كنت اخر العنقود في بيت اهلي تزوجت من ولد جيراننا بعد قصة حب من واحنا صغار كل وقتنا مع بعض لين كبرنا وصار عمري 21سنه تقدم لخطبتي رسمي واهلي بدون تردد وافقو بحكم الجيره ويعرفو من صغره بعد الخطوبه بشهر تغير صار يقولي انا امي مسويتلي مشاكل تقولي ليش تخطب البنت وانت ماعندك فلوس وراتبك ضعيف وووو هما ضروفهم ماكنت كويسه حنا الحمدلله ماديا اهلي مبسوطين بعدها بسبوع طلب مني سلف 2000ريال وانا من غير مااساله عطيته اكتشفت بعدها انها حقت الشبكه الي جابها يوم الخطوبه قلت معليش وسكت واهلي مايدرو يعني الحين الشبكه انا الي جبتها لنفسي ومرت الشهور صاير يقولي انا تعبان ويبكي انو امه تقوله يلا جيب مهرها الحين لا تفشلني مع الناس زي ماطلبت بنت الناس الحين تجيب مهرها كانت معاه سياره غراندي موديل 89باعها جابت له 6000الف قمت من حبي بل غبائي كملت 14000الف من ورا اهلي عشان المهر عشان بس لايكون متظايق ويحسسني اني كنت السبب في مشاكله مع امه وجاب المهر وصارت الملكه قامت اختي الكبيره قالت لاخته فين الشبكه حقت الملكه ردت امه قالت احنا جبنا في الخطوبه ماراح نجيب في الملكه مسكينه امي واختي اخدو الطقم حقت الخطوبه عشان هو صغير وزودو عليه مبلغ وجابولي طقم اكبر مايدرو ان الطقم الصغير هدا من فلوس بنتهم الغبيه ياجماعه انا ابغاكم تحكمو عليا بكل صراحه ولا ولسه الي جاي اكبر بعد الملكه صار يتحكم ممنوع تخرجي ممنوع تروحي زواج كل شي صار في حياتي ممنوع طبعا انا بديت اضايق صرت اقله انت من طريق وانا من طريق صار يبكي يقولي انا اسوي كدا عشان احبك اخاف عليكي ونتي بعيده عني لكن لو تزوجنا مستحيل امنع من شي وبعد الملكه ب6شهور صار يقولي انا راتبي مايوفي انا دخلت جمعيه والجمعيه ماراح تغطي فلوس الزواج وووووووقسم بلله يااخواني اني اكتب لكم وانا صادقه وربي شاهد علي كل كلمه اكتبها اني ماامدح نفسي ولا افتري علي ولد الناس قبل كل شي حابه اقولكم انو موبس اهلي مبسوطين انا كمان اشتغل ودخلي ممتاز جدا عشان اكون واضحه من وين اجيب الفلوس هده لانو مافي اهل حتي وان كانو اغنياء بنتهم بتقول ابغي المبلغ الفلاني ويعطوها المهم كان عنده 15000الف وانا زوته 20000الف عشان الزواج للاسف اكتب هدا الكلام لاول مره محد يدري عن هدا الكلام غير انا وهو والله ولو اهلي درو كان امي جاتها جلطه وماتت لين الحين محد يدري عشان كدا ابغي اطلع الي داخلي المهم صار الزواج رحت معاها وسولي بيت صغير وكنت راضيه حتي لو غرفه فوق السطوح عشان الحب وبدا يتغير في طبعه وكلامه وممنوع كل شي حتي امي واهلي وصحباتي قطعني من كل الناس ولمن اساله ليش يقول بس كدا خلاص انتي ملكي الحين حابين تعرفو ايش صار معايه بعد كدا وكان السبب في ضياع احلي تمرتين في حياتي ولدين زي العسل لو شفتوهم راح تحبوهم ان شالله ربي يغفرلي ويعرفو بكره لمن يكبرو ليش انا سبت ابوهم ومايلوموني اتمني ترودو عليا انا انسانه مالي في النت كتير بس مالقيت احد احكيلو قصتي غير بس من خلال هدا الموقع
منقووووووووووووووووووووووووول للفائده
منقووووووووووووووووووووووووول للفائده
