عاداتنا فى العيد الاضحى

[راجية عفو الله]

السلام عليكم
حبيت كل وحدة من الاخوات تحط عاداتها فى عيد الاضحى
يعنى فى اليوم الاول واش طيب واليوم الثانى و اليوم الثالث اسماء الاطباق و كيفية تحضيرها.
ارجوا التفاعل مع الموضوع لنستفيد جميعا.
​

 

[داليا]

شكرا اختي على هاذ الموضوع احنا نهار العيد الصباح نديرو الشواء و لعشية نطيبو الراس البوزلوف يعني كاين اللي يحمرو فالكوشة و كاين اللي يديرو صوص و نديرو البكبوكة و اليوم الثاني نديرو الكسكسي و لا الشخشوخة نشاالله يتفاعلو الاخوات و يقولونا عاداتهم في عيد الاضحى المبارك​

 

[•мϊѕŝ Šрέсǐάł•]

بالنسبة لينا ,, في اليوم الاول
بابا وماما يصومو حتى للغداء وهي سنة
الغداء هو الشواء مع بطاطا مقلية
والعشاء الراس كل واحد يديرو كيما يحب
وغدوة نديرو الكسكسي ولا الشخشوخة ,, ولا الشخشوخة البسكرية ....
يعني كل دار واش تحب تدير ,, والعشاء شواء

اتمنى ان يتفاعل الجميع معكم ​

 

[عشقي الامارات]

يعطيك الصحا اختاه على الموضوع
احنا عاداتنا يوم العيد الفطور كبدة و الرية نتاع الكبش مقلية +بطاطا مقلية +سلاطة
العشية نديرو البوزلوف و العصبان
أما تاني يوم العيد نقومو الصبح عندنا الشواء و الرشتة أو الكسكسي
و العشا شواء
و صحا عيدكم مسبقا

 

[***سوسن الجزائرية]

شكرا اختي على هاذ الموضوع احنا نهار العيد الصباح نديرو الشواء و لعشية نطيبو الراس البوزلوف يعني كاين اللي يحمرو فالكوشة و كاين اللي يديرو صوص و نديرو البكبوكة و اليوم الثاني نديرو الكسكسي و لا الشخشوخة نشاالله يتفاعلو الاخوات و يقولونا عاداتهم في عيد الاضحى المبارك​

حنا ندنا نفس عادات الاخت داليا..

موضوع رائع بورك فيك

 

[iman la brune]

في اول ايام العيد المبارك
نديرو للغداء شخشوخة بسكرية وبابا وماما يصومو لنص النهار ويفطرو على الكبدة

ومبعد يكملو بالشخشوخة

ولعشية الشواء

وباقي الايام بربوشة
​

 

[chouchou rose]

اول يوم عيد الاضحى نديرو شواء كبدة + رية
العشاء بوزلووووف صوص ططوماط

 

[nerhan]

حنا اليوم الاول نديرو شواء كبدة والرية و في العشاء بوزلوف
واليوم الثاني نقليو اللحم الصباح والغداء كسكسي والعشاء نديرو شواء

 

[oumniati]

السلام عليكم ورحمة الله وبركاته


مشكورة اختي على الموضوع

احنا اول يوم نتغداو كبدة وسلاطة وفريت ولعشا بوزلوف

غدوة نديرو طعام ولا شخشوخة الظفر
وفي الليل نديرو الشوا

اليوم الثالث عصبان :showoff:نعمرو الكرشة بروز+بصل+ثوم+حشيش+1طماطم+طماطم مصبرة+حار+ملح وفلفل اكحل وكسبر+زيت+دوارة مقطعة وغرنوق
نطيبوها في صوص حمرة بالثوم مع حمص ولفت


نتمنى تفاعل اكثر وعيد مبارك:sheer:

 

[عشقي الامارات]

