أغاني العروسة و أصوات الحيوانات دايرين حالة في القسم نتاعنا..

"نور العين"

:: عضو مُشارك ::
إنضم
9 أوت 2010
المشاركات
335
النقاط
7
مساء الخير عليكم يا وجوه الخير
وشراكم وواش حوالكم يا الغاليين على قلوبنا أعضاء لمتنا العزيزة؟

كما كل يوم وكما تعودنا في حياتنا كايان بزاف الحكايات اللي تصرالنا وتضحكنا وخطرات تخلعنا
اليوم رايحة نحكيلكم على ظاهرة جديدة ظهرت في قسمنا وباقي الاقسام في الليسي نتاعنا

مرة من المرات كنا نقراو في english وكان الكالم في la class و فجأة نسمعوا أغنية نتاع العروسة "ولولوا يا البنات عليها عروستنا راهي جات أنشاء الله يسعد سعدها نوظوا باركلها..." وولات قاع la class تضحك من هذا الجاست والله غير حاجة تضحك كاين شيء élèves هبلوا شوية

هذي وقلنا معليش نهار وجاز

غدوة من هداك تاني عند l prof de englais االلي مسكينة دايما تحضر هدو المشاكسات ههههه
قاعدين نقراو عادي حتى نسمعوا قطة تنونو "مياو مياو" منبعد زعما ينطق واحد من les élèves يقول "أها خرجولنا هدي القطة خلونا نقراو " منبعد يعاودوا يديروها تنونو هديك القطة في البورتابل وموراها juste يديروا كلب ينبح منبعد يقول واحد"سلكوا هديك القطة مسكينة قبل ما ياكلها"و l prof مسكينة تندب سعدها على زهرها مع les élèves

shaun the sheep دايروينها صونري وقلنا معليش وهدي المرة دايرنا عرس وزيد قطة وكلب ومعليش
والمرة الجاية واش يديروا ربي يستر

نخليكم تعلقوا شوية على هدا الموضوع
 

16اماني16

:: عضو مُتميز ::
إنضم
30 أكتوبر 2010
المشاركات
1,110
النقاط
51
الجنس
أنثى
ههههههههه ربي يعينها l profديالكم قداشها تعاني
وكيما قالت منيني تصرفات صبيانية
وربي يهدي الجميـــع
 

adel-mz

:: عضو مُتميز ::
إنضم
2 جويلية 2011
المشاركات
992
النقاط
37
سلام
تعرفي والله كارثة جون ولا جون في في سن 17 و18 سنة يدير تصرفات صبيانية تقول ملعبوش في وقتهم ،الله يهدي هادي الامة
مارسي
 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
اكره ما عندي اني نشوف هاد الخدايم
المشكل ما يجيبوها غير في رواحهم
ليبروف ماهم خاسرسن والو يحضروا صحة يديروا الي عليهم و يخرجوا
معليش الانسان كي يديرها في وقت مناسب مي تصيبيهم كل وقت هكدا ماشي خدمة
 

جزائرية للابد18

:: عضو مُشارك ::
إنضم
17 ماي 2010
المشاركات
227
النقاط
7
والله الموضوع ضحكني نشفا يامات بكري كي كنا نقراو التلميذ يخاف لوكان يفوت عليه استاذو ويلقاه يلعب واش راكي تحكي صاري في جميع الاطوار الدراسية وذلك بسبب التربية انعدمت .الاستاذ مايضربش(بن بوزيد واش راهو يخرج )
انا ننصحك حاجة انت وكافة الزملاء انكم ماتوافوش تضحكو كل مايشعل البورتابل ماتضحكولهمش ودوك تشوفو كيفاه يوليو
 

Houda Chaouienne DZ

*طبيبة*
إنضم
4 جويلية 2010
المشاركات
5,103
النقاط
323
الجنس
أنثى
خليوهم يعيشو la vie
هههههههههههههههه
حبيتوهم يجيبوها كامل قراية ههه
...
راني نتمسخر برك
ايه تصرا هاذي بزاااف
و انا الحق نمووت بالضحك فالمواقف هاذو
مي فالحق ما يديروهمش
للأسف راحت قيمة الأستاذ
سيرتو مع المستخلفات الأنوشات لي يقريو ذرك
ما يفرضوش هيبتهم على التلاميذ عليها تصرا هكا
....
الله يهدي ما خلق
ربي يجيب الخير
و مارسي ع الموضوع
 

souhila_95

:: عضو فعّال ::
إنضم
20 فيفري 2009
المشاركات
2,062
النقاط
77
هههههههههههههههههههههههههههههههههههههههههههه
هههههههههههههههههههههههههههههههههههههه
شح فيهم الأساتذة الحقارين يستهلو ا هههههههه
نتمسخر برك صح هذي العدوى راها انتشرت في كل
انحاء البلاد وصلت يديرو شونيشيب راهي دايرة حالة هههه
 

simou11

:: عضو متألق ::
إنضم
16 مارس 2010
المشاركات
4,346
النقاط
191
هههه
الكلاب و القطوطة
في الكلاسة عندنا حظيرة حيوانات
و لي خرجت جديدة الصوت تاع tondeuse
دارو بيه حالة
و يبداو لي زيلاف يعلقو
" خف يدك باح تحففلي حتى انا "
" ازرب شوية خويا عندي ساعة و انا نسنا "
و حتى تاع pـشيييييييو
ف لا بيام سات
يحطوها و يبداو من واحد لواحد
باه ميفيقش الپروف مين جاي الحس
 

