السلام عليكم
أعجبني هاد الموضوع و بشدة لدرجة أنني بدأت أسال أمي عن تفاصيل لعلي أكون قد نستيها..
وعليكم السلام
أهلا وسهلا بالغالية يالدز :-r
---
الطفولة .. طبعا عالم مليء بالأسرار
و دائما يُذكر بحنين
و يُعنون بالشوق
و كلنا مهما اختلفنا ومهما عشنا نَصِفُ طفولتنا على أنها أفضل الأيام و أحلاها
أما أنا بامكاني أن أقول أنني عشت طفولة متناقضة في تركيبتها
و اليوم إذا ما أردت أن أصفها سأقول : أن طفولة 'يلديز' كانت بروح الشباب
و حاليا أقول : شباب 'يلديز' بروح الطفولة ..:-r
الطفولة اروع واحلى ماعاشه كل انسان
ممممم تشوقتُ لمواصلة قراءة الرد
ربما ما عشته و ما عايشته وما رأيته جعلني بهاته الصفات ..
فأنا البنت الوحيدة وسط أربعة أولاد و أصغرهم لكن هذا لم يجعلني فتاة مدللة
فتاة وحيدة بين 4 أولاد أكيد طفولة من نوع خاص
بل بالعكس كنت واعية بما يحدث وعن عمر مبكر جداا مما جعلني أدخل بوابة التأمل و التفكير العميق مبكرا أيضا وهذا لعدة أسباب أن التربية كانت صارمة من جهة و اني اخت لأخ أصم و آخر توحدي 'مصاب بمرض التوحد' الخلاصة :"طفولة بطعم خاص"
----
فعلا وجود أخ مريض في العائلة سيجع جميع الأفراد يحرصون عليه أكثر وأكثر خاصة أنتِ كفتاة ستشعرين بهِ أكثر
ندوروها دارجة دوكا باش تعيشو معايا الاحداث ههههه
كيما قلتلكم طفلة وحدة وانا الصغيرة فالدار كي كبرت شوية لقيت لي جوي كامل تاع ولاد : عسكر , طونوبيلات , سلاح :d + لي ليgو الي هوما أهم وأكتر لعبة كنت نحبها ’:up:
ألعاب الفوضى :d تاع الأولاد
يعني لعبت في حياتي بالعاب الولاد ممبعد كي كبرت شوية جابلي papa لعبات تاع لبنات بوبية و حوايجها و دوزان الشعر هادوك ممبعد كي شافتني ماما نحب الكوزينة قاتلو جيبلها ماعن تاع الكوزينة ( باش تليكيديني
يعني ديتي من ومن هيه خخخ ألعاب الأولاد والبنات والكوزينة باه تتعلمي تطيبي من الصغر
وما ننساوش لي جو تاع سوبر ماريو وبغانس يوووووووووووه ياما لعبت بيه مع خاوتي كانو كامل كبار عليا ال3 اللولين كبار عليا ب 7 سنين هكداك والي جيست قبلي كبير عليا بعام واحد وهو الي مأثر عليا بزاااف بمرضو و سكاتو و غموضو الشي الي خلاني من صغري تكون عندي روح المسؤولية كان يخرج معايا برا يقعد معايا وكنت نعسو وما نحبش عليه :$
ياي على ماريو والقلعة أحلى لعبة وخاصة كي تلعبيها مع خاوتك
كنت عاقلة بصح نهدر بزاااف دايما دايما عندي واش نقول وعندي واش نسأل وعندي كيفاش نجبد الهدرة
وماما تعيا معايا بزاااف و بابا وخاوتي كيما اغلب الرجال ما يحبوش الهدرة بزاااف ألوغ كنت من الواحد لواحد يعيا معايا واحد نروح للوخر :d ما نكره ما نمل
كنت شاطرة و خفيفة نحب نعرف كلش كيما تقولي ماما عينك على المقلية وعلى المشوية ههههههه
حاجة ما تروح عليا
ههه ايه طفلة وحدة تقلقي ولازم تحكي معاهم مي لولاد ميحبوش الهدرة بزاف ولابقيتي ترحي عند راسهم يقولولك طيري
مممم كنتي تتولهي وهادي حاجة :up:
من الاحداث والقصص الي صراتلي هيا ما ضحكش بصح فيها امور نحير دوكا كيفاش كنت نخمم فيهم :
1/ كنت محققة بارعة خخخخ متأثرة بكونان :
ماما مربيتها عمتها وتعيطلها يما وعمتها عندها بنتها مالا بنتها هاديك نقولها خالتي و هاديك خالتي تقول لجدي بابات ماما تقولو خالي انا , وخالاتي تاع الصح يقولو لجدي بابا و ماما تانيت تعيطلو بابا أنا ما دخلتليش راسي :s مالا بديت نلاحظ كل مرة كل مرة ممبعد فهمت و رحت قلت لماما ( بنبرة تاع كشفتك و عرفت واش مخبية عليا ) يماك هاديك ماشي يماك و خالتي هاديك ماشي خالتي تاع الصح
ماما انخلعت :-o هههههههههههههههه وكنت صغيرة بلاك نقرا السنة التانية ولا التالتة نسيت
هههه ياشريرة هنا قتلنيني ضحك خخخخ
تحسبي اكتشفتي سر خطير زعم كونانة تاع الصح
2/ نهار تبحرلي خويا:
مرة خرجت نلعب مع لبنات برا و خويا كان معايا قاعد ما نعرف كيفاش نسيتو راح للابوليس كانو قدامنا يخدمو دخل عندهم ولعب بالما تاع الفوارة الي كانت لداخل وانا لاخبر
لعشية كي دخلت للدار و دخلنا كامل وين راه عبد الفتاح ؟؟؟؟؟ واحد ما علابالو :s :-o
papa و mama قريب هبلو
وانا قلبي حبس على خاطر كان معايا مي انا كنت صغيرة انا و نسحق شكون الي يعسني ويخليني معاه
مي ممبعد لقيناه والحمد لله ومن داك النهار نمووووت ولا يبعد على عيني ولا كاشما تصرالو حاجة :$
هنا تحملتي المسؤولية صغير وزيد خوك مريض وتأثرتي بزاف
والحمد لله كي لقيتوه وقتها
3/ هادي الي كي نتفكرها نعرف شحال كنت نية في هادي كنت كبيييييرة نسيت شحال المهم خاوتي كانو ياكلو فالطعام باللبن وانا جامي لا كليتها كي شفتهم ياكلو قلت لماما حطيلي كيما هوما قالتي لالا نتي ما تاكليهاش بصح انا قلتلها ناكل بالسيف فرغتلي وحنا عندنا قانون فالدار ماكانش الي يخلي ماكلتو فالتبسي لازم نكملو كامل الماكلة الي تتفرغ ويا يما على الزهر تاعي انا دقتها وما قدرتش ناكل
----
هههه يا بونديا كنتي تاع الصح
الكسكسي ومادرتي معاه
علابالي طولت عليكم بصح تفكرت امووور بزاااااااف و قضايا بزاااااااف
حتى فرغت قلبي كاااامل
هايا سلامووو
العفو أختي تشرفت بمرورك العطر
