ماذا ستطبخين اليوم سيدتي الجزء8

[ألاء الرحمـــن]

مساء الخير عليكم وصحا فطوركم مع انها روطار وقت القهوة
بصحتكم كامل واش طيبتو موائد تشهي يا الفحلات
سلام

​

 

[ام منصف]

ياسمين صحى غداك انت ثاني
وينها حلوة اللمبوط اللي طلبتها عجوزتك
راني نسنى في الصور
​

 

[كوثر الوهرانية]

بصحتكم لبنات واش طيبتوا اليوم الله يبارك و يكثر الخير
هدا فطوري

هدا بيسكوي رولي وصفة الاخت اميرة الساحل جربته و جانب هايل

هنا طعتة مخليتهش يشد روحه جبتلكم حقكم باش تقهوا

 

[ام منصف]

الله يبارك عليك فريدة
بصحتك
والبيسكوي رولي جاك هايل
يعطيك الصحة
​

 

[merieme hassi]

بصحتك اختي فريدة ربي يهنيك

 

[رآج ـية العفو]

الله الله عليكم كي رآكم مجتمعين ههههه
ربي يبآرك ويدومهآ لمة هنآ فقط ههههههه
بصحتكم كآآما وآش طيبتوا يعطيكم الصحة
حبيبتي فريدة يعطيك الصحة خآصة بسكوي غولي يشهي
بصحتكم

مريومة مممم بصحتكم الخرجة والفطور يعطيك الصحة
والكيكة تشهيييييييي

رآج ـية العفو مرحبا بيك معايا اختي تفضلي الخير كاين اسومتي الغالية
​

مرسي حبيبتي ربي يخليك

اسومة راني من اليوم هنا خلاص

أوووك نشوفوا ههههه​

 

[faloussa]

سلام لبنات صحا فطوركم كامل
كوثر طابلةهايلة والبسكوى رولي جاك روعة
انا اليوم درت طارت او سيترون تفضلو الصورة ولاغوسات ان شاء الله كي نقعد نحطها

 

[merieme hassi]

بصحتك فلوسة يعطيك الصحة

 

[ألاء الرحمـــن]

بصحتك فريدة ممممممممم بيسكوي خرجلك روعة
بصحتك لتارت فلوسة خرجتلك شابة
حنبطل نزيد ندخل الركن كل ما نشوف حاجة نتشهاها بورتو منتشهاش بزاف
نزيد نكون راني نتوحم وانا لا خبر خبر هههههههههه
​

ياسمين صحى غداك انت ثاني
وينها حلوة اللمبوط اللي طلبتها عجوزتك
راني نسنى في الصور
​

انا نيرفاني اللمبوط معجبنيش خرج خشين وزيدي انتي حشمتيني هنا
مي جبتهولك مخرجليش كيما حبيت محبتش تصبر عجوزتي حتى نخرج ونشري واحد جديد

​

 

[ام منصف]

وعلاه اختي ياسمين جاك هايل
حتى انا نديرلك كي عجوزتك هي بغات الحلوى وانا بغيت الصورة
يعطيك الصحة حبيبتي كيما حشمتينيش وحطيتي الصورة
بصحتكم
​

 

[الاختان سوسو ونونا]

السلام عليكم
بصحتكم واش طيبتو كل واحدة باسمها
جبتلكم غدايا تاع البارح خرجنا برا و تغدينا








و اليوم عملت تارت بالتفاح و الشوكولاطة


​

بصحتك مريم كلشيء هايل تعيشي حطينا وصفة لطارط

 

[merieme hassi]

بصحتك مريم كلشيء هايل تعيشي حطينا وصفة لطارط

ربي يحفظكم
https://www.4algeria.com/forum/t/319232

 

[ibtesem]

السلام عليكم بصحتكم يالبنات
بصحتكم مريم تارت تاع التفاح
راني مع الغدا دولمة تاع اكرم

 

[كوثر الوهرانية]

لبنات بصحتم واش تعشيتوا
اليوم درت كوكا و لاسوب

 

[imane27]

بصحتكم لبنات راني راحية نطيب طعام

 

[حاملـة المسك]

بصحتكم العشا البنات

العشا مرقة لفت بيضة رخساس مع مقبلات و عصير التفاح​

 

[momoude]

بصحتكم لبنات واش طيبتو كامل

 

[كوثر الوهرانية]

هاني جيت و جبت معيا عشاتي
كوكا و عصير

هدا صحن بسومتي

هدوا لي ميني بالمي تشهاتهم كوثر بنتي:sheer::sheer::sheer:

 

[imane27]

بصحتكم كوثر راه كلش يشهي

 

[merieme hassi]

بصحتك ام كوثر ربي يهنيكم