ماما اعطيني نشري بيتزا...الادارات تاع الجزائر ولاو des crèches

[إنسانة ما]

وشمن طفولة تاع بنت تفوتها مع ليزاجون
والله نهار كامل مساكن يلعبو بالو مع ليزاجو
تاع الجامعة والطلبة والطالبات
وماماها غير تصبر فيها بالششيكولا والبيتزا تاع الفوايي المعبيه عفن:sad:
المشكل أنها ما تسمحلهمش ياكلو حتى من عند أي إنسان ولا فوايي ولا شي
تخيل بنت 8 سنوات وولد 7 سنوات يوم كامل بلا أكل حتى 1.30 والا 2
والله مرة البنت شافت عندي حلويات اشتهتها وحسيتها اشتهتها، حاولت أقنعها تاكل منها قالت: لا، ماما ما تحبش.
يعني يخرج الطفل من روتين وضيق القسم والجدران
باه يروح يلعب شوي ويرفه على روحو
يروح يتفرج في الفيران والقناين مصارنهم على برا في المخبر
ملييح
المشكل مش فقط في الحيوانات
المشكل في رائحة لي produits لي نخدمو بيهم + خطر هاذ المواد، فيها حتى السامة.
وبالنسبة للحيوانات كونو عشرة معاهم ورباو عليهم الكبدة.
والله كانو يغيضوني، حتى عطلة نهاية الأسبوع يعيشوها في الجامعة.
مع عندهم حتى صديق
​

نسيت نذكر حاجة هي أن الولد والله أصبح معقد من ناحية البنات
حتى من أختو، ما يحمل حتى بنت
مرة قالي لو نصير رئيس جمهورية ما نخلي حتى إمرأة تعمل
كامل نحطهم في الدار ونخليهم
أظن أن هاذي عقدة تولدت من الواقع لي عايشو
​

 

[لاجودان شاف]

وعليكم السلام
والله مشكل كبير للام تخدم ولا تربى الله يكون فى عونهم

الله غالب شباب تعاليوم ره يبغى لى تخدم

صح خويا الشباب تاع ليوم يحب لي تخدم
ومشكل المرأة الخدامة كيفاه تربي ولادها
مشكووور خويا
:re_gards:​

هذي فالسيام اللي كنت نقرا فيه

شفت أستاذات يجيوهم ولادهم وبناتهم
الله غالب كيما قلت حبو بيكانتو بيضا
النسا عياو واش يخرطو (حاشا اللي محتاجات صح)
مارسي عليك​

هههههههههه صح عياو واش يخرطو
عياو يلقاو خرطة مخرووطة
وكيما قلتي في سلك التعليم العقلية هاذي بزاف
انا والدتي كانت تقري وكنت نظال عندها ههههههه
المهم يعطيك الصحة ختي
:re_gards:
​

 

[سلفي والحمد لله]

المرة لجاية كي تحب تروح لثم عيطلي نجي معاك
وماتحوسش تفهم هههه​

 

[لاجودان شاف]

و عًلًيْكٌم آلسًلـآم ​

إيـهـ أنآ شفت هآذي الظآهرة بزآآآآف
تآع أطفآل موظفي المؤسسات العمومية
يلعبو ويدورو في المؤسسات كأنهآ منآزلهم ​

والله حآلآت يتأسف لهآ الوآحد بزآف
لأنهـ عوض مآ يتربى الطفل في دآرهم مع أمو
أصبحت المؤسسة هي اللي تربيهـ
هذآ هو حـآل الخدآمآت​

صحيح كلامك ختي
عوض مايتربى الطفل في الدار مع أمور
يبقى يتريني مع امو من مكتب لمكتب ومن قسم لقسم
مشكووورة
:re_gards:​

سلام عليكم

علاه نشوفها يـــاو عايشتها
سي سيرتوا اللي يكونوا يخدموا في مجال الصحة معندهمش كامل وين يقعدوا تشبع منهم سبيتارات

