*كسبت في معزة ... و جبت كلام رباعي
ماذا من عطاه ربي ... و يقول اعطاني ذراعي
*لا تخمم لا تدبر ...لا ترفد الهم ديمة
الفلك ما هو مسمر ... و لا الدنيا مقيمة
*يا صاحب كن صبار ... اصبر على ما جرى لك
ارقد على الشوك عريان ... حتى يطلع نهارك
*نرقد على الشوك عريان ... او نضحك للي جفاني
نصبر لتعوس الايام ... حتى ياتي زماني
*الهم يستهل الغم ... و السترة ليه مليحة
رد الجلدة على الجرح ... تبرا و تولي صحيحة
*نوصيك يا حارث الشيح ... و الشيح فيه الضرورة
ألي تظن و تقطع عليه ... تاتيك منه الضرورة
*نوصيك يا حارث الدوم ... و الدوم كثروا نفاعوا
الدم ما ينفع الدم ... يا ويح من خانوا ذراعوا
*الصمت الذهب المسجر ... و الكلام يقسد المسالة
اذا شفت لا تخبر ... و اذا سالوك قول لالا
*لا تخمم في ضيق الحال ... شوف غند الله ما وسعها
الشدة تهزم الارذال ... اما الرجال لا تقطعها
*انا الي كنت ثقيل و رزين ... و خفيت بعد الرزانة
مشيت للرماد عامين ... ندور فيه السخانة
*عيطت عيطة حنينة ... فيقت من كان نايم
ناضوا قلوب المحنة ... و رقدوا قلوب البهايم
*اللفت ولات شحمة ... و تنباع بالسوم الغالي
في القلوب ما بقات رحمة ... شوف حالي يا العالي
*من يامنك يا كحل الراس ... ماشينك بطبيعة
الين يضحك للسن ... و القلب فيه الخديعة
سافر تعرف الناس ... و كبير القوم طيعوا
كبير الكرش و الراس ... بنص فلس بيعوا.
*طاقوا على الدين تركوه ... و تعاونوا غلى شريب القهاوي
الثوب من فوق نقوه ... و الجبح من تحت خاوي
*لا تسرج حتى تلجم ... و اعقد عقدة صحيحة
لا تتكلم حتى تخمم ... لا تعود لك فضيحة
*مزين النسا بضحكات ... لوكان فيها يدوموا
الحوت يعوم في الماء ... و هما بلا ماء يعوموا
*يا الي تعيط قدام الباب ... عيط و كن فاهم
ما يفسد بين الاحباب ... غير النساء و الدراهم.
*فاعل الخير هنيه ... بالفرح و الشكر ديمة
و فاعل الشر خليه ... فعله يرجع له غزيمة.
*كل دواي مسوس ... يجيب الهليكة لراسوا
و يستهل ضربة بموس ... حتى يبانوا اضراسوا.
*ضربوه يستهل الضرب ... و الطريحة معمول عليها
هذاك جزا من يوسع على الناس ... و نفسوا يضيق عليها.
*الراجل بلا مال محقور ... في الدنيا ما يسوى شي
المشرار كالدلو المقعور ... يوصل للماء يرجع بلا شي.
*نخدم على المال و نطيح ... و المال بيت الطناخة
الراجل بلا مال كالريح ... مشرار و حب الشياخة.
*ضربت كفي لكقي ... وخممت في الارض ساعة
صبت قلة الشي ترشي ... و تنوض من الجماعة.
*الشاشية تطبغ الراس ... الوجه تضويه الحسانة
المكسي يقعد مع الناس ... الغريان نوضوه من حذانا.
*يا ذا الزمان الغدار ... يا كاسرني من ذراعي
طيحت من كان سلطان ... و ركبت من كان راعي.
*درت مطمورة في الراس رفروف ... و متنتها من كل جانب
عهدي بالمطمورة متينة ... ساعة من تحت شارب.
*لا يعجبك نوار دفلى ... في الواد داير ظلايل
لا يغجبك زين طفلة ... حتى تشوف الفعايل.
*حيط الرمل لا تعليه ... يغلى يرجع لساسوا
ولد الناس لا توصيه ... يكبر و يرجع لناسوا.
