نتعلم لنبتعد على نقطة الجهل لا لنصل الى نقطة العلم

[homework]

مشكورة اختي على الموضوع الباهي
تلاميذنا يعانون من نقص الأهتمام و التشجيع من طرف الأستاذ والوالدين فهم يملكون قدرات خفية علينا تفجيرها بتعاون من المعلمين والاولياء فنجد الاب لا يسأل ابنه عن المدرسة او الدرس الا اوقات الأختبار و الأم تعتبر المدرسة كوسيلة لتخلص من فوضي التي يسببها ابنها فلا تسأله عن ماذا اخذ او ماذا فهم من الدرس و الأساتذة تختلف فنجد المشجع والمثبط
ما رأيكم انتم؟؟؟
العبارة هذي ماقنعتنيش
هل انت مع او ضد هادي العبارة؟؟؟ ضدها تماما

هل تظن ان اولادنا نعطيهم القسط الكافي من العلم ؟؟؟لا نحن السبب في فشل أبنائنا

هل نحن نساعدهم على استخدام قدراتهم بالشكل المثاالي؟؟؟ طبعا لا فالاشخاص متساوين القدرات في النظر و السمع و الفهم فكيف نجد القاري و الجاهل لا نتسبب فكم من فقير اصبح دكتور وكم من معوق اصبح من المتفوقين فنحن لا نشجع اطفالنا على تفجير مواهبهم وطاقاتهم

لما عاد اولادنا لا يأبهون للمعدلات العالية ؟؟ ويكتفون بنقاط متوسطة
لانهم ليس لديهم اهداف يريدون الوصول اليها يهمهم الأنتقال فقط

 

[حفيد هواري بومدين]

السلام عليكم
يعني من الموضوع
انا نقول العبارة صحيحة
القضاء على الجهل لا يكون حتما انا رايح نوصلو لنقطة كبيرة من العلم
وكي نبعتو اولادنا للمادارس كيما ربي خلق الجنة بطابقات اولادنا تانا في عقولهم درجات
يعني كل واحد وكيفماه
وربي يوفقهم ان شاء الله

 

[pitcho-mitcho]

سلام
وش راح نقول لاختي
احنا كل شيء في بلادنا رجع بالمقلوب
التلميذ ما بقاش يهمو يقرى ولالا
ومام المعلم ما بقاش يعمو يفهم التلميذ ولالا
وهذا لي شايفينو وعارفينو
واذا رجعنا للاسباب بزاف منها الاهتمام والنصح والتوعية من جهة ومن جهة اخرى
الطفل يكون صغير عندو لهفة للدراسة
مي منين يكبر ويلقى لي كبار عليه كملو قرايتهم مي المستقبل قدامهم ضباب لا خدمة لا والو
يعني حياتو كملها في القراية باطل
يرجع يقول ماكان لاه نقرى منين المصير تاعي رايح يكون كيما هكذا
و هذا رايي
والسلام عليكم​

 

[مابقاش بزاف.Dz]

اهلا بك في هذا القيم و مشكور على الطرح برايي فقد وفقت فيه لانو تناول قضية مهمة الان
هو كلامك صحيح من جوانب فقط
ما رأيكم انتم؟؟؟
رايي انو هاد العبارة ليست مقنعة الى الحد البعيد لانو الطلبة او التلاميذ تاعنا فالجزائر فيهم و عليهم ان صحت العبارة ماشي الاغلبية حابين يوصلوا الى اسمى مراتب في كل العلوم و انما كاين قلة تحوس تقرا من اجل العلم و حبا فيــــــــــــه يعني هنا بلا ما نعمموا الفكرة
هل انت مع او ضد هادي العبارة؟؟؟
اكيـــــد ضدها تماما اذا سمعوها متلا تلاميذ الابتدائي راح يتناولها كشعار في مرحلة حياتهم الدراسية و هذا راح ينعكس سلبا على تحصيلهم
هل تظن ان اولادنا نعطيهم القسط الكافي من العلم ؟؟؟
لالا اكيـــــــد للاسرة و الاساتذة دور فعال في دفع التلاميذ لان يحصلوا اكتر و يعطوهم كل ما يساعدهم في التحصيل الايجابي للارتقاء بالمستوى نحو الافضل الا انو من ناحية لازم اتلميذ كذلك تكون عنده قوة الارادة و العزيمة باه يصل الى نقطة العلم من اجل العلم و ليس فقط من اجل الابتعاد عن الجهل
هل نحن نساعدهم على استخدام قدراتهم بالشكل المثاالي؟؟؟
برايي لا الا من رح|ــــــــــم ربي ما عندناش الوعي في هاد الجانب المهم و هو دفعهم لاستخدام قدراتهم بالشكل الصحيح و المثالي نظن مازالنا ناقصين بزاف حوايج
لما عاد اولادنا لا يأبهون للمعدلات العالية ؟؟ ويكتفون بنقاط متوسطة
و هذا هو الي كنت نذكر فيه في بدايـــــــــــــة كلامي و هذا سببه اللامبالاه و غياب التنافس الي كان ايام زماـــــــــــن اصلا درك ماكانش التشجيع على التفوق اكتر الان رافدين في عقولهم انو يطلع و خلاص هاديك هي
ان شاء الله ربي يصلح احوال التعليم في بلادنا