهلا سمورة:sheer:
يققسي عليك الخير والله ماقعدش برك انت يخي راكي بخير والعازب تاعنا ربي يفرحك بيه

 

[nada242008]

امنيتي يعطيك الصحة راكي مدايرة لومبيونص
عجبتني الحيلة تاع تخبي من كل نوع طبسي في الكونجيلاتور
انا وقت منظماتو مع الخدمة
نخدم من 9 ل 12
نوض الصباح نهز الفراش وندير الفطور ونغسل الماعن ونحاول نفرز قدر الامكان
الغدا كان عاد حاجة ثقيلة وتحكم الوقت نطيبو في الليل واذا خفافي نطيبوا بعد مانروح من الخدمة
نتغداو ونغسل الماعن
نرقد ندوش وساعات نرقد معاها// كل مرة كيفاه
على 4 نديرلها الحليب ومن بعد اذا عندي قش نوض حرة الحراير على قولك هههه المشينة ومن بعد ننشر والصباح قبل ما نروح نخدم يكون نشف نحيه
يسمى نوض المشينة من ونطبق في القش تاع النهار اللي قبلو
التسياق كل جمعة ندير تسييقة كبيرة وتقريبا يوم بعد يوم نمسح مسحة خفيفة
داري تبقة نظيفة ماعنديش التلباز ياسر ومطبقين القانون تاع ماكانش الصباط في الدار :showoff:
وكل مانسيق لازم نمسح الغبرة
على 6 هكاك نبدا نخمم في العشا .. اغلبية الوقت حاجة خفيفة وساعات نطيب الغدا تاع الغدوة
ونغسل الماعن..
اوقات تكون عندي قضية زايدة نفرز البلاكارات ونعاود نظمهم
تقريبا هذي هي اليوميات
واذا تفكرت حاجة سبيسيال راني نرجع :sheer:

 

[oumniati]

السلام عليكم ورحمة الله وبركاته
اسمحولي يا بنات غبت عليكم الويكاند غير شغالات برا والجمعة غسلت الصالون حبيت ندير ميناج قبل الشتا
نغسل مرة في الربيع ومرة في لخريف
طبعا نغسل عادي بالصابون والجافيل وننشف بنشاف جديد اوسربيتة قديمة نعصرها عدة مرات في الما ونبدل الماء كلما يكثر فيه الصابون
طبعا هي فرصة نفضت لمطارح والمخاد وبدلتلهم الشورى
لموبل ماعنديش غير طابلة تاع تلفزيون مسحت الغبرة ومسحت les cadres وبدلت بلاصة tv باش تجيني الحالة جديدة ههههههههه
وفي الاخير مسحت الزجاج ونشفت الارضية ورجعت الكاناببات لبلاصتهم وفرشت الزربية ولات الحالة تبرق هههه نموت على ريحة جافيل

من ثم رحت la salle de bain حبيت نبدل نحيت les brosses a dent ونحيت ثاني سربتة صغيرة درتهالهم باش يمسحو الحوض كي يسيح الما على لجناب بصح لقيت بللي غير انا اللي نمسح
نحيت حتى صابون الوجه كي يسحقوه يجبدوه

جبتلكم هاذو الصور ماراهوش ديكور خارق لكن هذا واش عندي باش نقولكم شوفو واش عندكم ونسقو حسب امكانياتكم ممكن اضافة صغيرة تغير الكثير

تحياتي

 

[oumniati]

ايه ايييييه شكون زارني مرحبا مرحبا جوزي للصالون:sheer: (ماعندي مانخبي كلشي مفروز ههههههههه)
ماشاء الله تبارك الله نظام هايل خاصة انك خدامة ربي يعاونكك وزيدي مع الثقل هذاك هو عجبتني بزاف ترقدي ندى وترقدي معاها غير ابروفيتي راه جاي اللي يطيرلك النوم ههههههه:shiny:
قانون لاسباط في الدار كنت نديرو غير في الشتا بصح كي بدا زكزوك يحبي خلاص كل شي يبقى في الدروج
جربي الفكرة تاع القاطو انا نخبيه زمان ونهار ننساه خلاص ونخرجو نشبع فرح :shay:خاصة كي نلقى الطبسي منوع ونفس الشئ مع الكسرة والمطلوع انت رايحة رايحة تعجني بدل ماتديري 2 ديري 4 وتلقايهم نهارماتكونيش قادرة او مزروبة

راني نستنى تزيدي تشرفيني :re_gards:

