لهذي الدرجة الغاشي مخلوووع !!

[وردة رمال الصحرا]

السلام عليكم
كيفكم ...ان شاء الله الكل بخير
ندخل ف الموضوع:
بحكم اني عايشة برا الجزائر ...... حبيت نحكيلكم على الغاشي المخلوع داخل الجزائر :
كيما سبق و قلت انا كتبلي ربي و خرجت برا الجزائر على جال القراية ...ايا و بالضبط ف الامارات
... كنت انسانة عادية ..يعني كيما كامل الغاشي ... عندي تعارفات مع عدد معين من الناس
ايا بعد ما جيت للامارات و وليت نهبط لبلادي ف العطل .... لقيت روحي وليت مشهورة زيااااادة ههههه
اول مرة هبطت فيها ...كانت ف بداية ال 2008 .... مع هبطت و بدا الغاشي يجي للدار ...يقولولي =على سلامتك= ... الغاشي لي جا للدار ما تأمنوووش _o: و كأنو عدنا عرس ....
هذي من جهة ...من الجهة الاخرى ...حتى الاساتذة لي كانو يقروني ف الليسي و السيام ..كي سمعو بيا راني ف الامارات ... ولاو يبعثولي ف السلام مع بنات ولا اولاد الفاميليا تاعي _o:
حتى البروف تع السبور تع زمااان تع السيام ...تقرا عندو اختي .. كي سمع قالها سلمي عليا هههه...و المشكلة انو ماكنتش نحب السبور يعني ماكنتش نحضرلو ...كيفاش عرفني بعد كل هاذ السنين :scared: ..مانيش عارفة

و خلي لما تكون كاش مناسبة =عرس ولا هاكا حاجة...= مع ندخل نلقى الغاشي كامل يشوفلي و يضحكلي و حاب يسلم هههههههههه....
و ياما مواقف صراولي بسبة هذي الامارات
درك جينا للمفيد:
لهذي الدرجة كاين بزاف الناس مخلوعين ؟؟؟
و لهذي الدرجة تهمهم المظاهر؟؟؟
لنفرض انو انا من العباد تع التعجريف و التكبر:shiny: " مش نزيد اكثر و اكثر؟؟؟"
=حكايتي هذي تعتبر مثال من آلاف الأمثلة لي كاين=
المهم حبيت نعرف آرائكم
و آسكو شفتو ناس يتعاملو مع ناس اخرين هكا؟؟
تحياتي​

 

[إنسانة ما]

وعليكم السلام ورحمة الله
إيييييييييييييه يا أختي وردة ماشي غير مخلوعين
الآن راهم يشوفوك جاية من كوكب آخر، هاذي راهي الإمارات أختي
المزية -وحسبما أظن- أن الإمارات ما تمنحش الجنسيات بالساهل وإلا تشوفي الخُطاب قدام بابكم بلاشان.
روحي سقسي الناس في عندها الـ: passeport rouge وتعرفي.
ربي يحفظك أختي ويوفقك في دراستك ويردك لأهلك سالمة غانمة مُعافاة

​

 

[تسنيم22]

لو استعملتي لفظة اعجاب ربما كانت افضل من كلمة مخلوعيين لانوا رانا في 2011 ومنضنش انوا امر دراستك بالخارج يسبب لهذ الناس الخلعة كل ما في الامر ان الجزائري بصفة عامة يقيم الشخص على حساب المظاهر كيما قلتي لوكان مرحتيش تقري برا مراحش يوصلك هذ الكم الهائل من السلامات ههه وانا نظن بلي هذ الشي لي تحكي عليه مش موجود غير عندنا حتى فالدول الاخرى وهذا راجع للعقلية تاع الناس

 

[بلد المليون]

خلعتهم الامارات .....
مكانش قد بلادنا واللهشتاو برك انتي رايحة لتم بحكم الحاجة وهوما كون صابوا كون سسسسسسس راهم في بلاصتك هههه بصح حلاتلك الصح صح بينتنا ما نقول حتى لواحد ههههه مديريش عليهم مخلوعين انا اصلا كارهة من الامارات نتاعك هدي و كتبتي عليها موضوع كرهت و انا نشوف فيها .....
للعلم
شايفتها غير في tv​

 

[amira07]

بــالاك !!


خارج الموضوع: بالنسبة للغاشي يوصفوهم بصفة المفرد و الا الجمع عموم الناس؟

معليش انا ثاني عايشة قريب منك ماشي موالفة تباين كلمات بعض المناطق

 

[BARCA232]

لو استعملتي لفظة اعجاب ربما كانت افضل من كلمة مخلوعيين لانوا رانا في 2011 ومنضنش انوا امر دراستك بالخارج يسبب لهذ الناس الخلعة كل ما في الامر ان الجزائري بصفة عامة يقيم الشخص على حساب المظاهر كيما قلتي لوكان مرحتيش تقري برا مراحش يوصلك هذ الكم الهائل من السلامات ههه وانا نظن بلي هذ الشي لي تحكي عليه مش موجود غير عندنا حتى فالدول الاخرى وهذا راجع للعقلية تاع الناس

السلام عليكم ورحمة الله تعالى وبركاته
أختي وردة رمــــــــــال الجزائر
رد تسنيم عجبني بزاف ويعني نفس كلامي
أنت عرفت باللي مخلوعين
ممكن ناس تحبك وأفتقدوك
على الرغم ان كل انسان عنده هدف من هذه الزيارة
ياريت لقيت شكون يفرح بيا كي نغيب والله غير حاجة مليحة
والناس جميعا بطبعهم حب الفضول
يعني يحبوا يعرف كل صغيرة وكبيرة
وعلى فكرة الجزائر زينة البلدان اختي وأنت أدرى بهذا الشيء
بالتوفيق ليك في دراستك
​

 

[ماكانش]

أهلا بيك وردة
والله موضوعك عجبني بزاااااااااف
ولو كان نبدا نهدر ونفرغ قلبي راح يغلقولي العضوية لأني نتقلق والهدرة الزينة تروحلي هههه
هذا هوا الشعب تاعنا مخلوع ويحب الشيتة والزفافة عجب
سوقي طاكسي مليحة برك تشوفي تكثرلك صحيت صحيت وجوه جامي شفتيهم يتبسمولك صحيت صحيت
كيما قلتي تروحي للإمارات تجي تلقاي الأمة كامل تتقرب ليك
حيرة والله
تبالي غير حنا ألي مازلنا مخلوعين مقارنة بالدول العربية لخرى ...
يعطيك الصحة وردة وراني شاركتلك لأنك تقراي في الإمارات هههههه​

 

[تسنيم22]

السلام عليكم ورحمة الله تعالى وبركاته
أختي وردة رمــــــــــال الجزائر
رد تسنيم عجبني بزاف ويعني نفس كلامي
أنت عرفت باللي مخلوعين
ممكن ناس تحبك وأفتقدوك
على الرغم ان كل انسان عنده هدف من هذه الزيارة
ياريت لقيت شكون يفرح بيا كي نغيب والله غير حاجة مليحة
والناس جميعا بطبعهم حب الفضول
يعني يحبوا يعرف كل صغيرة وكبيرة
وعلى فكرة الجزائر زينة البلدان اختي وأنت أدرى بهذا الشيء
بالتوفيق ليك في دراستك
​

شكرا اخي محمد كلامك كان متما لفكرتي التي أردت ان اطرحها فكل واحد عنده هدف وليس كل الناس لهم تفكير واحد وخلاص يا محمد كي تغيب انا راح نحوس عليك ههه شكرا لك

 

[ماكانش]

والله أخالف العضوة تسنيم والعضو محمد
لماذا نتا مايسالوش عليك كي تغيب وواحد يروح للإمارات يسالو عليه ولو كانت معريفتهم في الدراسة منذ اكر من 10 سنوات
الناس والشعب تاعنا يحب الشيتة بزااااااف وهذا لا ينكره أحد​

 

[أم نعمة]

ana je ss contre nn hna les algeriens 3adna fodol mchi khal3a parcke kayen nass 3aychin hhna kheir mel imarate bessah kayen chi nass yebrou ya3arfou hadi kirahi 3aycha kiwelate mchi makhlou3ine la semhili khti hnaya afdal cha3b

 

[BARCA232]

والله أخالف العضوة تسنيم والعضو محمد
لماذا نتا مايسالوش عليك كي تغيب وواحد يروح للإمارات يسالو عليه ولو كانت معريفتهم في الدراسة منذ اكر من 10 سنوات
الناس والشعب تاعنا يحب الشيتة بزااااااف وهذا لا ينكره أحد​

وعليكم السلام ورحمة الله تعالى وبركاته
أهلا سفيااااااااااان
راني معاك خويا وفاهم قصدك
مي اليوم والله غابت هذه الظاهرة
وأنت تعرف هذا الشيء
اما من حيث واش تحكي عليه الشيتة وين تروح كاينة
ولو في سويسرا
الشعب الجزائري والله نظن الرقم واحد في العالم من حيث الفضووووووول
سفيان في وقت مضى كان كي يجو عدنا الزماgرة
يعني تلقى الشعب يحضر شهر باه يشوفهم
مي اليوم خلاص مابقى هذا الشيء
كي جاااو كي قعدوا
رجعنا احنا الزماgرة
وديجا انت حكيت مرة على هكذا موضوع
شكرا ليك خويا سفيان
بالتوفيق
​

