لهذي الدرجة الغاشي مخلوووع !!

[وردة رمال الصحرا]

........................... ما نقول والو مجرد مرور

ههههههه راك ديجا قلت
شكرا على ........ ما تقول والو مجرد مريت هههههه​

نصيحة لوجه الله إنكي مريضة فأنصحكي أن تذهبي ألى راق ليرقي لكي والله الموفق

حقيقة ضحكني ردك بزااااف
شكرا على النصيحة ( لانو جات فيها رقية و الرقية حاجة يحتاجها الكل حتى انت)
و نصيحتي ليك وحدك: كي تجي تردعلى كاش موضوع ... حاول تفرق اذا كان ف منتى "واش راك تهدر" و لا ف منتدى " فرغ واش كاين ف قلبك" ... لخاطر جابلي ربي ما حكيتش راني مضرروبة بعين وبليييييييييييز ساعدوني ههههه
شكرا​

كلمة مخلوعة ولات متداولة بزاف هاد اليامات

واش معناتها ؟؟

انا نظن انو : اذا انت جزايرية ..... ما يخفاش عليك انو كلمة =مخلوع (ة)= هي كلمة يستعملها البعض الكثير...و البعض الآخر أكيد يفهموها + ما تقوليش "ولات" لخاطر قديمة .شكرا​

السلام عليكم الاخت وردة .
و عليكم السلام و رحمة الله و بركاته اختي وصال

انا نظن بلي كثرت عليك الوفود لي تحبك بزاف كيما لافامي بصح كيما البرانيين يحبوا يقرعجوا واحنا الدزيريين توب 1 في التقرعيج .
ايه لافامي و لا موالفين يسقسو و يهمهم أمري ما عندخم ما دخلهم ف موضوعي هذا...راني نقصد الجماعة الثانيين
و صدقيني ماهوش تقرعيج محض ...(تقرعيج+ يحبو المظاهر)
بالنسبة للاساتذة دياولك راهم طلعولهم ليزيبول زعمه لديهم شرف انهم قراوك وحسوا بلي دارو حاجة كي واحد جزائري يكمل قرايتو خارج الدزاير تبانلي هكذا .
ههههه ايه كاين لي هاكا و كاين لي لا و راكي تعرفي الفرحان بيك من غيرو ...صح؟؟
بصح اون جنرال صح احنا الجزائريين مخلوعين لدرجة يجي واحد عايش خارج البلاد يتحولوا وملاحظتيش نهار يجيو البرانيين عندنا والله غير يحبس مخك كون يصيبوا يلحسولوا صباطوا حشاكم وخلي التمحليب لي يكون داير حالة .
ايواااه هذا قصدي ... يعطيك الصحة :re_gards:
و مانيش نحكي على الامارات برك ...كيما قلتي اي واحد تزيد عندو حاجة يشوفولو شوفة المصالح و المظاهر ... الحمد لله انك ما حكيتيش على الامارات و هي خير و لا الجزائر...لأنو بعض الإخوة بداو ف المقارانات لي ما عندهاش دخل ف موضوعي

ربي يحفظك ويوفقك في قرايتك ويرجعك الى بلدك جوهرة البلدان سالمة معافاة.

الله الله على الدعوات الحلوة
اللهم آمين
و الله يوفقكانت ثاني ف الشي لي راكي فيه
ردك كثير شرحلي قلبي
تستاهلي اكبر تقييم
شكــــــــــــــرا​

 

[وردة رمال الصحرا]

يا ختي اذا عل الخلعة العرب كامل مخلوعين​

بصح كل واحد باه يخلع​

مشفتيش نهار جات كيم كارداشيان النكرة للامارات واش دارولها ​

حتى ال مكتوم دارولها غدا هههههههه ​

هاو هوما تاني تخلعو​

سلام​

ايه كاين لي مخلوعين ف غير الجزائر
بصح راني نحكي على الجزائر
و هذي كارداشيان ما نعرفها ما شفت واش دارولها ....و حتى و شفت ما يهمنيش ...لانو امور كيما هذي (اذا جينا نحسبو فيها ,,,=و سورتو للحكام تاوعنا = ما نكملوش)
راني نحكي على الشعب + الجزائري
شكرا
و عليكم السلام​

