ماما اعطيني نشري بيتزا...الادارات تاع الجزائر ولاو des crèches

[ISMA.dz]

السلام عليكم

اها راني في موضوع الشاف

الله غالب تلفولي البيبان ...قصدي المواضيع

وهاذي علاه مسحبة ولادها معاها؟

كانت تريح تربيهم فالدار خير من تكسار الراس

والله يتمرمدوا مساكن

انا الحمد لله ماما قاعدة فالدار ماعندناش النسا يخدمو هههههه

والله ويحكمها بابا يكسلها هههه

انا في بلاصة هاذ المرة نريح في داري نوكل ولادي ماكلة سخونة ماشي بيتزا!!!

واذا كان عندها ظروف تسامحنا ههه

سلامو​

 

[zahira92]

مشفتهاش بصح اكيد كاينة منها.
موضوع هايل يعطيك الصحة
​

 

[لاجودان شاف]

نسيت نذكر حاجة هي أن الولد والله أصبح معقد من ناحية البنات
حتى من أختو، ما يحمل حتى بنت
مرة قالي لو نصير رئيس جمهورية ما نخلي حتى إمرأة تعمل
كامل نحطهم في الدار ونخليهم
أظن أن هاذي عقدة تولدت من الواقع لي عايشو​

هههه مساكن غير البالو ومع من مع لاجون:sad:
وزيدي الجوع من فوق بزاف عليهم
وزيدي كيما قلتي روائح تاع المخبر ممكن تكون خطرة عليهم
لكن يعني العائلة هاذي عييات تلقى مكان غير الجامعة
تخلي فيه الأولاد
+
لا ...قوليلو كي تولي رئيس جمعورية
ادي النسا كامل للحبس
واستوردلنا شوي اروروبياتi-o:
اللوكال ماخرجش علينا
​

 

[لاجودان شاف]

اهلاااااااااااااااااااااااااااااااااااااااااااااااا هادي غيبه

ههههههههههه
قالك مايحس بجمره غير لي عافس عليها
انا واحد من هادو ناس كنت في كل محضر نحضر قريب ندير كونطرا نخدم في بلاصتها مع لولده قصدي ماتفهمنيش غالط هههه
بصح انا مانطلبش بيتزا وشنقوم هادي حيه من لكبار
ولانقلب هاا عليها
واش تحب يروحو يخدمو ويضيعونا ربي يهديهم
ادعيلهم يالاجودان في صلاتك دعوتك مستجابه نتا
دزدق​

وانا نقول وشبيها الباجة نورت
وشراك شوي يا البركة ...امورك باهية
هههههههه مليح لوكان دخلوك بلانام راك درت مستقبلك بكري
+
علابالي نتا متطلب لا بيتزا لا شينقوم
نتا تحب تفليكسي برك
+
هيا يعطيك الصحة واشرب حاجة
دزدق
دزدق
دزدق​

 

[لاجودان شاف]

صح كاين منها
وربي يهني كل الصغار

اللهم آميييييييين
بارك الله فيك
:re_gards:​

 

[القطة الزهرية]

هههههههه هاي جات دالتك
هاتي دوسيك
الله غالب ناقصاتك نقمة مانيش راح نرد عليك ههههههههه​

يااااه جبتها شوف مليح :shay::shay:

صح كاينة بزاف في المدارس ولي سيام
وتلقاي ولدها يخير زوج الزينات في الكلاسة
كاين منها علا بيها ولد معلمتي كان طول يجي يقعد قدامي يكرهلي حياتي هههههههههههه
ويقولهم نقعد في نصكم في الطابلة
في عمرو 3 سنين بصح ...:shay:
ياهنندب امالا قداش عمرو راح يكون في عمرو3 سنين يسما قد النملة يعمل عملة ...ولا صغييير ومحاينو كبااار i-o:i-o:
+
الحلم تاعي نعرف خالتك وش تخدم برك i-o:
؟؟؟؟؟؟؟؟​

عجبتني هديك الكلمة تاع الحلم تاعي هههههههههههه
واش رايك نخليها تحرق في قلبك ولا نقولك امممممممممم.......ايا نقولك ماتهونش عليا
تخدم شاف سرفيس في السبيطار تاع قسنطينة تاع لولاد الصغار جيهت تاع الجراحة هههههههه عطيتك كلش بالتفصيل يابن عمي ...........كنت نروح وين يلعبو لولاد ونبقى نلعب بالالعاب تاعهم ههههه ......**ملاحظة ادا حاب تعرف وين تسكن خالتي واش اسمها .ههههه نقولك ماش خسارة i-o::re_gards:​

 

[hiba14]

هههههههههه عندك الحق المرا اللي عندها وين تخلي وليداتها و قها ما تخدمش ماشي يلا تحالا ما كاش وين تخليهم و الله غير يشفو البيتزا في هاد البرد ربعة دورو اللي تصورها تخسرها غي بيتزا لوكان تقعد في دارها و طيب المرميت تخرج في حساب واحد و زيد معاه تلم وليداتها

 

[lamilam88]

هادي كي يولي الدورو لعزيز خير مالكبدة
علا جال زوج حدايد تاع دهب و لا حديدة تاع طونوبيل بالاك تروح في أكسيدون وحدة
تفرط في ولادها وفي دارها
ربي يهدي .​

 

[محبة الورد]

اولا السلام اخي الكريم
ثانيا انا هاذي الظاهرة شفتها بكثرة وخاصة عند استاذة الانجليزية تاعي جيب بنتها الصغيرة على خاطر لاكريش مغلوق مازال مافتح مالقاتش وين تحطها تحتمت تجيبها معاها وتجي تقري وخطرات حنايا نريحوا معاها هاديك الطفلة الصغيرة
وتاني منلوموش النسا كاين خطراتوين تتحتم تخدم ومتلقاش وين تحط ولادها ​

 

[لاجودان شاف]

السلام عليكم​

اها راني في موضوع الشاف​

الله غالب تلفولي البيبان ...قصدي المواضيع​

وهاذي علاه مسحبة ولادها معاها؟​

كانت تريح تربيهم فالدار خير من تكسار الراس ​

والله يتمرمدوا مساكن​

انا الحمد لله ماما قاعدة فالدار ماعندناش النسا يخدمو هههههه​

والله ويحكمها بابا يكسلها هههه​

انا في بلاصة هاذ المرة نريح في داري نوكل ولادي ماكلة سخونة ماشي بيتزا!!!​

واذا كان عندها ظروف تسامحنا ههه​

سلامو​

وعليكم السلام
اهلا بيك اختي
قالك مسكينة تخدم ومعندهاش وين تديهم
جابتهم للباسوت باه يتأثرو من الصفر بليفاكتور
+
قولي لباباك بلعقل برك
دبزاك واعرين ههههه
كثر خيرك
:re_gards:​

 

[Black-Blossom]

وغاضوني بزاف لوليدات هاذو قلت نورمالمو راهم في الدار يقراو ولا يروبزيو
بصح الله غالب ماماهم...
...مسكينة تشف خارجة عالخبزة و عالتقصير اللي من راجلها " الراجل الفحل" اللي يقوللها ما عنديش و دبري راسك و اللي أصلا من أولها مديها على جال خدمتها و قال لأمو 'مش حتى هو اللي خيرها'..: خيريهالي خدامة باش [تعاوني] أو بالأحرى باش تخدم على ولادها في المستقبل
خويا ماكانش وحدة ترضى البرا (على جال سيارة كيما قلت) على الدار و زايد ثاني عندها ولاد ؟؟ هاذي مافيهاش نقاش ..حتى لو كاين وحدة ولا زوز هكذا داروا و طبعا حالات شاذة.. هاذي القاعدة ما تعممهاش

 

[تاج الجزائر]

وبيناتنا كاش قد الطعااااااااام.. ماتفكريناش برك اليوم الجمعة وماكليتوش:sadwalk:

​

غير ما تخممش خويا على الطعام ما يكون غير

خاطرك وجيب معاك وحدين راه كاين شحال من مغرف:shiny:

كولوا بصحتكم :shay:

​