ملتقى الحوامل - نصائح ارشادات واستفسارات -

[oumniati]

​

ابدا بالتهنئة لكل انثى في دارنا لكبيرة لكل من اختارها الله وانعم عليها بان جعلها تحمل روحا داخلها ويسر لها الظروف لتكون حاضنة حياة جديدة في احشائها
هنيئا لك سيدتي انت تحملين بشرا فضله الله على سائر مخلوقاته
مبروك والف مبروك وربي يكملكم على خير

لماذا هذا العنوان

لان المعروف والمتداول منذ بداية الحمل حتى النهاية غير الشكايات هذا وحم هذا كرهت راجلي :schmoll:هاذي دوخة ومبعد فقر الدم ومبعد لحريق زيد ضيقة ومبعد الثقل :cra_zy:............وخلي وخلي
حتى ننساو النعمة اللي رانا فيها وسبحان الله نتعاملو معاها كانها نقمة:sad:

قلت وعلاه مانتعلموش نخففو ولو بالهدرة والدردشة كلمة من عندك وكلمة من عندي ونصيحة من عندك وواحدة من عندي نفيدو ونستفادو:yahoo::yahoo:
وحتى العرايس تاعنا يشاركونا ويتعلمو باش يكونو فاهمين وما يضطربوش:yaw:

الفكرة هي الدردشة طبعا كل واحدة تحكي على حالتها سواء حاليا او في الماضي بالنسبة لغير الحوامل مع تقديم النصائحi-o:

لكن ممنوع ذكر اسماء الادوية

غدا ان شاء الله موضوعنا يكون كيفاش عرفتي انك حامل كيف كان رد فعلك وزوجك:luve_1:

طبعا الموضوع موضوعكم دبرو راسكم انا مانيش حااااامل :shiny::like_1:
دمتم

​

 

[ام ايناس]

مشكووورة ام نيفين على الموضوع رااااائع بما اني حامل انا راح نبدا
كيفاش عرفتي انك حامل
انا كنت في شهرين وما علاباليش كنت في دارنا شافوني مقلقة فوق الحدود سيرتو من ايناس بنتي نحب نقتلها وهي تبكي بلاسبب وعينيا مدبالين قالولي راكي ............. كدبت حكيت مع زوجي في التلفون لانو كان في خدمتو بعيد قالي دوك تروحي تتاكدي قعدت 4 ايام وانا متردة منبعد لقيت روحي حامل
كيف كان رد فعلك وزوجك
المرة الاولى ماتقبلتش لانو ايناس صغيرة وتتحرك بزاف لكن اليوم الحمد لله وزوجي العكس فرحان بالحمل

 

[imane27]

موضوع جميل امنيتي انشاء الله يلقا تفاعل

 

[ام التوام]

انا في حملي الاول كنت نستى فيه بعشر عينين وكي الدروة دارت روطار يومين درت التحليل اوليت نيكي عيطت لراجلي وقلت له وينك علاه بطيت مع انو مابطاش كان وقت الغدا وغير جا وريتلو التحليل وقالي ديري تاع الدو باه نتاكدو وفرحنا بزااااااف
وفي هذا الحمل كان عندي تاست قدسم من بنتي الاول ولكن ماش مفتوح ه سييت قبل الدورة برك مجرد احساس خرج لي خطين قلت لراجلي مامنش قالي ماش وقتها وعاودت الثاني قالي زيدي اتاكدي بالدم وخرج موجب انا قلبي ولا يخبط اوليت مانقدرش نرقد مع اني فرحت ولكن راجلي فرح بزاف مع اني بنتي الاواى صغيرة والحمد لله
اما من ناحية اشهر الاولى للحمل في بنتي الاولى كنت مانكلش ونقصت في الميزان وراجلي بعدت عليه
وفي هذا الحمل كان الوحم الحمد لله عادي واخف من الاولى غير التعب هلكني بزاااااااااااااااف

 

[oumniati]