 

[hiba14]

السلام عليكم
يا اختي يمكن شاراكي تقولي صح لكن ما يمنعش باش نمدلك الراي تاعي الناس هادي الي راكي تحكي عليها من قبل ماكانوش يسقسو عليك بزاف لاخاطر كنت هنا بيناتهم و لو ما تتشاوفوش بالاشهر بصح علابالهم بلي راكي قدام والديك لكن لما تغيبي و تبعدي و مع انت شيرة يبغو يسقسو عليك من باب الاطمئنان لا غير
و نقولك لاخاطر انا تاني خرجت و ما بعدش قريت غي هنا في العاصمة الغاشي كامل يسقسي عليا و يوصلي في السلام و كي نجي ماكاش اللي ما يجينيش مع اني كنت كي نطول نقعد الشهر و نجي للدار يا اختي التقاليد تاعنا تخلينا نسقسو على بعضانا سيرتو الكبار باش يحسسك بلي راكي متل بنتو و لا بنتها فهمتني ياك راني طولت حاولت باش نوصلك الفكرة لاخاطر يا اختي ادا كان في بالك راهم يشيتولك كيما قالو بعض الاخوة و علاه يشيتولك ياك كل واحد راه يقوم روحو دروك الوالد ماهوش يصيب ولدو من صلبو وين يلا ولاد الناس الدنيا فاقت و قطعت لياس و السماح ادا كترت الهدرة
و ربي يوفقك ان شاء الله

 

[بلادي نبغيك]

وعليكم السلام ورحمة الله تعالى وبركاته
أهلا سفيااااااااااان
راني معاك خويا وفاهم قصدك
مي اليوم والله غابت هذه الظاهرة
وأنت تعرف هذا الشيء
اما من حيث واش تحكي عليه الشيتة وين تروح كاينة
ولو في سويسرا
الشعب الجزائري والله نظن الرقم واحد في العالم من حيث الفضووووووول
سفيان في وقت مضى كان كي يجو عدنا الزماgرة
يعني تلقى الشعب يحضر شهر باه يشوفهم
مي اليوم خلاص مابقى هذا الشيء
كي جاااو كي قعدوا
رجعنا احنا الزماgرة
وديجا انت حكيت مرة على هكذا موضوع
شكرا ليك خويا سفيان
بالتوفيق
​

راني معاك مليار في المية بكري كانو ينخلعو دروك غاع مكانش منها هادي وعندك الصحة الشية وين ماتروح يضربوها

 

[IMANO77]

والله يا اختي عندك الحق وما كالاه تحيري انا رحت لقسنطينه نقرا برك والناس ولاو كامل يعرفوني وكامل يضحكولي شي عجب يحسبو جيت من المريخ
وكي سافرت الصيف هادا للشرق الاوسط اوووه حاجه اخرى ما فهمت فيها والو

كي نخرج من الدار الكل يخزرو فيا ما فهمتش وشبيه الشعب تاعنا هاك

وانا متاكده بلي كامل لي هنا راها صراتلهم نقصد لي خرجو كي رجعو لقاو الدعوه تبدلت ههههه

ربي يعاونك في قرايتك

 

[sali-sali]

هدا افتخار واعجاب وليس بالمصطلح لي راكي فاهماتو

 

[الِشُوُقْ عِطّرٍيِ]

السلاآم عليكم ورحمة الله تعـآلى وبركـآته

هههههههههههه والله امر غريب اان ما نظنش انهم مخلوعين بل يحبو يزيتو لي خرجو مالبلاد

يقولو بآلاك كاش ما يطيرنـآ معـآهم بينـآتنا هههههههه كـآش ما تجيبنـ عريس من تمـآ يـآمـآ قـآلوهآ

مي مآشي كـآمل هكا حآشا الى ما يستهلهاش بصح انا ما تهمنيش لانو بلادي فور عليهم كـآمل وبالبزآف