الجندية

:: عضو فعّال ::
إنضم
19 جانفي 2010
المشاركات
2,574
النقاط
159
ههههههههههههه الله غااااااااااااالب
مالعبوش في صغرهم
 

اعيش راضية

:: عضو مُشارك ::
إنضم
6 ديسمبر 2011
المشاركات
311
النقاط
7
والله غير تحيري في جيل تاعنا
انا بعدا في كلاصتنا لوكان غير اغنية احنا يديرولك اغنية لراي اللي فيها غير الكلام الشين والله تحشمي في بلاصتهم
و كاين و كاين كل يوم كاين جديد
 

"نور العين"

:: عضو مُشارك ::
إنضم
9 أوت 2010
المشاركات
335
النقاط
7
يعطيكم الصحة على التعليق وكما قلتو ربي يهديهم ويهدي الامة جمعاء
 

حالمة بالجنة

:: عضو مُتميز ::
إنضم
12 ديسمبر 2009
المشاركات
1,020
النقاط
37
السلام عليكم
والله كثرت بزااف لكن الحمد لله اللي كاينة ههه
تكون كاره القراية امبعدا يضحكوك
المرة القادمة رح نديرلهم تع القذافي ربي يرحمه
حنا داروها عندنا
حتى سمعنا واحد يقول...من انتم من انتم هههه
ربي يهدينا ..الجزائريين وحدهم ربي يحفظهم =)
 

SAFA-94

:: عضو مُشارك ::
إنضم
22 ماي 2011
المشاركات
410
النقاط
7
ربي يثبت عليهم العقل والدين
 

Black heart

:: عضو فعّال ::
إنضم
1 جويلية 2011
المشاركات
2,223
النقاط
317
خليهم يعيشو la vie كيما les profs عايشين حياتهم يضربو ينقصو يشتمو en plus بلا سبب
meme عندا dans la class يديروغنى تاع englais فالحصة تاع انجلش وغنى فرنسي فالحصة تاع الفرنسية وغنى الراي /نكرهووووووووو/في الحصة تاع العربية mais في الحصة تاع الرياضيات نديرو
كلاب وقطوطة
مي انا عندي حاجة وحدة كما تدين تدان
كيما يعملو فينا الاساتدة الشر ونرجعهولهم
ماارسي
**
 

nawal 88

:: عضو فعّال ::
إنضم
20 أوت 2008
المشاركات
2,536
النقاط
157
ههههههههههه ياخي مهابل يخي
بصح والله غير يمات الدراسة وحدهم صراحة
 

نيهال

:: عضو فعّال ::
إنضم
1 ماي 2010
المشاركات
1,528
النقاط
37
العمر
25
ههههههههههههههه والله غير فووووور
اختي نقولك حاجة استمتعي بهاد اليامات باسكو من بعد تتوحشيهم +الاساتدة يستاهلو اكتر
بصح لازم وقت القراية قراية وشوية هبال ما غاديش يأثر بزاف ما فيها والو المهم يزيرو رواحهم في وقت الجد
بالتوفيق للجميع ...
 

أم نعمة

:: عضو مُشارك ::
إنضم
19 ماي 2009
المشاركات
107
النقاط
7
تشفاي على فيلم امراتان كي خرجت يماة مراد تحوس عليه وقعدت تعيط "مراد مراد" امالي حنا كانو يعيطو كيما هاك كيدور الاستادة هههههههههه
 

محبة الورد

:: عضو مُتميز ::
إنضم
5 سبتمبر 2011
المشاركات
734
النقاط
37
ههههههههههههههههه والله ضحكتيني ختي ههههه
والله عندك الحق صح حنا تاني كل مرة يخرجوا بعفسة جديدة
واخر عفسة لي خرجوا بيها مي بيناتنا انا عجبتني
فالبورطابل مسجليين صوت لاسونات تع السويام تعنا
وكي نكونوا كارهين من الحصة يديروها واحد المرة داروها في حصة لفرونسي هه رفدنا حوايجنا وخرجنا والاستاذة منها بالصح جاية خارجة وكامل حتى من بعدة فاقتنا ههههههههههه
واش ضحكنا هذاك النهار
شكرا ليك ختي
 

صـ كحرفـ محفور ـامتة

:: عضو مُشارك ::
إنضم
18 نوفمبر 2011
المشاركات
185
النقاط
7
والله عندكـم الحق....تصرفات صبيانية...


حتى حنا في قسمنا ...يديروا الغنا و les songsاللي يعيو...و أصوات الشاحنات والكوموبيلات ولا حتى هدرة مسجلة تاع تـgـمبير ........ و حنا نهار الاربعاء حتى جا لينا المدير وبهدلنا واحد دارولو طرد ونصف داخلي قالولهم والله ماكاين الفطور اليوم و داروا البورطابلات من القسم والمشكلة طاحت غير في العاقلين تع القسم... ربي يهدي وخلاص
 
Top