من فضكم عاونوني

boutaina

:: عضو منتسِب ::
إنضم
4 جوان 2008
المشاركات
36
نقاط التفاعل
0
النقاط
2
السلام عليكم نشاله راكم كامل ملاح: انا حبيت نحكيلكم على روحي شوي لخاطر اني مقلقة ورايح نكلاطي من بعضي.
انا مخطوبة وتمت قراءة الفاتحة والعقد كذلك وخطيبي يخدم بعيد مايجيش بـ 3 اشهر وهاد الخطرة كيجا ميبا مقيمني ولا يحوس عليا ولا يعيطلي ولا يسقسي وياخد ارائي وانا كذلك مع العلم اني عاملة بصح ميبا يجي يشوفني في الخدمة ويسقسي عليا في رايكم للدرجة هادي ماشي متواحشني ولا واشبيه اني مقلقة قلقة كبيرة وهو والله ماسامع بالدنيا يحوس غير يعيطلي في الهاتف يحكي معايا بصح انا ماحباش هكدا حاب ميبا يجي يشوفني نحس بلي صح راه متواحشني هادي المدة كامل ومكان حتى جديد انا ليا كون غير راهو في العمل تاعو وماجاش خير ولا واش ريكم علبالي طولت عليكم اسمحولي وردو عليا تعيشوا.
 
سلام
نتاع الصح غير لوكان مجاش خير ،ماشي هاكا اووووووو قلب لحمة ماشي حجرة ،سبحان الله ،مدام عاقد عليك راكي زوجته ،والله مافهم كيفاش يخمم ،ربي يفتح عليك اختي ويحنن قلبو عليك .
شكرا
 
Ma tkalki rouhek mawalou hanounti wmahabeche ybayne berk hadou houma erajala ta3na jihom tyahat kder ki ybynou macha3irom koun majache bagik koun maykhtbekch beseh nti azlih yamate wchoufi kifeh y3oud yhaws 3lik w a3mli louk jdid ki yji lik fhamti
 
ثبتي روحك قبل ماتزيدي خطوة كبيرة معاه ...
 
lazem tefahmi meno wtefahmi 3a9lito 9bal zwadj wtweli hadja kbira
mat9al9ich rouhak​
 
:schmoll: شنفى علىه ىفهم روحو:eek:i-o:
 
walou koulchi bel3kal khalih wahdah hta yweli matedartich 3lih wrabi yfarej
 
السلام عليكم اختي بثينة
انا في حكم اختك وراني في وضع كيما انتي
شوفي ماتشنفي عليه ماوالو عزيييه وبقاي معاه نورماااال وماتخليش الشيطان يدخل بيناتكم بلاك يحشم هذا السيد ومايحبش يجي لداركم ولا عندو راي في حياتو نتاع مايقابلش زوجته برا ولا في الخدمة
تبعيني انا خطيبي داير هكدا كنت في الاول نزعف منو ونتقلق مي دخلت هنا وراني مشاركة في شحال من موضوع في مشكلات البنات التي تحصل في فترة الخطوبة ولقيت نصائح افادوني
انتي اوموا يحكي معاااااك انا مايحبش حتى الهدرة في التليفون وكي نعيطلو انا يقولي ماعندي مانقوووول
مي غير بالعقل حتى راه يعيطلي كل يوووم ونقولك الصح مايحبش يجي لعندي يقولي هكدا خيير نقعد عزيييز ...........والله ماتفهمي فيها والو هذي هي العلاقة الزوجية ريح ادايك وريح جايبك ههههه
غير بالعقل حنونة وخدمي عقلك وخلي ديمة حاجة في بالك بلي هذاك الانسان راه حبك وتوام روحك وماتخليش الوساوس تاثر عليك ...الشيطان حاجة صغيرة يزيد عليها ويبينهالك كبيييرة يولي يبينلك غير في المساوئ نتاع زوجك والمحاسن يخفيهم عليك
استغفري وخليها على ربي سبحانه ورايح زوجك مع الوقت يتبدل وتتاقلمي مع عقليتو
الله يجمع بيناتكم في الخير ويجعل بينكم المودة والرحمة والسكن ان شاء الله ......طولت عليييك
سلااااااااااااااام
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top