حجابي عن اللي مايعرفونيش برك..=)

حالمة بالجنة

:: عضو بارز ::
أحباب اللمة
إنضم
12 ديسمبر 2009
المشاركات
1,020
نقاط التفاعل
50
النقاط
37
السلاآآآم عليكم ورحمة الله وبركاآآته

كيف أحوالكم ناس اللمة لحباآآآب

ان شاء الله تكونوا بألف خير

كآآش برد..كاش شتاآ ولا ثلج؟

ربي يحفظنا ويحفظ اللي عايشين في براآ في هاد الوقت
طبعاآ مع دراستي وراني درت فرضين (رياضيات وفيزياء)جيت ندور في اللمة هههه تقول ديت عطلة:sheer:
..

المهم
كاااين وحد الظاهرة اللي يعتبروهاآ الجزائريين عااادية
يمكن كاين اللي ما ياخدوش بالهم منها
اممم مسألة الحجاب بين ولاد العم والخال والعمة والخالة و..و......
إحنا في الجزائر وبعد مشاهدتي لعديد من الأمثلة بهاذ الخصوص

ولا أنكر أنها موجودة في عائلتي

نظنوا أنو الحجاب على اللي غراآب علينا برك

يعني اللي ما نعرفوهمش...اللي تربى معاآنا ويكون ولد خالتي ولا ولد عمي ولا...
ما نديرش قداآمو =)

وهناآك عدة حالات...كاين اللي عن جهل يعملو هاد الشي

..وكاين اللي تقولك "ولد عمي متربية معاه طول حياتي ما
نقدرش كي نكبر ندير الحجاب عليه" ....
لكن لما فرض الحجاب فرض علينا امام كل اللي ماش من المحارم نتاعناآ

وقول الله سبحانه وتعاآلى يوضح كل شيء

قال الله تعآلى :
وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّامَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ ¨َ زِينَتَهُنَّ إِلَّالِبُعُولَتِهِنَّ أَوْآبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أوْ نِسَائِهِنَّ أَوْ مَا مَلَكَتْ أَيْمَانُهُنَّ أَوْ التَّابِعِينَ غَيْرِ أُوْلِي الْإِرْبَةِ مِنْ الرِّجَالِ أَوْ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ(31). النور.

وأنا هاد الشي نشاهده أيضا في الأعراس وكيما يقولوا العاآئلية منهاآ
ينحيوا الحجاب عادي
..........
إذن
واآش رايكم في هاد الظاهرة؟
وهل هي موجودة عندكم في عوائلكم؟
إذا كانت الإجابة "نعم"
فأظن أن هنا يأتي دورنا في توعية عوائلنا بهاد الشيء

=)
دفووووو رواحكم مليح
icon10.gif

ومرة على مرة تفكروا الناس الحافية واللي تمشي في برا في هاد البرد
ولله الحمد
..
ربي يحفظكم
في أمان الله
 
أهلا بيك حالمة الجنة
ربي يدخلك للفردوش العلى
صح هذ الظاهرة كاينة ومنتشرة بزااااااف
أنا نرجعها للجهل، يعني تبالهم كي فلان ولد عمها ولا عايش معاهم نورمال ماتتحجبش عليه ...
بصح المشكل يبقى في طريقة التوعية وكيفاه توصل الوحدة المعلومة لوحدة ؟؟؟
ياخي شتي النمسا تاعنا كلمة زوج تقلك واش تفتيو علينا وتلعبو فيها وحرمتو كلش ووو الهدرة هذيك هههه

يعطيك الصحة على الموضوع الباهي ...
 
شكرا لك على الموضوع ودفي روحك انتي على البرد تاني
وربي ينجحك في قرايتك
بالنسبة للموضوع نورمالمو البنت تتحجب على كل واحد غريب عليهم ومهما كان وليد العم قريب ليها ولا متربي معاهم لازم تدير حجاب قدامو
انا مثلا حجابي ننزوعو قدام والديا وخوتي هدا مكان
والله واش نقولك لبنات بعدو بزاف على الدين خاصة في امور اللبسة
شكرا ليك
 
baraka allaho fiki

klamek sah
 
السلام عليكم
و الله غي موضوع هادف و مليح و يعطيك الصحة و ربي يجازيك
و ما نكدبش احانا في لافامي نووووووووووورمال كيما قلتي و نزيدك المشكل حتى في البلوك تاعنا نورمال مين متربيين مع بعض نخرجو في البلوك هكاك و نتلاقاو نورمال
 
انا صراحة قدام ولاد عمامي وخوالي مانتحجبش
اما لعراس حنا ماعندناش الاختلاط خلاص

أنا تبالي ماكاش في دزاير كامل لي راه يتحجب قدام العايلة الا قليييييييييييل
 
يعطيييك الصحة ختي
راكي قلتيها أغلب الجزايريين هكدا و كيما قالك سفيان لوكان نقولولهم يبداونا بالكلام اللي يفشل راكم تفتو .... :schmoll:
و اللي تحبسلي مخي : واش فيها ? كنتي صغيرة و كان يرفدك و يلعب معاك و ولادو راهم قدك واليوم طولتي شوية وليتي تحجبي منو و ما تسلميش عليه :sad: :sad: :sad: :sadwalk:
يآآآآ ربي لحقنا ليها اللي شاد فالدين كي اللي شاد جمرة
يا ربي ثبتنا على الدين و توفانآ و نحن مسلمون

+++
 
أهلا بيك حالمة الجنة
ربي يدخلك للفردوش العلى
صح هذ الظاهرة كاينة ومنتشرة بزااااااف
أنا نرجعها للجهل، يعني تبالهم كي فلان ولد عمها ولا عايش معاهم نورمال ماتتحجبش عليه ...
بصح المشكل يبقى في طريقة التوعية وكيفاه توصل الوحدة المعلومة لوحدة ؟؟؟
ياخي شتي النمسا تاعنا كلمة زوج تقلك واش تفتيو علينا وتلعبو فيها وحرمتو كلش ووو الهدرة هذيك هههه

يعطيك الصحة على الموضوع الباهي ...
وبك سهلاآآ
السبب هذا هو الأكثر على الغالب
ايه هيّا الصح
ههههه يمكن تلقى هاك ويمكن تقولهالك فيه اداك الوقت لكن اكييييييد رح تفكر فيها
انا اكتشفت حاجة انو المجتمع تاعنا مالازمش تجيه بالمنطق..بالعكس بالجانب الروحي...يعني يكفي تذكرله النص القرآني ولا الحديث وتشرحهولوا رح يتعظ
حتى إذا قالولك داك الكلام (كيما قلت) هي امامك برك لكن أكيد رح تفكر فيه
المهم الواحد يدير اللي عليه برك =)
 
شكرا لك على الموضوع ودفي روحك انتي على البرد تاني
وربي ينجحك في قرايتك
بالنسبة للموضوع نورمالمو البنت تتحجب على كل واحد غريب عليهم ومهما كان وليد العم قريب ليها ولا متربي معاهم لازم تدير حجاب قدامو
انا مثلا حجابي ننزوعو قدام والديا وخوتي هدا مكان
والله واش نقولك لبنات بعدو بزاف على الدين خاصة في امور اللبسة
شكرا ليك
العفو ...شكراآ لك أيضا
إن شاء الله سأقوم بذلك =)
اللهم آمين...أجمعين إن شاء الله
ايه هادي هيّا
معك حق في هذا...وجزيت خيراآ عليه
ربي يهديناآ =)
العفو مرة أخرى
الشكر موجه لك على الرد والمرور الراآئعين
 
وبك سهلاآآ

السبب هذا هو الأكثر على الغالب
ايه هيّا الصح
ههههه يمكن تلقى هاك ويمكن تقولهالك فيه اداك الوقت لكن اكييييييد رح تفكر فيها
انا اكتشفت حاجة انو المجتمع تاعنا مالازمش تجيه بالمنطق..بالعكس بالجانب الروحي...يعني يكفي تذكرله النص القرآني ولا الحديث وتشرحهولوا رح يتعظ
حتى إذا قالولك داك الكلام (كيما قلت) هي امامك برك لكن أكيد رح تفكر فيه
المهم الواحد يدير اللي عليه برك =)


أهلا بيك حالمة
أنا عكسك ، نشوف بلي الناس تاعنا لازم تجيهم بالواقع والمنطق
لأنو الإنسان كي يكون قلبو مريض أقراي عليه حتى 60 حزب ماهوش راح يتعظ ....
 