وربي يخليك ختى ويوفقك في قرآيتك وان شاء الله تنجحي وترجعي لبلادك

وما تتغيرش وجهتهم ليك ههههههههههه

يا رب الزيت ما تقدآمش وسايي باسك اذا قداآمت تولي تحرق

ايا سلاآم وشكرآ عالموضوع
​

 

[CHAHINAZ 16]

ok message reçu
tous ca
.............................................................................
é aprés c koi
الامارات

 

[حكاية احاسيس]

شوفي مش كل خضرة حشيش يعني مش قاع الناس و بالاخص الجزالئريين مخلوعين نعطيك exانا وخدة تقربلي تسكن في قطر جامي نخلعوا بيها و بنت عمتي تسكن في هديك العفسة ذي المانيا و مرت وليد عنتي راهم في لندن و قاع راحوا على جال القراي و تزوجوا فم و بقاو ساكنين فم يجوا في الصيف
وكاين ناس ينخلعوا غير بذوك اللي راحوا للعاصمة ولا يقراو الطب ههههههههههه

 

[خوليتا]

هههههههههههههه و الله كاينا منها الناش يتلهاو غير بالمظاهر سبحان الله

 

[مرام التيبازية]

السلام عليكم ربي يحفظك خيتو على الموضوع..
ايه خيتو كاين ناس بزاف grave والحاجة اللي تهمهم هي المظاهر ولكن بطبيعة الحال "المظاهر خداعة" على كل حااااال ياك علابالكم عندي اختي راهي في فرنسا(متزوجة)وكي اجي تقول شكون جاء ولا غير اجي تسمع للغاشي يقولي واش جابتلكم اختك؟واش كاش ؟ولا يلقاونا بالتيلفونات يقولك سووور تع فرنسا..
ايه خيتو هادي هيا والله العظيم واش نقولك الناس يلهاو غير بالمناظر سبحان الله وبحمده.
ســــــــــــــــــــلام.

 

[اقبال1]

سمحيلي اختي بصح انت علاه راكي زعفانة هكدا ؟؟؟؟؟؟

بالعكس كيما يقولو " سيد ناس يسوى الناس " يعني كون ما جيتيش عزيزة عليهم و قربية لقلبهم ما يسقسو ما يحوسوا عليك صدقيني .. و + انتي راكي تقراي ف الامارات و لقرايا حاجة كبيرة بالنسبة للناس يعني كون رحتي للامارات حارقة ولا تاع كوماغس ولا ..سي سيغ ما يحطوش معاك كامل بصح انتي راكي تقراي ..( كون كنتي وزيرة و لا حاجة و حاطين معاك تقولي على جال المصلحة مي انتي عاد تقراي و هوما حاطين معاك تقول راكي تقرايلهم ... شحال نحب ناس بلادي )

كاين بزاف ناس مسافرين هنا و لهيك بصح حتى واحد مايديها فيهم لانهم مزيرين وجهوهم و لا بسكو ناس ما تحبهمش ولا و لا ...المهم مشتاقين واحد يحط معاهم

نزيدك حاجة اختي انا و خاوتي نهار لي قالنا بابا و مامما نهبطو للبلاد هبلنا قلنالهم كيفاه نهبطو للبلاد ما نعرفوش غاشيها ما يحبونا ما نحبوهم ...بصح صدقيني اختي مين هبطنا و شفنا الناس تسقسي علينا و فرحانة بينا و جيبنا ف les cadeaux ( في الحق حنا نمدولهم les cadeaux مشي هوما ) و دارو عرس كيما قلتي انتي ما قدرناش خلاص نبعدو على الجزاير ..و هاي هي اختي الواحد يسوى مادام يكبرو بيه الناس و يسقسو بيه و لا علاش نعيشو و نموتو وحدنا بلا ما يحطو معانا حتى واحد ..

انا نقلك انك راكي في نعمة بلاما تحسي ...اضحكي في وجه اي واحد و لا وحدة يسقسي عليك و ربي يفتحها في وجهك و تنحجي

 

[ماكانش]

سمحيلي اختي بصح انت علاه راكي زعفانة هكدا ؟؟؟؟؟؟


نزيدك حاجة اختي انا و خاوتي نهار لي قالنا بابا و مامما نهبطو للبلاد هبلنا قلنالهم كيفاه نهبطو للبلاد ما نعرفوش غاشيها ما يحبونا ما نحبوهم ...بصح صدقيني اختي مين هبطنا و شفنا الناس تسقسي علينا و فرحانة بينا و جيبنا ف les cadeaux ( في الحق حنا نمدولهم les cadeaux مشي هوما ) و دارو عرس كيما قلتي انتي ما قدرناش خلاص نبعدو على الجزاير ..و هاي هي اختي الواحد يسوى مادام يكبرو بيه الناس و يسقسو بيه و لا علاش نعيشو و نموتو وحدنا بلا ما يحطو معانا حتى واحد ..

انا نقلك انك راكي في نعمة بلاما تحسي ...اضحكي في وجه اي واحد و لا وحدة يسقسي عليك و ربي يفتحها في وجهك و تنحجي

هههههههه
هذا هوا المشكل ختي إقبال
وعلاه جاو يسقسيو عليكم ويجيبو فليكادو ؟؟؟ هههه​

 

[406_nassim]

خويا معدنا منديو عقلية dz الله غالب
​

 

[اقبال1]

هههههههه
هذا هوا المشكل ختي إقبال
وعلاه جاو يسقسيو عليكم ويجيبو فليكادو ؟؟؟ هههه​

ههههههههههههههههه علاه ديما نفهمو النقص في تصرفات الناس معانا ؟؟؟؟


tt simplement prq علابالهم كان عندنا بزاف مهباطناش للبلاد هادا مكان خويا مشي حاجة واعرة

en + تا الصح بدات تخدملي هادي وعلاه مدونا ليكادو ؟؟؟؟؟؟


ربي حفظك ضحكتني تاع بصح

 

[ماكانش]

ههههههههههههههههه علاه ديما نفهمو النقص في تصرفات الناس معانا ؟؟؟؟


tt simplement prq علابالهم كان عندنا بزاف مهباطناش للبلاد هادا مكان خويا مشي حاجة واعرة

en + تا الصح بدات تخدملي هادي وعلاه مدونا ليكادو ؟؟؟؟؟؟


ربي حفظك ضحكتني تاع بصح

ههههههههههههه
والله مانقرا النقص بزاف مي هذا هوا الصح والواقع إقبال
أيا نسقسيك وخدميها في راسك وجاوبيني
لوكان رحتو لولاية تيندوف ولا لأدرار وتغربتو عوام وجيتو هل يجيو ويفرحو بيكم ويمدولكم ليكادو ؟؟؟ هههههههههههههههههههه
--
راني رديت عليك ثاني في موضوعي تاع لاكاغت ميموار وعييت نديرلك تقييم باش تجي تشوفي الرد هههه​

 

[اقبال1]

ههههههههههههه
والله مانقرا النقص بزاف مي هذا هوا الصح والواقع إقبال
أيا نسقسيك وخدميها في راسك وجاوبيني
لوكان رحتو لولاية تيندوف ولا لأدرار وتغربتو عوام وجيتو هل يجيو ويفرحو بيكم ويمدولكم ليكادو ؟؟؟ هههههههههههههههههههه
--
راني رديت عليك ثاني في موضوعي تاع لاكاغت ميموار وعييت نديرلك تقييم باش تجي تشوفي الرد هههه​

ايه صح بلاك عندك الحق ما يجوش بصح علابالك وعلاه ؟؟؟؟؟؟؟ لانهم يقولو راهم ف بلادهم يسمعو هدرتهم الدراجة يسمعو الآذان و.... يعني ماخرجناش من جزاير مشي كيما تروح لطرف الدنيا كي تحب تسمع العربية تسمع غي عايلة برك تهدر سوري و الباقي غي english تخبط

و + مشي 4 عوام و لا 5 هادي حياة كاملة بعاد عليهم ..يعني فيها فيها يتوحشونا بلا مصلحة عليهم

قولي برك انت كون لافامي تاعك يقعدو 20 سنة ما يجوش للبلاد كي يجو تروح ليهم ؟؟؟؟؟؟؟؟

 

[أحبك ياجزائر]

لهذي الدرجة الغاشي مخلوووع !!

 

[إيمان قلب]

اسمحيلي اختي مصطلح مخلوعين ماعجبنيش ماننكروش انو الناس بطبيعتهم يتعاملوا بالمظاهر وواحد عندو عندهم مش كيما واحد ماعندوش,هذا مش معنتو ديما ناخذو الامر من الجانب السلبي , علاش مانقولوش انه الناس عندنا يحبو يتلمو على الانسان كي يكون غريب على بلاده ؟؟ وهاذ الظاهرة صدقيني اختي مانلقاوهاش في بلاصة خلاف فالدزاير
عندي الوالد يخدم فالخارج كيما يجي لفامي قاع يتلمو يبغو يفرحو بيه
وعندي واحدة فاميلتي متزوجة في تمنراست كي تجي قاع نتلمو عليها " يقولك راهي مشتاقة للمة العائلية "
أما بخصوص الاساتذة , رانى نقرا غي في ولايتي وراهم يسقسيو عليا اختي حتى أساتذة مادرست عندهم ماعرفتهم ويسقسو عليا بحكم اني كنت طالبة عندهم
يعطيك الصحة أختي وربي يوفقك في قرايتك ويردك لماليك سالمة غانمة​

 

[إيمان قلب]

سمحيلي اختي بصح انت علاه راكي زعفانة هكدا ؟؟؟؟؟؟

بالعكس كيما يقولو " سيد ناس يسوى الناس " يعني كون ما جيتيش عزيزة عليهم و قربية لقلبهم ما يسقسو ما يحوسوا عليك صدقيني .. و + انتي راكي تقراي ف الامارات و لقرايا حاجة كبيرة بالنسبة للناس يعني كون رحتي للامارات حارقة ولا تاع كوماغس ولا ..سي سيغ ما يحطوش معاك كامل بصح انتي راكي تقراي ..( كون كنتي وزيرة و لا حاجة و حاطين معاك تقولي على جال المصلحة مي انتي عاد تقراي و هوما حاطين معاك تقول راكي تقرايلهم ... شحال نحب ناس بلادي )

كاين بزاف ناس مسافرين هنا و لهيك بصح حتى واحد مايديها فيهم لانهم مزيرين وجهوهم و لا بسكو ناس ما تحبهمش ولا و لا ...المهم مشتاقين واحد يحط معاهم

نزيدك حاجة اختي انا و خاوتي نهار لي قالنا بابا و مامما نهبطو للبلاد هبلنا قلنالهم كيفاه نهبطو للبلاد ما نعرفوش غاشيها ما يحبونا ما نحبوهم ...بصح صدقيني اختي مين هبطنا و شفنا الناس تسقسي علينا و فرحانة بينا و جيبنا ف les cadeaux ( في الحق حنا نمدولهم les cadeaux مشي هوما ) و دارو عرس كيما قلتي انتي ما قدرناش خلاص نبعدو على الجزاير ..و هاي هي اختي الواحد يسوى مادام يكبرو بيه الناس و يسقسو بيه و لا علاش نعيشو و نموتو وحدنا بلا ما يحطو معانا حتى واحد ..

انا نقلك انك راكي في نعمة بلاما تحسي ...اضحكي في وجه اي واحد و لا وحدة يسقسي عليك و ربي يفتحها في وجهك و تنحجي

يعطيك الصحة خيتي على الكلام الموزون وهذاك الكلام الملون بالاحمر هو اللي يثبت انه احنا نحبو نكبرو بالناس اللي يستاهلو واللي رافد نيفو مانعرفوهش يالوكان يكون خوك, يقولك خليني منه هذاك انسان متكبر واش ندير بيه , والاخت صاحبة المووضوع كون راحولها ولقاوها مشنفة في وجوههم صدقيني ماتزيد تشوف وجوههم​