مشكووورة ام نيفين على الموضوع رااااائع بما اني حامل انا راح نبدا
كيفاش عرفتي انك حامل
انا كنت في شهرين وما علاباليش كنت في دارنا شافوني مقلقة فوق الحدود سيرتو من ايناس بنتي نحب نقتلها وهي تبكي بلاسبب وعينيا مدبالين قالولي راكي ............. كدبت حكيت مع زوجي في التلفون لانو كان في خدمتو بعيد قالي دوك تروحي تتاكدي قعدت 4 ايام وانا متردة منبعد لقيت روحي حامل
كيف كان رد فعلك وزوجك
المرة الاولى ماتقبلتش لانو ايناس صغيرة وتتحرك بزاف لكن اليوم الحمد لله وزوجي العكس فرحان بالحمل

سبحان الله انا خممت في الموضوع كي عرفت انك حامل خممت وحدي قلت صافي ام ندى وتسنيم وانت وقلت يزيدو يبانو اخرين يخي السع وتقول هههههه:sadwalk:
ايه وااكي دشنتيه الله ببارك
مبروك عليك وربي يسهلك

 

[oumniati]

موضوع جميل امنيتي انشاء الله يلقا تفاعل

ان شاء الله حنونة برفقتك ان شاء الله شاركينا

 

[oumniati]

الله يبارك ام التوام وربي يكملك بخير
صح اختي هاذيك الفرحة ماتتوصفش الله لايحرم منها مومن
اما التعب اكيد فيها لانه الحمل الثاني وزيد مازال ماريحتيش مليح من التجربة الاولى
ان شاء الله نتعرفو اكثر وبالاك كاش مانقدرو نفيدوك
ان شاء الله يكون تفاعل

 

[oumniati]

انا حملت شهرين بعد الزواج وكنت نستنى في هاذيك اللحظة لكن كي درت التاست كنت في دارنا خبرت راجلي بااتلفون ماعلاباليش فرح ولا لالا قالي مبروك وخلاص:schmoll:

بعد5سنين حبينا في زوج نزيدو والحمد لله كتب ربي نهار درت تاست سجدت لله من الفرحة وكي جا راجلي ماقلت والو اعطيتلو يشوف وحدو علابالكم واش قاليi-o:






































قالي شحال شريتيه (تاست)_o:?زعفت بزاف

الحمل الاخير هو ما حبش وانا حسيت كيما ام التوام درت تاست قبل موعد الدورة بديت نبوس في ندى ونقول الحمد لله
راجلي كي قتلو قالي



























شوكيتيني
بايتة نبكي والغدوة قالي نعمة من عند الله بالاك كاش ما نام ههههههه:um_sh:

اللهم ارزق كل محروم

غدوة ان شاء الله الحامل اللي تدخل تقولنا شحال راهي
باه نجوزو للنصائح وماشابه
:sheer:

 

[cherine]

سلام عليكم
كيراكم لبنات ان شاءالله بخير

انا حملي الاول وراني داخلة فالتالت مي والله راني خايفة مالزيادة من دروك راني نخمم المهم جاتني

الدورة قبل عرسي واخر يوم ليها ليلة قبل الدخلة تاعي سبحان الله وبعد الزواج كي قرب وقتها حسيت

بالوجع تاعها مي دارتلي روطار في رمضان حسيت بالدووخة وقلبي يبغي يخرج مع فمي ماوليتش نطيق رحت مع راجلي شريت تاست وجربته جاني بوزيتيف


نقولكم الصح فرحت ومافرحتش راني وحدي فالغربة وحتى حد مامعايا وبانولي بزاف صوالح وراجلي

فالاول كان يقولي خلي عامين ممبعد نجيبو لولاد مي ربي سبحانه كتب دروك نحمدوه ونشكروه على كلشي


راني نعيا بزاااااااااااف ونرقد بزاف مي البروبلم لي عندي رقادي مقطع مانرقدش كيم الناس نرقد ونفطن كل شوية مي الحمدلله


وغير ندير حاجة خفيفة تحكمني الدووخة ونبغي نطيح ونحس روحي خلاص باغي نروح فيها واخر مرة

في رمضان كان هنا والدي واختي ربي يخليهم ليا جاو عمرة فرمضان وقلت والله غير نديرلهم البووراك تاع

