ماذا ستطبخين اليوم سيدتي الجزء8

[ام أمينة]

السلام عليكم ورحمة الله وبركاته
يما دارت دوارة
وانا درت كوكا بالبشاميل
صحا فطوركم كامل
مواكلكم كلهم ايشهو يعطيكم الصحة
متابعة بصمت​

بصحتكم الفطور
​

 

[narjes81]

ام نيفين ربي يعظم الاجر انا لله وانا اليه راجعون ربي يصبركم

 

[حاملـة المسك]

السلام عليكم

بصحتكم الرخساس كوتر إبتسام
بصحتكم اكل وش طيبتو بدون إستثناء
أم نفين عظم الله أجركم

اليوم غدانا مروقي قريب عام مطابتش في الدار
سما اليوم رانا معيدين

​

 

[روز]

أم أمممم أمممممممممممممممممممممم يارغودة
احضري ياابتسام ههه

 

[حاملـة المسك]

أم أمممم أمممممممممممممممممممممم يارغودة
احضري ياابتسام ههه

:sad: كشي مهارس خبيهم عليها رزروزتي

(هادي المرة سور تولي على راسي :sad:


​

 

[كوثر الوهرانية]

ام نفين ربي عضم الاجر ان لله و ان اليه راجعون الله يتبته عند السؤال
بصحتكم لبنات كامل واش طيبتوا الله يقوي الخير
رغودة راهي تبان اكلة شعبية هاتي القصعة ليا انا اختك
اليوم درت العصبان شهاوني فيه روز و بسوم

هدا صحن بسومتي راح مع لفلفل

 

[oumsif]

امممممممممم كوثر سحفتوني بالعصبانة انا مازال مدرتهاش
بصحتكم اختي تكلوها بالصحة

 

[ŚσÚмĨÁ.Ďz]

السلام عليكم ورحمة الله وبركآته

يسعد مسسسآءكم يالغاــآليات واش رآكم؟

اممممممم بصحتكم الغدآ والعششآ راكم سخفتوؤنى بهآديك العصبآنة

غدآنــــآ اليوؤوم حريرة وسلطة
​

 

[ibtesem]

السلام عليكم واش راكم
شرين ربي ابارك عليك اختي
رغود تعرفي الباح وانا نطيب في الرخساس قلت صباح ندخل نلقاك عملتي المروقي
والله قلبي كان حاس
امممممممممممممممم على الفلفل لمعاه
اعمليلي بدون من درك
ام نفين عضم الله اجركم
سمورة واش راكي حبيبتي

 

[روز]

اممم ام كوثر على هاداك العصبان لي فيه الحار
قتلتووووووني حبسو تصاور:sad:

ام نيفين عظم الله أجرك اختي

 

[ام أمينة]

السلام عليكم

بصحتكم الرخساس كوتر إبتسام
بصحتكم اكل وش طيبتو بدون إستثناء
أم نفين عظم الله أجركم

اليوم غدانا مروقي قريب عام مطابتش في الدار
سما اليوم رانا معيدين

​

يعطيك الصحة اختي جاك روعة
​

 

[ام أمينة]

ام نفين ربي عضم الاجر ان لله و ان اليه راجعون الله يتبته عند السؤال
بصحتكم لبنات كامل واش طيبتوا الله يقوي الخير
رغودة راهي تبان اكلة شعبية هاتي القصعة ليا انا اختك
اليوم درت العصبان شهاوني فيه روز و بسوم

هدا صحن بسومتي راح مع لفلفل

العصبانة جاتك تشهي ام كوثر
بصحتكم
​

 

[ام أمينة]

غدآنــــآ اليوؤوم حريرة وسلطة
​

بصحتكم اختي
​

 

[ibtesem]

تفضلو عشايا

 

[oumsif]

بصحتك بسومة لكوطلاط في الفور اممممم

 

[ام أمينة]

تفضلو عشايا

بصحتك العشاء
​

 

[imane27]

سلام لبنات واش راكم
ام نفين عظم الله اجركم والله يرحموا
كوثر شهيتيني بلعصبان هاد لعام مكلتوش
ابتسام امممممممممم طبق يشهي
صح فطور الجميع

 

[ام منصف]

ام نيفين البركة في راسكم وعظم الله اجركم
البنات صحى غداكم كامل
غدانا اليوم لوبيا بالكرعين مع خميرة
بصحتكم
​

 

[merieme hassi]

السلام عليكم
واش راكم
اليوم صبحت النت مقطوعة عندي حتي العشية باش جات :schmoll:
اليوم عولت علي البكبوكة و لا العصبان و عملت بريوش تاع ام لميس و طبقت كيكة ام خديجة
نحطلكم الصور و نمشي نشوف واش فاتني






















+

 

[merieme hassi]

بصحتكم كامل واش طيبتو بالصحة و الهنا
ام نيفين عظم الله اجركم انا لله و انا اليه راجعون