ناس عايشة ونااااس .....انتوما تاني كيفي ادخلو تعرفو ؟؟؟

القطة الزهرية

:: عضو بارز ::
أحباب اللمة
إنضم
8 نوفمبر 2009
المشاركات
1,849
نقاط التفاعل
198
النقاط
79
العمر
29
السلام عليكم ورحمة الله وبركاته
واش راكم ناس اللمة يخي راكم لاباس طولت عليكم الغيبة وتوحشتكم بزاااف كيفاش عقبتو يومكم ان شاء الله صافا ومايخصكم واالو يااارب .....
ايا حبيت نحكيلكم اليوم على شوي مغامرات من حياتي انا وصحبتي العزيزة القطة الجزائرية (ريمي) امالا وحد النهار هكا رحت لليسي تاعنا انا وريمي كي العادة نروحو نقراو فحلات نظيفات يسمى انتيك مايخصنا والو :eek:i-o::shay:كلنا امل للمشايخة والضحك في لكلاسة ياه نقصد كلنا امل للدراسة والانتباه للدرس جيدا دون الالتهاء بالآخرين :eek:i-o:ايا قعدنا في كراسينا نورمال هدي حصة اللغة وكيما قاتلكم ريمي واحد مالاتي بيها تهدر ولا تسكت ماش سامعين بيها ....حطيت انا وريمي نشايخو ونضحكو ومنبعد لقينا السكات ضرب على غير العادة ....ياربي واش كاين الحالة ماتعجبش ...ايا ضربت طلة سريعة على لكلاسة لقيت الي يقراو معايا كامل بالكيتمان (سماعات الاذن)كل واحد جبد بورتابلو وقاعد يسمع في لغنى بنات ولا ذكورة وفي هديك اللحظة قلبي انا وريمي وجعنا علاه .....تلقاهم كامل عندهمبورتابلاتهم حطين فيهم واش يحبو من قرآن من غناء من شعر فيديوات وتاني يتصورو فيهم مع صحابهم مع عايلتهم وووووو مالا نهايا يعيطو لبعضاهم وقت مايحبو ياسيدي لاخلات يكوبيو ببورتابلاتهم ......وحنا تقول علينا لاعلاقة مع الدنيا الي يسحقنا يعيط عند مامانا والاغلبية يهزو عليهم خاوتنا اكم علابالكم الشك واش يدير عادو لبنات يحشمو يعيطوا ديفوا يقولونا البنات اعطيونا النيميرو تاعكم نعيطولكم نحشمو حتى نقولولهم ماعندناش تقول علينا متخلفين حنا عندنا قانون وقاعدة في الدار وتقريبا نص شلغوم متبعا هاد القانون الطفلة حتى تدي الباك باه ادير بورتابل اما مادامها في الدر ماعندها ما ادير بيه .......خلاصة القول حبيت نقوللكم واش هو رايكم بالطفلة الي ماعندهاش البورتابل وانتوما تاني زينا ولا لالا قصدي حتى تديو الباك باه اديرو بورتابل ولا عندكم نورمال في انتظار آرأكم ..........سلالالالالامووو!
 
أهلا بيك قطوطة
عاش من شافكم نورتي المنتدى
والله انا وليت كي نسمع بطفلة ماعندهاش بورتابل نفرح ونحير ونتعجب وتجيني بنت فاميلا
لأنو سباب لهلاك والمشاكل كامل فيه ...
انا ضد البورتابل للطفلة ، لأنو منو يجيو المشاكل كيما قلت...

يعطيك الصحة
 
أهلا بيك قطوطة
عاش من شافكم نورتي المنتدى
والله انا وليت كي نسمع بطفلة ماعندهاش بورتابل نفرح ونحير ونتعجب وتجيني بنت فاميلا
لأنو سباب لهلاك والمشاكل كامل فيه ...
انا ضد البورتابل للطفلة ، لأنو منو يجيو المشاكل كيما قلت...

يعطيك الصحة
عندك الصح اخي كاين مش مكانش ههههه
انا حتى السنة باش درت بورطابل عندي السنة الباك
بسح كنت قادرة نديره مي نعرف كيفاش نستخدمه
المهم البورطابل راه ضيع شحال من بنت
الواحد يكنترولي روحو برك

 
أهلا بيك قطوطة
عاش من شافكم نورتي المنتدى
الله يخليك سفيانو توحشتكم كامل
والله انا وليت كي نسمع بطفلة ماعندهاش بورتابل نفرح ونحير ونتعجب وتجيني بنت فاميلا
ههههه وحدها هادي بنت فاميليا ....انا نظن بنت فاميليا تعطيها واش تعطيها وتخليها ادير واش تحب بصح اصلها يخليها تمشي في الطريق المستقيم
لأنو سباب لهلاك والمشاكل كامل فيه ...
كاين وكاين ......بصح الاغلبية هو سباب المشاكل صح
انا ضد البورتابل للطفلة ،
...هههههههه كيما خاوتي بعد لأنو منو يجيو المشاكل كيما قلت...
بصح ماش كامل كيف كيف الي ماتخونش ثقة والديها ومتربية وتعرف حدودها تعرف تستخدمو نورمال
يعطيك الصحة
وانا نقولك كاين بزااااااف بنات دارو بورتابلاتهم بالخفية ومكرة في والديهم وخاوتهم كيما داروش فيهم الثقة عادو يديرو فيه المنكر ...................شكرا شكرا سفيانو على المرور
 
اهلا فدوى مازال ماقريتش الموضوع لكن حبيت نحكم بلاصة


لما نكون مليحة نرد عليك

سلام​
 
عندك الصح اخي كاين مش مكانش ههههه
انا حتى السنة باش درت بورطابل عندي السنة الباك
بسح كنت قادرة نديره مي نعرف كيفاش نستخدمه
المهم البورطابل راه ضيع شحال من بنت
الواحد يكنترولي روحو برك

[/center]

يسما انتوما عندكم الحرية باه اديرو بورطابل مي حنا لالا هوما الي يقررو:re_gards::re_gards:.....شكرا للمرور
 
اهلا فدوى....اهلا بيك اسومتي زينونتي
مازال ماقريتش الموضوع
............................ازربي اقرااااااااااايه ردك الدنيا ومافيها لكن حبيت نحكم بلاصة


لما نكون مليحة نرد عليك

سلام​

اوكي براحتك ان شاء الله تكوني بالف خير يارب
 
عــــآش من شآفك يآ الزينه ... نورتي
يآختي نورمال كاين اللي مهنية راسها من البورطابل وكاين اللي ماتقدرش تعيش بلا بيه كي حالتي
من قدام لا نجوز السيزيام درت بورطابل هاشوفي ههههههههه غير قوليلي واش كنت ندير بيه
مي ضروك وي نسحقو وراكي تعرفي البنات مايبغوش يعطيو في الفيكس يحشمو من كاش واحد يرفد عليهم والخصوصية مليحه بعض المرات انا على روحي البورطابل قاع مايصونيش بزاف علاه
خاطرش مارانيش ندير الكونفيونس في الصحابات ايا وفرات
راكي مهنية خلي عليك حتى تفرحي بالباك والجامعه
 
koul wa7ad w rayou 5titi ana 3andi pourtable mi 7atba ni ghna ni hum ya7zanoun w binatna nakrah 7yati ki mana9rawch kach sa3a psq ga3 yab9aw chadin les pourtables dyawalhum w ghir almarka:shiny:wana na7chaaaaam badyali manajabduuuuch kamal:shay:hhhhhhhhh merci 3lik 5titi mawdou3 bzf chbab :rolleyes:salam
 
انا درت بورتابل حتى دخلت الجامعة وكي كنت فالليسي كانو دايرينه غي ولاد فلان وفلان وحنا نشوفو امالي شاكنت ندير انا و صحبتي كان عندهم فالدار بورتابل خاسر كانت تجيبه ونديرو رواحنا نهدرو ههههههههه جامي فاقولنا كانو حاسبينا مرفهين ههههههههه دكريات جميلة
 
