الويفي يغزو الاقامات الجامعية

[إيمان قلب]

السلام عليكم
امممم الويفي احنا فالسيبار مايمشيش ماعلباليش علاش دايرين سيستام يتمشى غي للداخل فالسيبار
بالصح كيما لاشمبر تاعي مقابلة لافاك كنت فالديبي نحكم منها نورمال
ومبعد دارولها موتباس اطفرت فيا
بخصوص مليح اكيد حاجة ملييحة للي يعرفو يخدمو بيه مش اللي دايرينو غي للعب
كيما مرات نضطر نخرج برا ونخدم والسيبار تاع الجاميعة مشارجي كون غي جا على كاش خدمة
غي على جال السكايب والفايس بوك
يعطييك الصحة خييتو

 

[touffik]

انا عندى ويفيى وناس تكونكتى من عندى عادى
وين راه مشكل

 

[@نور البيضية@]

هذ اول مرة نسمع بيهآ
ايه انا في رأي هذي حآجة شآبة بلبزااااف يحتاجوها في قريا للي يقرومن داك تنقص عليهم شوية مصروف
مشكوووووورة أختي
​

 

[moli_dz]

b1 sur حاجة مليحة بالنسبة ليا مانهدروش على الحالة الخاصة اللي قلتي عليها تاع تضياع الوقت وهذيك كل واحد مسؤول على تصرفاته وفي الاخر هوما الخاسرين mais النت في لا سيتي فكرة مليحة بزاف surtout اللي يقراو حاجة تحتاج البحث و .... ماهيش fr نجيبو وقتنا كامل وحنا في cyber surtout لبنات انا حدة مانحبش نروحلها malgré النت عاد صعب نستغناو عليها
حاليا حنا نستناو يدييرولنا الويفي في لا سيتي ولا على الاقل يحلولنا cyber اللي الداخل
مشكووورة على الموضوع
​

 

[IMANO77]

هنا عدنــا , قاع ليسيتي فيهم ويفيــ , تاع لبنات و تاع الولاد
ميــ بالموت باس , تروح لعندهم يدخلولك الموت باس و تكــوناكتيـ عادي

بخصوص ( ملبيح و لا لا ) باينة حاجة مليــحة , خير ما تروح دراهم الطلبة في السيبارات
بالطبع مليح بالنسبة اللي يستعملو إيــجابيا ( يعنيــ الي يستعمل كطالب علم ) و معليــش لترفيه خطرة على خطرة

و ثاني الوقت لازم يكون منظم

أنا ( مع الويفي في الإقامات الجامعية ) .

مرحبا بيك خويا غزال الصحراء نورت الموضوع

بالفعل هو حاجه مليحه للعلم وللترفيه مرات واهم شي تنظيم الوقت المهم ما تصراش فوضى وتضياع وقت في وقت الطالب

وانا مثلك مع الويفي في الاقامات لخاطر عانيت بزاف مع السيبار وقت لقرايا مكانش قد الدار

 

[IMANO77]

والله ما نكدب عليك ..معلاباليش طول واش راهو صاري في لاسيتي

وحكاية لويفي تبان مليحة كيما قال الاخ...مي ماشي لدرجة يراطيو لي كور
اصلا اصلا ياخي لبنات نتاع لاسيتي راح يطيرو الا القليل منهم مازال عندهم حب الدراسة ..

يعطيك الصحة على الموضوع​

هلا خيتو مشكوره عالمرور والرد اللبق

حنا هنا ما نحكيوش على بنات السيتي لي حبو يطيرو حنا نحكيو على الويفي والبنات لي حبو يطيرو حتى في الدار كاينين لي حاكمه روحها في الدار وفي السيتي كيفكيف ولي طايرا ما تلحق السما

تحياتي

 

[AHLEM1992]

لا سيتي بلا ويفي واش راح ديري فيها هكداك
لوكان ماشي هداك الويفي العام ما نطلعوهش
بويسك هدا هو lmd لازم كلشي تحوسي عليه بروحك و تقراي وحدك
و الكتب ماعادتش تكفي في القراية لاشان في المكتبات ماتلقاي والو
و ما تخرجي كتاب حتى يروحلك نهار كامل

راهم مهنيينا ويفي في لافاك و في لاسيتي

يعطيك الصحة اختي​

 

[IMANO77]

سلام
كل وسائل التكنولوجيا والتقنية فيها ايجابيات وسلبيات
اذا كان الطالب او الطالبة يستعملها فيما هو مفيد ومرضي لله فنحن معه احسن من تروح للسبار وتكونكتي + تبروفيتي شوية من التكلفة المادية خاصة انهم مقيمين بالجامعة واذا كان العكس فهذا طيش ونحن ضده.
شكرا

بالفعل اخي ديما سلاح ذو حدين
وصح في هادي لخاطر السيبار يخسر الجيوب ====والنت ما بقاش نستغناو على فوائدها ولكن بانتظام

 

