راني صح كي ما عجبنيش الحال ولا ....

[وردة رمال الصحرا]

السلام عليكم
كيفكم ؟ إن شاء الله كلو تمام ؟؟
نحكيلكم موقف صرالي وانا جاية للامارات ، ما عندوش بزاف ، و انتوما احكمو :
كنت جاية لل UAE انا و MY brother ، أيا بعد تمرميد طويل ف مطار الجزائر (الدولي )..طلعنا للطيارة
رحنا لبلايصنا لقيناهم =لسوء الحظ= ف الكراسى الوسطانية .
المشكل ماهوش هنا ...شوفوا المشكل وين:
الكراسا لي ف الوسط ربعة ، و حنا بلايصنا الزوج لي ف الوسط
و الزوج لي على الجانبين لقينا صحابهم قاعدين فيهم ....كانو زوج (رجال) =انتبهوا للأقواس=
كل واحد كرشو كبر من الثاني = استغفر الله=
أيا ماحبيناش نقعدو ف الوسط ...ماجاياش = بنوتة بعبائتها السودا تقعد بيناتهم و زيد راهو سفر تع سبع سوايع =
أيا درت روحي عاقلة ..قلنا السلام عليكم ...قالوا: و عليكم السلام
قلت لخويا بصوت عالي شوي باش يسمعو =ما نقدرش نقعد ف الوسط يا ريت واحد منهم يريح حدا صاحبو و يخللولنا البلايص لي على الجنب=
ولاااا كأني تكلمت ....قعدو ف بلايصهم و حنا قعدنا واقفين قلنا حتى يخلاص الغاشي و إذا لقينا كاش بلايص فارغين نقعدو فيهم
ايا بعد ما استنينا لقيت بلاصة مع واحد البنت و خويا راح قعد ف بلاصة اخرى
مع قلعت الطيارة و مشات شوي .... نلقى واحد من هذوك الزوج دز لصاحبو و حط الوسادة و كسل رجليه ف 3 كراسا _o:_o:
و الثاني ملي قعدت و هو عينيه فيا أنا و البنت
الله يرحم والديكم ..... قولولي *وينو النييييف *
شو رايكم ....راني صح كي ما عجبنيش الحال ولا غلط؟؟​

 

[ماكانش]

أهلا بيك وردة
كي قلتي رقد وكسل رجليه على لكراسا خلاص باين واش يسوى وواش من مستوى عندو واواش من فهامة في راسو ...
ناس يلعبوها مهابل ، يلعبوها ماعلابالهمش عييت نفهم كيفاه ...
​

 

[nawal 88]

كاين عباد والله يحير فيهم الواحد
والله صدقيني انا وصلت لهاذ الجملة وانا شبعت ضحك


نلقى واحد من هذوك الزوج دز لصاحبو و حط الوسادة و كسل رجليه ف 3 كراسا _o:_o:
​

 

[وردة رمال الصحرا]

أهلا بيك وردة

كي قلتي رقد وكسل رجليه على لكراسا خلاص باين واش يسوى وواش من مستوى عندو واواش من فهامة في راسو ...
ناس يلعبوها مهابل ، يلعبوها ماعلابالهمش عييت نفهم كيفاه ...​

أهلين بيك اخي
ايه والله ولا كرامة عندهم
الله الهادي
شكراااا​

 

[adel-mz]

سلام
ههههههه
طيارة ولا فندق
بيان سير عنك الحق ،لازم الانسان يكون محترم في اي شىء
كيفاش يكسل رجليه ماراهوش في دارو اموا يدير بشان الناس لي راكبة
لوكان جيت انا نقابلو حتى يرقد مليح ونرميه من الطيارة الا عندو الحظ يطيح في البحر هاداك هو يرقد مليح مليح هههههه
كبري بالك ،بارك الله فيك الاخت
​

 

[وردة رمال الصحرا]

كاين عباد والله يحير فيهم الواحد

والله صدقيني انا وصلت لهاذ الجملة وانا شبعت ضحك​

نلقى واحد من هذوك الزوج دز لصاحبو و حط الوسادة و كسل رجليه ف 3 كراسا _o:_o:​

الله يدومها ضحكة حنونة
المشكل انو كباااار يعني واعيين يعني يفهمو الأصول في المعاملات
بس يا حيييييييييييف
شكرا اختي والله لا يشوفك لي شفتو ​

 

[Lilia Dz]

