جماعة الثانوية افيدوني

م

محبة الورد

:: عضو مثابر ::
قبل الكلام السلام على اشرف المرسلين
اولا انا حبيت من جماعة الثانوية تفيدني على خاطر جابولنا اوراق التوجيه والرغبات
وانا راني حايرة مابين جذع مشترك اداب ومابين جذع مشترك علوم
مع العلم انا حابة علوم مي فيها رياضيات وانا منتفاهمش مع الرياضيات
ايا كل واحد يفيدني ويقولي ويناه خير وشنو هي الجوانب السلبية في جذع مشترك علوم ​
 
راكي رايحة تقراي غير الرياضيات في شعبة العلوم وانت قلتي تكرهيها اذن لا تستطيعين ان تقرئي مادة و انت تكرهينها اذن الاداب احسن.
 
ديري اللي تحبيها تنجحي فيها

​
 
اذا كنتي شاطرة في اللغات

اختاري ادب

واذا شاطرة في الفيزياء والرياضيات اختاري علوم


بالتوفيق​
 
شكرا لكم كلكم على نصائحكم وان شاء الله ربي ينورلي طريقي وندير بنصائحكم ​
 
السلآآآم عليكم

اهلآ اختي اكيد نحنآ هنآ بآه نعآونوكــ
شوفي انتــ اذا راكي ثآيقة في قدرآتكـ فوتي علوم
لكنهآ صعبة يعني مآشي سآهلة يآسر
اما انت اذا تحبي الادب و اللغآتــ فوتي أدبـــ
وما تقوليش هادي اسهل من هآذي لانو كل شعبة فيهآ
عآئق و فيهآ صعوبة في حآجة

تحيآتي ... ْ~|
​
 
اختي حبيت نعطيك رايي
انا علميـــــــــة
و نضن شعبة العلومـ عندهم الافضلية
بعد الباك نشالله
في التوجيه و الرغبات
يعني قصدي مناصب تاعمل عندهم بزاف
انتي قلتي تكرهي الرياضيات
مي هك و لا هك رح تتصادفي بيها
يعني انا ننصحك العلوم
و ادا شفتي ميولك ادبية و المات صعيبة
عليك في الفهم مش انك تكرهيها كمادة
روحي ادبية ذ

في الحالتين ربي يوفقكـــــــ​
 
مرة ثانية نشكركم كامل على نصائحكم وانا خلاص اخترت قراري مع مشاورة الاهل والفضل كامل يعود ليكم وجهتوني ​
 
إذا تقدري تحفظي و تفهمي الانجليزية و الفرنية دي آداب
وإذا متقدريش ديري علوم و العلوم فيها علوم الفزياء و المات تاع الهم أنا راني داير علوم بصح فالمات مسكر شوي شوي
 
أنا العام الماضي كنت مترددة مثلك بين العلوم والآداب
بصح في آخر المطاف خيرت علوم باسكو نكره الحفاظة ومانيش ممتازة في الفرنسية بالاضافة اني نكره الفلسفة باسكو مايعطوكش النقطة فيها ودرت بعد نظر يعني مستقبلا واش نلقى معيقات سرتو في الباك
الآداب ماعندهاش مستقبل مليح في بلادنا ويكذب عليك لي يقلك اداب ساهلة
لذا درت علوم تقدري ديري واش تحبي بصح فيها تعب أكيد انا تاني مانعرفش الفيزياء
ديري دروس خصوصية وخلاص
المهم مانيش حابة نفرض عليك رايي نتي حرة وفي النهاية الاختيار يرجع ليك خمي مليح وديري لي راكي مقتنعة بيها
​
 
خلاص بعد مشاورة مع الاهل وشرحلي خويا بزاف صوالح قررت ندير علوم
 
خير ما درتي أختي ما تخافيش ديري دروس خصوصية رياضيات وكلش يعقب ساهل أنشاء الله
 
قال souhila_95:
خير ما درتي أختي ما تخافيش ديري دروس خصوصية رياضيات وكلش يعقب ساهل أنشاء الله
إضغط للتوسيع...

ان شاء الله ختي مبعدة نزيد نخير وندير علوم تجريبية مافيهاش بزاف رياضيات
 
صباااح النور

والله من الاحسن العلوم وتشوفي الدعم خاصة في الرياضيات نعرف ناس كيفك يقراوهاك ودوك راهم

فوور

سلام
​
 
توقيع وائل ابن الجزائر
شكرا ليك اخي على النصيحة وعلى مرورك العطر مام انا خيرت ندير علوم​
 
..
سلامــــ’’’
اممممم فكرتينـــي كيما كنتــ نخير بين
العلومــ التجريبــة و شعبــة الرياضيااااتــ
اختــي .. !!!!
شعبــة العلومــ احســن من الادااااابــ ..
بالافضليــة .. طبعــا .. و ك>لكــ عند النجاااح في الباكالوريــا
اهمــ الاختصاصاااتــ توجه للعلميـــــن
و لكـــن اختي :::
شوفي واااااش يخرجــ عليكــ
و المااااادة الي تحبيها و تحبي تقراااايها !!!
ا>ا كنتــ تعرفي اللغااااااتــ الاجنبيــة ... مادابيكــ اداااااب احسنــ
.. مابالكــ تروحي .. علميــة و انتــ كونتر الماااات
و المااااات تتربطــ بالفيزيكــ
و العلووووومــ .... ما نحكيلكشــ :sad:
المهم
عقلكــ في راااسكــ تعرفي خلاصكــ
اوكــ
باااي
عبدوووووووووووووو :shay:​
 
شكرا ليك اخي على النصيحة خلاص اتخذت قراري وخلاص نزيد ندير دروس خصوصية
 
لي قلبك يريحلها وتنقدري تروحيلها
انا على نفسي رياضيات مش صعيبة حبها كمادة برك
راهي هايلا
رايي ميغلبش على راييك
علوم نجريبة احسن
​
 
علمية خير من الأدبية أختي أنا 000 في الرياضيات مي الحمد لله المواد الأخرى تطلعك الفيزياء والعلوم والأدب العربي
إذا باغية توجعي راسك ديري أدبية
تعودي تحفظي المقالات و.....إلخ والفرنسي والأنجليزية ثاني ...
أسمحولي جماعة الأدب مي
العلمي خير من الأدبي في رايي حتى في الباك يعطوك بزاف خيارات للعلمي
صح أختي
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom