كاين منهم في الولاية تاعكم ؟؟ هاو راسي داخ ههه

[EL General]

ايه انا وحدة تقرا في لافاك لي نقرا فيها ثاقبة خشمها
مين تعدي عليا نبقا نشوف
نقول كيفاه تحملت الثقبة هذيك
عيش تشوف

مممممم الله لا تربحها هادي الإنسانة لي ثاقبة خشمها ههههه معلابالهاش بالعواقب ؟
وي و خاصة كي يعدو عليك تقول نشوف في شيطان و الله
وي عيش تشوف
شكرا ع المرور الجميل
​

 

[EL General]

لا جامي شفت كيما هاذي الااشكال
وانا نقول كل هاذ شئ السبب نتاعو نقص الوازع الديني
ربي يهدينا ويهديهم اجمعين
مرسي على الموضوع
​

الله يحفظك نشاله و متشوفيهمش هههه لوكان تشوفيهم اكيد تتقياو هههه
وي السبب كيما قلتو التهور الديني و خاصة عدم النصائح من الوالدين
آمين يا رب
و عفوا
شكرا ع المرور جميل
​

 

[EL General]

سلام
مزال مافاتش عليا هذا المودال ،بلاك نتوما جاكم من الحدود ههههه بصح كاينين منهم جاب لي ربي يقولوهم الايمو على كل حال الله يحفظنا ويسترنا من هادو العباد الفاسدين كيما قال عثمان عريوات هههههه ، جو بريفار نقعد هكا عروبي ونعملش في عمري هكا
بارك الله فيك مستر ماردونا على حكاياتك المشوقة ههه وسولي على ناس تبسة​

​

ههههههههههههههه وي خويا لعزيز تقدر تقول جاونا من لحدود تونس هههه
ربي يحفظنا ا خويا لعزيز و نشاله منزيدوش نشوفوا اشكال كيما هادي في بلادنا
ربي يخليك على الرد
شرفتني
​

 

[EL General]

جازو عليا بزاف لي تاقبين وجوههم و دايرين لمناقش و لحكل في عينيهم وفمهم , كاين وحد لعباد يسكنوا غير قدمنا عاملين هكداك واللباس الديالهم الله يسترنا غير لحدايد ونجمة داود ...هوما عبدة الشيطان والعياد بالله منهم والله ماتقدر تخزر فيهم نخاف ربي في بلاصتهم
الله يعافينا
وشكرا.

​

هاو نشاله ميزيدوش يفوتوا عليك ا سوسن ههههههههه
العياذ بالله منهم
ناس ربي سخطهم بعدم المسؤولية و الله
شكرا ع المرور
عطر
​

 

[EL General]

ياو واش نحكي واش نخلي العاصمة مليانة بيهم من هذاك المنشط نتاع جانبو إلى ولاد السويام والليسيات ولا روحت للجامعة في ماركان ما شفتش هكذا
ساعات نقول بلي ما زلني ل ثمة وساعات نقول هاذو مسلمين ولا بطلو

وي صح معاك حق خويا لعزيز العاصمة معروفة ياسر بالمواقف و الأمور لي كيما هادي لي تحدث و أكيد يكونوا فيها الصنف هدا مي نقولوا ربي يسترنا و منزيدوش نشوفوهم برك ا خويا لعزيز ربي يخليك على الرد نورتني و الله و ان شاء الله نشوفوا جديدك في المنتدى
​

 

[EL General]

يا خي كوارث
راهم يخلعوا
الله يهدي ما خلق

ههههههههههههههههههههه كوارث طبيعية في المجتمع هههه :scared:
وي يخلعوا تع الصح سيغتو كي يكون ضابط روحوا و قاتلاتو الرجلة تع الصح
ههههههههههه
آمين يا رب
شكرا ع المرور
جميل و عطر

​

 

[EL General]

الحمد لله ... مازال ما فاتش عليا واحد كيما هذا .... ربي يحفظنا .....

