يخلعو فينا بلحيه وجلباب

[07 _H@yThm]

صباح لخير ولا مسالخير:shiny:
لي جات المهم اهلا بلحباب توووووحشناكم وراس لعزيزه غير توحشتكم ولي ماتوحشنيش يسمى نكار لعشرهi-o: هوووووووووع
راني مزورب شويا حبيت برك نقرعج ع وحد لحيه خمجتلي راسي وحبيت نلقلها تفسير
عندكم :santa_1:
قالك ياسيدي وكلعاده راني نحوم ونجول فلفاك باش نشوف لغاشي ونتامل خلق الله العظيم
شويا نشوف في اختنا واخينا مكروشين في بعظاهم وجايزين عليا انا وقفتلي سياله لعصبيه
تاعي عند كمون مشفر وقلت وشنو هاذا:scared::scared:ريح يامولا لحيه راك تحلبت بزاف عليك
واذا شوفتو لفضيحه تاع جامعة لبليده سعد دحلب راهي غازيه لفايس محبيتش نحط رابط
ليروح لموضوع بسبتها .......بلا ماننسا لقطات لهندية وتركيه لي ع لهوا مباشر
سما واش خلاو لجماعت سيفيلزي ونص خمار ياعجب الله
ودك ايا وحده تحب دير عمله تكوفر روحها فلحيجاب وصاي
//////////////
مـــــــــــــــــــــــنيش نهاجم في جماعة لحيجابيست ولحيه وسروال قصير
وانما راني نهدر واش راني شايف سما ياتخرجلها طاي طاي ياتغستي طرونكيل
علابالي لميضوع ماهوش كافي وافي بويسك راني نكتب ومعلاباليش واش كتبت
ليسونسيال نشالله تكونو فهمتو واش راني حاب نهدو ونوصل
تهلاو فلباجه ونولي لردود نشـــــــــــــــــــــــــــــــــــــــالله

​

 

[وصال]

يشرفني ان اكون اول واحدة ترد على موضوعك .

حبيت نقولك حاجة واحدة برك ربي يهدينا ويسترنا برك لكن مالازمش الانسان يكون كالذباب يقع على الشئ الخبيث فقط فكثرة الخبيث لا تعني عدم وجود الطيب وللاسف هاذو الناس اساؤو لسمعة الحجاب كثيرا ولكن تصرفاتهم تعبر عن شخصهم فقط لا غير ولا تعبر عن طهارة الحجاب فالحجاب حجاب ولا ينبغي ان نحكم مناجل واحد على الجميع فمازال الخير يعم البلاد ومازال هناك من يخاف الله في الجهر والعلانية .
بارك الله فيك على الموضوع ومتتخلعش بزاف مزال مشفت والوا بصح حاول برك تحط عينك على الناس الطيبة باش تعيش مهني والباقي امثال هاذوا رجعهم ترونسبارو وكانهم مخلقوش هكذا خويا نصيحة برك من عند ختك وصال .

 

[إنسانة ما]

وأنت أصدرت حكمك مباشرة وحكمت عليهم بالإعدام.
ما حطيتش فرضية ممكن تكون هذه الأخت زوجته (عاقد عليها عقد شرعي)؟؟؟؟ مباشرة قريت حاجة أخرى.
هذه عادتنا الجزائريين، نروحو للجامعة نتعلمو ونقرو نتخرجو وحنا عندنا شهادة في قراية النقص مش في المجال لي درسناه.
علاه دايما عندنا سوء الظن؟؟؟؟؟
أمر آخر: الملتحين والجلبابيات بشر ومش ملائكة.
والله لو كل انسان اشتغل بأمورو وحاول هو يصلح أخطاؤوا يكون أفضل من أنو يبقى يعس على الناس.
(من راقب الناس مات هماً)
الله المستعان

​

 

[بلد المليون]

ههههههه
هدا غير شوي انت على الاقل هندي و تركي نتوعنا شوي ovver
حننا راهم كي لهوتبارد و لمكسيك
هههه
على لمودة وواش بيك​

 

[ocean d'espoir]

