كيفاه ندير ياخاوتي مهبول وراح يهبلني معاه

وصال

:: عضو بارز ::
أحباب اللمة
إنضم
6 جوان 2011
المشاركات
1,059
نقاط التفاعل
656
النقاط
51
العمر
37
محل الإقامة
الجزائر
الجنس
أنثى
السلام عليكم ورحمة الله تعالى وبركاته

تعيشو يا خاوتي بلييييييييييييييز عاونوني انصحوني قولولي كيفاه ندير واش العامل واش المعمول مع عبد كيما هذا .

يا خاوتي انسان معرفتوا ني مريض ني صحيح راح يهبلني .

اتخيلوا كان يخدم معايا ونورمال راكم عارفين علاقة زميل مع زميلتوا في العمل اكيد احترام وجامي فاقت هادي الامور .

اتخيلوا دوقة خرجلي خرجة من القصب قاعد يشهر فيا عند الناس بلي يحبني وحقيقة مقالش كامل حاجة ماشي مليحة عليا وكامل لي سمعوا يعني قالوا عليا ناس ملاح وبنت فاميليا والحمد لله على هذا .
بصصصصصصصصصصصح لي حبسلي مخي انو خطب إنسانة أخرى ومازال لحد الآن يشوف ويتبع فيا والله البارح تلاقيتوا قريب ما بزقتوا في وجهوا حاشاكم قلقني :cra_zy::cra_zy::cra_zy:.
معلاباليش راهم يقولوا البنت لي خطبها بطلها وانا ميهمنيش امروا خطب بطل ربي يسهل عليه حاجة واحدة معاجبانيش معلابابيش علاه راه يدير هكذا .

قولولي واش يحوس عندي كيفاه ندير مع هاذي المصيبة لي طاحت على راسي ملقري والله عينيا منرفدهمش من الارض ومرنيش نتاع صحبة والحب والكلام الخرطي وهو راه عارف بلي خاطيني هادوك الصوالح 100% يا خاوتي راح نهبل قولولي كيفاه ندير .
مفهمتوش ميموت ميخلي الكفن يتباع هو يحبني واذا هو يخطب انسانة اخرى وزيد بزيادة مزالوا يتبع فيا ايا قولولي هذا ماشي مريض ؟

تعيشوا الحل بليييييييييييييييييييييز.‼‼‼‼
 
شوفي ختي

نعطيهالك بالدارجة و من لخر بعد

اذا قال بلي يحبك و راح يخطب وحدة أخرى .... لي خطبها تخدم ولا قاعدة فدار ؟؟؟؟

نتي بينتيلو بلي تتكبري و لالا ؟؟؟

كشما جابولو خبر عليك و لا حكاولو بالغالط قالولو راكي ديري ولا ؟؟

لي خطبها لافامي تاعو؟؟؟

جاوبيني و مبعد نحكيو
 
متقيميهمش خليه قالك ازلي يعرف قيمتك
 
ما اتقيمهش الكل وما تحسبيهش خالق دوك يبطل شوي صبر برك
 
balak martab mawalou !!!
 
كيما قالولك ماتقيميهش
وربي يكون معااك
 
قـالك اقتل لامبيسيل بسيلونص
اختي مديريش عليه باين يحوس عليك
اللي عينوا فيك يجي لباب داركم
 
واش نقولك او ليك برديه و حطيه عند حدو هكدا مايزيدش يقرب ليك و ادا كثر فيها ادخلي للمدير احكيلي و اذا ماحبسش ديري حل فالخدمة​
 
قتليه بالبارد وماتقيميهش دوك يكره​
 
اختي ربي يعاونك راهم كاينين هاد المهابيل بزاف
الحل هو انك تجيبيله خوك أو ولد عمك أو أي ولد دايرا فيه الثقة باش هو يتعامل معاه مليـــــــح و يوريح جبيد البلا كيداير المهم يكون يقربلك و تعرفيه مليح
هدا هو الحل صدقيني راها يصراو هاد المشاكل لازم لك نتي تحبسيها مادامها صغيرة
خير من تكبر و توصل لحاجا بعيدة
و تاني مين تشوفيه حاولي تبينيله بلي راكي تكرهييه من قلبك
حتى يفهم روحه
و إدا ما فهمش كيما قتلك جيبيله خوك :angry: ...
 
كي يرجع عندك مرة خرى
نحي صباطك وضربيه بيه على وجهو
فرات هادا مكان
بهدليه
وخليه
درك طيح بيه


 
شوفي ختي

نعطيهالك بالدارجة و من لخر بعد

اذا قال بلي يحبك و راح يخطب وحدة أخرى .... لي خطبها تخدم ولا قاعدة فدار ؟؟؟؟
بالطبع خدامة هو اصلا يحوس على الخدامة .
نتي بينتيلو بلي تتكبري و لالا ؟؟؟
جامي بالعكس جد متواضعة مع كل الناس وجامي تكبرت عليه ولا على غيرو
كشما جابولو خبر عليك و لا حكاولو بالغالط قالولو راكي ديري ولا ؟؟
مستحيل الكل يتكلم عليا الا في الخير وهو واحد منهم ديجا كي خطب هادي قالولوا لا مجال للمقارنة بيني وبينها كيفاه خطبتها (صاحبوا قالها لصحبتي).
لي خطبها لافامي تاعو؟؟؟
لالا ماشي فاميلتوا .
جاوبيني و مبعد نحكيو
اخي شكرا على ردك والله انا متحيرة ماشي كي خطب يا اخي الحمد لله مؤمنة بقضاء الله وقدروا وكلش بالمكتوب ربي يهنيه ويسهل عليه بصح لي مقلقني انوا مزالو يتبعني مزالوا يشوف فيا وانا مرنيش حابة نكون عثرة في حياة هادي البنت كيما مرنيش حابة التبهديل معرفتش واش المعمول بلا تبهدايل خفت نحكي معاه يفهم بلي زعفت كي خطب وانا والله مخرخشلي خلاص صح غادنتي كي راه يديرلي هكدا ملقري راه يقولي نحبك جابلي ربي انسان كي يحب انسان يتمنالوا الخير هو راه في طريقو وانا في طريقي والسلام بصح هو لالا راه يجيني فيا بتصرفاتوا حتى الغاشي كامل حسيتهم فاقولوا .
 
السلام عليكم
اختي نظن الحل سهل
هل قال لك انو يحبك ؟
اذا قالها لمادا لم تواجهيه
يعني قوليلو باب دارنا تعرفو قرب
-انصح بالمواجهة معه والكلام المباشر والصريح وانهاء المشكلة ووجع الراس نهائيا -​
 
نقلك حاجة هادا درتيلو حاجة و حاب يخلفها منك .
 
قولولي واش يحوس عندي كيفاه ندير مع هاذي المصيبة لي طاحت على راسي ملقري والله عينيا منرفدهمش من الارض ومرنيش نتاع صحبة والحب والكلام الخرطي وهو راه عارف بلي خاطيني هادوك الصوالح 100% يا خاوتي راح نهبل قولولي كيفاه ندير

إذا كان كلامك صحيح نظن أنك تقدري تنسايه بسرعة لأنه مجرد نكرة في حياتك الصافية و الطاهرة فلن تهتمي بأدق تفاصيلها الحل بيدكي أنت لو كنت مكانك لما أثار انتباهي أصلا
شكرا
بمعنى أخر ان اهتمامي أقدره و قلقي أقدره فليس كل من هب و دب امنحه اياه
شكرا
 
الله يقدرك اختي على الموقف هدا
احسن حاجة تتحاوري معاه
فهميه انت كيدايرة و فهميله رايك اتجاهه و خلاص هكا نتي ترتاحي و هو يولي لعقلو
 
الله يهدي ماخلق
المهم نتي ديري روحك معلابالكش بيه واللي فيها الخير ربي يجيبها
 
واش نقلك لازم انتي تهدري معاه وتفهمي منو واش حوس بصح يكون معاك خوك ولا باباك
 
ماتديهاش فيه يلا عينوفيك يجي لداركم مشي يتبعك في الزنقة


واللي فيها الخير ربي يجيبها
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top