بصح واش دير هدي دي الخبزة​

هههههه مليحة
يسقسووووك وين تربيت
تقولهم تربيت في السبيطار
مالا لعقوبة للكونسار ان شاء الله
يعطيك الصحة
:re_gards:​

ههههه
راحتلك يا لاجودان ماشفتش شاف سارفيس تاعهم ؟؟؟ هههههه

ههههههه
شفتها
باهية ومنظمة i-o:​

 

[لاجودان شاف]

المرة لجاية كي تحب تروح لثم عيطلي نجي معاك


وماتحوسش تفهم هههه​

علاااه وش عندكم لثم ههههههههه
يااااااااااااااا خي السلفية ماعندهمش المعريفة
عليها يظالو يديرو في الفوتينg
​

 

[القطة الزهرية]

علاااه وش عندكم لثم ههههههههه
يااااااااااااااا خي السلفية ماعندهمش المعريفة
عليها يظالو يديرو في الفوتينg
​

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

 

[اقبال1]

ايه نقولك المراة العاملة و اللي عندها الاولاد ربي عالم بيها ماتدريش واش راهي محتاجة .. بالاك الراجل مايصرفش عليها لازم تصرف هي ... نحكي عن تجربة باسك كنت صغيرة نروح ساعة عند يما نجيب المفتاح و من بعد نروح نروح للدار الوالد متغرب كل مرة يطايش فبلاصة و الام عاملة الله غالب واحد مايهز واحد لا عمتي لا الجدة كانو يبغيو يحكموني و انا كنت نورمال يعجبني الحال كي يقولولنا فالقسم شكون ماماه خدامة نهز يدي غير انا نزوخ بيما زعمة خدامة الصغر مي كي كبرت عرفت واش صبرت ماما علاجالنا واش عقبت ... البرد و السخانة و هى مرة هنا مرة لهيه ... مي جامي كان غرضها بيكانتو بيضا لا كانت باغية تقري ولادها و تعيشهم ... لا تسالني عن دور الاب فهو كان غير موجود اغلب الاوقات .... شحال سوفريتي يا ما لعزيزة و حملتي علاجالنا خدمتي برة و الدار و زدتي حملتي هدرة العايلة و السلفات لعجوز و حتى الجيران و الحمد لله يا ما كبرتينا و قريتينا و فرج ربي علينا ....
شكرا لك على الموضوع بالرغم انك حكيت غير على لي بغاو بيكانتو مي كاين بزااااااااااااف بغاو يربيو لولاد خاطر الراجل الله غالب مايفك مايصك يقولك اخطي راسي برك​

ما نظنش انو بعد هدرتك هادي نقدر نعمم الاحكام ...يعطيها الصحة الام ديالك ربي يخليهالكم يا رب...

انا كنت خدامة و بعد كي زوجت قررت و بلا ضغط من راجلي انو نحبس لخدمة لانو نحب نتهلا في داري مليح و نربي ولادي مليح و نتفرغلهم وحدهم ( على كل حال مازال ما عندي ولاد مي هكدا كنت نفكر قبل ما نزوج و ان شا الله ربي يوفقني ) ..و كاين بزاف لي يحكولي نفس حكاية تاع امك ..و الله غي تاع الصح هدرتك خدمتهالي بزاف ...يعطيك الصحة اختي تعيشي

 

[لاجودان شاف]

السلام عليكم​

يعطيك الصحة خويا لاجودان , حتى انا كنت ناوية نحكي في هاذ الموضوع هههه معليهش راك سبقتني
بخصوص اني شفت الظاهرة , والله شفتها وعفتها , فالسبيطارات , فالليكولات , فالجاميعة , فالإقامة , فالبلدية
وانت راك شفتها في لابوست
عندنا واحدة تخدم فالبلدية , كي يكملو ولادها القراية يروحولها للخدمة كي قلنالها كون راكي كشما عند من راكي تخليهم
قالتلنا ماكش اللي قبلهملي
هيا واش نقولو كي تدخل لكاش مؤسسة تحسابها لاكراش
يعطيك الصحة خويا على الموضوع + اذا خلاوني هههه​

وعليكم السلام ورحمة الله وبركاته
اهلا بيك أخت ايمان ههههه طفرت فييك سرقتو
+
صح والله كاينة في جميع القطاعات
انا في البلدية ثاني شفتها
الامهات قاعدين يخدمو
في لي gيشي
والذر من لورا يجاراو بصح واحد ما يشوفهم غير لي يقرب للgيشي
ظاهر مدايرين فيها غمااايضة ههههههههه
+
هههههه ماخلاوكش اليوم
غدوة مكانش مشكل
يعطيك الصحة​

 

[bachboucha]

ما نظنش انو بعد هدرتك هادي نقدر نعمم الاحكام ...يعطيها الصحة الام ديالك ربي يخليهالكم يا رب...

انا كنت خدامة و بعد كي زوجت قررت و بلا ضغط من راجلي انو نحبس لخدمة لانو نحب نتهلا في داري مليح و نربي ولادي مليح و نتفرغلهم وحدهم ( على كل حال مازال ما عندي ولاد مي هكدا كنت نفكر قبل ما نزوج و ان شا الله ربي يوفقني ) ..و كاين بزاف لي يحكولي نفس حكاية تاع امك ..و الله غي تاع الصح هدرتك خدمتهالي بزاف ...يعطيك الصحة اختي تعيشي

والله اللي تفوتو الام الخدامة و لي تشوفو علاجال ولادها ماهوش قليل و اللي ماوقفش على الجمرة جامي يحس بيها .... ماكانش ام ولدت و كبدتها تخليها مرمية فالادارات غير الام اللي تضحي و .. و ... شكرا ليك

 

[لاجودان شاف]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ههههههههههه مشوشة
بزايد تشويش:santa_1:
حبيتي تقفليلي الموضوع:sad:
باينة فوتي صغرك في la postei-o:
هههههههههه
ههههههههههههه​

 

[07 _H@yThm]

اهلاااااااااااااااااااااااااااااااااااااااااااااااا هادي غيبه
ههههههههههه
قالك مايحس بجمره غير لي عافس عليها
انا واحد من هادو ناس كنت في كل محضر نحضر قريب ندير كونطرا نخدم في بلاصتها مع لولده قصدي ماتفهمنيش غالط هههه
بصح انا مانطلبش بيتزا وشنقوم هادي حيه من لكبار
ولانقلب هاا عليها
واش تحب يروحو يخدمو ويضيعونا ربي يهديهم
ادعيلهم يالاجودان في صلاتك دعوتك مستجابه نتا
دزدق

​

 

[القطة الزهرية]

ههههههههههه مشوشة
بزايد تشويش:santa_1:
حبيتي تقفليلي الموضوع:sad:
باينة فوتي صغرك في la postei-o:
هههههههههه
ههههههههههههه​

لاجودااااااااان اني نسمع في صوت السلاسل ....او متغلقش موضوعي غير اسكت او 20 صفحة هههههههههههه ...الكادنة جاية .مانروحش حتى ترد عليا مناه راني رديت من قبل وماشفتوش ....ياسيدي خاطيني البوسطا مانسيبورتيهاش :shiny:i-o:

 

[لاجودان شاف]

لاجودااااااااان اني نسمع في صوت السلاسل ....او متغلقش موضوعي غير اسكت او 20 صفحة هههههههههههه ...الكادنة جاية .مانروحش حتى ترد عليا مناه راني رديت من قبل وماشفتوش ....ياسيدي خاطيني البوسطا مانسيبورتيهاش :shiny:i-o:

ههههههههههههههه
هيه راني جاي نرد عليك
بصح ديري لاشان منك من الشعب هههههههههه
اعدلي روحك وادخلي في الصف
+
مالا تربيتي في خزناجي i-o:؟؟؟؟؟​

 

[لاجودان شاف]

هههههههههههههه و الله غي من كثر ما حكيتها بالتفصيل حتى تخيلتها قدامي حاضرة ..يعطيك الصحة

