حادثة عين فكرون بام بواقي على لسان شاهد عيان

[كوني طيبة]

السلام عليكم ورحمة الله وبركاته
من ايام بالضبط
في ايام العيد الاولى سمعنا بوحد الحادثة صرات في عين فكرون بولاية ام البواقي
في التلفزة قالو فقط انو انفجار في عمارة ومش عارفين السبب
طبعا حبو يموهوا الناس
لكن الحكاية جاتنا وعلى لسان شخص يسكن هناك
جا باش يزورنا يوم العيد وهو قريب لنا
حكانا وش صرا بالضبط
الحادثة انو الساكن بالعمار في الطابق الاول كان حافر اكاف تحت دارو ويهرب في السلاح والذخيرة
و عندو كميات كبيرة جدا و ليلة العيد الناس مشغولين بتحضيرات الاخيرة للعيد
وهو لاهي يحسب او يدخل في ذخيرة اخرى مع صحابو
وعيلتو كانت راحت لاهلها هذيك الليلة
المهم حدث خطا او خلل فانفجر المكان ككل و العمارة كلها تاثرت و سقطو 3 طوابق لانو الافجار كان قوي جدااا تصوروا معي ذخيرة اسلحة وبارود تنفجر ويمكن كانو فيها قنابل ايضا
هو ماماتش لكن تضرر جداا
وقالنا قريبنا انو اعترف و ندم و قال انا لي كنت سبب والديا ربما كان سبب موتهم او شي تاني الله اعلم
ولانو عيلتو مش عارفين باعمالو ربي سترهم هذيك الليلة ماكنوش في المكان
لكن ماتو جيران من لي يسكنو بالعمارة و لي جاو يساعدو باه يطفو النار ظنا منهم انها بسبب شي تاني

يا اخوتي انا حكيتلكم الحكاية لانو الوضع خطير وحساس جداااااااا في البلاد
و الاسلحة لي هربت في حرب ليبيا لاتعد ولا تحصى وراحت في ايدي المجرمين ربي يستر ويلطف بينا
و مؤخرا قريت انو الجيش مطوق كل حدود ولايات واد سوف ،، بسكرة ،، باتنة،، خنشلة ،، وام بواقي
ومن ايام وطائرات الحربية تحوم في السماء ،، ربما عندهم دوريات او لمراقبة المكان

لازمنا الحذر و الحرص الشديد ومانخلوش ولا شخص يحب يخلط في امور البلاد
ربي يحفظ بلادنا و يكشف الاعداء في الداخل و الخارج ياااااااااااااارب
​

 

[**@sami@**]

لا داعي لتهويل الامر اختي الكريمة فالقضية مازالت قيد التحقيق ، اما الهدرة تاع الناس غير كذب كل واحد واش راه يقول حتى رجع الامر لتهريب السلاح و الثورة على الجزائر و غيرها من الخرافات لي رنا نسمعوا بيها.
ربي يرحم لي ماتوا و يرزق الصبر لاهل الضحايا.

 

[كوني طيبة]

لا داعي لتهويل الامر اختي الكريمة فالقضية مازالت قيد التحقيق ، اما الهدرة تاع الناس غير كذب كل واحد واش راه يقول حتى رجع الامر لتهريب السلاح و الثورة على الجزائر و غيرها من الخرافات لي رنا نسمعوا بيها.
ربي يرحم لي ماتوا و يرزق الصبر لاهل الضحايا.

ان شاء الله يكون كلامك صحيح يا اخي
هل انت من سكان المنطقة ؟؟​

 

[fachfouch]

[align=center]جزاك الله خيرا[/align]

 

[كوني طيبة]

[align=center]جزاك الله خيرا[/align]

دعواتك للبلاد وربي يهدي العباد
شكرا لحضورك​