يااخي رانا شايفين وعايفين كي تشوف واحد داير اللحية ولابس القميص ومانعرف تقول ماشاء الله وكي تعاشره تقول لاحول ولاقوة الا بالله وكذلك المراة تاني كي تشوفها دايرة الجلباب كيف كيف وهي دايرة الطراطح من ورا الجلباب
خطرة خويا صغير قالك فايت على واحد ماشاء الله اللحية والقشابة صوناله البورتابل وتنطلق حالغنية نتاع الراي افون دايرها فالبورتابل ..وواحد المراة تاني فايتا باللوطو والجلباب زعما كلي بصح ودايرة غنيا افون قولولي واش من دين هذا يرحم والديكم..
(طبعا مش كل الناس كيف كيف ) ولكن رانا نشوفو اغلبهم منافقين سواء نساء او رجال..!
الله يهدينا ويهدي جميع المسلمين

نصيحة :
لاتغركم المظاهر فانها خداعة..

 

[mira real]

ايه عندك الحق يا خويا ولله رانا نشوفو في العجب
ياك عادت عادة.. البنت دير الجلباب و تلعب لعبها ملييييييييح ......... كيما يقولو من لفوق جلباب ومن لتحت تشغيل الشباب
وعدنا دكا نفوتو على واحد مش من صحاب لحية منخافوش منو وتخافو من صحاب اللحية


بصح عجبتني بزااااااااف هادي الجملة ( انا وقفتلي سياله لعصبيه تاعي عند كمون مشفر وقلت وشنو هاذاريح يامولا لحيه راك تحلبت بزاف عليك ) باين تفهم لعلوم ملييييح ههههه

مرسي على الميضوع

 

[meriem150491]

السلام

يا خويا بالاك يكونو مزوجين علاه شرط يكونو صحاب

وبالاك يكونو صحابثاني مي مش معناها جماعة اللحية والجلباب مهومش ملاح

ان بعض الظن اثم

+
يا ودي معندنا مدخلنا في الغاشي الواحد روحو ملقالهاش حل كيفاش نعس انا بو لحية ومولات الجلباب ربي يسهل عليهم كل واحد وقبرو وعملو



​

 

[منايا الجنة]

ربي يهدي ما خلق يا خويا مادرتش في بالك لوكان يكون خاطبها و عاقد عليها ولا متزوجين ما تتسرعش في الحكم عليهم يمكن تكون انت الغالط
وفقك الله ورعاك

 

[Ice Queen]

فهمت قصدك مي لا حياة لمن تنادي المهم كي تهدر في هذا الموضوع الكل يقولك حتا الاخوة والاخوات ماسلكوش من فوامكم اتقو الله
الله غالب دايين الاسلام بالاسم ماشي بالفعل
كاين واحد قالك ذهبت الى الغرب فوجدت الاسلام ولم اجد المسلمين واتيت الى العرب فوجدت المسلمين ولم اجد الاسلام
يعني الاسلام حنا رانا نطبقو فيه كيما نحبو
​

 

[bachboucha]

ايه بالاك مرتو باه ماندلموش مي بغض النظر حتى هوما ناس بقلوب و كل واحد يحاسبو ربي ماشي لعباد ... مانحبش ندخل فخصوصيات الناس مي صباع اليد ماشي كيفكيف

 

[القطة الزهرية]

سلالالالالام
اهلا هيثم ..موضوع مليح فرغت فيه على قلبك .
واش نقولك خويا هدي هي حنا لازم في اي حاجة كاين الخبيث ولمليح ماش كامل ملائكة وكيما كاين استاذ مليح واستاذ رخيس وكيما كاين ايمام مليح ولاخر تقول عليه كااافر كاين حجابيست ومول لحي صادقين ولخرين خباثا يغطيو فعايلهم باللباس الشرعي وتستر وراء السنن واش تحب الظاهرة هدي شاعت بزاف بزاااااااااااااااااااااف ربي يجيب الي فيه الخير ويهدينا ...سلالامو:re_gards::re_gards:

 

[kazawa]

بلاك تكون غالط وبلاك تكون صحيح المهم مش لازم تعمم الحكم التاعك على الكل الجلبابيست و اللحيا و صح كاين عباد يشوهو في استعمال الجلباب وتلقى لاحيا يشوهو على اللحيا الكل بالتصرفات تاعهم الغير اخلاقية ولازم تعرف هنا ان القضية هي النضرة تاعك انتا وش شفت وش عندك من تصور واسكو هزيت فكرة سلبية و وجهت الفكرة تاعك على الكل .يبقى المضهر خداع مارسي على الموضوع ..