بصح انا لي ما فهمتهاش و علاه هادي " الماما " ما حطتهمش في دار حضانة ... و + انا نقول ديما هادي الحنينة تاع " ماما " عندها زوج ولاد علاه ما تقعدش تربيهم في البيت خير ليها هي و للولادها prq تربيهم مليح و يتعلمو مليح خيرمن يترباو في حيطان و لادال دوصول في la poste زعما باه يحكمو la place تاع يماهم ؟؟؟؟؟هههههههه

انا عني ما شفتهاش كي كنت نقرا و كي خدمت بصح نحب برك نقول حاجة لكل " ماما " باسم هادي الكلمة ضحي على جال ولادك و قعدي في الدار ربيهم prq هوما اولى فيك من la poste ..

ههههههه
عطيتلكم السيناريو والنص والأجواء جيبو كاميرا برك وديروها
سكاتش ههه
+
متقدرش تحطهم في الحضانة لانهم كبار يقراو في ليكول
ولما يخرجو من ليكول مكانش وين يروحو
وانا رايي من رايك
لو تقعد هاذ الماما في دارها خير
لا يطيحو ولادها في لادال دوصول ويتكسروi-o:
+
كلمة ماما تستحق كل التضحية صحيحة ختي
وكلمة ماما مليحة كي تخرج في الدار
مش في la poste
يعطيك الصحة ختي
:re_gards:​

 

[القطة الزهرية]

ههههههههههههههه
هيه راني جاي نرد عليك
بصح ديري لاشان منك من الشعب هههههههههه
اعدلي روحك وادخلي في الصف
+
مالا تربيتي في خزناجي i-o:؟؟؟؟؟​

هههههههه اني عادلة روحي اني عاقلة والله
....هههههههههههه واشمن خزناجي يرحم باباك انا تربيت في داااارنا ماشي كيفك في القسم مع التلاميذ i-o:i-o:

 

[hadil2044]

صح كاين منها
وربي يهني كل الصغار

 

[لاجودان شاف]

ايه نقولك المراة العاملة و اللي عندها الاولاد ربي عالم بيها ماتدريش واش راهي محتاجة .. بالاك الراجل مايصرفش عليها لازم تصرف هي ... نحكي عن تجربة باسك كنت صغيرة نروح ساعة عند يما نجيب المفتاح و من بعد نروح نروح للدار الوالد متغرب كل مرة يطايش فبلاصة و الام عاملة الله غالب واحد مايهز واحد لا عمتي لا الجدة كانو يبغيو يحكموني و انا كنت نورمال يعجبني الحال كي يقولولنا فالقسم شكون ماماه خدامة نهز يدي غير انا نزوخ بيما زعمة خدامة الصغر مي كي كبرت عرفت واش صبرت ماما علاجالنا واش عقبت ... البرد و السخانة و هى مرة هنا مرة لهيه ... مي جامي كان غرضها بيكانتو بيضا لا كانت باغية تقري ولادها و تعيشهم ... لا تسالني عن دور الاب فهو كان غير موجود اغلب الاوقات .... شحال سوفريتي يا ما لعزيزة و حملتي علاجالنا خدمتي برة و الدار و زدتي حملتي هدرة العايلة و السلفات لعجوز و حتى الجيران و الحمد لله يا ما كبرتينا و قريتينا و فرج ربي علينا .... ​

شكرا لك على الموضوع بالرغم انك حكيت غير على لي بغاو بيكانتو مي كاين بزااااااااااااف بغاو يربيو لولاد خاطر الراجل الله غالب مايفك مايصك يقولك اخطي راسي برك​