*فاعل الشر مفبوض ... فاعل الخير سالك
بالك بالك ... بدراهمك جبتهالك.
*نوسيك يا حارث القديم ... بالك من دخانها لا يعميك
لا تدي شي المراة المعفونة ... تتعاون هي و الزمان عليك.
*من لا يطعمك عند جوعك ... و يحضر لك في مصايب
لا تحسبوا من فزوعك ... قد حاضر قد غايب.
*ما كان كالحرث تجارة ... ماكان كالام حبيب
ماكان كالشر خسارة ... ما كان كالدين طليب.
*يا لايم لا تلومني وسط الناس ... و اذا عينك في السلامة فرزني
الفضة الصافية ولات نحاس ... و الثوب الي كان وافي عراني.
*حبيبي ان غضب ما صبتلوا طب ... بعد المحبة جفاني
نجيب قهوة و نصب ... و نحدثوا بالمعاني.
*قلبي تقطع بالامواس ... ما جاء برا نلوحوا
من كان كواي الناس ... يصبر لكيات روحوا.
*يا قايل العار ... كيفاه يحلى كلامك
تمرض ولا عدت تزار ... و تتفكر الناس عارك.
*مثلت روحي حمام ... مبني على صهد ناروا
من فوق مابان دخان ... و من تحت طابوا حجاروا.
*من الثلج عملت مطرح ... بالهواء غطيت روحي
من القمرعملت مصباح ... و بالنجوم ونست روحي.
*ما يرقد في الليل مهموم ... الي يحمل الذل مانع
ما يغسل العرض صابون ... ما يقلب القلب صانع.
*خفيف الاقدام ينمل ... لوكان وجهوا مراية
قليل الاكتاف ينذل ... لوكان جهدوا عتاية.
الامان يا بني الامان ... و الامان يقطع الرقبة
حطيت يا بني الاحسان ... جبت البلا بلا سبة.
حبيبك حبوا ... و السر الي بينكم تخفيه
اذا حبك حبوا اكثر ... و اذا تركك لا تسال عليه.
ماذا من عطاه ربي ... و يقول اعطاني ذراعي
*لا تخمم لا تدبر ...لا ترفد الهم ديمة
الفلك ما هو مسمر ... و لا الدنيا مقيمة
*يا صاحب كن صبار ... اصبر على ما جرى لك
ارقد على الشوك عريان ... حتى يطلع نهارك
*نرقد على الشوك عريان ... او نضحك للي جفاني
نصبر لتعوس الايام ... حتى ياتي زماني
*الهم يستهل الغم ... و السترة ليه مليحة
رد الجلدة على الجرح ... تبرا و تولي صحيحة
*نوصيك يا حارث الشيح ... و الشيح فيه الضرورة
ألي تظن و تقطع عليه ... تاتيك منه الضرورة
*نوصيك يا حارث الدوم ... و الدوم كثروا نفاعوا
الدم ما ينفع الدم ... يا ويح من خانوا ذراعوا
*الصمت الذهب المسجر ... و الكلام يقسد المسالة
اذا شفت لا تخبر ... و اذا سالوك قول لالا
*لا تخمم في ضيق الحال ... شوف غند الله ما وسعها
الشدة تهزم الارذال ... اما الرجال لا تقطعها
*انا الي كنت ثقيل و رزين ... و خفيت بعد الرزانة
مشيت للرماد عامين ... ندور فيه السخانة
*عيطت عيطة حنينة ... فيقت من كان نايم
ناضوا قلوب المحنة ... و رقدوا قلوب البهايم
*اللفت ولات شحمة ... و تنباع بالسوم الغالي
في القلوب ما بقات رحمة ... شوف حالي يا العالي
*من يامنك يا كحل الراس ... ماشينك بطبيعة
الين يضحك للسن ... و القلب فيه الخديعة
سافر تعرف الناس ... و كبير القوم طيعوا
كبير الكرش و الراس ... بنص فلس بيعوا.
