• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

لعضام ,,,,,, ب11 دينار !!

simou11

:: عضو متألق ::
أوفياء اللمة
يا خيوتي راني حبيت نحكيلكم على حاجة شفتها غير الصباح
مالا كنت سعيدة نمشي بين الحقول ,,,,,,,,,مش الحقول لحوانيت :shiny:
حتى جاني كف ,,,,,,,,,مش كف تشوكيت :scared:
تشوكيت كي قالي مول الحانوت لعضام {البيض} ب11 دينار
دخت انا و قريب مت
قتلو ب11 دينار !!!!! علاه الدجاجة تبيض سيزارييان ولا وش ؟!!
و خلصتو فيهم و رحت تحت الصدمة
و عاش مول الحانوت في سعادة و سلام
و قعدت مشوكيّة :o_o:
علابانا بلي المعيشة غالية مي مش 11 نمية العضمة
ياسر والله ياسر واشي هذا
مي لضرك نتفكر كيما كانت الدنيا دنيا و كانو لعضام ب5 مية
معندهاش ياسر مين كانو رخاس و مبعد غلاو فجأة
مفهمتش علاه غلاو ؟
يا الدجاج دارو grève
يا العضام شكاو لليونيسيف
و السؤال المطروح شكون لي حلبهم و دخل لهم الحضارة ؟!
​
 
توقيع simou11
وين راه مشكل اخت ى انا نبيعها 12

عندى قريب شهر وانا نبيع 12 دج


وبلطو بيض بى 33000 الف

الله غالب رنى نشرى بلطو بيض 30000الف
 
السلام عليكم

راكم عايشين لاهانيا

احنا راها ب12 دينار

ونظن احنا حلبناهم ههههه

تع سيزاريان ممكن نظن هاكا

هههههه

ربي يجيب ساعة الخير



شكراااااا​
 
توقيع simou11
السلام عليكم

راكم عايشين لاهانيا

احنا راها ب12 دينار

ونظن احنا حلبناهم ههههه

تع سيزاريان ممكن نظن هاكا

هههههه

ربي يجيب ساعة الخير



شكراااااا​

ههههههههه
هم يضحك و هم يبكي
مشكوورة على المرور
​
 
توقيع simou11
ملا نقلك لعام جاي تنقرض العضمة يولو ينعتوها في الافلام الاكشن برك
 
مزالني مشوكية !! ​

ما تتشوكي ماوالو أختي
هاذي هي البلاد وهاذي هي المعيشة
ربي يكون في عون أرباب العائلات

​
 
وين راه مشكل اخت ى انا نبيعها 12

عندى قريب شهر وانا نبيع 12 دج


وبلطو بيض بى 33000 الف

الله غالب رنى نشرى بلطو بيض 30000الف

يا خويا
فرق كبير بين تشري و تبيع
وهاذاك الزوالي كيفاه رح يدير ؟
ميوكلش البيض خلاه
ولا يوكلو فالعام مرة ؟
ولا يشريو بيضة و يقسموها فامي كاملة ؟
راهي غااااالية ب12 دج
​
 
توقيع simou11
مليح هنا تبالي ب 10 دينار ربي يستر المعيشة غلات ياسر
 
ملا نقلك لعام جاي تنقرض العضمة يولو ينعتوها في الافلام الاكشن برك

ههههه
نعودو نروحو للمتاحف باه نصورو معاها
و نفركتو على المستحاثات تع العضام​
 
توقيع simou11
يا خويا ​


فرق كبير بين تشري و تبيع
وهاذاك الزوالي كيفاه رح يدير ؟
ميوكلش البيض خلاه
ولا يوكلو فالعام مرة ؟
ولا يشريو بيضة و يقسموها فامي كاملة ؟​

راهي غااااالية ب12 دج ​

نزيد نشوكيك
حمس 18 الف كلغ
لوبيا 15 الف
عدس 11 الف
طعم 8الف
قهوة 250غ بى 14الف

:santa_1:
 

ما تتشوكي ماوالو أختي
هاذي هي البلاد وهاذي هي المعيشة
ربي يكون في عون أرباب العائلات

​

وي
الحمد لله لي جيت بنت
نروح نصلي ركعتين شكر في المسجد كي جيت طفلة :sheer:
​
 
توقيع simou11
مليح هنا تبالي ب 10 دينار ربي يستر المعيشة غلات ياسر

زيدي ثبتي حنونة
حتى انا في احلامي الوردية كنت نحسابهم ب7 مية​
 
توقيع simou11
نزيد نشوكيك
حمس 17 الف كلغ
لوبيا 15 الف
عدس 11 الف
طعم 8الف
قهوة 250غ بى 14الف

:santa_1:

حمص و لوبيا و عدس ولاو بنان :scared:
الدنيا مبقاتش دنيا
رح ندير اضراب عن الطعام
نعود نوكل غير الخبز
يا ربي يقعد الخبز ب7.5 دج
و القهوة تقلشت و ولات ب14 ميل
يرحم باباكم فهموني هذي قهوة ولا بطلت ؟
​
 
توقيع simou11
حمص و لوبيا و عدس ولاو بنان :scared:​

الدنيا مبقاتش دنيا
رح ندير اضراب عن الطعام
نعود نوكل غير الخبز
يا ربي يقعد الخبز ب7.5 دج
و القهوة تقلشت و ولات ب14 ميل

يرحم باباكم فهموني هذي قهوة ولا بطلت ؟​

ههههههه خبز 850 حت 1000 وناس تشرى نورمال فى اليوم نبيع 300 خيزة عادى:o_o:
 
ههههههه خبز 850 حت 1000 وناس تشرى نورمال فى اليوم نبيع 300 خيزة عادى:o_o:

مالا ربي يعيشلنا المخبزة لي قدامنا
تبيع الخبزة ب 750
​
 
توقيع simou11
هدي c sur يكونو تفرجو هوما ثاني المسلسلات التركية وشافو الدجاجات تاعهم قالك ايييييييه الغاشي عايش وحنا لا خبر عليها غلا شانهم وطالبو بحقوقهم المعيشية ,

صحيتي على الموضوع واقعدي مشوكيا حتان يفرج ربي وخلاص ومتزيديش دوري بزاف في الحقول لا ديرينا اكتئاب حاد ونحصلو فيك
​
 
عيش تشوف و عيش تسمع
الله يستر

​
 
توقيع ام أمينة
هدي c sur يكونو تفرجو هوما ثاني المسلسلات التركية وشافو الدجاجات تاعهم قالك ايييييييه الغاشي عايش وحنا لا خبر عليها غلا شانهم وطالبو بحقوقهم المعيشية ,

صحيتي على الموضوع واقعدي مشوكيا حتان يفرج ربي وخلاص ومتزيديش دوري بزاف في الحقول لا ديرينا اكتئاب حاد ونحصلو فيك
​

ياااه روطار على الهدرة هذي
الحقول هي سباب همي
و هاذوك المسلسلات التركية فسدو بناتنا و ولادنا و دارو لدجاجنا
الله لا تربحهم لا دنيا لا اخرة :sad:
​
 
توقيع simou11
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom