الفايسبوك ولا اللمة ؟؟؟

كل واحد الهدف نتاعو من النت واش يكون زكل واحد التخمام و العقلية نتاعو كيفاه .. انا عن نفسي من رواد الفايسبوك و نعرف كيفاه نخدم بيه و فيه هاكدا مانوصل الناس مايوصلنيش زيد والله الفايسبوك ناقص فيه المكر و التنيفيق عكس المنتديات كل واحد و على طبيعتو فالفايسبوك خاصة ادا كان باسمو و نفمتو يعني اوفيسيال ماش متخبي ورا اسم ونقمة خاطياتو ....​
 
صح مافيهمش الرقابة بصح راني نهدر على الفيس بوك فيه حوايج ملاح أنا أصلا ندخل للفيسبوك على جال االنكت برك
 
الفاسبوك بالنسبة لي يبقى للتسلية وانا نفضل اللمة على الفاسبوك
 
انا لحد الان الفايسبوك مافهمتش الفايدة تاعو واشنو هي
كنت دايما نسمع الناس يهدرو على الفايسبوك قلت والله غير ندير فايسبوك ونشوف واش راهم يديرو فيه
ايا كي درت لقيت واحد التفاهة وقلة ادب عمري في حياتي ما شفتها
الله غالب ناس فارغة شغل ماعندها ماتدير تقعد تجوز وقت معاه
وبيانسور نقعد في اللمة ومانروحش للفايسبوك.


حسب ماسمعت يا حنونة لعملوا لفايسبوك هما جماعة من الطلاب الجامعيين لتبادل الافكار والمعلومات
ولاو المتخلفين هادو تاع العالم الثالث عملوه كي الكوري غير ارواح وادخل برك اضحك وتمصخير وتعقاب وقت
وخلينا من السبان والشتم في بعضاهم تاني مدايرين دي زيكيب وديباج وديقروب ومانعرف وش
وبالنسبة ليهم فخرة
تحيا جماعة اللمة​
 
مشكورة اختي على طرحك الموضوع

عجبني كثير وهو يتماشا مع المجتمع

لدي اقتباس فاقول لك ان حالنا اصبح يرثا له

فان انت لا تتماشى مع شيء عصري

لا يجلب صوا تضييع

فانت متخلف

او كما يقولونها بلغة الشوارع لا داعي لذكرها

انا الان اصبحت لا احبذ الفيس وما يشبهه

الا اذا كان مجال استعماله لشيء نافع

وبتجربتي له مدة 3اشهر

فهمت ان الموضوع كله سوء ووهدر للزمن

صحيح ان له ايجبيات ولاكنيغلب عليه الاشياء السلبية اكثر

تقبلي مروري ولي العودة باذن الله

شرفتينا ختي
شكرا على ابداء رايك​
 
صح مافيهمش الرقابة بصح راني نهدر على الفيس بوك فيه حوايج ملاح أنا أصلا ندخل للفيسبوك على جال االنكت برك

هههههه فايسبوك النكت هي مليحة ساعة ساعة تنحي على بالك صح
 
كل واحد الهدف نتاعو من النت واش يكون زكل واحد التخمام و العقلية نتاعو كيفاه .. انا عن نفسي من رواد الفايسبوك و نعرف كيفاه نخدم بيه و فيه هاكدا مانوصل الناس مايوصلنيش زيد والله الفايسبوك ناقص فيه المكر و التنيفيق عكس المنتديات كل واحد و على طبيعتو فالفايسبوك خاصة ادا كان باسمو و نفمتو يعني اوفيسيال ماش متخبي ورا اسم ونقمة خاطياتو ....​

يا اختي هادي لي طلعلي الدم وتغزلني
تاع يدير فايسبوك واحد اوخر يتمصخر بالناس بيه وتاعو اوفيسيال
تقولي عليه ناس ملاح ولا بنت فاميلية
وهي مدايرة لعجب
الور تاع لي بيراتي لفايسبوك ويدير بيه حالة

شكرا للمرور​
 
bon 1
le sujet تاعك هايل عجبني بزاف
انا اصلا contre اي شخص تفوت عليه 2 ساعات في face book . و net الا ادا كان يقضي شغل !
وانا عن نفسي نفضل اللمة . اما بالنسبة للفيسبوك جامي تعاملت بيه .
ومانعرف واش من سر عندو هدا الي gاعد يجلب فالغاشي كامل ليه
وفي الاخير النت يستعمل حسب نية الشخص في استعماله
مارسي
**
 
وعليكم السلآم

عندي الفايسبوك وعندي اللمة
ندخل للفايس باش نحكي شوية مع لحباب + pas
واللمة باش نحلل وناقش ههه وتاني باش نشوف حبابي وخبارهم ونستفادو ونفيدو...
مي نورمالمون للزوج ملاح وماشي ملاح ماكانش واحد خير من التاني
كامل عندهم سلبيات وايجابيات برك لازم نعرفو فاش نستغلوهم