أهلا أختي
صحيحة ختي حنا ما عممناش
كاين نسا ليراهم صح بحاجة لهاذ العمل باه يربيو ولادهم تربية مليحة
يعني باه مايحتاجو لحتى واحد
خصوصا كيما قلتي في ظروف غياب الوالد أحيانا
وصح الوالدين لما يكونو يخدمو الاولاد يتمرمدو
شوكن لي يقبل بطفل صغير او طفلة صغيرة في دارو
يشوفو فيهم غير الهرج والوالتكسار والتوساخ
+
الحمد لله انكم كبرتو وقريتو تخرجتو
وان شاء الله تتعاون كامل وتردو الخير للأم تاعكم
وتشريولها picanto بيضة:sheer:
+
تحية كبييرة لأمك
شكرا ويعطيك الصحة
:re_gards:​

 

[لاجودان شاف]

شفنا مكثر من هكا والله لعجب راني نشفا كي كنت نقرا في الابتدائي كانت تجيب المعلمة بنها صغير والله اقلامنا وحوايجنا كامل سرقهملنا وحنا الله غالب كنا نشوفو فيه ونضحو بصح الواحد كان قلبو يعصر

+

هههههههه قتلتني بالتزحليق تاعهم ههه تخيلتهم ​

هههههههههه
هههههههههه
هاذي صحيحة وكاينة
انا كي كنت نروح للوالدة نهز وش يعجبني من الطوابل تاع لولاد
وشكون لي قدر يقول لا
نفتشلهم حتى جيوبهمكاشما كاين شوي صرفi-o:
+
هههه ناقصين تزحليق
مشكوووورة
:re_gards:​

 

[لاجودان شاف]

هههههههه اني عادلة روحي اني عاقلة والله
....هههههههههههه واشمن خزناجي يرحم باباك انا تربيت في داااارنا ماشي كيفك في القسم مع التلاميذ i-o:i-o:

هههههههه هاي جات دالتك
هاتي دوسيك
الله غالب ناقصاتك نقمة مانيش راح نرد عليك ههههههههه​

سلالالالالالالالالام

والله ياخويا هدي ملي كنت صغيرة وهي كاينة نشفى كانت معلمتي الحبيبة اجيب ولدها معانا يقرا في القسم وانا وحدة من الناس كنت نحصل في خالتي تديني معاها للخدمة ههههههههه والله هك ولات الحالة عيش تشوف زعمة مالقات وين تحط ولادها يجيو لعندها خير ...ربي يجيب الي فيه الخير... شكراااا

صح كاينة بزاف في المدارس ولي سيام
وتلقاي ولدها يخير زوج الزينات في الكلاسة
ويقولهم نقعد في نصكم في الطابلة
في عمرو 3 سنين بصح ...:shay:
+
الحلم تاعي نعرف خالتك وش تخدم برك i-o:
؟؟؟؟؟؟؟؟​

 

[لاجودان شاف]

السلام عليكم​

كيما هاكا صرات عنا في الخدمة وحدة تقري عنا جابت ولدها مولاعامين وشوية قالت ​

ندخله تحضيري ​

ايا راك عارف مديرنا بزلافة طعام ترشيه:glare: دخلهلها ​

شوف وين وصلنا المعلمة نتاع تحضيري مرة كبيرة باغي تخرج لاتريت قعدت تخرط فيه ​

في لاكور ومشيطها في القسم قاع ما يرتبش صغير مسكين بزاف ما يعرفش​

حكموهلها غير يامات وقالولها دبري وين ديريه ​

هيا ثاني تتفش خلت لاكريش وجايباته عنا ​

ناس عقليات كاين لي ما عنهاش حل وين ديره تخاف عليه ولا ما نعرف وكاين لي ​

يبروفيتو :glare:​

انا نخليك ضرك كثرت عليك الهدرة :shay:​

ههههههه مرحبا بيك
مليحة تاع زلافة طعام ترشيه ههههههه
وبيناتنا كاش قد الطعااااااااام.. ماتفكريناش برك اليوم الجمعة وماكليتوش:sadwalk:
+
صح طفل تاع عامين وشمن تحضيري ولا قسم ينفع فيه
تبالي يشوف برك الغاشي تاعي الذر هاذاك يتشوكا ويخلع
وكيما قلتي يبروفيتيو
مشكووورة تاج
:re_gards:​