قدم لي نصيحة لوجه الله

[hanane05]

السلام عليكم اخوتي
انا عندي مشكل بلاك عندكم حتى انتم او ع9بتو بيه
انا كي كنت في السيام كنت نحب ن9را ودركا راني في الليسي ثانية علوم تجربية ومشكلتي اني كرهت القراية بزاف وكيجي الفرض نعود غير نراعي السبة باش مانقراش وحاولت نقرا بصح مقدرتش حتر نركز مع الاساتذة في القسم ونستنى غير في الجرس وقتاش يدق باش نخرج مع العلم اني فكرت في مستقبلي بصح كرهت ثناعش سنة وانا نقرا وموباين والو حابه نخدم
انشاء الله تكونو فهمتوني وراني نستنى في النصيحة:schmoll:

 

[ام أمينة]

السلام عليكم
وعلاش عليك هكا يا اختي
ما تفرطيش في دراستك غير هي لي تنفعك
بارسكو الدنيا دوارة
خممي مليح و راجعي وش راهو شاغل بالك
بالتوفيق

​

 

[Ahlem&mou]

Salam aalaykoum
ya khti yakdeb a3lik , makanch kima leqraya surtout que raki tgouli kounti t7abi teqray , ya3ni mousstawa nta3k labess bih , makanch menna li mafatch b had lmar7ala men hyatou yhass anou ta3b men leqraya mais periode w tjouz w sadqini nhar tkamli leqraya tetwahchiha, ana dart la fac w zadt qrit ba3d la fac w malgré nakhdem mais haba nzid naqra.
Matetqalqich aala lkhedma raki mazelti sghira w a7ssan anou tkamli leqraya au moins tjibi bac ta3k w lakan mahabitich diri la fac kayen les stages mais trayhi sans niveau win rahi had lkhedma li rah takhadmiha !
khami mlih w staghafri w khelli koul waqt b waktou

 

[(maroua)]

حاولي متضغطيش على روحك بزاف واهتمي بدروسك وخمي بلي بعد لقراية تجي الخدمة

 

[همس النسيم]

اهلا اختي الكريبمة

قبل لاتستعجلي في اي شيء
راجعي قرارك قبل كل شيء
فالانسان تواجهه مشاكل
فلابد عليه ان يتحملها مهما كانت ويقف من جديد
فااختي لاتترك دراستك
لان الوقت الذي نحن فيه لازم البنت تكون دارسة
تابعي دراستك لكي تجزي والديك بما قدموه لك لانهم تعبو عليك باش يشوفو بنتهم ناجحة في حياتها
لذلك راجعي قرارك جيدا وفكري​

 

[merieme hassi]

الوقت الي رانا فيه صعيب بزاااف
ننصحك جامي تفرطي في الدراسة
راهم بالديبلوم و ماصابوش خدمة
متتقلقيش و العني الشيطان و ركزي في دراستك
مازالك صغيرة
ربي يوفيلك مرادك اختي ​

 

[soussou.31]

و احنا مين بغينا نقراو الاساتذة ميبغوش يقرونة و لا ميفهموناش الدرس

قراي و خلي الباقي علا ربي

 

[bachboucha]

لالا حبيبتي خممي فعقابك صح الخدمة مليحة مي لازملك الشهادة ماتدريش و كتاه تحتاجيها و ويناك تاني
لازم تسيفي على روحك لقرايو راكي فسن شوي واعر فرغي راسك خلي فيه لقراية لحقتي للعين لازم تشربي منها ماوش تولي لورا ؟
ركزي على قرايتك و بالشوي ماتضغطيش على روحك جوزي الباك انجحي و ساهلة منوراه كلش يجي وحدو

 

[الموحد-79-]

السلام عليكم
اختي انت في مضمار ان لم تكوني من الاوائل كنت من الاواخر
اختى فلتضعي كل الامور والمشاغل جانبا
ولتضعي دراستك نصب عينيك
وذكري الله كثير
ستفلحين ان شاء الله
دمت بةد​

 

[07 _H@yThm]

اهلا بالبسكريه
تهلاي في قرايتك مزال ماقريتي ولو ضربه لكبيره مزالت

​