كانت عندي اضافة برك على صالدوبان هي اني عندي سربيتة جديدة نحطها فقط للضيوف حتى وان كانت الموجودة نظيفة بصح غير يجي ضيف نحط الجديدة
لاني نحط نفسي مكانه انا يجيني صعب نستعمل سربيتة تاع شخص او اشخاص اخرين_o:
دمتم

 

[nada242008]

الله يسلمك امنيتي
فقط نصيحة بالنسبة لغسيل لحيوط انا نستعمل vigor
عرفي ينظف علكيف ومش كيما لومو يحكم الرغوة والحيط يبقى اشهب ويتعبك
هذا في ساع يتمسح وديري غير بالناشف بلا ماتكبي الما ويدان ويدان هههه
انا نستعمل نشافة جديدة
بيدون ندير فيه السائل vigor ع الما ونمسح بالاسفنجة
وزوج بادن اخرين واحد للتسليلة الاولى ولوخر للثانية
تعرفي الريحة تخرج هايلو وينظف مليح
---
علبالي الرقاد راح يطير راني نبروفيتي لوماكسيموم ههههه
الطابيات نغسلهم كل جمعة
ساعات مانخدمش بالخميس نغسل الميكرووند ولا الكويزينيار
وكل مرة ندور على حاجة
والقضية ماتفضش :showoff:
--
الخميرة ولا الكسرة
بحكم عائلتي صغيرة
نطيب قرصة واحدة برك وديما يبقالي منها سما ديما عندي في الكونجيلاتور
--
كشما نتفكر راني نرجع :sheer:

 

[nada242008]

نسيت نقلك الدوش تاعك هايل
انا كون ندير بوكي نوار يعود كلو شعر
راجلي يحفف لحيتو بالطوندوز نلقى الدنيا كل مرشوشة هههههههه

 

[oumsif]

اهلا اهلا سمورة:sheer:
يققسي عليك الخير والله ماقعدش برك انت يخي راكي بخير والعازب تاعنا ربي يفرحك بيه

ربي يسترك و عيشلك ولداتك انتي تاني

 

[Djazaire-El-Ghalia]

:showoff:موضوع مفيد جداًّ راني دايماً غير مع الشغل ندور أمنياتي أنا سلّة الماعن نغطّسها في الجافيل ونخلّيها باه مانضيعش وقتي في الحكّان اومبعد انولّي ليها نحكها شوية تخرج تشعل

 

[oumniati]

--
كشما نتفكر راني نرجع :sheer:

حتى اذا ماتفكرتيش مرحبا بيك زورينا كل يوم تلقاي تلقاي واش تقولي ههههه

 

[oumniati]

نسيت نقلك الدوش تاعك هايل
انا كون ندير بوكي نوار يعود كلو شعر
راجلي يحفف لحيتو بالطوندوز نلقى الدنيا كل مرشوشة هههههههه

امممممممم :um_sh:كي يجي يحفف نحيه ولاغطيه ولا ابعثي راجلك للحفاف ههههه:lolo:

 

[oumniati]

ربي يسترك و عيشلك ولداتك انتي تاني

يعيشك سمورة
كاش شغل ولا روتين:schmoll:

 

[oumniati]

:showoff:موضوع مفيد جداًّ راني دايماً غير مع الشغل ندور أمنياتي أنا سلّة الماعن نغطّسها في الجافيل ونخلّيها باه مانضيعش وقتي في الحكّان اومبعد انولّي ليها نحكها شوية تخرج تشعل

يعطيك الصحة ياغالية عجبتني الفكرة:sheer::sheer: غدوة نجربها راني معولة على الكوزينة ان شاء الله
ياريت تزيدينا افكار اخرى:re_gards:

 

[prncess fifi]

موضوع هايل لي عودة انشاء الله نموت عل الشغل بصح هنا ما لقيتش الشغل كيما تاع الدزاير

 

[oumniati]

موضوع هايل لي عودة انشاء الله نموت عل الشغل بصح هنا ما لقيتش الشغل كيما تاع الدزاير

برانسيسة مرحبا بيك ونورتينا
حتى انا كيفك راني في مونتريال حبيت نخدم كيما في دزاير تشهيت نزرزق الماء ونجبد بالفروطوار ههههههه
راني نستنى عاودي ولي

 

[ام منصف]

موضوعك رائع امنيتي
هكذا نستفادوا من تجارب بعضانا
اختك ساكنة في دار العايلة يعني لازم دايما الميناج عندنا الداخل والخارج بزاف ونظام لا للصباط في الدار نتاع ام ندى مستحيل تطبيقه هههههههه
عندي زوج اولاد ندى تروح تقرا لازم الصباح 7 نكون واقفة باش نوجدلها فطورها
ومنصف نومو خفيف جدا مع نوضوا ينوض ويبدا الجري معاه
المهام في البيت موزعة على الجميع والحمد لله متفاهمين وحدة تطيب وحدة تحكم الميناج وبنات سلفتي نخلولهم غسيل الماعن
وكيما هذه الايامات سلفتي وحدة اخرى زيدت هنا عندنا يعني لازم كل شيء نديروه الصباح باش نقعدوا العشية libre مع الضياف وتوجاد السينية والقهوة وهز وحط
هذه اليوميات نتاع اختك شريفة في دار العايلة
​

 

[prncess fifi]

رني وليت ليكم اسمحولي طولت شوية
اختك تنوض مع الفجر تصلي وما تعدش ترقد
نقعد نوجد اللولاد break fastونوضهم يغسلوا وياكلوا امن بعد نوجد لهم الفطور لي يدوه معهم للمسيد يلبسوا حوايجهم ونوصلهم للمسيد ونولي للدار ندير فيها شوية رياضة للياقة البدنيةنطيب قهوتي نشرب امن بعد نوض للشغل وهنا كيما تعرفي كلشي مشينة المواعن الحوايج وننفض الغبرة ونمسح نرفد صاكي ونروح نقضي انجوز على الدراري نجيبهم من المسيد ونرجع للدار نطيب عشايا ونقعد انقري الداري وانحفضهم ويخلاص انهاري هكدا اوغوة منهداك كيفكيف وهي رايحة
هدي البلاد سامطة ماكن مع من تقصري ماوالو قتلنا اديقوتاج​

 

[prncess fifi]

حبت انقولكم الفكرة كيفاش اتنحي البقعة تع الزيت من الملابس
الفكرة هي تحكمي الصابون تاع الحجرة تشمخيه بالما وتطلي هديك البقعة بلا ما تشمخي هداك اللباس كامل وتحطيها تنشف فبالشمس ولا الهوا كي تشوفيها نشفت اغسليها بالماء الفاتر وهدي انا مجربتها شحال من مرة

 

[ibtesem]

من سمعك يا برنساس على الاقل انت تخرجي توصلي لولاد للمدرسة انا الباص اجي الى الدار
ياخذهم
توحشت تسياق تاع البلاد تكبي الما كيما تحبي
احنا امسحي خفيف خفيف
الميناج ثراحة عاملاتو كل شهر هدا الميناج الكبير
اما بقاي الايام راه تعملي الفاكيوم لانو البيت كلها موكات الا المطبخ وين راح تسيقي
راني ورا راجي انحي هالي ويعملي ارضية باش نعود نمسح
والان مع الرقراية الغسيل في الويكاند
تدواش في الويكاند
ادا كان كنت معولة على طبخة مليحة وتشد الوقت نجهزها من الفجر بعد مانصلي
نعمل نصف طياب كي نجي نكمل طيابي
او ادا كانت سندوتشات نعملهم كي مجي
والحمد لله
باذن الله دا تفكرة شئ نرجع

 

[oumniati]

موضوعك رائع امنيتي

هكذا نستفادوا من تجارب بعضانا
اختك ساكنة في دار العايلة يعني لازم دايما الميناج عندنا الداخل والخارج بزاف ونظام لا للصباط في الدار نتاع ام ندى مستحيل تطبيقه هههههههه
عندي زوج اولاد ندى تروح تقرا لازم الصباح 7 نكون واقفة باش نوجدلها فطورها
ومنصف نومو خفيف جدا مع نوضوا ينوض ويبدا الجري معاه
المهام في البيت موزعة على الجميع والحمد لله متفاهمين وحدة تطيب وحدة تحكم الميناج وبنات سلفتي نخلولهم غسيل الماعن
وكيما هذه الايامات سلفتي وحدة اخرى زيدت هنا عندنا يعني لازم كل شيء نديروه الصباح باش نقعدوا العشية libre مع الضياف وتوجاد السينية والقهوة وهز وحط
هذه اليوميات نتاع اختك شريفة في دار العايلة​

السلام عليكم ورحمة الله وبركاته
اهلا اهلا شرفتيني اختي شريفة وربي يحفظلك ندى ومنصف ويخليلك صحتك
عندك الحق ماشي الناس كامل يقبلو قانون السباط بابا لوكان يقولولو نحيه يخبطو عليهم:cursing: وشيخي مسكين ينحيه عند الدخلة:surrender:
ان شاء الله تسعاي دارك وديري قانونك وانت الشيريف:lolo: ههههههه