 

[دروب الرحمة]

ياخويا ونت وين علابالك بلاك مرتو
بزاف ليكوبل اللي هكا مزوجين ويمشيو مكروشيين بعضاهم مافيها والو
ثانيا الحاجه اللي خلاتني بلا راس واش دخل الجلباب واللحيه فهاذ لحكايه؟؟
اللي علق/ت وقال/ت سلفي داير أغنية تاع راي
وين علابالك هذا حب يطلق لحيتو وتبع الاحاديث تاع الرسول فهاذ الباب ومن جهه أخرى بقالو الغنا عيا ينحيه.....انا يجيني خير مللي يسمع لغنا ويحلق والله أعلم
هوما ثاني ناس كيما حنا ويغلطو وملازمش نحكمو بلا مانعرفو وش كاين
سلام



​

 

[دروب الرحمة]

سلالالالالام
اهلا هيثم ..موضوع مليح فرغت فيه على قلبك .
واش نقولك خويا هدي هي حنا لازم في اي حاجة كاين الخبيث ولمليح ماش كامل ملائكة وكيما كاين استاذ مليح واستاذ رخيس وكيما كاين ايمام مليح ولاخر تقول عليه كااافر كاين حجابيست ومول لحي صادقين ولخرين خباثا يغطيو فعايلهم باللباس الشرعي وتستر وراء السنن واش تحب الظاهرة هدي شاعت بزاف بزاااااااااااااااااااااف ربي يجيب الي فيه الخير ويهدينا ...سلالامو:re_gards::re_gards:

:re_gards: :re_gards:​

 

[أحبك ياجزائر]

الكوارث الكبيرة راه تجي من جماعة الجلباب واللحية
ارواح ربي عريان يكسيك
الكذب
​

 

[السلطانة]

وعليكم السلام
انا نهار قاتلي وحدة جلبابيست بلي
خطيبها السلفي
يديها تحوس... ويشريلها شوكولا في عيد الحب انا تم تبلوكيت
كاين لي دايرينو غير باه يتخباو وراه
ولاتلقاها سلفية
وووجها يبرق من فرط الزينة
..ماكنلاه نتعمق راه الغاشي كامل شايف
الله يهدي من خلق
كاين شي ناس متلقى متقول فيهم
يحللون الدين على هواهم
كون يعود عليك او كلش يحرموه
وهوما النيميمة والمخالطة ودعاوي الشر كامل يديروها


ديجا قلبي معمر ياحاتم خويا كاpابل منسكتش ههه
تقبل مرروي



​

 

[hannsg]

السلام عليكم
راح نحكيلك قصة شوفتها من قبل
مرة كنت مع واحد صاحبي كنا نمشو فات علينا واحد ملتحي يحكي في البورتابل بصغة المؤنث قالي شوف شوف زعما سلفي و هو راه يحكي مع طفلة
من بعد هو ما كملش كلامه و السيد هذاك قالها زيدي واش خصك في الدار باش نشري فرد ضربة
يعني يا كان يحكي مع زوجته يا مع امه يا مع اخته لكن الانسان احيانا يفهم النقص
مرة ثاني واحد سلفي مع وحدة بالحجاب الشرعي يمشو مع بعض و انا نعرفهم مزوجين و قاعد نشوف 2 شباب يتغامزو عليهم بانتلهم واحد و حبيبته
ما اقصده هو لا يعمم الخبث على الناس بسبب بعضهم و سوء الظن بهم فان بعضه (الظن) اثم
ثم نرجع نقول على المنافقيين
موجودين طبعا و المظهر لا يصنع الايمان بل العكس
يعني كي تلقى واحدة مثلا بالحجاب الشرعي ماش يعني راهي مؤمنة فعلا تبقى الاعمال بالنيات لكن لما تكون عندها ايمان قوي فعلا فراح ترتدي حجاب شرعي ارضاء لله يعني الامر علاقة غير معكوسة اي الحجاب لا يعني الايمان القوي لكن الايمان القوي يؤدي للحجاب لانه فرضه الخالق الذي نؤمن به
ثم نرجع نقول انه انت تقول تخرجها طاي طاي
المنافقون ماش ملاح و المجاهرون بالاثم ثاني مش ملاح يا اخي
يعني الواحد على الاقل تكون عنده شوي حياء مثلا اذا سكر يروح يسكر وحده حد ما شافه الا خالقه بينه بينو اما اذا راح يسكر قدام الناس راه اولا ينشر في الرذيلة
و ثاني يتبلى الغاشي و يتعدى على حرمتهم و ثالثا قلبه مات خلاص لدرجة يعصي الله و يفتخر بهذا فاحيانا تلقى شخص يعصي الله و يؤنبه ضميره و بينه بين نفسه يعلم انه آثم و يحتقر ما يفعل و قد يجد سبيل الهدي و احيانا تلقى شخص يعصي الله و لا ضمير يؤنبه و هذاك قد يكون اصاب بموت القلب و قد لا يجد طريق الهدي الا ان تغمده الله برحمته فازال عن قلبه الغشاوة
و كما قلت المنافقون ثاني آثمون لكن للعبد ما ظهر و لله ما بطن يعني العبد لا يطلع على نيات أحد بل يرى ما يبدون و عليه يحكم اما الخالق فيعلم ما بالصدور ان المنافق يخدع نفسه لا خالقه
​