 

[ماكانش]

وعليكم السلام ورحمة الله تعالى وبركاته

أهلا سفيااااااااااان
راني معاك خويا وفاهم قصدك
مي اليوم والله غابت هذه الظاهرة
وأنت تعرف هذا الشيء
اما من حيث واش تحكي عليه الشيتة وين تروح كاينة
ولو في سويسرا
الشعب الجزائري والله نظن الرقم واحد في العالم من حيث الفضووووووول
سفيان في وقت مضى كان كي يجو عدنا الزماgرة
يعني تلقى الشعب يحضر شهر باه يشوفهم
مي اليوم خلاص مابقى هذا الشيء
كي جاااو كي قعدوا
رجعنا احنا الزماgرة
وديجا انت حكيت مرة على هكذا موضوع
شكرا ليك خويا سفيان
بالتوفيق​

ربي يحفظك خويا محمد
راني معاك صح الظاهرة نقصت وماولاتش كيما بكري
ولكن مازالت ...
يعطيك الصحة​

 

[═♥.ЈŪšť_ màn.♥═]

..
سلامــــــــــــــو ... !!!
امممممم ... هادا تااااني موضوعــ .. ندخلولكــ زهر .. يعني يعجبني العنواااان
حتـــى نلقااااااااكــ صاحبــة الموضوعـــ !!!
المهمــ نوليو للموضوعـــــ ... كيما قلتــ .. غاااشي مخلوعــ :::
و الله غير حاااالة .. مي الله غالب .. العقليــة ’’’ تحتمــ عليهمــ مساكن
سورــتو اذا ماكانشــ شايف و لا حاجــة هكا
و على الغاشي الي يجي لدااااار
احم احم .. كاااش وحدة حبتــ تخطبكــ لوليدهااااااا
تقول هااادي دكتورة و في الاماراتـــ
عروســ حبة و من نوعــ خاص
على كلنـــ .. اممممم
واااااشــ دير هاااادي عقلية dz ^^
...
تحياااااتي ليكــ
و على فكرة :
// .... مشكلـــــــ في التيليشارجمــو .. عفواااا //​

 

[آمِيْرَتُه]

ممكن فخورين بيك و انت فهمتي العكس و الله أعلم

 

[═♥.ЈŪšť_ màn.♥═]

ممكن فخورين بيك و انت فهمتي العكس و الله أعلم

...
خالـــــــــــتو .. ^^^
هاااادا تفسير .. بالاكــ يجووووووز .. 5%
مـــــن الشعبــ الجزاائري
اما البااااااقي كااااااااااااااامل ... شياتيـــــن و يبغــوا البرانــ] ​

 

[zahira92]

انا شخصيا الامارات بالذات متخلعنيش خاطر حضارتهم هي حضارة عمران وبنيان من لا شيئ الى كل شيئ في فترة قصيرة.وكلش بالدراهم يصير تخلعجي الجابون ولا كوريا ايران اوربا انجينيرالمون بصح امارات ولا اي دولة ملخليج كون يعودو ذهب في روحو ميخلعونيش .هما دراهم برك لا عقل لا ابتكار لا ابداع كلش مستورد حتى الشعب تاعهم.
والصراحة التانية فئة كبيرة من الشعب الجزائري شياتين للاسف يحبو لحاجة البرانية وينساو بلي بلادهم هي زينة البلدان كما قال خونا
بارصا على فكرة خويا برصا تحيا الريال
​

 

[zahira92]

شكرا على التقييم يا ....مانيش عارفة
​

 

[تسنيم22]

شكرا على التقييم يا ....مانيش عارفة
​

هههه انا قيمتك ههه

 

[BOUSS]

Ahla. Werda 3la slamtek wrabi ywaf6ak f 6rayteknon hado Welah hbabek bghaw ysa6sou 3lik ma3lich farci biome tani w3arfihom b Lghorba nta3ek Thlay f rouhak wslami jmi3 nass bladi

 

[وردة رمال الصحرا]

وعليكم السلام ورحمة الله

إيييييييييييييه يا أختي وردة ماشي غير مخلوعين
الآن راهم يشوفوك جاية من كوكب آخر، هاذي راهي الإمارات أختي
المزية -وحسبما أظن- أن الإمارات ما تمنحش الجنسيات بالساهل وإلا تشوفي الخُطاب قدام بابكم بلاشان.
روحي سقسي الناس في عندها الـ: Passeport rouge وتعرفي.
ربي يحفظك أختي ويوفقك في دراستك ويردك لأهلك سالمة غانمة مُعافاة​

ايه راكي تشوفي ...
ربي يحفظك حنونة ع الرد الحلو
و الله يوفق الجميع
شكــــــــــــــــــرآ​