[IMANO77]

masma3tch biha hadi nta3 lwifi bayna 7aja foooort ida 3arfou kifach ysta3mloha b1sùr

madanitch kan tel9ay solution m3a les algeriens
ya3tik sa7a khti

salaaaaaaaam​

وي حاجه فور خلاص بصح لوكان يزيدولنا في الفيتلس راه ساعه باه تحل لا باج


مرسي على المرور

 

[mira real]

انا سمعت بيها يا حسراه من كاين الويفي في لاسيتي ماشي غير العام لي فات هههههههههه
انا تبانلي حاجة مش مليحة لخاطر راني نسمع في بعض لبنات و تقريبا اغلبيتهم يستعملو فيها في حوايج مش ملاح قليل لي تلقايها تقرا بيها و تاني عادت لامودا تاع كل وحدة تروح للجامعة تدي معاها ميكرو بورطابل ولي معندهاش تبان مش عايشة خلاص
نعرف بنات ولله غير حتمو والديهم يتسلفو الدراهم غير باش يشريولهم ميكرو دارو سبة يقراو بيهم وهوما راني متؤكدة بلي عجبتهم عفسة تاع ويفي في لاسيتي ماشي قصد لقرايا لي يحوس يقرا يقرا بلا ميكرو وينجح نورمال
مرسي حنونة على ميضوع ورانا كرهنا لاسيتي و الجامعة قبل ما نروحو ليها غير من لعفايس هادي

 

[IMANO77]

اختي في السيتي تاعهم كاين الويفي .. وعجبتني العفسة الصراحة بصح الضغط الكبير بزاااف على المودام وعلى البنات ههههههه الحل ما عنديش ههههههههههههه
شكرا على الطرح ^^

هههههه مشكوره على المرور

 

[IMANO77]

المشكلة في الجياح تاع net kit
ولاو يديروه باش غيل هوما يكونيكتو ومع الاخر تصيبه يهدر مع كاش وحدة في الفايس بوك
واللي محتاجها للقراية قعد

خطرا ماخلاونيش ندخل لنت بيراطيتلهم ميكروياتهم وحدفت كلش من داك الميكرو
هكدا بالاك يكون درس

رغم انه كاين حل لهده المشكلة بصح اللي حاكم السيبار تاع لاسيتي مايعرفهاش

ههههههههه يعطيك الصحع عجبتني هادي يستاهلو وقليل فيهم رانا عانينا معاهم
وش هي ؟؟

 

[IMANO77]

ايه حنا ماعندناش فلا سيتي

الميكرو صامت يرهج
مي نقلك حاجة هكا خير
باش نلتاو بقرايتنا
بيسك النت تدي الوقت بزاف
...
مارسي ع الموضوع ختي​

صح الميكرو بلا انترنت صامط يقتل وكيما قلتي هاكا خير باه تلتاو بقرايتكم سي ميو

مرسي على المرور

 

[IMANO77]

سلامــْــْ

شوفي ختو .. هادي دارولكم الويفي العام الي فاتــ ماكاشــ منها
حنا في الليسي و كاين الويفي
و من زماااااااان
ههههههههه
ههههههههه
وعلاه تغبن فيا هاك عييت نشوف الخط واللوووون
وراك تشوف تاعنا روطار :schmoll: ههههه
مي في الجامعــة نورمالمو انتيكــ .. و كل شيء بالويفي
و الي ماكاشــ ميكرو بوتابل كاين التيليفونـــ ويفي
..
و نورمالمو حاجــة شابــة
خير من الموبيكونكتـــ
اه في هادي عندك الحق لخاطر وقت البحوث نتبهدلو مع الموبي كوناكت غالي
مي الي تخدمــ بيها و لا العكســ .... في خارج نطاق القرايا و التمسخير
و تلهيها على القرايا
تولي ماشي شابــة

يعطيك الصحه هاكا لازم يعرفو يستعملوها
ودمتــ بخير​

دمت بود

 

[IMANO77]

salam alaycom

mli7a fi
les examens

وي مليحه بالبزاف خويا ويلكوم

 

[IMANO77]

السلام عليكم
امممم الويفي احنا فالسيبار مايمشيش ماعلباليش علاش دايرين سيستام يتمشى غي للداخل فالسيبار
بالصح كيما لاشمبر تاعي مقابلة لافاك كنت فالديبي نحكم منها نورمال
ومبعد دارولها موتباس اطفرت فيا
بخصوص مليح اكيد حاجة ملييحة للي يعرفو يخدمو بيه مش اللي دايرينو غي للعب
كيما مرات نضطر نخرج برا ونخدم والسيبار تاع الجاميعة مشارجي كون غي جا على كاش خدمة
غي على جال السكايب والفايس بوك
يعطييك الصحة خييتو

مشكوره امونه على المرور والرد دمتي بخير

 

[اسماء16]

انا مع الوفيفي 100 ب 100 مليح وخاصتا كي متكونش تقراا مي الواحد يستعملو في حاويج ملاح
وشكرا ختيتو
​

 

[wafa peace 2011]

no comment

 

[المارد الجنوبي]

حاجة مليحة بصحتكم نتمنى برك تفيدكم في قرايتكم

 

[مهدي بوطبة]

حاجا مليحا مي المشكل حتى حنا في الليسي عندنا الويفي