حنا اليوم الاول نديرو شواء كبدة والرية و في العشاء بوزلوف
واليوم الثاني نقليو اللحم الصباح والغداء كسكسي والعشاء نديرو شواء

نفس العادات معاك اختاه

 

[أمولة]

السلام عليكم حنا النهار الاول في الصباح نقليو الكبدة و الرية و القلب
في المساء نطيبو بوزلوف في اليوم الثاني نديرو صباح الطعام و نعطو للجيران و في المساء نديرو الشوا
عيدكم مبارك

 

[NaNouS]

مووضوع رائع اختي
احنا في صبحة العيد نديرو الفاد المتكون من الكبدة والرية القلب وفي العشا نديرو بوزلوف في الفرن
واليوم التاني نديرو الكسكسي بالكتف والعشا نديرو شوا على الفحم
واليوم التالت الغدا نقلو الكوتلات و العشا ندير طاجين الشوا يعني لحم في الفرن
وصحة عيدكم مسبقا ​

 

[ام أمينة]

السلام عليكم
حنا عاداتنا نقلو الكبدة و القلب و نزيدو معاهم سلطة و فريت

و في العشاء بوزلوف و اليوم التاني على الفطور دوارة و فالعشاء نقلو اللحم و اليوم الثالث باش نديرو الطعام بااللحم و المرقة

سبحان الله كل منطقة و كيفاش
تحياتي
​

 

[هآجر]

السلام عليكم

حنا اليوم الاول شواء على الجمر الكبدة وقلب والرية وووو
وفي العشاء نديرو الراس او ما يعرف البوزلوف ندديرو بالصور بيضة

في اليوم الثاني الصباح على 10 نديروالشواء ونطيبوا الكسكس

 

[oumniati]

من عادتنا ثاني نديرو خبز الدار ونوع واحد قاطو ماشي كيما العيد الصغير
ونعجنو مطلوع ولا كسرة نهار من قبل
نقولكم كيفاه نديرو بوزلوف
باه نربحو الوقت ندوزنو البرمة قبل الذبيحة 1بصل كبيرة نقطعوها خشينة، سنات ثوم، طماطم باطة،راس حار،ملح فلفل اكحل كسبر، زيت ، فلفل عكري نعمروها بالماء ونخلوها تغلي
في هذا الوقت نشوطو بوزلوف ونقطعوه ونغسلوه بالحلفة وصابون الطرف نحكوه حتى يولي اصفر نشللوه مليح ونلوحوه مع الكرعين في المرقة حتى يطيب مبعد نحبو ناكلوه بالكسرة هكذاك
نحبو ننحيو لعظم نقطعو اللحم ونلوحوه في لاصوص نكونو طيبناها ثوم وطماطم وحمص
وساعات نخبيوه في كونجيلاتور حتى يفوت العيد ونطيبوه

 

[راجية عفو الله]

سررت بمروركم العطر و بردكم الجميل شكرا لكم
دمتم في رعاية الله و حفظه

 

[IMANO77]

حنا اليوم لول منين نذبحو الكبش نقليو المصارن والكبده وكامل يذوقو والغذا نديري شوربه فريك مع خبز دار
واكيد يتقلا اللحم معاهم

والعشيه الشوا

تاني يوم كسكسي مع الشوا وفي الليل البوزلوف

 

[راجية عفو الله]

سررت بمروركم العطر و بردكم الجميل شكرا لكم
دمتم في رعاية الله و حفظه

 

[dahbito]

السلام عليكم رائع
احنا في اليوم الاول نديرو ملفوف كبدة
وفي العشية نديرو بوزلوف +دوارة نديرو النصف برك نقلوه ونخبو النصف الاخر
واليوم الثاني نديرو شخشوخة للغداء ونعرضو اصحاب الوالد يتغداو
وفي الليل نتعشاو الشواء

​

 

[راجية عفو الله]

سررت بمروركم العطر و بردكم الجميل شكرا لكم