*طاقوا على الدين تركوه ... و تعاونوا غلى شريب القهاوي
الثوب من فوق نقوه ... و الجبح من تحت خاوي
*لا تسرج حتى تلجم ... و اعقد عقدة صحيحة
لا تتكلم حتى تخمم ... لا تعود لك فضيحة
*مزين النسا بضحكات ... لوكان فيها يدوموا
الحوت يعوم في الماء ... و هما بلا ماء يعوموا
*يا الي تعيط قدام الباب ... عيط و كن فاهم
ما يفسد بين الاحباب ... غير النساء و الدراهم.
*فاعل الخير هنيه ... بالفرح و الشكر ديمة
و فاعل الشر خليه ... فعله يرجع له غزيمة.
*كل دواي مسوس ... يجيب الهليكة لراسوا
و يستهل ضربة بموس ... حتى يبانوا اضراسوا.
*ضربوه يستهل الضرب ... و الطريحة معمول عليها
هذاك جزا من يوسع على الناس ... و نفسوا يضيق عليها.
*الراجل بلا مال محقور ... في الدنيا ما يسوى شي
المشرار كالدلو المقعور ... يوصل للماء يرجع بلا شي.
*نخدم على المال و نطيح ... و المال بيت الطناخة
الراجل بلا مال كالريح ... مشرار و حب الشياخة.
*ضربت كفي لكقي ... وخممت في الارض ساعة
صبت قلة الشي ترشي ... و تنوض من الجماعة.
*الشاشية تطبغ الراس ... الوجه تضويه الحسانة
المكسي يقعد مع الناس ... الغريان نوضوه من حذانا.
*يا ذا الزمان الغدار ... يا كاسرني من ذراعي
طيحت من كان سلطان ... و ركبت من كان راعي.
*درت مطمورة في الراس رفروف ... و متنتها من كل جانب
عهدي بالمطمورة متينة ... ساعة من تحت شارب.
*لا يعجبك نوار دفلى ... في الواد داير ظلايل
لا يغجبك زين طفلة ... حتى تشوف الفعايل.
*حيط الرمل لا تعليه ... يغلى يرجع لساسوا
ولد الناس لا توصيه ... يكبر و يرجع لناسوا.
*فاعل الشر مفبوض ... فاعل الخير سالك
بالك بالك ... بدراهمك جبتهالك.
*نوسيك يا حارث القديم ... بالك من دخانها لا يعميك
لا تدي شي المراة المعفونة ... تتعاون هي و الزمان عليك.
*من لا يطعمك عند جوعك ... و يحضر لك في مصايب
لا تحسبوا من فزوعك ... قد حاضر قد غايب.
*ما كان كالحرث تجارة ... ماكان كالام حبيب
ماكان كالشر خسارة ... ما كان كالدين طليب.
*يا لايم لا تلومني وسط الناس ... و اذا عينك في السلامة فرزني
الفضة الصافية ولات نحاس ... و الثوب الي كان وافي عراني.
*حبيبي ان غضب ما صبتلوا طب ... بعد المحبة جفاني
نجيب قهوة و نصب ... و نحدثوا بالمعاني.
*قلبي تقطع بالامواس ... ما جاء برا نلوحوا
من كان كواي الناس ... يصبر لكيات روحوا.
*يا قايل العار ... كيفاه يحلى كلامك
تمرض ولا عدت تزار ... و تتفكر الناس عارك.
*مثلت روحي حمام ... مبني على صهد ناروا
من فوق مابان دخان ... و من تحت طابوا حجاروا.
*من الثلج عملت مطرح ... بالهواء غطيت روحي
من القمرعملت مصباح ... و بالنجوم ونست روحي.
*ما يرقد في الليل مهموم ... الي يحمل الذل مانع
ما يغسل العرض صابون ... ما يقلب القلب صانع.
*خفيف الاقدام ينمل ... لوكان وجهوا مراية
قليل الاكتاف ينذل ... لوكان جهدوا عتاية.
الامان يا بني الامان ... و الامان يقطع الرقبة
حطيت يا بني الاحسان ... جبت البلا بلا سبة.
حبيبك حبوا ... و السر الي بينكم تخفيه
اذا حبك حبوا اكثر ... و اذا تركك لا تسال عليه.