يا اختي انت واش تقدري تديري هاذوا العباد دايرين هكذا
و الله غير في كل بلاص رانا بهاذي الحالة يلعبوها رجال و هوما والو . الله يهديهم هاذا ماكان

 

[وردة رمال الصحرا]

سلام

ههههههه
طيارة ولا فندق
بيان سير عنك الحق ،لازم الانسان يكون محترم في اي شىء
كيفاش يكسل رجليه ماراهوش في دارو اموا يدير بشان الناس لي راكبة
لوكان جيت انا نقابلو حتى يرقد مليح ونرميه من الطيارة الا عندو الحظ يطيح في البحر هاداك هو يرقد مليح مليح هههههه
كبري بالك ،بارك الله فيك الاخت ​

الله يدومها ضحمة يا رب
والله صدقني خويا ما كاش حاجة تكبر الانسان في عين خوه ولا تصغرو قد نوع الموقف لي يقابلو بيه ....يعني هي كلها 7 سوايع ...ماراح نشوفهم ماراح نتلاقى بيهم إن شاء الله ...لوكان تصرفوا مليح كنت نمدح فيهم و في نخوتهم درك
الله المستعان
و فيك زاد بركة أخي الفاضل ​

 

[ايملي]

السلام عليكم
يا اختي انا انشوف انو عندك الحق على خاطر كان من المفروض انو يقعد بجنب صاحبو
بس شو راح تسوي الناس عقليات

 

[وردة رمال الصحرا]

يا اختي انت واش تقدري تديري هاذوا العباد دايرين هكذا
و الله غير في كل بلاص رانا بهاذي الحالة يلعبوها رجال و هوما والو . الله يهديهم هاذا ماكان

اييييييه ياااااما تلاقيت بهكا عباد
حلو انو الواحد يفرض احترامو و يخلي بصمتو في أي مكان يتواجد فيه
بصح كاين لي يخلو واحد البصمات الله لا يشوفك
مرسي حنونة على تواجدك

 

[وردة رمال الصحرا]

السلام عليكم
يا اختي انا انشوف انو عندك الحق على خاطر كان من المفروض انو يقعد بجنب صاحبو
بس شو راح تسوي الناس عقليات

ايه المشكل انو ما قدرت نسوي شي
قعدت ميتة بقهري
لأنو لي يفهم يفهم بغمزة مش بدبزة
الله المستعان
شكرا جزيلا​

 

[اكرم خادم الله]

لوكان راكي خزرتي في traverse ولا راه نح عينو منو
كيما هاد الخزرة تخلع

 

[وردة رمال الصحرا]

لوكان راكي خزرتي في traverse ولا راه نح عينو منو
كيما هاد الخزرة تخلع

ههههه مرسي

 

[NaNouS]

ربي يهدي ما خلق مالقى العبد واش يهدر نسكتو وخلاص
مزية معااك خوووك ولا كون يهدر معااك ويضحك تقوول تعرفيييه عندك مدة ولا من لافامي
وكي متهدرييش معاهم تولي تبانيلهم كافيا ​

 

[وردة رمال الصحرا]

ربي يهدي ما خلق مالقى العبد واش يهدر نسكتو وخلاص

مزية معااك خوووك ولا كون يهدر معااك ويضحك تقوول تعرفيييه عندك مدة ولا من لافامي

وكي متهدرييش معاهم تولي تبانيلهم كافيا ​

آمين
خلي نبان كافيا عند لي كيما هذو ههه
مرسي اختي ​

 

[الخيزران]

الحمد لله كي لحقتي بخير انت و your brother

 

[وردة رمال الصحرا]

الحمد لله كي لحقتي بخير انت و your brother

الله يسلمك sister​

 

[═♥.ЈŪšť_ màn.♥═]

..
لالا عندكــ الحق .... نورمالمو يدربكــ بكفـــ كي سقسيتيه
امممممممم نقسر بركــ
..
المهمــ كيما قلتــ نورمالو يتفهموا الوض‘‘عـ مي لا حياة لمن تنادي
و يبقى الجزائريون مثاااااااااااال .. غير ..
بلا ما نكمل
تحياتي للجيمع ​

 

[بيكهام]

حمد لله علا سلامة هذا مكان

لحوايج اخرى متهمش هذا هو شعب الجزائرى

متفهم والو

شكرا لك
​

 

[zagane]

السلام عليكم

كنت جو واقفين خير أحسن ياك طيارة جزائرية يرافدو الواقفين كيما الحافلة