البلاد ونديهلهم مين يخرجو مالتراويح يلقاوه سخوون واجد ماحسيتش بروحي ودخت وطاحت البوراكة من يدي في المقلاة معمرة زيت وانحرقت من كرشي ويدي ورحت سبيطار ووووو



المهم راني نعيا بزااف خواتاتي مانطيقش نقعد ندووخ لازم نرقد حتى ايلا تفرجت نتفرج بالرقاد حتى الصلاة مرات نصلي قاعدة ندووخ مالركوع بزاف



سمحولي طولت عليكم مي بغيت نفرغ لي فقلبي راه معمر وراني متوحشة دارنا بزاف ومتوحشة لبلاد ​

 

[ام التوام]

انا السمانة الجاية ندخل في السابع وانتن واس من الشهر

 

[oumniati]

السلام عليكم ورحمة الله وبركاته
اولا مبروك عليك شيرين وربي يكملك على خير

نحب نقولك بللي هاذا كامل من الهرمونات تغير النوم والمزاج
لكن الدوخة اغلب الظن فقر دم اذا مادرتيش تحاليل هذا وقتهم شوفي طبيبة تبعي عندها هي تعرف واش تمدلك
عاوني روحك بالماكلة ماتقوليش مانقدرش لازم تحتمي المهم النوعية ماشي الكمية
لحم بيض بقوليات عدس لوبيا حمص خضرة خضراء خس بروكولي..........
كذلك كل المكسرات
ديري عدة وجبات في النهار ماتخليش حتى يوجعك قلبك لانه كي تفرغ ليسطوما يدور قلبك

بالنسبة للرقاد ماعليش ترقدي بصح حاولي تشغلي نفسك قدر الامكان شغل خفيف غير باش ترقدي وقت الظهيرة
حاولي تخرجي مع زوجك لان الدار تزيد الغمة ولفراش يجبد

نقولك ثاني اختي اناثاني حملت في الغربة ماشي ساهلة وماشي صعيبة خلي تنكيرك ايجابي استمتعي بحملك علاه تفكري في ازيادة من ضرك
ضرك اهتمي بصحتك احمدي ربي في كل وقت وقولي عندي مشكل الدوخة لازم ننحيه وتبعي واش لازم

حاجة اخرى اذا مازال ماهدرتيش مع راجلك هذا هو الوقت فهميه بللي لازم يصبر عليك ويعذر تصرفاتك لانها مرحلة انتقالية وانك بحاجة ليه ولحنانه(يعجبو الحال هههه:luve_1
احكيلو كلشي اشركيه وخليه حتى هو يهتم بالحمل وتطورات

كلما نتفكر حاجة نقولك
وما تقوليش راكي وحدك ادخلي هنا فرغي قلبك كاين اللي يسمعلك اوكي

 

[oumniati]

انا السمانة الجاية ندخل في السابع وانتن واس من الشهر

الله يبارك ام التوام ربي يكمللك
انا مانيش بالحمل وشيرين راهي في الثالث
رانا نستناو في الحوامل:sheer:

 

[حكيك]

موضوع هايل بالتوفيق

 

[nada242008]

عن اي متعة تتحدثين ههههههههه
شكيت راكي نسيتي برك
من يخرج التاست بوزيتيف وانت تتعذبي
الشهر الاول المورال يتبدل والاعصاب تزيد ..الي يقولك كلمة تاكليه والدموع على ماكانش يهبطو
ومن بعد تبدا الدوخة والغمة وتكرهي كلش وريحة الماكلة ماتحمليهاش
ومن بعد الثقلة وووو
نقعد برك ونحكيلك بالتفصيل
الظاهر راني مع ام التوام راني في السابع وقريب نناصفو :showoff:

 

[oumniati]

موضوع هايل بالتوفيق

يعطيك الصحة اختي حكيك بوركتي

 

[oumniati]