وي علاش اختي نورمال و عادي جدا انا خاوتي زوج في الليسي شيرة و شير ماعندهمش بورتابل انا ما بغيتش يديرو ه اختي قالتنا نورمال بصح خويا راه باغي و ما خليتهش بلا ما نحكو على المشاكل تاع الديرونجمو و الطفلة تاني ما ننساوش لي فيديو و الله غي راه العجب انا اختي ما نخليهاش قاع ديرو و اخي كي يطلع للجامعة و مع انو الطفلة ما عندها ما دير بيه و مادابيا راجلي يقلعولي ان شاء الله
 
انا درت بورتابل حتى دخلت الجامعة وكي كنت فالليسي كانو دايرينه غي ولاد فلان وفلان وحنا نشوفو امالي شاكنت ندير انا و صحبتي كان عندهم فالدار بورتابل خاسر كانت تجيبه ونديرو رواحنا نهدرو ههههههههه جامي فاقولنا كانو حاسبينا مرفهين ههههههههه دكريات جميلة

hhhhhhhhh raki 7alabtini f 3afssa chaba:yahoo:
 
عــــآش من شآفك يآ الزينه ... نورتي
الله يخليك اختي انتي الي نورتي هدا الموضوع البسيط ....

يآختي نورمال كاين اللي مهنية راسها من البورطابل وكاين اللي ماتقدرش تعيش بلا بيه كي حالتي
اااااه زيدي عليا هههههههه انا حابة نديرو مليح نسمع فيه لغنا نتصور مع صحاباتي تاع لافامي تاعنا كاااامل مدايرين غير انا واااااااااااااااااع
من قدام لا نجوز السيزيام درت بورطابل هاشوفي ههههههههه :scared::scared:لعرب ..........غير قوليلي واش كنت ندير بيه
باين كنتي اديري بيه والله :schmoll::schmoll:
مي ضروك وي نسحقو وراكي تعرفي البنات مايبغوش يعطيو في الفيكس .........ولا في بورطابل مامي تاني يحشمو مناه بورطابل الام كامل يرفدوه هاتف عمومي ........يحشمو من كاش واحد يرفد عليهم والخصوصية مليحه بعض المرات انا على روحي البورطابل قاع مايصونيش بزاف علاه
خاطرش مارانيش ندير الكونفيونس في الصحابات ايا وفرات
ايه اختي عندك الحق ماديريش الثقة في من والا مناه قليل الي يسحقها اي راحت النية .........خوك خوك ولا يغرك صاحبك
راكي مهنية خلي عليك حتى تفرحي بالباك والجامعه
ايييييه ضك راني والفت بلا بيه وكليت التبهدايل حتى كرهت خايفة نهار ندير واحد نديرو حطبة مافيه والو تاع بكري هههههه ولا قادر حتى يقولولي انتي يعني امالفا بلا بيه خلي مانديرولكش خلاص ههههههه وتطفر فيا .......مرسي اختي بزاف على المشاركة تاعك ...سلالالام:re_gards::re_gards:
 
koul wa7ad w rayou 5titi......kayan manha .........
ana 3andi pourtable mi 7atba ni ghna ni hum ya7zanoun ....ههههههههههههههههههه كي عادت هكا بطلنا نقعد هك اني مليحة
w binatna nakrah 7yati ki mana9rawch kach sa3a psq ga3 yab9aw chadin les pourtables dyawalhum w ghir almarka:shiny:هههههههههههههههههههههه علابالي بشوعورك انتي على الاقل تقولي هدا ديباني بيه وانا واش نقول نسيتو في الدار ههههههه روح مشات هادي وادا قالولي هاتي النيميرو تاعك واش نقوللهم هههههه تبهدايل wana na7chaaaaam badyali manajabduuuuch kamal:shay:hhhhhhhhhههههههه او كلنا في الهواء سواء
merci 3lik 5titi mawdou3 bzf chbab :rolleyes:salam

