ماذا ستطبخين اليوم سيدتي الجزء8

[nada242008]

مساء الخيرات وبصحتكم واش طيبتوا كل واحدة باسمها
البارح درت الدزيريات لعجوزتي كي تجي من الحج
اليكم الصور

 

[oumniati]

يعطيك الصحة ام ندى ، هذ المرة جات لعجينة رقيقة خير من المرة الاولى مممم
ربي يعطيك ويرضيك على التعب تاعك

 

[oumniati]

امنياتى اهلالا حنونة كيراكي؟؟
ام امينة اهلا وسهلا كيراكى

السوال عليك اسمهان يعيشك ازينة، راكي الله يبارك

 

[nada242008]

يعطيك الصحة ام ندى ، هذ المرة جات لعجينة رقيقة خير من المرة الاولى مممم
ربي يعطيك ويرضيك على التعب تاعك

الله يسلمك امنيتي .. هذي المرة حليتها بالماشينة تاع البقلاوة ..حتى البنة جات احسن من المرة اللي فاتت
--
ام انوسة عيد ميلاد سعيد للكتكوتة ربي يحفظهالك

 

[روز]

الله الله عليك يا ام ندى يشهو يشهو
مزية الواحد مش يتوحم هههه
فحلة الله يبارك

 

[dahbito]

مساء الانوار والخيرات على احلى لمة
اليوم مكنتش في الدار كنا كامل معروضين عند لافامي تاعي دار عشاء بمناسبة انو ربح الماجستار
لعقوبة ليا ان شاء الله ييييييييييييييييييارب:heh:
انا روحت الصباح عاونتهم بصح مقدرتش نصور راكم عارفين كي يكونوا كامل ملمومين يقولوا هادي واش بيها راها تصور هههههه:scared: واصلا مقعدتش
المهم تعشينا طاجين الزيتون وطاجين الحلو وبوراك وسلاطة ومخللات ومني بيتزا ومحمر ومسفوف وفي الاخير فاكهة وفلان وليموناد انا رايحا نطرطق:tears:
ربي يدومها نعمة
انا عييت بزاف تعشيت وهربت
دورك نراجع واش فاتني ​

 

[ام ايناس]

الله يسلمكم وربي يخليكم
ام ندوش الدزيريات يبانو هايلين يعطيك الصحة

 

[oumniati]

اليوم جبتلكم واش فات كبدة وبوزلوف
واليوم راني نطيب كتف في الفور نوافيكم بالصور ان شاء الله

 

[ندى الأيام]

حبيت ندير حلوة مورانغ معليش تقولولي كيفاش تعيشو

 

[ندى الأيام]

اختي سمو الأميرة نقدر نحط في قاطو بالقلاصاج في بلاصة اللوز نحط نواد كوكو

 

[ألاء الرحمـــن]

مممممممممممم ندوش يا ندوش مع لقريب حشاك نحب ناكل حاجة حلوة برك وانتي زدتي عليا وزيد باللوز دوك انوض نبكي ههههههههه بصحتك حنونة وان شاء الله تجي عجوزتك بخير
بصحتك ذهبو العرضة والمالكة عمرتيها اليوم اشربي كاس نعناع تروحلك الثخنة
بصحتك أمنتياتي اطباق روعة تاكلو بالهناء


​

 

[nada242008]

روز توحمي برك والباقي علينا هههه :shay:
امنياتي اطباق رائعة اممممممم.. تباني راكي في البلاد
دهبيتو راحت لاطاي مالا ههههه بصحتك العرضة وعقبال افراح اخرى
مها الله يسلمك اختي وربي يشفيك ان شاء الله

 

[dahbito]

بصحتك ذهبو العرضة والمالكة عمرتيها اليوم اشربي كاس نعناع تروحلك الثخنة​

الله يسلمك حبيبتي مها ان شاء الله درك نشرب

 

[dahbito]

روز توحمي برك والباقي علينا هههه :shay:
امنياتي اطباق رائعة اممممممم.. تباني راكي في البلاد
دهبيتو راحت لاطاي مالا ههههه بصحتك العرضة وعقبال افراح اخرى
مها الله يسلمك اختي وربي يشفيك ان شاء الله

الله يسلمك ام ندوش والله غير راحت لاطاي عندي شحال من سنة وانا نحافظ عليها راحت في دقيقة ههههههههههههههههه الله غالب بوكرش :sheer:

 

[imane27]

اممممممممممم ندى دزريات يشهو كل يوم نقول ليوم نديرهم ومانضش تفنين بصحتكم والله يرجع عجوزتك بسلامة
امنياتي اطباق رائعة بصحتكم فى بلدان الناس ودايرين راينا
دهبيتو بصحتكم العرضة خلي لطاي تروح
لبنات وينو عشاكم ولا مدرتو والو

 

[سمو الأميرهـ]

مساء الخير حبيباتي
صحا عشاكم
ماشاء الله عالأخوات لي حطو الأطباق
ندى رووووعة القاطو تاعك يهبل
اخواتي لي تعرف الغالية لڪْبريآئيْ روْآيہَ تبلغها سلامي وتقوللها بلي مانقدرش نبعث الرسائل بيسك عندي غير 20 موضوع :sad:
لاغوسات تاع القاطو راه في مواضيعي ان شا الله يعجبها وتقولي كيفاش خرجلها :sheer:

اختي سمو الأميرة نقدر نحط في قاطو بالقلاصاج في بلاصة اللوز نحط نواد كوكو

ايه تقدري حبوبتي
،، انا درت شوية لوز وكملت المقدار بقاطو بيمو هههه ،، وهكاك وجا يهبببببل
بيسك جا من النوع لي يذووب في الفم
خويا جامي شكرلي حاجة في حياتو مي هاذ القاطو مات عليه ههه :sheer:
بصحتك اختي

 

[oumniati]

امنياتي اطباق رائعة بصحتكم فى بلدان الناس ودايرين راينا

ههههههههه يخي جزايريين ولا بطلنا ههههه :sheer:يسلمك الويزة هذاك بوزلوف راه في كونجيلاتور انا نحبو شطيطحة ثاني

 

[oumniati]

شوفو رهام واش دارت:sheer:

 

[ام منصف]

ام ندى الدزيريات جاوك هايلين بصحتك
وبصحتكم عشاواتكم كامل
عشانا اليوم

تفضلوا عندي
​

 

[oumniati]

الله يبارك بصحتكم شريفة راني ديت مندرينة