عن اي متعة تتحدثين ههههههههه
شكيت راكي نسيتي برك
من يخرج التاست بوزيتيف وانت تتعذبي
الشهر الاول المورال يتبدل والاعصاب تزيد ..الي يقولك كلمة تاكليه والدموع على ماكانش يهبطو
ومن بعد تبدا الدوخة والغمة وتكرهي كلش وريحة الماكلة ماتحمليهاش
ومن بعد الثقلة وووو
نقعد برك ونحكيلك بالتفصيل
الظاهر راني مع ام التوام راني في السابع وقريب نناصفو :showoff:

خلعتيني ام ندود_o: ههههههه خليتك في الكوزينة لقيتك هنا خخخخخخ
صحا قوليلي لوكان مانسيتش في بالك نديرها 3 مراتi-o: اللي يدو في الماء ماشي كي اللي كرشو خارجة هههههههههههه:shiny:

لا والله ام ندى انا مللي شفت خويا ومرتو كيفاه يشوفو لولاد وربي مارزقهمش عرفت مليح هذيك النعمة قلت نوصل الفكرة للحوامل باه كي تكون تسوفري تحمد ربي ..............

على كل حال باربي تاعنا ضرك تبدل العنوان اتهناي ارواحي برك نسميوه بوكروشة ههههههه:sheer:

 

[الورد الأحمر]

السلام عليكم ورحمة الله وبركاته
اختي باغبي تفضلي غيري العنوان هدفنا واحد حبيبتي
الله يخليك

تم التثبيت مسبقا
وتغيير العنوان مشكورة على التفاعل معنا
...
ربي يعينكم كل طاطا باسمها
ويقدركم ان شاء الله
ويحفظلكم ولادكم ويخليكم تاج فوق راسهم
سلامو
​

 

[nada242008]

خلعتيني ام ندود_o: ههههههه خليتك في الكوزينة لقيتك هنا خخخخخخ
صحا قوليلي لوكان مانسيتش في بالك نديرها 3 مراتi-o: اللي يدو في الماء ماشي كي اللي كرشو خارجة هههههههههههه:shiny:

لا والله ام ندى انا مللي شفت خويا ومرتو كيفاه يشوفو لولاد وربي مارزقهمش عرفت مليح هذيك النعمة قلت نوصل الفكرة للحوامل باه كي تكون تسوفري تحمد ربي ..............

على كل حال باربي تاعنا ضرك تبدل العنوان اتهناي ارواحي برك نسميوه بوكروشة ههههههه:sheer:

ههههه والله يا بوكروشة راني نشوف فيك مصممة على هذا الاسم :sad:
شفتي كون مانسيتش حتى انا راني مازدتش :schmoll:
هي نعمة ورزق من عند ربي بصح متعبة بزااف ..حملته امه وهنا على وهن
راهو قالها ربي ..في البداية تفرحي ومن بعد تبدا الفرحة تتلاشى مع الوقت والخلعة تزيد كل ما تقرب الولادة
فرحة وخلايع وتعب بصح حاجة مليح وكي تكملي التربية تقولهم اسكتواااا
ربي يحفظلك زكزك وندود والثالث علاه ماتهدريش عليه ولا اسمو بوكروشة:scared:
--
باغبي ربي يحفظك اختي ويرزقك بالزوج والذرية الصالحين

 

[naGam]

ربي يوصللكم وتسلكو على خير ام ايناس وام ندى وام التؤام وشيرين ولكل الحوامل
وان شاء الله تعيشوا وتجيبوا وتربوا
وياربي يكونوا ذرية صالحة وتكبروهم في طاعة ربي ورضاية الوالدين ان شاء الله
وشكرا ليك اختي صحيح موضوعك هايل بزااااااف
حتى انا مرت خويا نهار كامل وهي تشكي
كارهة راجلها ونهار كامل وهي ترجع في الماكلة (حاشاكم)
والدوخة و.........
مي متعة كيما قلتي هو احسن احساس انوا المرأة تحمل في احشائها بيبي صغير يكون سندها ونصيرها في المستقبل
​

 

[ام ايناس]

ربي يكمللكم حبيباتي وتفرحو بيهم هادي نعمة من عند ربي انا راني دخلت في الشهر السادس وخرجولي لي زاناليز عندي فقر الدم وااااااااااااع ونقص في الكالسيوم