الله يخليك اختي على المرور الرائع نورتيني بردك ومشاركتك ليا بحالتك ياي حالتك كي حاليا ...........سلامو:re_gards:
 
السلام عليكم
عودة حميدة ختي ومرحبا بيك معانا مجددا

موضوعك عجبني بزاف وعجبتني صراحتك كتر

رانا هنا كامل اخوة واخوات ولازم علينا ننصح بعضنا البعض في شتى الامور

ونصيتي ليك انا مع راي اهلك مازالك صغيرة على البورتابل حتى ولو بعد الباك كي

تربحيه ان شاء الله

قد ما تكوني واثقة من روحك وتقولي في نفسك انا ما نديرش كي شيرات لخرين بصح

نجيك في الصح سن المراهقة اصعب مرحلة على هاديك اهلك راهم خايفين عليك وعندهم

الحق

قاع ما يغويكش واش راهم يديرو لخرين برايك عاجباتك ديك الحالة نتاعهم الاستاذ

يشرح وهوما دايرين الكيتمان ويستغلوا؟ اكيد ما ترضيهاش لروحك

خليك من التقليد واش راهم يديرو والتهي في قرايتك وطيعي والديك تنجحي في الدنيا

والاخرة وربي يرضى عليك

ربي يحفظك ويسترك ختي من فتن الدنيا

نتمنى ما نكونش طولت عليك

في امان الله :shay:
 
انا درت بورتابل حتى دخلت الجامعة .............اهلا بيك اختي ..رانا كامل كيف كيف انا بربي ان شاء الله قالولي حتى تدي الباك وتروحي للجامعة ادا كان للعمر بقية ...
وكي كنت فالليسي كانو دايرينه غي ولاد فلان وفلان وحنا نشوف....ههههه ايه بكري كانت هك ...
و امالي شاكنت ندير انا و صحبتي كان عندهم فالدار بورتابل خاسر كانت تجيبه ونديرو رواحنا نهدرو ههههههههه ههههههههههههههههههههههههه يخي مهابل انتوما على الاقل فحلات وماتبهدلتوش ولا تبخصتو ماش كيقنا هههههه جامي فاقولنا كانو حاسبينا مرفهين ههههههههه دكريات جميلة

شفتي البراكة فيا رجعتك تتفكري هادوك اليامات لحلوين .........ربي يخليلك هداك المخ الي عندك والذكاء ويحفظك ويحفظ نعمة ونتمنالك حياة سعيدة ....سلام
 
وي علاش اختي نورمال و عادي جدا ا..........والله ياختي كي نشوف من وجهت نظرك حاجة عادي مي في الواقع الي عايشة فيه انا وخاوتك حاجة اخرى ماتحسوش كيما نحسو حنا والله ماتفهمونا ..........نا خاوتي زوج في الليسي شيرة و شير ماعندهمش بورتابل انا ما بغيتش يديرو ه اختي قالتنا نورمال بصح خويا راه باغي ........طفلة ياسيدي نورمال بصح طفل اممم شوية علاه تخافي عليه خليه يديرو نصيحة برك هو في سن المراهقة والله قادر يكرهك من الجاست هادي يحس روحو ماحقور صح والله انا طفلة غاضتني كي ماعنديش وهو طفل كيفاه حالتو ......و ما خليتهش بلا ما نحكو على المشاكل تاع الديرونجمو و الطفلة تاني ما ننساوش لي فيديو .........هو من ناحية ماكانش حاجة ماعندهاش سلبيات بصح انتي على قد ماتقدري اجنبيها وتاني ديري في بالك ماننساوش الايجابيات تاعو ماهوش كامل سلبي في سلبي .......و الله غي راه العجب انا اختي ما نخليهاش قاع ديرو و اخي كي يطلع للجامعة ...........قادر مع الوقت تبدلي رايك ماتدريش ......
و مع انو الطفلة ما عندها ما دير بيه و مادابيا راجلي يقلعولي ان شاء الله
هههه يبقى رايك ونحتارمو كثيرا وديجا كي رديتي عليا راكي فضلتي عليا يا لعزيزة .....شكرا للمرور الجميل والعطر
 