و يحفظك خويا لعزيز شكرا على الرد و الله نورتني
و ان شاء الله منزيدوش نشوفوهم هههه نتهناو منهم برك
مرسي ا لعزيز :shiny:
​

 

[EL General]

ههههههههههه


وش تحب الدير هذا حال و حوال

راني كل يوم نشوف فيهم بالعشرات ما نعرف منين راهم يجيو

​

ههههههههههه وي صح ا خويا حسام تحير منين راهم يجيو ههه
يمكن من تحت الأرض ههههههههه
وش تحب ا حسام خويا هادي هي الأحوال و الدنيا منقدروش نتحكموا فيها
يعطيك الصحة على الرد نورتني ا الغالي
سلامي :shay:
​

 

[EL General]

وي شفت تاع اللي معجب بروحو و داير في فمو و نيفو و راسو بصح اسكو تاقبهم ولا غي ابان و الله ماعلابالي بصح كي كنت نقرا في دزاير كاينين و وهران تاني و في تيارت تاني وحد الستيل ماعلاباليش كي داير قاع

وي يكثر الستيل هدا في مناطق الوسط و الشمال و شويا برك في الشرق
ربي يعافينا منو على كل حال
شكرا ع المرور
جميل
​

 

[EL General]

عندنا وحدة في كارتينا مثقوبة بكلها
في البلايص كامل
و شعرها ربي لا يشوفكم !
الوان ربي كامل فيه
و نحير فيها هادي ماعندها حتى واحد يحكم فيها
والله انا نشوفها نحشم و هي والو !
ربي يهديهم و يهدينا
و مام في تبسة فاتت عليا وحدة فلاناكس
حتى هي ايمو زعما ^^
سلآآآآآآم
​

هههههههههههههههه و الله يا وش يضحكوني الستيل تع الإيمو
منعرف منين خرجوا و كيفاش جاو للدنيا هادي ههههه
شكرا على المرور
​

 

[EL General]

الله يهدي ما خلق

أنا شفت وحدة ثاقبة قاع أذن نتاعها يا لطيف عععععع

تعيف صح
​

اهلا منيني اختي لاباس ؟
وي الله يهدي ما خلق و خاصة ثقب الأذن ييييععع منتحملوش ههههههههه
شكرا ع المرور
نورتي المكان :showoff:
​

 

[EL General]

هذوك العباد نتاع خالف تعرف يعني داير روح حالة باش يكون حاجة سبيسيال في المجتمع الجزائري يلوكان على حساب دين نتاعنا سبحان الله انا جامي شفت سيرك كيما هذا مي لي داير تكالي كاين بزاف مفهمتش واش من دين يتبعوا فيه ’ التطور ماشي في العناد في التهريج التطور في العناد في الاختراع و القراية

ووواش تحبوا ياو هادي هي الدنيا و عيبادها يديرو كيما يحلالهم
مايفكرو في الناس يقولو عليهم حاجة ما والو
شكرا ع المرور

​

 

[EL General]

وعليكم السلام
وي مام حنا عندنا المودال هدا هههه الي خارب ودنو وعينيهم كحلوالشعر 2m مطلعو فسما وسروال طايح ومقطع
جابلي ربي يقولوهم الايمو
ربي يهدينا اجمعين
مرسي خويا ارمندو

وي هداك هو بذات ستيل نكرهوا و الله
ربي يعافينا برك يا اختي
عفوا
شكرا ع مرورك
شرفتي :shiny:
​

 

[kariim]

أمين يـــــــــــارب
​

 

[souhila_95]

أنا ماشفتش واحد أنا شفت المئات منهم كثرو الله يحفظ ويستر حنا في ليسي نتاعنا كثرو عندنا واحد المخلوقات غريبة يخلعو ويبهدلو ويخبثو القلب وللأسف جنس بنات تاني منهم

 

[Ice Queen]

رانا روطار في الولاية تاعنا مازال ماوصلتش
شفنا لي سابغين شعرهم بالابيض والاصفر ولي دايرين مناقش في وذنيهم مي كيما هادي الحالة مازال ما لحقتناش.
​

 

[zahira92]

mazal machethach hna
​

 

[EL General]

أمين يـــــــــــارب
​

سبحانه و تعالى
شكرا لك اخي كريم على المرور
نورت
​

 

[EL General]

أنا ماشفتش واحد أنا شفت المئات منهم كثرو الله يحفظ ويستر حنا في ليسي نتاعنا كثرو عندنا واحد المخلوقات غريبة يخلعو ويبهدلو ويخبثو القلب وللأسف جنس بنات تاني منهم

هههههه ربي يهديهم برك هدا ما نطلبوا من ربي سبحانو
وي كثرو في الليسيات خصوصا
شكرا ع مرورك
​

 

[EL General]

رانا روطار في الولاية تاعنا مازال ماوصلتش
شفنا لي سابغين شعرهم بالابيض والاصفر ولي دايرين مناقش في وذنيهم مي كيما هادي الحالة مازال ما لحقتناش.
​

هههههههههههه و الله غير يحبكم ربي انتوما بعد عليكم البلاء :shay:
شكرا جزيلا ع المرور

​