الى الاخوات لي طلبو حلوياتي

[أم نيفين]

السلام عليكم و رحمة الله و بركاته
آسفة جدا على التأخير أختي فطيمة ...
هاهي الوصفة:
180 غ زبدة +100 غ سكر قلاسي بالباتور حتى تولي كريمة بيضاء+2 صفار+فاني+قشور الليمون+ 300 غ فرينة ثم نشكل الحبات بالمحقن
ونطيبهم على نار هادية مثل السابلي حتى يحمارو منبعد كي يبردو نلصقو كل حبتين بكريمة الزبدة و وقت التقديم نرشو شوية سكر قلاسي من فوق
ملاحظة:
كلما يكون المحقن عندو السنين بزاف جي الحبة باهية
سلام و سامحيني مرة اخرى

 

[zohra09]

يعطيك الصحة
يعطيك الصحة

 

[fatima_19]

السلام عليكم و رحمة الله و بركاته
آسفة جدا على التأخير أختي فطيمة ...
هاهي الوصفة:
180 غ زبدة +100 غ سكر قلاسي بالباتور حتى تولي كريمة بيضاء+2 صفار+فاني+قشور الليمون+ 300 غ فرينة ثم نشكل الحبات بالمحقن
ونطيبهم على نار هادية مثل السابلي حتى يحمارو منبعد كي يبردو نلصقو كل حبتين بكريمة الزبدة و وقت التقديم نرشو شوية سكر قلاسي من فوق
ملاحظة:
كلما يكون المحقن عندو السنين بزاف جي الحبة باهية
سلام و سامحيني مرة اخرى

يعطيك الصحة اختي ام نيفين
شكرا و ربي يجعلها في ميزان حسناتك

 

[أم نيفين]

الله يسلمك حبيبتي......

 

[حاملـة المسك]

و عليكم السلام

حلويات و لا احلى .... ربي يحلي ايامك

جزاك الله كل خير​

 

[melissa lola]

السلام اختي ام نيفين ممكن وصفة القاطو انتاع الشيكولة وشكرا مسبقا

 

[وردة الامل]

يعطيك الصحة خرجو يهبلو

 

[أم نيفين]

الله يسلمكم لبنات... بالنسبة لقاطو الشكلاطة هو عبارة عن سابلي و تقطعيه بالشكل لي حبيتي و منبعد طيبيه و تلصقي وحدة مع وحدة بالمربى و حلوة الترك و تغلفيه بشكلاطة ذايبة (اومباسادور نوار) وتخليها تنشف و فالاخير ديري زيقزاق بالشكلاطة (اوباسادور بلونش) ذايبة
سلامي ليكم

 

[ام وليد و ايوب]

حلويات روعة حنونة ما شاء اللع

ممكن طريقة حلوة الشوكولا من فضلك

 

[ام وليد و ايوب]

المقصود هي الحلوة الي مغطية بالشوكولا و لك كل الشكر

 

[أم نيفين]

المقصود هي الحلوة الي مغطية بالشوكولا و لك كل الشكر

و الله مافهمتك اختي... نتي راكي مدايرة اطار على المروحة باللوز و مافيها حتى شوكولا
ممكن توضحيلي؟؟

 

[liliane24]

السلام عليكم و رحمة الله و بركاته
آسفة جدا جدا جدا على التأخير أخواتي ماقعدتش كان عندي شغالات
أولا الكاستال بإذن الله رايحة نديرو في موضوع مستقل في أقرب وقت

مشاهدة المرفق 25404

و ثانيا :

مشاهدة المرفق 25403

* المخبز: 4 كيلات لوز +كيلة سكر عادي+بزاااااااف زاست القارس +فاني+ تبداي تبلي لعجينة بالبيض (بيضة+2صفار) لأن الصفار هو لي يخلي المخبز طري ... و تلايمي مالازمش تكون يابسة و أيضا ماشي جارية و منبعد نشكلوهم بالشكل لي نحبو و نطيبوهم و كي نخرجوهم من الفرن نغطسوهم فالشاربات و نقطروهم من بعد نgلاسيوهم و نخليوهم يشيحو مليح من بعد نديرولهم lustrage راه يتباع (يجي غبرة)و نجيبو بروسة تاع لخدود تكون جديدة نديرو فاليستراج و ندهن الحبات مليح
و فالاخير نخدم الديكور بعجينة اللوز أو عجينة الديكور من فوق حسب الرغبة و هو ثاني ندهنوه بالlustrage

مشاهدة المرفق 25405

* الحبة لي مرشوقة باللوز يا أختي لي طلبتيه ...اللوز ماهوش مرشوق لاصق برك بالشكلاطة
من تحت سابلي عادي و درتو فالسينيات على شكل دمعة و طيبتهم و عمرتهم من الداخل بالنوتيلا و غلقت حبة بحبة وحدة اخرا... و لصقت حبة اللوز بنقطة شكلاطة دايبة و درت زيgزاg بالشكلاطة من فةق و ذريت بسكر gلاسي
و أي استفسار حبيباتي أنا فالخدمة
سلام

أختي فيما يخص حلوى المخبز راني مافهمتش علاه غطستيهم في الشاربات باه قلاصيتيهم، العادة أن مقروط اللوز هو اللي نديره في الشاربات ثم في سكر قلاصى.
أرجو منك التؤضيح.

 

[مرام01]

ya3tik sa7a om nivin
ma3lach t3awdili hadik halwa li fo9ha loza

 

[صبرينة جلال]

يعطيك الصحة

حلويات روعة​

 

[faty10]

يعطيك الصحة اختي عى هاد الوصفة

 

[ام بجاد]

يعطيك الصحة عشرة على عشرة والله قافزة بدون مجاملة كلش لدريه يهبل حتى امي تعجبت في حلوياتك الله يبارك ويزيد نتمنى نكون كيفك بصح االاولاد دارو فيا حالة ما يخلونيش نديلر والوا ...... قالتلي امي بحال هي عندها الاولاد ....تمنياتي لك بالصحة والهناء ويحفظلك ربي اسرتك عزيزتي ...........ونشوفوا المزيد ......اني انتظر....تحياتي....

 

[أم نيفين]

شكرا ...نورتوني
اكيد اختي تتعلمي كلشي بالارادة ... و التنظيم .. لازم تنظمي اوقاتك و ديري وقت جربي فيه واش راكي حابة

 

[amira2011]

شكرا ...نورتوني
اكيد اختي تتعلمي كلشي بالارادة ... و التنظيم .. لازم تنظمي اوقاتك و ديري وقت جربي فيه واش راكي حابة

أختي أم نيفين تعيشي أعطيني الوصفة نتاع الحلوى إلي بين مراوح اللوز و الحلوى إلي بالشكولا يعني إلي في وسطهم ، لونها أبيض ممكن ؟

 

[saida07]

الله يعطيك الصحة
ياريت تعطينا وصفة المروحة باللوز
الموضحة في اطار عجبتني بزاف

 

[أم نيفين]

أختي فيما يخص حلوى المخبز راني مافهمتش علاه غطستيهم في الشاربات باه قلاصيتيهم، العادة أن مقروط اللوز هو اللي نديره في الشاربات ثم في سكر قلاصى.
أرجو منك التؤضيح.

نغطسوهم باش يجيو طريين و مشمخين في نفس الوقت... يذوبو فالفم
شكرا