يعطيك الصحة ختي

تحياتي
 
السلام عليكم
كيما يقولو : واش جاب الشوك لحب الملوك
bien sur واش جاب الفايس بوك للمة لا مجال للمقارنة
مانيش نقول هاك كي راني في اللمة مي هذي الصراحة
وابسط مثال الفايس بوك وكان ما تلقايش ليزامي تاعك ديكونكتي مي اللمة توجور مواضيع جديدة وعفايس جديدة
صحيتي على الموضوع تحيا اللمة
 
وعليكم السلام
صراحة انا راني نسيت الفايسبوك تماما راني غير مع اللمة
 
لحد الان مسجلتش فى facebook و ماش راح نسجل فيه واش لفرق بينه و بين الشارع واش الفرق بينه و بين المخدرات فى رايى ادمان و مضيعة وقت خاصة احنا مسلمين عندنا اوقات صلاة هكذا رانا مقصرين فى عبادتو و زيد نديرو facebook واش الفرق بينا نحن مسلمين و بين الغرب احنا نقلد و هوما يخترعو احنا نضيعو وقتنا فى هدرة فارغة و هوما راهم يحاولو كيفاه يسيطرو على عقل الشاب المسلم ...اللمة و لا facebook فليقولو انى متخلفة لانه بالطبع هو المتخلف ياتى يوم نسال فيه عن وقتنا اين ضيعناه ؟.هل نقول facebook و بلغة غير عربية؟ فقط اعبر عن رايى عن الموضوع
 
ندخلهم في زوج لكن نفضل اللمة على الافيسبوك ندخل خطرة في الزمان و ما نطولش بصح اللمة كل يووووووم
 
الحمد لله على كل حال

و طبعا ماكانش قد اللمة
 
bon 1
le sujet تاعك هايل عجبني بزاف
انا اصلا contre اي شخص تفوت عليه 2 ساعات في face book . و net الا ادا كان يقضي شغل !
وانا عن نفسي نفضل اللمة . اما بالنسبة للفيسبوك جامي تعاملت بيه .
ومانعرف واش من سر عندو هدا الي gاعد يجلب فالغاشي كامل ليه
وفي الاخير النت يستعمل حسب نية الشخص في استعماله
مارسي
**

اهلا بيك حنونة
وراني من رايك وركزيلي على 2 ساعات هادا راو انورمال عندو مالاد في عمود فقري كفاه 2سوايع مقابل هادا الصندوق والله عجب نعرف ناس تجيب ال5 والست سوايع
تحيا اللمة يحياو ناس اللمة وربي يحفظهم لنا
كاين سر كبير وراه هادا الفايسبوك لي هبل الناس

مرسي على مرورك ختي شرفتينا
 
السلام عليكم
كيما يقولو : واش جاب الشوك لحب الملوك
bien sur واش جاب الفايس بوك للمة لا مجال للمقارنة
مانيش نقول هاك كي راني في اللمة مي هذي الصراحة
وابسط مثال الفايس بوك وكان ما تلقايش ليزامي تاعك ديكونكتي مي اللمة توجور مواضيع جديدة وعفايس جديدة
صحيتي على الموضوع تحيا اللمة

يعطيك الصحة ختي هكا نستعرف بيك
هادي الهدرة الزينة
واش جاب الشوك لحب الملوك
يحياو ناس اللمة
 
لحد الان مسجلتش فى facebook و ماش راح نسجل فيه واش لفرق بينه و بين الشارع واش الفرق بينه و بين المخدرات فى رايى ادمان و مضيعة وقت خاصة احنا مسلمين عندنا اوقات صلاة هكذا رانا مقصرين فى عبادتو و زيد نديرو facebook واش الفرق بينا نحن مسلمين و بين الغرب احنا نقلد و هوما يخترعو احنا نضيعو وقتنا فى هدرة فارغة و هوما راهم يحاولو كيفاه يسيطرو على عقل الشاب المسلم ...اللمة و لا facebook فليقولو انى متخلفة لانه بالطبع هو المتخلف ياتى يوم نسال فيه عن وقتنا اين ضيعناه ؟.هل نقول facebook و بلغة غير عربية؟ فقط اعبر عن رايى عن الموضوع

عملتي مليح
ماعندنا مانديرو بالخرطي تاع الفايسبوك وتاع صحابو
ورايي من رايك
شكرا على المرور​
 
ندخلهم في زوج لكن نفضل اللمة على الافيسبوك ندخل خطرة في الزمان و ما نطولش بصح اللمة كل يووووووم

حالتك كيما حالتي وليت مانطولش ياسر على هاديك تنفعني غير اللمة
مرسي على المرور
 
اووووووووووووووووووووووووووووووووووووووووه

اللمة تتكلاسا هي 1 و بدون منازع

في الحقيقة عندي فيس بوووووووووووووك مي نلعب فيه المزرعة السعيدة برك هههههههههههه

فيس بوووووووووووووك=المزرعة السعيدة
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom