في الاقامة ساهريين نقصروا....الحلقة الاولى !

[algerianosigno]

السلام عليكم و رحمة الله تعالى و بركاته
السلام عليكم اسبوع لي فات كنت بايت مع صاحبي في الاقامة الجامعية ريفيزينا كملنا و ما جاناش الرقاد
و قاعدين ساهريين نشيخو و راكم عارفين موضوع يجيب موضوع حتى لحقنا لموضوع الزواج المختلط
هو اصلا شاف منو بزاف و كيما قال هو اغلبهم فشلو و صراو فيهم مشاكل بزاف و طبعا الزواج تاع المختلط كي يفشل يخلق مشاكل اكبر من الزواج لي يكون من نفس البلاد
ايا من بعد قالي انت تقبل تدي وحدة ماش جزائرية؟ قلتله لالا انا من بكري في بالي ندي جزائرية و فقط
قلتله و انت؟ قالي مام انا نخمم هكذاك قالي بنت البلاد تفهم العقلية و نفهمها خير من برانية
و من بعد لحقنا في الكلام على تزوج جزائريات من غير جزائيين هههههه قالي شحال ما نحملش كي نشوف براني ادي جزائرية
قلتله والله انا تاني كيفك تقتلني الغيرة عليها و نحسها تقول ختي من عند ربي ما نحملش نشوف جزائرية مع براني تجي كيما يقولو خبز الدار ياكلو البراني هههه يلزم زيتنا في دقيقنا و البراني يسامحنا
انا اصلا كرهت الفلسطنيين لي يقرو في دزاير غير على جال يتمسخرو ببناتنا و يجيبو بيهم الوقت شحال مرة نتقابضو مع واحد منهم على العفسة هادي و مرة واحد فلسطيني تقابض مع جزائري على جال لي لفلسطيني لاحله كلمة على الجزائريات و قريب وقعت gيرة هههههههه
مرة واحد الفلسطيني كان قاعد في الفوايي تاع لا فاك و محوط بيه بنات يتمسخر بيهم و كل يوم مع شكون و راكم عارفيين يستغل القضية الفلسطنية باش يستعطفهم و كذا و مول الفوايي ما حملش هههه هز التيليكوموند و حط اخبار على الاحتلال الاسرائلي تاع قاله يا جايح في عوض لي راك واقف على بلادك قاعد تجيح هنا:cra_zy: حكم هز بعضاه و خرج i-o:
علابالنا في هذا الوقت يمشو و يقلو بنات الفميليا لكن راهم مزال كاين حمد لله
و انا ندي غير بنت بلادي تفهمني و نفهمها و نعيشو مع بعض حلوة و مرة و سعات نتخالفو و نرجعو نتصالحو و هي رايحة ههههه ولى واش قلتو ههههههه
و تاني ولادي يكونو جزائريين 100 ب100 هههههه
....
تاني حكينا في مواضيع بزاف ما جاناش الرقاد الله غالب لكن ما نكترش عليكم ههههههه
​

 

[بنـ MaPa ـت]

وعليكم السلآم

هههه نفهم لي البرانية وي والبراني نو ههه معليش راكم مسامحي
وانا غير البراني لي نديه زكارة فيكم هههه
ياو تحيا وليد بلادي وبا +

معضم الشباب والشابات ياخدو اجانب غير على جال مصلحة مااا
ماكانش لامور من بلاد لبلاد وايدا كاين قليييييلة بزاف
مي كيما قلت مايحلاش الزواج من اصل لاصل يفهمو عقليات بعضهم ويتوالمو

تحياتي
​

 

[iman la brune]

مليح كي عدتو تغيرو علينا

حتى انا كي نسمع جزائرية تزوجت واحد براني منعرف كيفاه تجيني

وكذلك للجزائري ببرانية


والصح ولد البلاد ولا خللي

سلام
​

 

[JIJEL88]

سلام
انا تاني خو مانحبش اجنبي يدي بنت بلاد باسكو تجيني شغل الشرف تاعي راهو فاللعب شغل كيما قلت انت وكأنها دختي اما في ما يخص الزوجة يا خو تحيا بنت البلاد مالقري يقلقوني ساعات اما الزوجة الاجنبية (القاورية) غير هي لي ماتصراش باسكو راني عايش في بلدهم وعلابالي واش كاين....... (على مرأى الجميع) .في الاخير تحيا بنت بلادي

 

[ماكانش]

أهلا خويا
لبنات تاعنا يحبو لحنانة والتفمليط والتخناث ولقاوه في الفلسطنيين ...