وانا نقولك كاين بزااااااف بنات دارو بورتابلاتهم بالخفية ومكرة في والديهم وخاوتهم كيما داروش فيهم الثقة عادو يديرو فيه المنكر ...................شكرا شكرا سفيانو على المرور

صح
بصح وين تخبيه عند صاحبتها ؟؟؟
ديما كاين بنات السوء ...
 
السلام عليكم
عودة حميدة ختي ومرحبا بيك معانا مجددا
الله يخليك اختي .....

موضوعك عجبني بزاف وعجبتني صراحتك كتر
يعيشك اختي انا شعاري فيف الصراحة ههههه كلشي نخرجو طاي طاي

رانا هنا كامل اخوة واخوات ولازم علينا ننصح بعضنا البعض في شتى الامور
:rolleyes::rolleyes:وي اختي حاجة باينة كلنا اخوة والاسلام اوصانا بذلك ..

ونصيحتي ليك انا مع راي اهلك مازالك صغيرة على البورتابل حتى ولو بعد الباك ........اااااا يسمى انتي كون جيتي ماما لوكان حتى ندي الباك ماديريليش بورطابل ااااااه لمزيا ماشي ماما انتي ههههههه كي

تربحيه ان شاء الله....آمين آمين آمين ..من فمك لربي ...يااارب

قد ما تكوني واثقة من روحك وتقولي في نفسك انا ما نديرش كي شيرات لخرين بصح

نجيك في الصح سن المراهقة اصعب مرحلة على هاديك اهلك راهم خايفين عليك وعندهم

الحق
عندك الحق في هدي وراني نصبر في روحي بالفكرة هدي مي انا واثقة من روحي مناه جاتني قداه انفرصة ندير قداه نحاجة ومادرتهاش يسما قادرة بسهولة مانغلطش خاصة في البورطابل ......بصح يبقى كلشي وارد

قاع ما يغويكش واش راهم يديرو لخرين برايك عاجباتك ديك الحالة نتاعهم الاستاذ

يشرح وهوما دايرين الكيتمان ويستغلوا؟ .....هههه هدي راهم زادو فيها شوي والله ماحقهم حنا على الاقل قاعدين نشايخو ساعاة على ساعة تقولنا اسكتو ونتبعو شوي ....مي كي اجي للواقع والله تحتاجيه وتغيضك روحك كامل عندهم وانتي لالا وتبداي تقولي انا واش يخصني حتا ماعنديش وووووواكيد ما ترضيهاش لروحك ..حاجة باينة

خليك من التقليد واش راهم يديرو والتهي في قرايتك وطيعي والديك تنجحي في الدنيا

والاخرة وربي يرضى عليك ....ان شاء الله احتي يارب ارضى علينا اجمعين

ربي يحفظك ويسترك ختي من فتن الدنيا
.....آمين وجميع بنات المسلمات ......
نتمنى ما نكونش طولت عليك
لالا بالعكس فرحت بزاف بردك واستمتعت بيه
في امان الله :shay:

حفظك الله وشكرا للمرور الرائع
 
صح
بصح وين تخبيه عند صاحبتها ؟؟؟
ديما كاين بنات السوء ...

اهلالالالا
والله ماوحدة مازوج نعرف بزاااف بنات مدايرين بالخفية وماتخبيهش عند صحبتها تخبيه عندها ديفوا في ساكها تحت سريرها داخل لمخدة تحلها وتخبيه في الصوف هههههههههههه ام شواطن :eek:i-o::eek:i-o:ماتقدرش عليهم المصايب .....هادو ام لبنات تقفل عليها بسبع مفاتح وتخرج ههههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top