​

 

[حسان]

السلام عليكم

شيء وحيد الذي نطرحه على حضرتكم هو :

أي عقلية تقبل تعميم و لا تشخص فرد معني وحده

أليس نحن مسلمين نعرف الإسلام اكثر و اكثر حتى من بعض الملتزمين

لو حدث ذاك الأمر قريب عني لهجمت عليهم و نزعت المظاهر العفة عنهم و جردتهم منها

هل الإسلام هو ذاك ؟؟؟؟؟؟؟؟؟؟؟؟؟ سبحان الله

أنا مسلم و الحمد الله نعرف الإسلام صحيح بعبارة قال الله قال رسول صلى الله عليه وسلم

انا اعرف عشرات من ملتحيين هم في حقيقة اكبر محتالين و سراقيين وكلت الله عليهم لاني ثقيت فيهم و خانوني و خانوا اخوانهم

أنا عندما نلتقي الملتحي شبه ملتزم أريد أعرف ماضيه جيد لنتاكد هل هو جدير بالثقة الإيمانية


لأن في حي الذي نقيم فيه يوجد و الله شاهد على ما نقول 4 ملتحين (شبه) ملتزمين (نفاق) هم في حقيقة اكبر محتالين و سراقين خطرين

و هل تدروا لماذا ألتزموا و اطلقوا اللحي و لبسوا العباءات ؟؟؟؟؟؟؟؟؟؟؟؟؟؟

لأن كل الناس أكتشفت حقيقتهم و توقف كل الناس من تعامل معاهم او حتى حديث لهم -- لهذا -

قاموا التمثلية الإلتزام للإسترجاع العصر ذهبي للطرق إحتيالهم و كسب الثقة الناس لسراقتهم



لكن اعرف ان هناك كثير من الملتزمين طبقوا تعاليم الإسلام الصحيحة فهم جديرين بالإحترام و التقدير

و زادهم الله الإيمان لإيمانهم و رزقهم حلاوة الإيمان و المحبة و رحمة فأنا لن و لن اتكلم عنهم بسوء فهم القدوة للاخرين
​

 

[Melia azedarach]

عفوًا ..أنا منيش من هذو السلافيين ومنلبس لحجاب ديالهم
برك حبيبت نقـول أنو يلي عينو في الجلباب ولا المظاهر الخارجية نتاع الدين نقله ديرها في قلبك ماشي في مظهرك واذا كان المظهر والقلب ما شاء الله هذيك أحسن
أنا كاين بزاف نعرفهم متجلبين مي والله غير قلوبهم كره وغبينة يقلك مسوّس قلبو بمعنى الكلمة وأسود
وكاينين اخرين والله ماهم دايرين لحجاب مي والله غير تبارك الله

وكاين داير حجاب ساتر جسمو و قلبو فوووور هايل ..
عمومـا المظاهر مش دايما تبين على حقيقة الانسان
لازمنا نشوفو الجواهر

ومارسي

 

[touffik]

يخلعو فينا بلحيه وجلباب

يرحم بابك واش دخل لحية وجلباب كل وحدة حرة فى تصرفتها

فى ميزاك لى يدير لحية رجع من انبياء ولا كيفشك

كل ابن آدم خطاء، وخير الخطَّائين التوّابون
الله يهدينا
​