 

[josefcom]

موسطاشات بلادي ...
يدهشو من لبراني .. ويحبو التيكي
ياااااااااااااااو
​

 

[اقبال1]

سمحلي خويا بصح انا ما نيش معاك كامل في النقطة تاع البراني و...زعما تاع الصح تغيرو و لا غي كي تشوفو وحدة شابة مزوجة بيراني تستخسروها فيه ؟؟؟؟؟؟

+ مشي الفلسطينين كامل كيفكيف كيما الجزايريين فيه المليح و فيهم الدوني هكدك الفلسطينين كيما تلقى ولاد الفاميليا تلقى لي يحبو تمسخير فوتوكوبي كيما احنا يخي هوما بشر و لا حبيتهم ملايكة منزلين ..

و + برك خويا احنا اكبر شهداءنا و اعظم رجال لي صنعوا الثورة قراو برا الجزاير و تحديدا في فرنسا من ديدوش مراد لمصطفى بن بلعيد للعربي بن مهيدي و..... و كانت القضية في قلوبهم عايشة يعني صراحة خويا مشي جاية نعيروهم و نقولولهم روحو موتوا ف بلادكم بسكو مام حنى كاين ادباء و مفكرين لي دافعوا على الثورة باقلامهم و كانوا مزوجين بفرنسيات عادي جدا من هم لي راه في بالي دوك مالك بن نبي لان القضية كي تكون في قلبك ما تخاف من والو ..

قريت في جامعة وين كامل كامل les jeunes جنهم و عفريتهم ف الفلسطيين و يديرو و ما يديرو بصح انا نحب نقول صار كي تشوف ولد بلادك يتمسخر بنت بلادو و يضحك عليها جيك نورمال و مين تشوف فلسطيني تلعبها قضية شرف و مبدأ...انا نعرف الشرف و المبادئ نطبقهم مع كامل كامل الناس بلا ما نخير و نميز واحد على واحد

ربي يحفطنا كامل و عني انا كون ما زوجت بجزايري كون حوست نديه فلسطيني بسكو هادا فخر ليا ..

stp تقبل رايي هدا ++++ ربي ينجحكم

 

[بلد المليون]

والله بعــد حسبتك عضو أخر و انت تهدر على الزواج
يــاو انت تاني قاستك عفسة زواج
ايييييييه كي تلقى وحدة عندها دراهم و لكوالغت و بونيلا رصاص و فيلا قد راس و تعيشك لابالفي سع منلقاوكش هنا
هههههههه
يــاو بينتنا مصبتهاش برك
ملاحظة
ياو اني نخدم في كواغتي انت عليك بدراهم و تجي تقدم ومن يعد ساهلة
ههههه
انا قلت نكلولك تلاعتك
تتقبلي تحياتي​

 

[bachboucha]

كلش بالمكتوب مع العلم انو لبنات يشتيو الهدرة بزاف و الحنانة و لمحلولة و الرجال نتاعنا هادو كامل مايعرفوهمش مي من عندي ولد بلادي خيرلي​

 

[لاجودان شاف]

بارك الله فيك خويا
مليح لي يدي برانية
ممكن تقيمو كثر من بنت بلادو
بنات البلاد زعما شبعو من ليجون تاع الجزاير
كثر خيرك
​

أهلا خويا
لبنات تاعنا يحبو لحنانة والتفمليط والتخناث ولقاوه في الفلسطنيين ...

هههههههههه
يوم الgمعة حنكتب كتابنا وحنعيش أحلى عيشة i-o:​

 

[algerianosigno]

وعليكم السلآم

هههه نفهم لي البرانية وي والبراني نو ههه
هههههه لا انا ما نديش برانية
معليش راكم مسامحي
وانا غير البراني لي نديه زكارة فيكم هههه
ياو تحيا وليد بلادي وبا +
و بنت بلادي و با + هههههه
معضم الشباب والشابات ياخدو اجانب غير على جال مصلحة مااا
ماكانش لامور من بلاد لبلاد وايدا كاين قليييييلة بزاف
مي كيما قلت مايحلاش الزواج من اصل لاصل يفهمو عقليات بعضهم ويتوالمو

تحياتي
​

تحياتي
​

 

[algerianosigno]

مليح كي عدتو تغيرو علينا

حاجة باينة
​

حتى انا كي نسمع جزائرية تزوجت واحد براني منعرف كيفاه تجيني

وكذلك للجزائري ببرانية
صح

والصح ولد البلاد ولا خللي
انا تاني بنت البلاد ولا خليني
سلام
​

و عليكم السلام
​

 

[algerianosigno]

سلام
انا تاني خو مانحبش اجنبي يدي بنت بلاد باسكو تجيني شغل الشرف تاعي راهو فاللعب شغل كيما قلت انت وكأنها دختي اما في ما يخص الزوجة يا خو تحيا بنت البلاد مالقري يقلقوني ساعات اما الزوجة الاجنبية (القاورية) غير هي لي ماتصراش باسكو راني عايش في بلدهم وعلابالي واش كاين....... (على مرأى الجميع) .في الاخير تحيا بنت بلادي

صح أخي
​

 

[algerianosigno]

أهلا خويا
لبنات تاعنا يحبو لحنانة والتفمليط والتخناث ولقاوه في الفلسطنيين ...

و بك اهلا
اواه بناتنا فحلات
و تاع الصح المشارقة تحس في هدرتهم التفمليط هههههه


​

 

[algerianosigno]

موسطاشات بلادي ...
يدهشو من لبراني .. ويحبو التيكي
ياااااااااااااااو
​

اواه خويا فحلات البلاد يحبو ولاد البلاد
​

 

[algerianosigno]

سمحلي خويا بصح انا ما نيش معاك كامل في النقطة تاع البراني و...زعما تاع الصح تغيرو و لا غي كي تشوفو وحدة شابة مزوجة بيراني تستخسروها فيه ؟؟؟؟؟؟
طبعا نغير و هادا لا علاقة له بجمالها المهم انها بنت بلادي
+ مشي الفلسطينين كامل كيفكيف كيما الجزايريين فيه المليح و فيهم الدوني هكدك الفلسطينين كيما تلقى ولاد الفاميليا تلقى لي يحبو تمسخير فوتوكوبي كيما احنا يخي هوما بشر و لا حبيتهم ملايكة منزلين ..

انا ما حكيتش على الفلسطنين بصفة عامة انا خصيت بالذكر لي يقروا هنا عندنا في الجامعة
انا بكل صراحة ما عجبونيش صحيح انا كمسلم و كجزائري مع القضية الفلسطنية لانها تهمنا كمسلمين لكن هذا لا علاقة له مع الطلاب لي يقروا هنا القضية قضية امة اما هؤلاء الطلاب كأشخاص شوفت عقليتهم اغلبهم ما عجبوليش وتتشابه (يمكن انا طحت غير في لي ماش ملاح هههه )و ثاني يستغلو بزاف التعاطف العربي معاهم (نقصد الطلاب لي شوفتهم هنا و ليس بشكل عام) يعني انا مثلا كانت عندي صورة مختلفة من خلال ما يصوره الاعلام لكن لما شوفت بعضهم في الواقع تغيرت نوعا ما و على العموم انا لم اخصص عليهم بل ذكرتهم كسبيل المثال اما بخصوص غيرتي على بنت بلادي فذلك حتى مع واحد من المريخ هههههه
​

و + برك خويا احنا اكبر شهداءنا و اعظم رجال لي صنعوا الثورة قراو برا الجزاير و تحديدا في فرنسا من ديدوش مراد لمصطفى بن بلعيد للعربي بن مهيدي و..... و كانت القضية في قلوبهم عايشة يعني صراحة خويا مشي جاية نعيروهم و نقولولهم روحو موتوا ف بلادكم بسكو مام حنى كاين ادباء و مفكرين لي دافعوا على الثورة باقلامهم و كانوا مزوجين بفرنسيات عادي جدا من هم لي راه في بالي دوك مالك بن نبي لان القضية كي تكون في قلبك ما تخاف من والو ..

لا اختي لا تقارني هؤلاء لي نحكي عليهم بالشباب الجزائري لي كان في الثورة فقد كان خير سفير للثورة وقتها و كما قلتي دافعو على الثورة باقلامهم اما لي نشوفهم انا هنا حتى القراية خاطيتهم و داينها غير لهو و تفاهات (على العموم حسب ما شوفت انا)
​

قريت في جامعة وين كامل كامل les jeunes جنهم و عفريتهم ف الفلسطيين و يديرو و ما يديرو بصح انا نحب نقول صار كي تشوف ولد بلادك يتمسخر بنت بلادو و يضحك عليها جيك نورمال و مين تشوف فلسطيني تلعبها قضية شرف و مبدأ...انا نعرف الشرف و المبادئ نطبقهم مع كامل كامل الناس بلا ما نخير و نميز واحد على واحد

يمكن كونك فتاة لا تفهمين هذا لكن احنا كرجال لما يجيك واحد فلسطيني و يحكي في بنات بلادك و يبينلك بلي يتمسخر بيهم و يمس شرفهم راك تبغي تاكله بلحمه :cra_zy:هههههه
و انا اي فتاة نشوف واحد يتمسخر بيها ياكلني قلبي و ان شاء الله عمري ولا نتمسخر باي وحدة
لكن لما تجيك من براني راهي توجعك اكثر
نزيدك قضية صرات منذ عامين تقريبا قريتها في الجريدة في احد الاقامات واحد فلسطيني تقابض مع جزائري جاو الجزائريين فكوهم و كل واحد راح لحالو من بعد هاداك الفلسطيني راح لم صحابو فلسطنيين دخلو كسرو غرف تاع جزائريين و طلعو قلعو العلم تاع الجزائر و حرقوه
و طبعا جات الشرطة و داتهم بتهمة اهانة العلم
لكن كي تحبي نقبل واحد براني يجي لبلادي و يحب يتفرعن علينا و يهين علم بلادي او يستهزء بشرف بنات بلادي
بدل ما يشكر البلاد لي تقري فيه و استقبلاته
و كما قلت نحن دوما مع القضية الفلسطنية
لكن هذا امر ما عندوش علاقة بما ذكرت
على كل حال كما قلت موضوعي ليس حولهم بالخصوص بل جاؤوا فقط كمثال

​

ربي يحفطنا كامل و عني انا كون ما زوجت بجزايري كون حوست نديه فلسطيني بسكو هادا فخر ليا ..اختي اتخيلي يجي زوجك يشوف هذا (امزح ) هههه

stp تقبل رايي هدا ++++ ربي ينجحكم آمين​

تقبلي تحياتي و احترامي
​

 

[algerianosigno]

والله بعــد حسبتك عضو أخر و انت تهدر على الزواج
يــاو انت تاني قاستك عفسة زواج
علاه عفسة الزواج هذا فيروس جديد و يعدي؟ هههههههه
ايييييييه كي تلقى وحدة عندها دراهم و لكوالغت و بونيلا رصاص و فيلا قد راس و تعيشك لابالفي سع منلقاوكش هنا
هههههههه
يــاو بينتنا مصبتهاش برك
ههههههه لالا والله والو
انا لي نتزوجها نسحقها هي برك تكون لي و نكون ليها
يعني ما يهمنيش فيها الدراهم تهمني هي و انا لي نصرف عليها
و انا لي ندير فيلا قد الراس (ان شاء الله )ههههههه
و ما نحبش كي راجل يتزوج بوحدة بسبب الطمع
اما الكواغط فانا الهجرة ليست في بالي ابدا
راني في بلادي قاعد
ملاحظة
ياو اني نخدم في كواغتي انت عليك بدراهم و تجي تقدم ومن يعد ساهلة
ههههه
انا قلت نكلولك تلاعتك
تتقبلي تحياتي​

و تقبلي تحياتي
​

 

[algerianosigno]

كلش بالمكتوب مع العلم انو لبنات يشتيو الهدرة بزاف و الحنانة و لمحلولة و الرجال نتاعنا هادو كامل مايعرفوهمش مي من عندي ولد بلادي خيرلي​

ههههههه لالا واشكون قال ما نعرفوهمش
او ما نبانوش برك ههههههه خاصة الجيل تاعنا
لكن الرومنسية عندها وقتها
و مثلا عندي صحابي لو تقراي وش يكتبوههههههه
تحسبيهم كامل نزار قباني هههه لكن طبعا لو تشوفيهم ما تتوقعيش هذا
يعني الرومنسية هي الجانب الآخر منهم لكن ما يبينوهش ديما
و طبعا كل وحدة تقدر تستخرج هذا الجانب من زوجها
و طبعا ما يعنيش هادا انه يلزم يحكي مشرقي
كل واحد و لغته و كل لهجة او لغة تقدر تصلح حتى لو هندية لانه السر في المعنى
....
و من عندي بنت البلاد خير
تقبلي تحياتي:re_gards:
​

 

[algerianosigno]

بارك الله فيك خويا
مليح لي يدي برانية
ممكن تقيمو كثر من بنت بلادو
بنات البلاد زعما شبعو من ليجون تاع الجزاير
كثر خيرك


هههههههههه
يوم الgمعة حنكتب كتابنا وحنعيش أحلى عيشة i-o:​

اواه بنت البلاد خير
صحيت خويا
و فيك بركة
​

 

[algerianosigno]

اسعدني مروركم
..........
​