شخشوخة الحليب أو الرفيس

oumniati

:: عضو بارز ::
أحباب اللمة
إنضم
29 جويلية 2011
المشاركات
2,646
نقاط التفاعل
10,508
النقاط
111
أكلة ساهلة وبمكونات بسيطة بصح بنيييينة
أولا نحضر الكسرة
سميد وملح وشوية برك زيت ماتجيش مبسسة، ويمكن الاستغناء عنه
لمي بالماء واعجنيها وطيبيها حاجة باينة ههههه
فتتيها قطع صغيرة
سخني الحليب مع شوية ملح ،ماتنسايش بللي الكسرة فيها الملح
ثم اضيفي قطعة كبيرة زبدة، كي تذوب، فرغي الكسرة وحركي باستمرار على نار هادئة
كي تشوفي الكسرة ولات طرية يعني وجدت
خليها دقائق تلبي وتناوليها بالصحة والهنا

ملاحظة
كي تغليها وتطيب خليها شووية جارية راهي تشرب هذاك لحليب
الكسيرات الصغار داروهم لبنات ههههه:sheer:
 

المرفقات

  • IMG_3423.JPG
    IMG_3423.JPG
    381.6 KB · المشاهدات: 1
  • IMG_3425.JPG
    IMG_3425.JPG
    322.3 KB · المشاهدات: 1
  • IMG_3424.JPG
    IMG_3424.JPG
    264.1 KB · المشاهدات: 1
  • IMG_3426.JPG
    IMG_3426.JPG
    267 KB · المشاهدات: 1
  • IMG_3428.JPG
    IMG_3428.JPG
    309.2 KB · المشاهدات: 3
مممممممم حنا نسميوها الزريgة (الزريقة) يعني القاف و نزيدولها نقطة من فوق ههههههههه
شهيتيني فيها.... برك اضافة حنا الحليب نزيدو فيه البصلة ذيول و جي مممممممممم
بارك الله فيك
 
ya3tik saha tchahi hna nfawroha
tari9a ta3ak sahla njarabha inchaalah
 
يعطيك الصحة على الوصفة امنياتي بصحتكم تبان بنينة
 
اول مرة نشوفها امنياتي
بصحتكم ويكتا تكلوها
 


ام الافكار هههههههههه عجبتني خير من تكسار الراس
يعطيك الصحة امنياتي وبصحتكم

 
هايلة يا خيرة
بصحتكم
 
عمري ما سمعت بيها امنياتى بصح راهى تبان بنينة
 
وصفة جديدة عليا
باااينة تهبببل
معليش نديرولها السكر في بلاصة الملح
انا راني نيماجيني فيها بالسكر راح تجي هاااايلة (نموت على السكاكير ههه)
 
اول مرة نشوفها
يعطيك الصحة
هايلة

 
تبان هايلة يعطيك الصحة....لكن انا اول مرة نسمع بيها ونشوفها
انشاء الله نجربها
 
يعطيك الصحة حنا نديروها للمرأة النافس
 
السلام عليكم ورحمة الله وبركاته
اوووووه لازم شعار تميز امالا:showoff: هههههه الغالبية مايعرفوهاش:schmoll:
هاذي وقت فات نديروها للعشا، نهار كان العبد مايتشرطش:scared:، اما نخبزو الكسرة جديدة، او نفتتوها صابحة وهنا صح كيما قالت ام سامي نفوروها
بصح ضرك غير مااااااااارة في الزمان نتفكروها، راحت ايام زمان تديرهالنا أمي نوليو نكرطو الكاسرونة:eek:i-o:

صفصوفة واش من سكاكر:eek:_o: ميش باين ههههه انا نعرفها مالحة ، اذا جربتيها حلوة قوليلي نديرها أوبسيون هههههه:shiny:

كاين اللي مزالو يديروها في العرس كي يكونو رايحين يديو الكبش للعروس

وكاين يديروها وجبة للصغار تاع عام وزيادة تجيهم ساهلة للماكلة

ان شاء الله تجربوها
 
وصفة جديدة وتبان هايلة
يعطيك الصحة
 
يعطيك الصحة حنونة فكرتيني فيها طيبتهالي ماما كي نفست .
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top