أهلا بيك حالمة
أنا عكسك ، نشوف بلي الناس تاعنا لازم تجيهم بالواقع والمنطق
لأنو الإنسان كي يكون قلبو مريض أقراي عليه حتى 60 حزب ماهوش راح يتعظ ....
وبك =)
أممم يمكن ...أنا قلت على حساب ما شفت
وطبعا لخبرتي القليلة نرجحوا رأيك =)
نسيي في وحدين ونرجعلك الخبر ههه =)
ربي يهديــناآ ويقدرناآ =)
وربي يلين قلوب الناآس اللي ما تخشعش عندما يقرأ القرآن عليهم
شكراآآ لك على مداخلاتك
مسرورة بذلك..وجزاك الله خيراآ
 
السلام عليكم
و الله غي موضوع هادف و مليح و يعطيك الصحة و ربي يجازيك
و ما نكدبش احانا في لافامي نووووووووووورمال كيما قلتي و نزيدك المشكل حتى في البلوك تاعنا نورمال مين متربيين مع بعض نخرجو في البلوك هكاك و نتلاقاو نورمال
وعليكم السلاآم ورحمة الله وبركاآته
ولك بالمثل=)
أمم أكييد حتى حنا عندناآ هادي
لكن ماهوش من الدين تاآعنا
ووحتى إن كان تطبيق هاد الشي صعب
فلازم بشويا بشويا
وربي يقدرنا ويهدينا =)
كلما زادت المشقة كلما زاد الآجر بإذن الله
شوووكرن لك هبة على المرور
=)
 
يعطيييك الصحة ختي
راكي قلتيها أغلب الجزايريين هكدا و كيما قالك سفيان لوكان نقولولهم يبداونا بالكلام اللي يفشل راكم تفتو .... :schmoll:
و اللي تحبسلي مخي : واش فيها ? كنتي صغيرة و كان يرفدك و يلعب معاك و ولادو راهم قدك واليوم طولتي شوية وليتي تحجبي منو و ما تسلميش عليه :sad: :sad: :sad: :sadwalk:
يآآآآ ربي لحقنا ليها اللي شاد فالدين كي اللي شاد جمرة
يا ربي ثبتنا على الدين و توفانآ و نحن مسلمون

+++
يسلمك حنونة =)
ايه والله ههههههه مجربتها لكن نديروا اللي علينا
ربي يغفرلنا ويغفرلهم ويهدينا =)
مرات تتنارفاي تع الصح =)
ربي يقدرنا
ههه ايه يقولوا هذي قلة حيا كيفاش كبير عليك وما تلسلميش عليه ههههههه
والله انا جدتي تقتلني لما تقولي قلة حيا هههه
ايه والله...ربي يقدرنا يااارب =)
اللهم آميييييييييييييييييين
شووكرن لك حنونة على التقييم
وربي يسلمك على حضورك العطر
ربي يهنيك
 
عذراآ إذا خلطت في ترتيب الرد على الردود
تلفتلي =)
ربي يحفظكم
 
ههههههههههههه c vrai انا و الله مانتحجب كي نكون في دار جدتي مالغري ولاد خوالتي كبار عليا نوووووووووورمال قدامهم ربي يهدينا و الله توالفت هاكدا
 
ههههههههههههه c vrai انا و الله مانتحجب كي نكون في دار جدتي مالغري ولاد خوالتي كبار عليا نوووووووووورمال قدامهم ربي يهدينا و الله توالفت هاكدا
أهلا بملكة جماآل اللمة
أمم ربي يهديناآ كامل
واحد ماره مثالي حتى أنا
لكن نطبقوا شرع ربي..خصوصا إذا علمناآ بذلك لأننا رح نتحاسبو عليه
وشكراآآ لك حنونة على المرور
ربي يوفقك
 
ايه هذي شايعة بزاف في الدزاير ما يعطولهاش أهمية

انا بنات خالتي و خالي ما يتحجبوش عليا و حتى يسلمو عليا نورمال على جال هذي وليت نحشم نزورهم

مشكلة الرجال اللي ناقصين ايمان كون يشوف بنت خالتو تحجبت عليه يفهم النقص و يقلب الدنيا

ربي يهديهم و يهدينا ان شاء الله بارك الله فيك أختي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top