ميني كيك بكرمال النيسلي

[كوثر الوهرانية]

اليكيم الوصفة بقلم صاحبتها الاخت ياسمين177
ميني كيك بكرمال النسلي من عندي
السلام عليكم هذه الوصفة ورائعة من مطبخي جربوها على ضمانتي والله بنتها منحكيلكمش اكثر من روعة حوحو يشكر روحو هههههههههههههه
نبداو بسم الله عندك باطة نسلي طيبيها كرمال والطريقة الكل يعرفها مبعد خلوها تبرد ونحو منها 3 مغارف جانبا للتزيين.
225غ زبدة نذوبها ونخليها جانبا
نخبط 3 بيضات مع 3 مغارف سكر مليح ثم نضيف كرمال النسلي العلبة كلها ونخبط حتى يتخلطو مع بعضهم + 90غ فرينة و1 خمارة ورشة ملح ونخلط الكل ونديرلها الزبدة الذائبة ونخلط مع بعض نديرهافي مول ميني كيك الشكل لعندك ولتحبيه دخليهم يطيبو ثم لما يبردو كنت خليتي 3 مغارف من كرمال النسلي ادهنيبيها وجه الكيكات وزوقي بالجوز مدششش او لوز الخ. واش عندك فدار او رشديري النسلي على الوجه ورشي بسكر ناعم اي حاجة مش مفهومة انا في الخدمة .
و هدا تطبيقي

في انتضار ردودكم و تشجيعاتكم:sheer::sheer::sheer::sheer::sheer:

 

[MIMICHA1977]

هااااااااايل الكيك غاليتي ام كوثر الف شكر على الوصفة لك و العزيزة ياسمين الرائعة بارك الله فيك

 

[ŚσÚмĨÁ.Ďz]

يعطيك الصحة على الرد اختى

حلوة روووعة تستاهلي تقييم

الحليب النيسلى ضروري ؟ وش رايك نعوضوا بالعسل
​

 

[ميديآ]

يسلموآآآ الأيادي باينــــهــ بنينة
يعطيك الصحـة​

 

[kahla]

شكراا ليك على مجهوداتك ربي يجازيك ​

 

[merieme hassi]

تبارك الله عليك يا الحبيبة
بالصحة و الهنا

 

[ام خديجة1]

جاك يشهي اختي ام كوثر وخصوصا بالنيسلي اكيد مذاقه روعة مشكورة حبيبتي على الوصفة الشهية

 

[rima29]

يسلموا ايديك حبيبتي​

 

[كوثر الوهرانية]

الف شكر لكم اخواتي على المرور العطر و الردود المشجعة بارك الله فيكم
اسمهان لا اختي متقدريش تعوضي النيسلي بالعسل راه تغيري فالوصفة و المداق ميجيش كيف كيف
جربيها بالنيسلي رهي روعة في المداق تهبل

 

[prncess fifi]

هايل يا فريدة يعطيك الصحة​

 

[Djazaire-El-Ghalia]

امممممم هايل ياكوثر بارك الله فيك وفي ياسمين أكيد تكون فرحت بالتطبيق المميّز ديالك

 

[آمِيْرَتُه]

أمممممممممم روعة تسلمي
​

 

[سمو الأميرهـ]

يعطيك الصحة حبيبتي ، باينة تهبل بلا مانذوقوها
ان شا الله نجربوها حنا ثاني
تقبلي مروري

 

[كوثر الوهرانية]

مشكورات يا اخوتي على الردرو الطيبة بارك الله فيكم

 

[dahbito]

امممممممممممم سخفتينا فريدة
يعطيك الصحة ان شاء الله نطبقوا اسناي برك نشري المول

 

[كوثر الوهرانية]

مشكوة دهبيتوا على الرد الطيب ان شاء الله تجربيه وراهي هايلة

 

[imane27]

جاك هايل كوثر يعطيك الصحة

 

[اميرة الساحل]

شكرا ليك اختي كوثر الوهرانية و للاخت ياسمين177
تطبيق رائع و من قرائتي للكيفية راهي تبان لذيذة بلا مانذوقها بصحتكم ​

 

[randa serine]

سلام حبيبتي جاتك تهبل
معليش نسقسيك حاجة النستلي كيفاه نرجعو كرامال
اسمحلي و الله مانعرف
​

 

[omarwa]

هايل ياختي فريدة بصحتكم